2 Timotì 4:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ Ə̀ tè nyi kə m tyəm elùʼ ə saʼ se wàmnè se tyə̀yn nə m paʼà nə̀yn pofsê, ghɨghe əkɨ̂m ə tə zâ mi. Tsə̂m zɨmze nyi nə Zhə̀fè wəyn mâʼà èghɛ nə zɨnə ə ghənə tè nəyn nyi.

2 Timotì 4:16 Referans Kwoze

Ətefɨ̂aʼ 7:60

È və fɨnə tɨmə ə̀ndzɨs ə vəynghe ə chi ə chìə è kyə̀ e tɛ ə pìə nə, “Pɛ̂pɛ, lɛ̀se fo pi ə̀ ghənə zɨ̀yn.” È və pìə nyî, ə kwuə.

Njɔyn 16:32

Shîŋə̀kè pə̀ ndò, mə kâynè nyi zôyn, mə ghàyn əkɨ̂m tə chyasə̀, ə nâʼàpî ndè ə ndûə kə və ndɛ, ə za Mi Mî nɨŋ. Pîza M lote vachi Mi nɨŋ kûmə̀ nə Pɨ̀a nyì ghâsè Vəyn.

Ŋwàʼlè ə̀ Mâk 14:50

Chùmtè èpàm sə vəyn sekɨ̂m ə tə zâ vəyn.

1 Pità 3:15

Ghàyn e pɨlə ngɨmnə̂ Klâys kə Pɛ̂pɛ ə ghàyn ətəm. Ghàyn e tsɨs shîŋə̀ tekɨ̂m, pfɨ̂tə̀ se fɨ̀ysə nâʼàpî ndè ezhoghɛ è pfɨf ghɛze kûmə̀ èkwaʼtè elɨmtə zɛ ə ghàyn kyi ə ghàyn ətəm. Ghàyn e nə̂ nyi è pɔynə̂, è kɨsè ngɨmnêzè.

2 Timotì 4:10

Kûmə̀ nə Ndemàs nyîə kɔ̂ŋə̀ èfɨa ə mbi ə̀ zôynvè, ə tə za mi, ə ndùə ə Tèsàlonikà. Kɨ̀lisèns ə ndù ə Ngàleshyà, Taytùs ve ndù ə Ndàlàmatyà.

2 Timotì 1:15

Ò ke ndô nə nâʼà ghɨ ə pomə ghɛ ə ghe nyi apàs endaʼ ə Esiyàkè pâʼsə kə è Fìnjelùs è Èmònjenàs əkɨ̂m ə tə za mi.

Filìpây 1:17

Ghɨ ghɨ̀nə ndàʼà tom èchùŋ, mə təm ə ghənə̂ghè zo va, nə̂ nyiə mə kûmə̀ nə ghənə kwaʼtə̀ kə se ngɨŋ sə ghənə̂sè. Ghənə nə̂ zamə se kwəynsê akyɨ̀ŋ kɨmke fa ndɛ ə̀chaʼ.

Filìpây 1:7

M vayn kàʼa m faŋ sə̂ kwaʼtə̀ èndom vɛ m kwaʼtə̀ ətəyn kûmə̀ ghàyn kûmə̀ nə ghàyn nyi ə̀ kɔ̂ŋə̀ mi nâʼà sə ŋaŋ. Zhə̀fè ə tyə̀yn təm ə Vəynghe, ghe ghɛ ghe nə̂yn nə ghâsènì ə fɨaʼà sə afɨa àmɔ̀ʼ, kɨ̀sə m nyi ə chaʼ kɨ̀sə m tyəm tsɛ̀ èsaʼ kûmə̀ tom èchùŋ, zaʼlə əghɨ nə ə ke nə è nyi səmɔʼ.

2 Kolìŋ 7:11

Ghàyn fe ghɛ zɛ ə tsôs tɨnə̀ ə te ndô pə̂yn sê Zhə̀fè nə̀yn ə ghàyn endam: tə nə̀yn ghàyn e kyiŋə nâʼà sə̂ nə̂ chùŋ, ə nə̀ ghàyn e kyiŋə nâʼà è tyaʼa se tyə̀yn nə ghàyn nə̀ tsasə va. Ndom vɛ ə ghàyn nyɔ̀ʼsə̀, choze ə zomə ghàyn ashìŋə̀ kɛ ə wùə nə̀yn pofse ghɛze nə̀ nə ghàyn ə kɔ̂ŋə̀ se pɔynsê ə wùə è təm ghaynghe əkɨ̂m. Ghɛ ətəynze ə tə nə̀yn, ghàyn e fànə̀ nâʼà sə ŋaŋ. Ghàyn tè nyiə kɔ̂ŋɔ̀ se fe mi nâʼà sə ŋaŋ. Ghàyn ə tyə̀yn ke ndom tekɨ̂m nə ghàyn paʼà nə̀yn pofse ghɛ zhize kûmə̀ èghɛ nə zɨ̂yn.

1 Kɔlìŋ 9:3

Ə̀ vɨnə nyi endom vɛ ə m kyi se wàmnè se tsàmtè ə ngɨŋ zɨ̂mè se ghɨ ghɛ ə pîə ghɛ ə pighe kûmə̀ mi:

Ətefɨ̂aʼ 25:16

Mə piə sê ghənə nə, ‘E pɔynə̂ va sê ghàs, ghɨ Lumə̀ se nə̀yn eghɛ sè wùə ndɔ̀ʼɔ è tyəm kyaʼnè tyâŋsè yî ghɨ ghɛ ə pî nə è və nə̀yn pofsê nə è kyi zhəmke se pì nə è paʼà nə̀yn pofse ə ghɨə təynghə shi ghɛ ə njî ndû è vəyn ə ndɛ ə̀ saʼ.’

Ətefɨ̂aʼ 22:1

“Ghɔnyì ghɨmə è pɨ̀a ghɨmə, ghàyn zɨte ghɛ zɛ ə m tyəm ə ghàyn əshi se pì se tsàmtè ə ngɨŋ zɨ̂m.”

Tom èchùŋ kè kə Lûk tè nyaʼ 12:11

Ə tə kyiə ndù è ghàyn ə ghɨ saʼaghe əshi ə ndɛ̂ atsɨ̀ynte, kə ghàyn nə kayn mbi nə ghàyn nə̀ piə nə ghe, kə ghàyn nə kayn naʼapi nə ghàyn nə̀ piə zayn zə,

1 Kɔlìŋ 13:5

Wùə vɛ ə è kɔ̀ŋə̀, chìynə̀ va ghɨghe, è kwaʼtə̀ kə va se ngɨŋə̂ vəyn, è nyɔʼsə̀ va tɔŋve, è ndə̂mə̀ va ghɛ ə pi ghɛ ə nyi mə ə nə̀yn se vəyn ə və təm,

2 Timotì 4:15

Ò ghə̂mnə̀ ghâyn vəyn, kûmə̀ nə è tè wàmnə̀ əghɛ nâʼà sə atyaʼ ghe tsɔ̂fə̀ va kûmə̀ tom ə̀ ghâsènì.