2 Timotì 3:5 - Ŋwàʼlè ə̀ Fèzhə̀ Mkâyn Mə̂ Fèm

⁵ Ghənə tə nə̂ ə fusə̂ ə̀ghɨ ghɛ ə ghe kɔʼsə Zhə̀fè, pîza zɨə va sê Vəyn nâʼà səkɔs. Kə ò tə paʼsê sê kyì əghɨ̀ nə ghɨ̀yn.

2 Timotì 3:5 Referans Kwoze

Taytùs 1:16

Ghənə kaŋkaŋa pîə nə ghənə ke ndo Zhə̀fè, pîza ndam ə ghənə̂zè e tyə̂nə̀ nə ghənə ə tə vəyn. Ndam tə ghənə̂tè nyîə kwə̂mnə̀, ghənə e tɛ ètuve, mə ghənə vayn kàʼa nəyn nâʼà èghɛ zhîze mə ə̀ nyi eghɛ echûŋzè.

1 Timotì 5:8

Ə̂ tə pîndè nə zhi tɔ̂ʼnə̀ va è sas ə ndɛ ə vəynze, paynpayn ghɨə vəynghə ndɛghe, ə zə tyə̂nə̀ nə è paʼà pomə Klâys səmɔʼ, ə kɛsə̂ kwûəmnə̀ tsɛ̂ nâʼà wùə vɛ ə è tàʼa tyəmə pomə̂ nâʼà səkɔs.

Matyò 7:15

Ghàyn e tɔ̂ʼnə̀ kûmə̀ sèfɨ̀aʼtè sə akaŋse. Ghənə chwîtə̀ kə piə ghənə nyi è ngɨmnêzè kə se ndzè pîza mə ə ghənə ətəm, ghənə pofə kə se nyam sə epɨase.

Taytùs 3:10

Ə wùə pə̀yn è chyâsèzè ə ghàyn ə fètəyn, o fo fɨ̀as ə̀shi sê vəyn, ə ndù ke eshike se nə̀yn zamə, o fo kwəynsə̂ fɨ̀as. Epàmə̂ ə̀təyn ə è ndù ke eshike, kə ghàyn fɨyn kyî èghɛ zhîze se nə̀yn è vəyn.

2 Timotì 2:16

Kə ò tə paʼsê se wâmnè ango zɛ ə ghɨə wâmnə̀, mə ə nə̂ kə nə ghɨ ghə tə ndô ndûə sə aghaf ə Zhə̀fè ə ngùŋ.

2 Timotì 2:23

Kə ò nə zɨtə saʼnê ango zɛ ə ghɨə saʼnə̂, ke pîva ghɛ zhîze. Ò ke nə saʼnê nə zɨ̂nə̀ pə̀ kə è zɔ̂zè

1 Timotì 6:5

è saʼnêzè shîŋə̀ tekɨ̂m əfètə̂ ə̀ghɨ ghɛ ə kwâʼtè tə ghənə̂tè nyi mə tə lwiyn è pi, mə ghənə vayn kàʼa kɛse kê èghɛ zɛ ə ze nyi səmɔʼ, nyiəmə, ghənə e kwâʼtə̀ nə se zaʼlê kûmə̀ Fèzhə̀ nyi endom ekyiŋə nə ekɛve.

Ɛfesùs 4:14

Ə ze nyi nyî, ə ghâsènì ə fɨyn va kə mmɨ̂ətə̀ sə̂ tsɨnə̀ ndinə̂ kə etûə m̀mo, nâʼàpî èkyì ezaʼlê èkè e pə̂ ze ə njìə tsɛ̂ kə ndò ghâsènì, wùə e pɨaʼtə pîə àkaŋ àkè è və pə̀ ə lesə̂ kə ghâsènì è kəynke.

2 Tèsàlonikà 3:6

Ghàs pìə èghɛ ə ghɔnyì mə ghàyn kyi se nə zəynze nə, ezə ə Pɛ̂pɛ ə ghâsènì Njisə̀s Klâys nə, ghàyn fɨl tsə̀m saynse sê ghɨə pomə ghɛ ghe ndamə ndam ezɔləze, ndə̂mə̀ va chwîtè zɛ ə ghàs chwìtə̀ ghənə.

2 Tèsàlonikà 3:14

Ə wùə kwiynse nə zhi nə̂ va ghɛ zɛ ə ghàs nyàʼ sê ghàyn fâ ŋwàʼlè, ghàyn ə ndə̀mə̀ èshi ə vəyn ewìyn. Kə ghàyn ə nə kɨŋnə ghɛghe ghâyn ghə ghənə kə ghənə ə ghomə̂.

1 Timotì 4:7

Kɛse epàm ə m̀ghâŋghàŋə̀ me mɨ mɛ m̀ kyi va ghɛ zhîze se nə̀yn è Zhə̀fè. Ò pɨlə zâŋsə̀ zaʼlə̂ ngɨŋ zɛ̂zè kə o nyi kàʼa ò nəyn ghɛ zɛ ə Zhə̀fè kyiŋə.

1 Timotì 4:8

Se zaʼlê ewiyn vɛve, e tsɔ̂fə̀ ndò endom vîve, pîza se kê eghɛ ə Fezhə̀zè tsɔ̀fə̀ kə ndom tekɨ̂m kûmə̀ nə zɨnə mə tsâmtə̀ ndò wùə ezhoghɛ è pa ndamə, è kɨsè ashìŋə̀ kɛ ə è nyi mə è və kwu.