2 Timotì 3:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ Nâʼàpî èghɛ èkè zɛ ə nyaʼ ə Ŋwàʼlè ə̀ Fèzhə̀ nyi mə ə̀ fo Fezhə̀ nə ə nyaʼ, nə zaʼlê ə səmɔʼze ə fɨə ətəyn, e tsâ tètsas tə ghɨ̀tè ətəyn, chisə̂ ə̀ghɨ ətəyn, fo ètəftê endom vɛ əghɨ kyi sə̂ ndamə èndam echûŋzè ətəyn.

2 Timotì 3:16 Referans Kwoze

Ŋwàʼlè ə̀ Pɔ̂l sê ghɨə Lûmghè 15:4

Naʼapi èghɛ èkè zɛ ə tè nyaʼ ə Ŋwàʼlè Fèzhə̀ sə mɨ tè nyì se zaʼlə ghâsènì. Ze tè nyi kə ghâsènì ə kyi èkwaʼtè zɛ ə ze ndô pə̂ ewàmnè ə Fezhə̀zè, nə̂ nə ghâsènì ə kyi èkol ətəmze, fɨnə fo ghâsènì è temghe.

Ipilù 4:12

Ghɛ zɛ ə Zhə̀fè pì nyi kə ze nyîə ndamə, kyi àtyaʼ, tɔfə tsɛ̂ efɛ̂ eghɔ̀ŋ zɛ ə ze tɔfə pɨ̂asvè èpɨ̀a. E nyîə se njiə ndûə nâʼà ə fètəyn, se nduə tàyn elùʼ vɛ ə təmə yî zuʼse kə̂mnə̀ fɨnə ndûə tânə̀ elùʼ vɛ ə fɔmze yî zhûŋəke pə̂ kə̂mnə̀. Ze ke ndô ghɛ ghɛ ə ghɨ kwâʼtə̀, è ghɛ ə ghənə kyiŋə.

Ŋwàʼlè ə̀ Mâk 12:24

Njisə̀s ə pìə sê ghənə nə, “Ghàyn ə wàmnè pofsê! Ghàyn zɨə kê va ghɛ zɛ ə Ŋwàʼlè ə̀ Fèzhə̀ pìə, fɨyn tɔʼ kê va tyaʼa Fezhə̀kè.

2 Timotì 4:2

ò ndâʼà tom èchùŋ, ò ndâʼà kə ndò kɨ̀sə ghɨ kɔ̀ŋɔ̀ ndò se zɨtê, kɨ̀sə ə kɔ̂ŋɔ̀ va, ò fɛtə̂ nə̂ kə ghɨ zɨ kê, tyə̂nə̀ paynsə̂ ə̀ghɛ ghɛ əghɨ nə̂ pofsə, ò fo ə̀təm kè kə ò zaʼlə è ewəynsêzè.

2 Timotì 2:25

chisə ə̀ghɨ ghɛ ə ghe kəmnə ghɛ zɛ ə è pìə è pɔ̂ynè, ke nə Zhə̀fè nə̀ nə̂ ə ghənə kwiyne ə pəyn se kê səmɔʼ.

Ətefɨ̂aʼ 20:20

Ghàyn ke ndô nə m tè paʼà ndə̀m za nâʼà ghɛ zhîze emɔ̀ʼ ə ze tè nyì se tsàmtè ə ghàyn kə m tè ndàʼa, fɨnə zaʼlə̂ tom ə̀ Fèzhə̀ sê ghàyn ə ndayn, pî ə ghàyn ə sendɛ.

Njɔyn 3:20

Ghɨ ghɛ ə nə̂ ghɛ ə piə kɔ̂ŋə̀ va payn, va se pə̀yn fumə ə fètə̂ èpayn kə fanə̀ nə sas ə ghənə̂zè nə̀ panə.

