2 Timotì 4:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ Kûmə̀ nə Ndemàs nyîə kɔ̂ŋə̀ èfɨa ə mbi ə̀ zôynvè, ə tə za mi, ə ndùə ə Tèsàlonikà. Kɨ̀lisèns ə ndù ə Ngàleshyà, Taytùs ve ndù ə Ndàlàmatyà.

2 Timotì 4:10 Referans Kwoze

2 Timotì 1:15

Ò ke ndô nə nâʼà ghɨ ə pomə ghɛ ə ghe nyi apàs endaʼ ə Esiyàkè pâʼsə kə è Fìnjelùs è Èmònjenàs əkɨ̂m ə tə za mi.

2 Kolìŋ 2:13

pîza mə tàʼa kyîə pɔ̂ynè zɨ̂mè kûmə̀ nə m tè paʼà fe ànyìə ghâsènì Taytùs fumə. Mə ke pì nə ghənə faŋ ke àchûŋ ə tsɛ̂ nduə ə Màsèndonyà.

Ətefɨ̂aʼ 16:6

Pɔ̂l yî soyn sə vəynse ə tɔynə tsɛ apàs endaʼ ə Filinjyàkè è pâs endaʼ ə Ngàleshyàkè kûmə̀ nə Zuʼse Ŋwaʼase tè paʼà chisê nə ghənə tsayn tom èchùŋ apàs endaʼ ə Esiyàkè.

Filemùyn 1:24

Ghɨ ghɨnə tomə kəpi ètɔŋtê sê ghò. Ə̀ nyi Mâk è Àlistakùs è Ndemàs è Lûk. Ə̀ nyi əghɨ ghɛ ə m fɨaʼà ghasè ghənə sə̂ ndaʼà tom èchùŋ.

2 Timotì 4:16

Ə̀ tè nyi kə m tyəm elùʼ ə saʼ se wàmnè se tyə̀yn nə m paʼà nə̀yn pofsê, ghɨghe əkɨ̂m ə tə zâ mi. Tsə̂m zɨmze nyi nə Zhə̀fè wəyn mâʼà èghɛ nə zɨnə ə ghənə tè nəyn nyi.

Filìpây 2:21

Ghɨə mɔ̀ʼɔghe əkɨ̂m kwàʼtə̀ kə sê ngɨŋ sə ghənə̂sè, ə̀ nyi ə̀ghɛ kyi va ghɛ zhîze se nə̀yn èfɨaʼ ə Njisə̀s Klâyszè.

2 Kolìŋ 7:6

Pîza Zhə̀ fɛ ə fe fo təmə ə nə̀, pə̂ Taytùs zè ə fo ghàs è təmə.

Ətefɨ̂aʼ 17:11

Ghɨ ghɛ ə ghe tè nyi fu tè nyi əghɨ, kɔ̂ŋɔ̀ se zɨtə eghɛ tsɛ̂ ə̀ghɨ ə Tèsàlonikà. Ghənə tè kɔ̂ŋɔ̀ nâʼà àchûŋ se zɨtə tom èchùŋ ə faŋa sè tɔŋɔ ə̀ghɛ ə Ŋwàʼlè ə̀ Fèzhə̀ kè tûʼmè m̀kɨ̂m kyiŋə se fe nə ghɛ ghɛ ə Pɔ̂l tè ndàʼa tè nyì səmɔʼ ə.

Ətefɨ̂aʼ 17:1

Pɔ̂l yî Silàs ə tə kwiə tɔynə̂ endaʼ ə Àmfipolìszè è Àpòlònyà ə pə̀ zaʼâ endaʼ ə Tèsàlonikàzè, elùʼ vɛ ə ndɛ àtsɨ̂ynte ə̀ghɨ ə Njûsə̀ tè nyi.

2 Pità 2:15

Ghənə ə zà ndom èchùŋ ə njisə̀ sè kwiə endom ə Palàmvè, ə vâ Peyò vɛ ə è tè kɔ̀ŋɔ̀ kɛ vɛ ə è tè kyi mə è nə̀ əghɛ ə pighe,

Taytùs 1:4

M nyâʼà sê ghò ə Taytùs. Ò nyi ke nâʼà kə kàyntə̀ vayn vɨ̂mvè kûmə̀ nə ghasè ghò kyi ke èkyî epomə̂zè emɔ̀ʼ. Ə Zhə̀fè Pɨ̀a, è Klâys Njisə̀s sɔ̀zà ə̀ ghâsènì fo ghô fùʼkè è pɔ̂ynè.

1 Timotì 6:17

Tsɛ̀se sə alàŋ nə ghɨ ghɛ ə ghe kyi ghaʼze è fɨa ə mbive, nə kə ghənə ə kyi èghaŋsê ewìynze, ə pɨl ndəm èkwaʼtè ə ghənə̂zè e fɨa nə vɨnə mə, pîza ə pɨl ndəm se Zhə̀ Fɛ ə fe fo nâʼàpî àkè sê ghâsènì.

1 Timotì 6:10

Kɔ̂ŋ ekɛze nyi zhə̀te èlùʼ vɛ ə kyì tə pi tekɨ̂m ndò pə̂ ətəyn. Ghɨ yîghe ə kɔ̀ŋ tsɛsè se kyîə vəynve, zɨnə mə zɛ ə ze nə̂yn nə ghənə pfɨ ə ghənə ekyî epomə̂zè, ə pəyn e ngəʼ setsɨəse ə ghənə ətəm.

