2 Timotì 2:8 - Ŋwàʼlè ə̀ Fèzhə̀ Mkâyn Mə̂ Fèm

⁸ Pɨ̀əyte Njisə̀s Klâys kə È tè zòmə ekwu, mə È tè fɨ ə esas ə ndɛ ə Ndàfîtzè, kè kə ə zaʼlə ə tom èchùŋ zɛ m ndaʼà.

2 Timotì 2:8 Referans Kwoze

Ətefɨ̂aʼ 2:24

Pîza Zhə̀fè ə nə̀, È və zômə̀, ə sɔ̀zâ Vəyn sê tyaʼ ekwuke kûmə̀ nə kwuze tè vayn kàʼa e kyi Vəyn kə wùə ndɛ̂ ə̀chaʼ.

Ŋwàʼlè ə̀ Pɔ̂l sê ghɨə Lûmghè 2:16

E za tyə̀nə̀ nə ə Fetuʼ fə saʼfe, Zhə̀fè tə saʼa ə̀ghɨ ə̀kɨ̂m ətə̂ ə̀ghɛ ghɛ ə ghənə kwaʼtə̀, è ghɛ ə ghənə ndə̂tə̀ nə̂ ndô. È tə fo Njisə̀s è tyaʼ nə kɛmə nə È saʼ ghɨghe. Ə̀ ghɨnə nyi əghɛ ghɛ ə m tsâ sê ghɨghe ezhoghɛ ə m ndaʼà tom èchùŋ.

2 Tèsàlonikà 2:14

Zhə̀fè tè tɔŋɔ ghàyn tɔynə̂ ə tom èchùŋ zɛ ə ghàs tè ndàʼa sê ghàyn kə ghàyn pəyn sə̂ pɔŋ kyi èpomsê zɛ ə Pɛ̂pɛ ə̀ ghâsènì Njisə̀s Klâys kyi.

Matyò 1:1

Ə̀ ghɨnə nyi əzə ghə̀pɨ̀a ə pɨ̂a Njisə̀s Klâysə̀. Njisə̀s tè ndò e tɔ̀ŋ ə ndɛ fɔ̀yn Ndàfîtzè, mə Ndàfît ndò e tɔ̀ŋ ə ndɛ Aplàghâmzè.

1 Timotì 2:7

Ə̀ za nyi eghɛ zɛ ə tè tom mi kə wùətom è wùə èzaʼlə ə̀ghɨ ghɛ ə tè va əghɨ Njûsghè, nə m zaʼle tom èkyî epomə̂ zɛ ə e nyi səmɔʼ sê ghɨ ghɛ ə̀ vachi ə̀ghɨ ə Njûsghè. M wamə chîəva kaŋke, m lotə̂ pîə kə nâʼà èghɛ səmɔʼ!

1 Kɔlìŋ 15:4

ə tə pfɨ̀mə̀ Vəyn, È və kɛsə̂ zômə̀ epàmə m̀tuʼ mta kè kə ə nyi mə ə nyàʼ ə ŋwàʼlè ə̀ Fèzhə̀ nə,

Etyə̂yn ə paynsêzè 5:5

Chəʼ emɔ̀ʼ fumə əfètə̂ sèchəʼ nə sɛ mə ə ke pì sê mi nə, “Kə fɨyn chi, Fekə, pìkəm ètàŋ ə Njondàzè, mə za nyi vâ èsas ə ndɛ ə Ndàfîtzè ə nò zhi sè nyi mə è kàʼa è zhom lɛ ətəynve èsɛ̀mbɛ se zhə̀yn ə ŋwàʼlè èngɛ ə̀təyn.

1 Timotì 1:11

Ghɛ nə ghɨ̂yn nyi əfètə̂ tom èchùŋ zɛ ə fo nə m ndaʼa. Zaʼlê ə səmɔʼ nə zɨnə mə nyi eghɨ è tom èchùŋ kûmə̀ èpomsê ə Fezhə̀ fə ghâsènìfe kayntəfe.

1 Kɔlìŋ 15:1

M kyiŋə zôyn ə ghɔnyì ghɨmə se pyə̀ytè ə tom èchûŋ zɛ m tè tsàyn sê ghàyn, gha zɨə ə pomə sè tyəm kə təyn.

Ŋwàʼlè ə̀ Pɔ̂l sê ghɨə Lûmghè 16:25

Ə ghâsènì fo pomsêzè sê Zhə̀fè! È kwəynə̂ ndò se nə̀yn nə ghàyn ə tɛ ə ghàyn epomə̂. Ə̀ nyi nyiəmə kə m tè tsàyn se ghàyn ashîŋə̀ kɛ ə m tè ndàʼa tom èchùŋ ə̀ Njisə̀s Klâys. Tom èchùŋ nə zɛ mə nyi səmɔʼ zɛ ə Zhə̀fè tè nyi mə fe ə ndə̀m nâʼà sə mɨ mə è paʼà tyə̀yn sê ghɨghe.

Ətefɨ̂aʼ 13:23

Njisə̀s vɛ ə è tè fɨ etɔ̀ŋ ə ndɛ Ndàfîtzè, ə nyi Vəyn vɛ ə Zhə̀fè tè ndəm nə è və nyi Sɔ̀zà se ghɨə Isìlâyghè, kè kə è tè tsɨ̀ne nə Zhi tə nə̂.

Ətefɨ̂aʼ 2:30

Ndàfît tè nyi fɨ̀aʼtè ə̀ Fèzhə̀, ke àfɨa kɛ ə Zhə̀fè tè tsɨ̀ne se fo se vəyn. Zhə̀fè tè nji mkâyn nə È tə njiə vayn ə feghàŋ fə ndɛfə Ndàfîtfè sə fɔ̀yn kè eghɨ kə Ndàfît tè nyi fɔ̀yn.

Tom èchùŋ kè kə Lûk tè nyaʼ 24:46

ə fɨnə pîə sê ghənə nə, “Ə tè nyàʼ nə, Klâys kyi se fe ngəʼ nə ə nyi mtuʼ mta, e zomə e kwu,

2 Timotì 1:8

E za tyə̀nə̀ nə ò kyi va sə̂ ghomə̂ se tsàyn eghɛ zɛ ò ke kûmə̀ Pɛ̂pɛ, pî sə ghomə̂ kûmə̀ mi, ə wùə ndɛ ə̀chaʼ kûmə̀ Klâys. Pɨl njì vɛve nə eluʼ sə̂ zɨə ngəʼ kûmə̀ tom èchùŋ, kè kə Zhə̀fè fo ghô è tyaʼke.

2 Timotì 2:7

Kwàʼte ghɛ zɨ̂nə̀ ə m pìə nyi, kûmə̀ nə Pɛ̂pɛ nə̀ nə̂, ə ò zɨ kê ə̀ghɛ ətəynghe nâʼà ə̀kɨ̂m.