Matyò 13:52

È və pìə sê ghənə nə, “E tyə̀nə̀ nə nâʼà pî tyə̀ynsè àlâŋ èkè vɛ ə è pə̀yn sə chùmtè èpàm efɔ̀yn ekwùtwəynve nyi kə pɛ̀ ndɛ vɛ è njìə fɨsə fɨa efe è ve mɨve elùʼ vɛ ə è ndə̀mə̀ vəynve.”

Ətefɨ̂aʼ 18:25

È tè nyi mə ə fɛtê nji kɔʼsê pəyn vəyn ə Pɛ̂pɛ endom, kûmə̀ àtyaʼ nə kɨnə mə, è ve sè ndaʼà fɨnə zaʼlə̂ kûmə̀ Njisə̀s mə è tsasə va. Pî kə è tè ke ke kûmə̀ èfo mmò ə Njɔyn ze.

Ŋwàʼlè ə̀ Pɔ̂l sê ghɨə Lûmghè 2:20

Ghàyn e njîə sèngɨŋ saynse kə əghɨ ghɛ ə fo chwîtè sê ngôve. Fɨnə njîə sèngɨŋ saynse kə əghɨ ghɛ ə ghe zaʼlə ghɨ ghɛ ə keva ghɛ zhîze. Ghàyn njìə sengɨŋ saynse nyiəmə kûmə̀ nə ghàyn kwaʼtə̀ nə kə ghàyn tɔ̀ʼ ke chi èlwɔ̂ŋ ə Fezhə̀vè achûŋ, ghàyn ke ndô ghɛghe əkɨ̂m, ke ghɛ ə ghe nyi səmɔʼ.

Ngàleshyà 3:8

Ŋwàʼlè ə̀ Fèzhə̀ ə tə pì tsɔ̀fə ə shîŋə̀ ə təynke kwəynə nə, Zhə̀fè tə nə̂ ə ghɨə ghɛ ə va ə ghɨ ə Njûsghè ə nyi chichi ə Zhə̀fè əshi tɔynə̂ ə ghənə ekyî epomə̂zè. Zhə̀fè ə ke ndàʼà ə tom èchùŋ sə shi sê Aplàghâm nə, ‘Fe tə pɔsə̂ tèndaʼ tèkɨ̂m tɔynə̂ ə vəyn.’

Ipilù 3:7

E nyi nyiə mə kə Zuʼse Ŋwaʼase pî nə, “Ə ghàyn zɨ kyə̀ Fèzhə̀ ndàyn,

1 Kɔlìŋ 12:7

Zhə̀fè fo Sèzuʼ sə Vəynse nâʼàpî se ndè nə sə tsâmtə̀ vəyn è nə̂ èfɨaʼ kè sə chùŋ ə̀ghɨ ə̀kɨ̂m.

Ətefɨ̂aʼ 20:27

kûmə̀ nə m tè pâʼà ndə̀tè nâʼà èghɛ zhize sê ghàyn kûmə̀ èghɛ zɛ ə Zhə̀fè kyiŋə se nə̀yn.

Njɔyn 10:35

Ghàs ke ndô nə ghɛ zɛ ə ŋwàʼlè ə Fezhə̀ pìə nyì səmɔʼ, nyi se tə ndamə faŋ; ə nyì sê ghɨ̂yn kə Zhə̀fè tè tɔŋte nə mzhə̀ kə Fe tè tsɛ̀sə tom ə̀ Vəyn se ghənə.

Matyò 26:56

Nâʼà Pîza, ghɛ nə ghɨyn kyi se kyàyn se lwiynse ə tom ə Fèzhə̀ zɛ ə fɨ̀aʼtèsè tè nyaʼ ə Ŋwàʼlè ə̀ Fèzhə̀.” Kè sə ashìŋə̀, chùmtè èpàm sə vəynse ə tə zâ vəyn nâʼà ə̀kɨ̂m.

