2 Timotì 4:7 - Ŋwàʼlè ə̀ Fèzhə̀ Mkâyn Mə̂ Fèm

⁷ Mə fɨ̂aʼ ke nâʼà àchûŋ. Mə fɨ̂aʼ tayn shîŋə̀ kɛ ə kyiŋə, mə fɛtê ndəm kyî epomə̂zè.

2 Timotì 4:7 Referans Kwoze

1 Timotì 6:12

Mɔ̀mse nâʼà sə ŋaŋ se nyɨŋ ènyɨŋ epoməze, ə nyɨŋə zhiə èndam zɛ ə ze tə mîə va se ngɨŋ zɛ̂zè, kûmə̀ nə ə̀ nyi ekyì endam nə zɨnə mə ə Zhə̀fè tè tɔŋə ghô nə o nyi ətəyn kə ò tè tyə̀yn paynsê èkyî epomə̂ zɛze əghɨ tsɨəghe əshi.

Ətefɨ̂aʼ 20:24

Pîza m njiə pi va ndam zɨme nâʼà sə eghɛ zhîze, kè ezhoghɛ m mɨsè nyɨŋ nə zɨ̂yn, ə mɨ̂sə̀ àfɨaʼ kɛ ə Pɛ̂pɛ Njisə̀s nyi mə è və fo se Mi, mə ə̀ nyì se ndàʼà ə tom èchùŋ kûmə̀ àfùʼ kɛ ə Zhə̀fè kyi sê ghɨghe.

Njɔyn 4:34

Njisə̀s ə pìə sê ghənə nə, “Fɨazhiə vɨmve nyi se nə̀yn efɨaʼ ə Vɛ ə È tom Mi nə M nəyn è kɨsè se mɨsè efɨ̂aʼ zɛ ə È tom nə M pəyn nəyn.

Tom èchùŋ kè kə Lûk tè nyaʼ 11:28

Njisə̀s ə pə̀ynsə̀ nə, “Chùŋ pɨl nyi sê ghɨ ghɛ ə ghe zɨə ghɛ Fezhə̀e, nə̂ kə̂ ze piə!”

Etyə̂yn ə paynsêzè 3:8

M ke ndô ghɛ ghɛ ə ò nyi mə o nə̀yn. Fekə, mə chwì za cho ə ndɛ sê ghò, mə nâʼà wùə vayn kaʼa è fɨyn kyiŋ. M nyiə ke nə o tɔ̀ʼ kyi va tyaʼa, pîza mə o chùmtè zaʼlê zɨmze ə tàʼa mɛnê ezə zɨmze.

Etyə̂yn ə paynsêzè 3:10

Kûmə̀ nə o zɨ lâŋ kɨmke mə ke nyi nə ò kol təmə ə fètə̂ ètsòs, M tə sɔzâ kəpi ghò ashìŋə̀ kɛ kə tsôsè pə̀yn ə mbi ekɨ̂m se mɔ̀m əghɨ ghɛ ə ghe ndamə ə chi.

Tom èchùŋ kè kə Lûk tè nyaʼ 8:15

Zhi zɛ è tàyntè əmchi mê chùŋə̀m nyi kə əghɨ ghɛ ə ghe zɨ ghɛə Fezhə̀e, ə kyiə kə səmɔʼ è təm əchûŋə̀, ə ndə̀mə̀, ze muə etwɔm ə ghənə endam.

1 Timotì 6:20

Timotì, fɛte ndə̀m nâʼàpî ghè vɛ ə Zhə̀fè fo sê ghò. Kə ò tsɨynte e wàmnè, ze fo va kɔʼsêzè sê Zhə̀fè, è saʼnê ango zɛ ə ghɨ kaŋkaŋə tɔŋtə nə etɔf.

2 Timotì 1:14

Zuʼse Ŋwaʼa sɛ ə se nyi ə ghâsènì əfètəyn nə̀ tsâmtə̀ ghò se fo atyaʼ kə ò fɛte kyî ə̀ghɛ ə chûŋ ghɛ ə fo sê ghò.

1 Timotì 1:18

Vayn vɨm Timotì, m fo ètəftê zɨ̀nə se ghò mə ze nyi kepî èghɨ èghɛ ghɛ ə fɨ̀aʼtèsè tè pi kûmə̀ ghò. Njì ghɛ ghɨ̂nə ə tsâ sê ghò nyi se nò enô echûŋzè.

Njɔyn 17:6

Mə nə̀yn nə ghɨ ghɛ ə ò tè fo sê mi ə mbi ə ke ghô. Ə̀ tè nyi əghɨ ghɛ; O fo sê Mi, ghənə ə nə̀yn ghɛ zɛ ə tom Zɛ̂zè pìə.

Ətefɨ̂aʼ 13:25

Ə̀ tè nyi kə Njɔyn mɨ̂sə̀ ndùə fɨ̂aʼ ə vəynze, è və pfɨfə sê ghɨ nə, ‹Ghàyn kwàʼtə̀ nə m nyi nde? M va wùə vɛ ə ghàyn lɨmtə. Ghàyn nayne kə, È pə̂ ə mi epàm, m kwəynə̂ va se zhə̀yntə sèkwɨ̀l sə sepfɨ sə ghòl sə Vəynse.›”

Ngàleshyà 2:2

M tè kɔʼ fu kûmə̀ nə Zhə̀fè tè tyə̀yn paynsê sê mi nə m kyi se kɔʼ. Ə̀ tè nyi kə m nyi fu, mə nyaʼtə̂ wâmnə̀ kə epàm ghasè ghɨ ghɛ ə ghe tè nyi tuve, ə tsâ tom è chûŋ zɛ ə m tè tsâ sê ghɨ ghɛ ə ə̀ va əghɨ ə Njûsghè. M tè nə̂ zamə kə fɨ̂aʼ zɛ ə m nə̂ zôyn è zɛ ə m tè nə̂ tàʼa njìsè səndô.

Filìpây 1:30

Ghàyn paʼsê sê mi kə ghâsènì tsɨynte no àngyə̀s ətəynke. Ə̀ kɨnə mə pa nyi àngyə̀s kɛ ə ghàyn tè fe mə m nô ndò sə shi, ə̀ kɨnə mə nyi kəynke ə ghâsènì pa tsɨ̂yntə̀ nô zôyn.

2 Timotì 3:10

Pîza, sê ghò ə Timotì, ò se nyi mə o chùmtè kɔʼ pəyn zaʼlê zɨmze è ndam zɨmze è ghɛ zɛ ə m tè kwàʼtə se tə nə̀yn endam. Ò ə naynê kɔʼ pəyn kyî epomə̂ zɨmze, è kol ətəm zɨmze, è kɔ̂ŋ zɨmze, è wəynsê ewìyn zɨmze.

Etyə̂yn ə paynsêzè 6:11

Zhə̀fè ə fo sèndzɨs se fɨfə̂sè sê nâʼàpî ndè ə ghənə ə fètəyn nə ghənə maʼ ə pìə nə ghənə mote kwəynsê tso ke se chə se zaʼâ kə ghɨ ətəynghe zhwite ghɨə fɨaʼa mɔ̀ʼɔghe, è ghɔnyì ə ghənə̂ghè, kè kə tè zhwi ghənə kə kɔ̂yn ətəynke kɔʼ kwəyn.