3 Njɔyn 1:7 - Ŋwàʼlè ə̀ Fèzhə̀ Mkâyn Mə̂ Fèm

⁷ O nə̂ nyi, kûmə̀ nə ghənə ə tə fɨ kwîə nə̂ ndûə èfɨ̀aʼ ə Klâyszè, nə̂ za, pomə̂ va tsàmtè mə ze ndò sê ghɨ ndɔ̀ʼɔ ghe pomə.

3 Njɔyn 1:7 Referans Kwoze

Etyə̂yn ə paynsêzè 2:3

M ke ndô nə ò nyiə kolə ə̀təm, fe ètsôs, ve tsɨ̀ə kə nyî kûmə̀ mi, pɔ va.

Kòlosè 1:24

M saŋnə̂ ndò zôyn kə m zɨə ngəʼ kûmə̀ ghàyn. Kə m zɨə ngəʼ nə zɨnə mə, mə mɨ̀sè zɨə ngəʼ ə Njisə̀s zɛ ə ze tè kyi sə̂ nyi ə vəyn ewìyn vɛ, ə ve nyi əghɨ̀ ghɛ ə ghe pomə sê vəyn.

2 Kolìŋ 12:13

Ə̀ nyi eghɛ echûŋ èkè zɛ ə m tè nə̀yn sê ndɛ sə Fezhə̀ sə mɔ̀ʼɔ ə tàʼa nə̀yn sê ghànə? Ghɛ zɛ ə m tè nə̀yn sê ghàyn nyì ke nə m tè pâʼà fɨmsê ghàyn sə̂ pfɨfə èkɛ se ghàyn. Ə nyi eghɛ e pize kə m tè nəyn, ghànə lɛ̀sə̀ fo mi!

2 Kolìŋ 4:5

Ghɛ zɛ ə ghàs ndàʼà vachi kûmə̀ sèngɨŋ sasse, ghàs ndàʼà nə Njisə̀s Klâys nyi Pɛ̂pɛ, è kɨsè nə ghàs nyi əghɨ ghayn ghe fɨaʼaghe kûmə̀ Klâys.

1 Kɔlìŋ 9:18

Mâʼtè zɨme za nyi nâʼà ghè? Mâʼtè zɨme nyi ke nə mə ndaʼà tom èchùŋ, pfɨfə va mâʼtèzè, nyiəmə, kiva fɨa vɛ ə fe nyi eluʼ vɨmve sə̂ kyi kə wùə vɛ ə è ndàʼà tom èchùŋ.

Ətefɨ̂aʼ 9:16

Mə nâʼà Mi è ngɨŋ zɨ̂m nə̀ tyə̂nə̀ se vəyn kyì ə ngəʼ zɛ ə è kyi se zɨ kûmə̀ Mi.”

Ətefɨ̂aʼ 8:4

Ghɨəpomə ghɛ ə ghe tè təle chyâsè tè ndùə pî ghayn, ndaʼà nduə kə tom èchùŋ.

Ətefɨ̂aʼ 5:41

Ghɨətom ə Njisə̀sghè ə ndò elùʼ nə vɛ, saŋnə kə nyi kûmə̀ nə Zhə̀fè ə fe nə ghənə ə kwəyn se kyîə eghomə̂ kûmə̀ ezə Njisə̀szè.

Njɔyn 15:21

Ə nə nə̂ ə̀ghɛ nə ghɨ̂yn sê ghàyn nâʼà ə̀kɨ̂m ə Mì ezə, kûmə̀ nə ghənə ke va wùə vɛ ə è tom Mi.

Ətefɨ̂aʼ 20:33

M paʼà tyəmə pə̂ kɔ̂ŋɔ̀ se kyiə ekɛ ə wùəvè kɨ̀sə sendzɨs.

Ətefɨ̂aʼ 20:35

Mə ə tyə̀yn sê ghàyn ə tendom tèkɨ̂m nə ə ghâsènì fɨ̀aʼà sə ŋaŋ famə endom, ə ghâsènì ə kyi sə tsâmtə̀ ə̀ghɨ ghɛ ə kyi va, ə kɛsə̂ kwaʼtə̀ ə̀ghɛ ghɛ ə Njisə̀s è ngɨŋ ə Vəyn tè pi nə, ‹Saŋnêzè nyi sê wùə vɛ ə è fo, tsɛ̂ kə e nyi sê vɛ ə è fiə kə ndô.›”

Filìpây 2:9

Zama, Zhə̀fè ə fo Vəyn è luʼve, ve ə nə̀ nə È və kɔʼɔ ndûə elùʼ engaŋtəve, ə fo Vəyn è zəze ze tsɛ̂ nâʼàpi èzə èkè.

3 Njɔyn 1:8

E za tyə̀nə̀ nə ghâsènì ghɨ ə pomə kyi sə̂ tsâmtə̀ tèkì tə ghɨ nə tɨnə nâʼà àchûŋ kə ghâsènì ghə̀ ghənə ə fɨaʼà se ndaʼà tom zɛ ə è nyì səmɔʼ.