Ətefɨ̂aʼ 1:16

“Ghɔnyì ghɨmə, ghɛ ghɨnə ə ghe vâ kyàyn kûmə̀ Njondàs nyi va kyi ke se kyàyn se lwiynse eghɛ zɛ ə Zuʼse Ŋwaʼase tè nəyn Ndàfît ə wàmnə̀, ə fɨnə nyàʼa ə Ŋwàʼlè ə̀ Fèzhə̀ kûmə̀ vəyn Njondàs nə è tə tyə̀ynə̀ Njisə̀s nə ghɨ ghɛ ə ghe fɨ̂aʼà ə ndɛ̂ Fèzhə̀ ko.

Matyò 21:42

Njisə̀s ə pìə sê ghənə nə, “E za nyi nə ghàyn pâʼà tyəmə̂ tɔŋɔ zɨə eluʼ ə Ŋwàʼlè ə̀ Fèzhə̀ vɨnə ə ve pîə nyiə nə: ‘Chi zɛ ə ghɨ fɨaʼa tè tə ə kɛsê sə echi epòlə̀ ə ndɛze. Ə̀ nəyn Pɛ̂pɛ nyî Ə̀ nyi eghɛ ekayntəze sê ghâsènì.”

Ŋwàʼlè ə̀ Pɔ̂l sê ghɨə Lûmghè 4:23

Ghɛ nə zɨ̂nə̀ ə nyâʼ ə ŋwàʼlè ə̀ Fèzhə̀ nə, “Zhə̀fè tè nji Vəyn kə wùə vɛ ə è nə̀ ghɛ ghe endom vɛ ə Fe kyiŋə” ghe va ke sê Aplàghâm.

Ipilù 11:1

Sə̂ kyi èkyî epomə̂zè nyì nə fɨa vɛ ə ghâsènì kwàʼtə̀ lɨmtə vəynve, ghâsènì nyîə ke səmɔʼ nə ə tə kyiə vəynve. Pomə̂zè nyi sə̂ ke səmɔʼ nə fɨake nyiə nyi nâʼà pî kə ò pa tsɨs ndɔ̀ʼɔ ò fe fɨa ətəynke è shize

Ŋwàʼlè ə̀ Pɔ̂l sê ghɨə Lûmghè 3:2

Chùŋ ètsɨə nyîə nyi, zə shi e nyi nə ə̀ nyi ə ghənə əgho ə Zhə̀fè tè fo tom èchùŋ.

Ətefɨ̂aʼ 28:25

Nyiəmə, ghənə ə zhə̀tə̀ se saʼnê əghɛ kə ghənə tè ndù. Tsɔ̀fə kə ghənə ndo, Pɔ̂l ə tsà sê ghənə nə, “Zuʼse Ŋwaʼase tè nyi ke nâʼà chichi kə se tè tsàyn ghɛghe se Fɨ̀aʼtè Èsayà nə è tsayn sê pɨ̀a ə ghâsènì ghəshiə nə,

Ŋwàʼlè ə̀ Mâk 12:36

Zuʼse Ŋwaʼase ə nə̀ nə Ndàfît pi nə: ‘Pɛ̂ Zhə̀fè pi sê Pɛ̂pɛ vɨm nə, Tsɨsə ə̂ mi ekɔyn etwɔve se zaʼâ kə m ndəm pàyn sɛse ə ghò etyə̂ ə̀ghòl.’

Matyò 26:54

Pîza, mə m nə̂yn nyi ə e tàʼa lwiynse eghɛ zɛ ə se nyi mə ə nyaʼ ə Ŋwàʼlè ə̀ Fèzhə̀.”

Matyò 22:43

Njisə̀s ə pfɨfə sê ghənə nə, “E za nyi za, Zuʼse ə ŋwaʼase ə kwiə zàyn se fɨnə nə̀yn nə è tɔŋtə va vəyn nə vɨ̂yn nə Pɛ̂pɛ ə? Ndàfît ə pìə nə: