2 Timotì 4:8 - Ŋwàʼlè ə̀ Fèzhə̀ Mkâyn Mə̂ Fèm

⁸ M lɨmtə kə èmâʼte ə endam ə chichi zɨmze zôyn. Pɛ̂pɛ ə̀ ghâsènì vɛ ə è saʼa ghɨ səmɔʼ tə fo èmâʼtè nə zɨ̂yn sê mi fumə fetuʼ. È tə fo kə va sê mi, È tə fo kəpî sê ghɨ ghɛ ə ghe tè lɨmtə pə ə Vəynze èkɔ̂ŋzè.

2 Timotì 4:8 Referans Kwoze

Njə̂m 1:12

Saŋnêzè nyì sê ghɨ ghɛ ə ghe wəynsə wiynve ə ghənə epomə̂ etyə̂ èmɔ̀m, kûmə̀ nə ghənə tsɨ̂yn mə ə tsɛ̀ mɔ̂m ətəynze, ə ghənə fi mâʼteze mə nyi endam zɛ ə ze tə mîə va ə Zhə̀fè tè tsɨ̀nè sê ghɨ ghɛ ə ghe kɔ̂ŋə̀ vəyn.

Etyə̂yn ə paynsêzè 2:10

Fekə! Kə ò nə fayn ètsôs vɛ ə ò njiə ndùə ətəyn. Ndə̂plè nə̂ nə ə kyi ghàyn yîghe ə ndəm ə ndɛ̂ chaʼ, ə̀ nyì ke emɔ̂m kə ze pə̂ sê ghàyn. Ghàyn nə fe ètsôs fu sə mtuʼ mghɨm. Mə ə nyi pî se zhwi ə ghàyn, ghàyn e samsə̂ kə ndò mi, ə m tə fo èndam zɛ ə ze tə mîə va sê ghàyn, ə̀ nyi àfɔ kayn kə tefɔ̀ynkè ə ke tyə̂ynə̀ nə ghàyn ə nò ə zhiə.

1 Pità 5:4

Ə ghàyn nəyn nyi, ə wùə vɛ ə è nyi tu ə sengyəynke tə kɛse pəyn pi etuʼ èkwə̀, ə è ndaʼ ghàyn è fɔ ə tefɔ̀yn ə kayntəke mə ke tə ndamə faŋə.

1 Pità 1:4

ə fɨyn kyi èghaʼ ekwùtwəyn kə Zhə̀fè ndə̀m mə ze vayn kàʼa ə ze fi, mə ze vayn kàʼa ə ze pof, mə ze vayn kàʼa ə ze chaʼ.

2 Timotì 1:12

Ə̀ za nyi eghɛ zɛ ə m zɨə ngəʼ endom nə vɨ̂yn. Pîza m pa ke kendò səmɔʼ nə, kûmə̀ nə m ke ndô wùə vɛ m samsə̂ vəyn, ke kendò səmɔʼ nə è nyi kàʼa e fɛte ndəm tom zɛ ə è tè fo sê mi se zaʼâ etuʼ ekwuŋsəve.

1 Kɔlìŋ 9:25

Wùə ènyɨŋə vɛ ə è nə̀ fɨ̂aʼ ə vəynze kyi sə̂ chûmtə̀ elwɔ̂ŋ enyɨŋəve. Ghənə nə̂ e nə̂ za se kyi emaʼte, ve va se ndamə faŋ, pîza ghâsènì nə̀ e nyi se kyî emaʼte vɛ ə ve tə ndamə faŋə.

Kòlosè 1:5

Ghàs ke ndô nə ghàyn nə̀ zamə kûmə̀ nə, ghàyn kwàʼtə̀ ndò ə ghàyn ətəm nə ghàyn tə kyîə ndò pɔsê zɛ ə Zhə̀fè tè ndə̀m sê ghàyn ekwùtwəyn. Ghàyn ə tə kàynè zɨ ghɛghe kûmə̀ èpɔsê nə zɛ mə, kə tè ndàʼa tom èchùŋ, è səmɔʼ sê ghàyn sə shi.