Ngàleshyà 1:2

M tiynsə̂ ètɔŋtê zɨ̂nə̀ ghasè ghɔyn nyî ghɛ ghe nyi fayn sê ghàyn ghɨ pomə ghɛ ə ghe nyi ə sendɛ sə Fezhə̀sè endaʼ ə Ngàleshyàzè.

2 Kolìŋ 8:16

Zɔ̀ŋnèkè ndùə sê Zhə̀fè kə fe nə̀yn Taytùs nə è və kyi èkɔ̂ŋ ətəyn se tsàmtè ə ghàyn kèpi endom vɛ ə ghàs kyi.

2 Kolìŋ 8:6

Ə̀ za nyi eghɛ zɛ ə ghàs tè chyate Taytùs vɛ ə è tè zhə̀te fɨ̂aʼ kɨ̀nə̀ nə è ndu èshike èfɨaʼ ətəynke, nə è tsamte ghàyn ə è mɨse fɨ̂aʼ afùʼ nə zɨnə mə ə è tè zhə̀te.

Ətefɨ̂aʼ 18:23

Ə pə̀ kə è tsɛ̀sè shîŋə̀ kyîke fumə, è və ndò ə tsɛ̀ tɔynə̂ apàs endaʼ ə Ngàleshyàkè è Filinjyà, tsâmtə̀ se nə̀yn nə ghɨ epoməghe ə tɔ̂ʼɔ̀ tɛ ə ghənə epomə̂.

Ətefɨ̂aʼ 17:13

Pîza ə pə̀ kə ghɨə Njûsə̀ ə Tèsàlonikà zɨ nə Pɔ̂l ə ndàʼà tom ə̀ Fèzhə̀ ə Pelyà, ghənə ə pə̀ fu ə zhə̀tə̀ se chiyntə ə̀ghɨ nə ghənə ndwise nôzè.

Ətefɨ̂aʼ 15:38

Pîza Pɔ̂l ə kwàʼtə̀ nə ze fe va achûŋ nə ə nji vəyn, kûmə̀ nə Njɔ̀yn Mâk tè paʼà faŋ yighə̀ ghənə se zaʼâ kə ghənə mɨse fɨaʼa ghənə̂kè. Pîza è və kə̀mnə̀ ə zà ghənə ə endaʼ ə Pàmfilyàzè.

Ətefɨ̂aʼ 13:13

Pɔ̂l yî soyn sə vəyn sɛ ə yî ghə̀ ghənə tè kwìə, ə njiə ə ngwùʼ ə Pafòs ə ndùə tânə̀ ə endaʼ ə Pengàzè, apàs endaʼ ə Pàmfilyàkè. Njɔ̀yn Mâk ə za ghənə fu ə kɛse ndûə ə Njèlusalɛ̀m.

Tom èchùŋ kè kə Lûk tè nyaʼ 17:32

Kə wùə tə lɛ̀sè eghɛ zɛ ə ze tè kyàyn sê zhwiə Lôt.

Tom èchùŋ kè kə Lûk tè nyaʼ 16:13

Wùə vayn kàʼa è və nyi wùə efɨ̀aʼ sê ghɨghe əpɛ̀. Ə ze nyi za, ə è və pànə̀ èmɔ̀ʼ, kɔ̂ŋɔ̀ vəmɔ̀ʼɔ; ə̀ va za, ə è və ngɨmnə̂ èmɔ̀ʼ, chîynə̀ vəmɔ̀ʼɔ. Ò vayn kàʼa ə ò fɨaʼà sê Zhə̀fè fɨnə fɨaʼà kepî sê kɛu.”

Tom èchùŋ kè kə Lûk tè nyaʼ 14:33

E za nyi kepî eghɨ kə naʼapi ndè ə ghàyn əfètəyn tàʼa za naʼapi ghè vɛ ə è kyi, è vâyn kàʼa ə è və nyi chùmtè zɨ̂m.”

Matyò 26:56

Nâʼà Pîza, ghɛ nə ghɨyn kyi se kyàyn se lwiynse ə tom ə Fèzhə̀ zɛ ə fɨ̀aʼtèsè tè nyaʼ ə Ŋwàʼlè ə̀ Fèzhə̀.” Kè sə ashìŋə̀, chùmtè èpàm sə vəynse ə tə zâ vəyn nâʼà ə̀kɨ̂m.

Matyò 12:32

Ə̂ pîə pîndè ghɛ epize kûmə̀ Va Wùə, Zhə̀fè kàʼa fe lɛ̀sè fo vəyn, pîza mə ə pìə pîndè ghɛ epize kûmə̀ Sezuʼ se ŋwaʼase, ə fe tə tàʼa lɛ̀sə fo vəyn zôyn, pî ashìŋə̀ kɛ ə ke nyi se pə̀yn ə shi.”

2 Kolìŋ 8:23

Sê Taytùs, ə̀ nyi wùə vɛ ə ghasè vəyn fɨaʼà əmɔʼ se tsàmtè ə ghàyn. Sê ghɔnyì əmɔ̀ʼɔ ghɛ ə ndûə yighə̀ vəyn, ghənə nyi ə ghɨ ghɛ ə chɔʼte ə sendɛ sə Fezhə̀sè. Ghənə nyîə pə̂ èpomsêzè sê Klâys.