2 Timotì 4:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ Ə̀ faŋ kê Lûk fayn ghasè vəyn. Ə ò piə ò pə̀ ndò ò pə̀ ghayn Mâk kə è və tsâmtə̀ mi ə mì efɨ̀aʼ.

2 Timotì 4:11 Referans Kwoze

Ətefɨ̂aʼ 12:12

Kə Pità tè ke ghɛ zɛ ə ze nyi mə zə kyàyn se vəyn, è və ndò ndûə ə Mèli ə ndɛ, ə̀ nyi nyìə Njɔyn Mâk. Ghɨə tsɨəghe tè nyi mə ə zùŋtè fumə tsə̂mə̀.

Filemùyn 1:24

Ghɨ ghɨnə tomə kəpi ètɔŋtê sê ghò. Ə̀ nyi Mâk è Àlistakùs è Ndemàs è Lûk. Ə̀ nyi əghɨ ghɛ ə m fɨaʼà ghasè ghənə sə̂ ndaʼà tom èchùŋ.

Ətefɨ̂aʼ 12:25

Pànapàs yî Sɔ̂l ə mɨ̀sə̀ èfɨ̂aʼ ə ghənə̂zè ə Njèlusalɛ̀m, ə kɛsə pə̀ ə Antyòk yî ghə̀ Njɔ̀yn Mâk.

2 Timotì 1:15

Ò ke ndô nə nâʼà ghɨ ə pomə ghɛ ə ghe nyi apàs endaʼ ə Esiyàkè pâʼsə kə è Fìnjelùs è Èmònjenàs əkɨ̂m ə tə za mi.

Kòlosè 4:14

Lûk, mə za nyi wùə èfù vɛ ə ghàs kɔ̀ŋɔ̀ nâʼà àchûŋ za yî Ndemàs tomə ètɔŋtê ə ghənə̂zè sê ghàyn.

Kòlosè 4:10

Àlistakùs vɛ ə ghasè vəyn nyi ə ndɛ̂ chaʼ pi nə m tɔŋte sê ghàyn, Mâk ə ànyìə Pànapàs pîə kəpi za. Ghàyn se nyi mə ghàyn ə zɨ nə ghàyn fi ndzɨsê Mâk nâʼà àchûŋ ezhoghɛ ə è pə̀yn se fe ghàyn.

Ətefɨ̂aʼ 15:39

Saʼnê etɛze ə ndwìə ə ghənə ə fètəyn, ghənə ə chàsə̀. Pànapàs ə njìə Njɔ̀yn Mâk, ə tyàŋə̀ ènjwî ə ndò ndûə endaʼ eghaʼazè ə Sàypulòs.

1 Pità 5:13

Ndɛ ə̀ Fèzhə̀ zɛ ə è nyi ə Papilɔ̀yn, mə za nyi kə ànyì vâyn ve zəyn vɛ ə Zhə̀fè tè chɔʼ kepî kə è chɔʼ ghàyn, tomə ètɔŋtê sê ghàyn. Mâk, mə za nyi vayn vɨ̂m ve èpomə, tomə kəpî ètɔŋtê sê ghàyn.

Ətefɨ̂aʼ 16:10

Kè kə Pɔ̂l tè fe ghɛ nə ghɨ̂yn ə telaynəlayn, ghâsè ghə̀ ghənə ə pɨaʼtə̂ kə sə ashìŋə̀ nə kɛ se tyàŋà ndù endaʼ ə Màsèndonyàzè kûmə̀ nə ghàs ə tə fe nə Zhə̀fè kyiŋə nə ghàs ndu ndaʼà tom èchùŋ sê ghənə fu.

Tom èchùŋ kè kə Lûk tè nyaʼ 13:30

M piə nə, ghɨ ghɛ ə ghənə nyi epàm zôyn, tə nə̂ ə nyi əshi, ə ghɛ ə ghe nyi əshi, tə nəyn ə nyi epàm.”

Matyò 20:16

Njisə̀s ə mɨ̀sə̀ ngàyn zɨ̀nə̀ pîə nə, “Ghɨ ghɛ ə nyi ashi zôyn tə pə̂ ə nyi èpam, ghɛ ə ghe nyi epàm zôyn tə pə ə nyi àshi.”

Matyò 19:30

Pîza tsɨ̀tsɨ̂ ə̀ghɨ̀ ghɛ ə ghe nyi əshi zôyn, tə pə̂ ə nyi epàm, ə ghɨ ghɛ ə ghe nyi epàm zôyn tə pə̂ ə nyi əshi.”

Ətefɨ̂aʼ 15:37

Pànapàs e kyiŋə se njiə ndù è Njɔ̀yn Mâk yî ghə̀ ghənə,

2 Timotì 2:21

Ə̂ nə̀yn nâʼàpî ndè ngɨŋə̂ vəyn sə̂ zo endom kə ghɛ əpi nə ghɨ̂nə̀ ə va ə vəyn ewìyn, ə Zhə̀fè nji vəyn sə nə̂ kàyntè ə̀ghɛ kûmə̀ nə è nyi èŋwaʼze, kyi m̀kɔʼnè se pɛ̀ èfɨ̀aʼ ə vəyn kûmə̀ nə è və màʼà ngɨŋə̂ vəyn sə̂ nyi wufɨ̀aʼa sê Vəyn, nyi èpɨaʼtêzè sə̂ nə̂ nâʼà tèkyì te fɨ̂aʼ techûŋ tekɨ̂m.