Etyə̂yn ə paynsêzè 1:7

Ghàyn fe kə, è vɛ è pə̂ əfètəyn sembàʼ, nâʼàpî ndè e nyi se fe vəyn, paʼsə̂ è ghɨghe əkɨ̂m ghɛ ə ghe tè so vəyn èghɔŋ. Nâʼà ə̀ghɨ ə̀kɨ̂m ə chi tə nə̂ ə chìə kûmə̀ vəyn. E nyi ke nâʼà səmɔʼ! ə zə nyi ke zamə.

Taytùs 2:13

kə ghâsènì lɨmtə è kwâʼtè elɨmtəze tuʼ fe kayntəfe kə pomsê ə Fezhə̀ fə ghâsènì fe ghaʼâfè è sɔ̀zà Njisə̀s Klâys tə pə̂.

Etyə̂yn ə paynsêzè 19:11

Mə fe èkwutwəynve mə ə chwìe, mə fe àkenyàm efɨfəkè fumə ə mì əshi. Ə tè tɔŋtə wùə vɛ ə è tè nyɨŋə etûə ə̀təyn nə, Fɨ̂aʼ e təmghe əkɨ̂m, è nə Pì səmɔʼ. È tè nyi chichi endom vɛ ə è saʼa ghɨghe ətəyn, è kɨsè endom vɛ ə è tè no ghɔŋze ətəyn.

2 Timotì 2:5

Wùə ènyɨŋə vayn kàʼa è nyɨŋ zhi ə̀ tsɛ̂ kə va mə è və ndə̀m saʼ te nyɨŋəte.

2 Timotì 4:1

Ə Zhə̀fè əshi è Klâys Njisə̀s vɛ ə ghənə tə saʼa ghɨ ghɛ ə ghe ndamə è ghɛ ə ghe nyi mə ghə kwu, è kɨsè nə Klâys pə̀ sə̂ nyi fɔ̀yn sê mbi èkɨ̂m, m pîə se ghò è tyaʼa nə,

1 Timotì 6:19

Ə ghənə nə̂ nyî, ə ghənə ə ndə̂mə̀ achiə ə ndɛke sê ngɨŋ sə ghənə̂sè, ə ghənə tə nəyn ə nyi kàʼa zhi ndamze, mə ə̀ nyi endam ə səmɔʼze.

1 Kɔlìŋ 2:9

Pîza kè kə nyâʼ ə ŋwàʼlè ə Fezhə̀ nə: “Ghɛ zɛ wùə tàʼa tyəmə fe, Pî se tyəmə zɨ, Ghɛ zɛ ə wùə tàʼa tyəmə kwàʼtè nə ze kaʼa ə ze kyayn ə̀ nyi zəynze ə Zhə̀fè nyi mə fə pɨaʼtê sê ghɨ ghɛ ə ghe kɔ̂ŋɔ̀ Vəyn.”

Etyə̂yn ə paynsêzè 22:20

Vɛ ə è tsàyn kə ghɛ ghɨ̀nə nə tè kyayn, pi nə, “E nyi səmɔʼ. M pə̂ kə zôyn!” ə zə nyi ke zamə. Pə ə Pɛ̂pɛ vâsvè Njisə̀s!

Etyə̂yn ə paynsêzè 4:10

chəʼ sɛ mghɨm pɛ̀ njòse kyàʼ ə tɨmə ə̀ngwuʼ ə wùə vɛ əshi ə è tsɨs əfekyə̀ fə efɔ̀ynfè za ngɨmnə̂ vəyn vɛ ə è ndamə sə teshìŋə̀ tekɨ̂m. Ghənə tè màʼà kepî fɔ ə ghənə̂ və tefɔ̀ynvè ashi ə fèkyə̂ fə efɔ̀yn nə fɛ, pìə nə,

Etyə̂yn ə paynsêzè 4:4

Kyə̀ mə tefɔ̀yn mîmè e nyi m̀ghɨm pɛ̀ njòse kyàʼ mə m̀ mə kyɨ̀ŋ ka kyə̂ fə efɔ̀yn nə fɛ, chəʼse tsɨs ətəyn mə sə màʼ ndzɨse fɨfə̂sè ə sò efɔ ə tefɔ̀ynvè mə ə fɛte è ngôl.

Ipilù 9:28

Ə za nyi kepî endom nə vɨ̂yn ə tè fo Klâys sə efo, è və kwuə kə shîŋə̀ emɔ̀ʼ se tsɨsə sepi sə ghɨ̀sè. È tə kɛse pə̂ pîza ə è və fɨnə pə̂ va se shù se pi sə ghɨ̀sè, è tə pə̂ se sɔzà əghɨ ghɛ ə tsɨs lɨmtə̂ vəyn.

2 Timotì 1:18

M tsə̂mə̀ nə Pɛ̂pɛ tyəyn səyn eko ə Vəynze sê vəyn fumə əfetuʼ. Nâʼà ghò nyîə ke kə è tè tsàmte mi ə Ɛfesùs.

1 Tèsàlonikà 1:10

Ghənə ə fɨyn tsayn kə ghàyn lɨmtə nə Va Fèzhə̀ tə kɛse pəyn ekwùtwəyn. Ə və zòmsè Njisə̀s nə vɨnə mə, è vɛ è sɔ̀zâ ghâsènì ə Zhə̀fè enyɔ̀ʼsè etɔŋ vɛ ə ve tə pɔynsə ghɨ ghɛ ə ghe nə̂yn pi.

Ŋwàʼlè ə̀ Pɔ̂l sê ghɨə Lûmghè 8:23

Pîza, ə va ke èfɨa nə vɨ̂yn ə ve tsɔ̂ynə̀, ghâsènì ghɛ ə kyi zuʼ sɛ ə Zhə̀fè nyi mə fə fo se ghâsènì kə emaʼte ə shive, ghâsènì tsɔ̂ynə̀ kəpi ndò ə ghâsènì ətəm. Ghâsènì ə ndə̀m təm ə ghasènìghe əkɨ̂m se lɨmtê ashîŋə̀ kɛ ə Zhə̀fè tə paynsə̂ nə̂ nə ghâsènì ə nyi ə̀ghɔ vəynghe, se fiə zà mwiyn mə ghasènimè, se fɨnə fo ghâsènì è wiyn mə èfemè.

Ŋwàʼlè ə̀ Pɔ̂l sê ghɨə Lûmghè 2:5

Pîza, ghàyn nyi mə tɛsê təm ghaynghe, ə tə nə ghàyn maʼà va ghɛ ghaynghe pighe, E tyə̂ nə ghàyn zɔmtə̂ kə epɔynsê ə Fezhə̀zè ə ghàyn ətu, mə È tə pɔynsə ghàyn ə Fetuʼ fə saʼfe. Fumə ə fetuʼ Zhə̀fè tə tyə̂nə̀ paynsə̂ ètɔŋ enyɔʼsə ə vəynve, ə è tyəyn paynsê kepî nə ndom vɛ ə è saʼa ətəyn nyi chichi.

Matyò 24:36

Nâʼà wùə èmɔ̀ʼ ke va tuʼfe è shîŋə̀ kɛ ə ghɛ nə ghɨnə tə kyânə̀ ətəyn, pî sètsì ekwùtwəyn, pî Vayn ke va è tsɛ̂ kə va pɨ̀a kə È ke shîŋə̀ kɛ ə ghɛ ghɨnə tə kyânə̀ ətəyn.

Matyò 7:22

Shɨ̂ŋə̀ kɛ ə tuʼ ə saʼe tə pə̂, ghɨ etsɨghe tə pîə sê mi nə, “Pɛ̂pɛ, Pɛ̂pɛ! ə gho ezə ghàs ə tè wàmnè tom ə̀ Fèzhə̀, ə gho ezə ghàs ə tè chùm fɨsê pamə̂ tə satàyntè te tsɨ̀ə kə nyî ə nə̀ ə̀ghɛ ekayntəghe ghe tsɨ̂ə kə nyi.”

1 Tèsàlonikà 5:4

Pîza sê ghɔnyì ghɨmə ghàyn va kə ghɨ ghɛ ə ghe ndamə ə fètəyn àlɨm, kə tuʼ ə Pɛ̂pɛ nə vɨ̀nə tə pfɨ̂ŋə̀ pəyn endom vɛ ə wùə èchɔŋɔ pə̂.

2 Kolìŋ 5:2

Kə ghâsènì ndamə fa ewìyn, ghâsènì nyîə tsɔ̂nə̀, ghâsènì e chîə kûmə̀ kə ə kɔ̂ŋɔ̀ nə Zhə̀fè zaŋse fo ndɛ ə̀ ghâsènì zə èkwùtwəyn kə ghâsènì kɨyte wìyn ə ghâsènìve ətəyn.

Tom èchùŋ kè kə Lûk tè nyaʼ 10:12

M pîə sê ghàyn səmɔʼ nə ə̀ tə nə̂ ə nyi etuʼ e saʼ ə Fezhə̀vè, ə ngəʼ ə nyi sê ghɨ tɔ̂ŋ nə ghɛ tsɛ̂ kə è tə nə̂ ə è zə nyi sê ghɨə Sondòmə̀.

1 Kɔlìŋ 3:13

Ə tə tyə̀nə̀ paynsə̂ nâʼàpî èkyî efɨaʼ èkè zɛ ə nâʼàpî ndè tè fɨ̀aʼa. Ə̀ nyi epayn zɛ ə ze tə pə̂ ə ze ə nyi ə fetuʼ fɛ ə Klâys tə kɛsə pə̂, ə ze tə tyə̂ynə̀ paynsə̂ fɨ̂aʼ ə nâʼàpî ndèze. Ə tə mɔ̂mə̀ nâʼàpî èfɨaʼ ə ndɛze, ə ze tyən kyì efɨ̀aʼ zɛ ə wùə tè fɨaʼa nə ze tsɔ̂fə̀ ndò mə ze pofə ndô.

Filìpây 3:11

Mə ndə̀m təm ghɨmə nə ghɛ nə ghɨ̂yn ə̀kɨ̂m tə kyânə̀ kə Zhə̀fè tə nəyn m zomə.

2 Tèsàlonikà 2:8

Ə tsɨ̂sè wùə nə vɨnə endom, ə wùə ə̀təm ə pi nə vɨnə pfɨ̀ŋə̀ fɨ ə ndayn. Pîza shîŋə̀ kɛ ə Pɛ̂pɛ Njisə̀s Klâys tə kɛsə pə̂, è tə pî nə ə tyəmse ghɛ ə vəynghe nəghe, ə tyəmse kendò, tɔynə̂ endom vɛ ə Klâys tə nə̂ ə è və panə nyaynə̂ ətəyn, ə è nəyn ə è və kyi va tyaʼ kyîke.

2 Timotì 1:10

Pîza ə tyə̀yn paynsê se ghâsènì tɔynə̂ e pə̀yn ə Sɔ̀zàzè, mə za nyi Klâys Njisə̀s. È və nə̀yn kwuze e fɨyn kyi va tyaʼke ə ghâsènì ətu tɔynə̂ ə tom èchùŋ, ə nə̀ nə ghâsènì kyi ndam zɛ ə ze tə mîə va.

Ipilù 12:11

Ə piə chwîtə̀ wùə è wàyn, è ve zɨə ètɨ̂m fumə ashìŋə̀, saŋnə̂ va, pîza ə piə chisə̂ mɨ̂sə̀ ndò, è və zaʼlə èghɛ, zə nə̀ nə è və ndamə èndam ə chichize è pɔ̂ynè.