2 Timotì 2:12 - Ŋwàʼlè ə̀ Fèzhə̀ Mkâyn Mə̂ Fèm

¹² Ə ghâsènì ndù ke eshike sə̂ kolə ə̀təm, ə ghâsènì ghə̀ vəyn tə nəyn ə saʼə mbi. Ə ghâsènì kwiynse nə ghâsènì ke va vəyn, ə è tə pɔŋ kwiynsê nə zhi ke va ghâsènì.

2 Timotì 2:12 Referans Kwoze

Ŋwàʼlè ə̀ Pɔ̂l sê ghɨə Lûmghè 8:17

Kə ghâsènì se nyi ə̀ ghɔyn ə vəynghe, ghâsènì tə kyîə ndò pɔsê tɛ ə È ndə̀m sê ghɔ vəynghe, ə kyi kepî ghasènyìə ghə̀ Klâys fɨa vɛ ə Zhə̀fè nyi mə fə ndə̀m se Vəyn, kûmə̀ nə ə ghâsènì zɨ tsôsvè ghasènyìə ghə̀ Klâys, ə ghâsènì tə kyî kepî èpomsê ə vəynze.

Matyò 10:33

Pîza ghɨ ghɛ ə tə Mi ə ndayn, M tə tə ghənə ə Pɨ̀a vɨ̂mvè əshi ekwùtwəyn.

Etyə̂yn ə paynsêzè 20:4

Mə ke fe mkyə̂ mə tefɔ̀yn mə ghɨ ghɛ ə ghe tè tsɨs ətəyn tè nyi ghɛ Zhə̀fè tè nyiə fo tyaʼke nə ghənə ə saʼa. Mə fɨnə fe àzɨlə ghɨ̀ ghɛ ə tè tsɔyn tuə ghənə̂vè kûmə̀ kə ghənə tè ndàʼa tom ə̀ Fèzhə̀ è kɨsè səmɔʼ zɛ ə Njisə̀s tè tyə̀n paynsê. Ghənə tè nyi əghɨ mə ə kwiynsê nə ngɨmnə va nyàm èpamə zɛ kɨ̀sə afɨâʼsè ətəynke, ə kwiynsə̂ nə kə̂ ə ndəm chwìə nyàm èpamə ə̀təyn ə ghənə echo àtu è kɨsè akɔyn. Ghənə ə tə kɛsê zômə̀ sè saʼa yî ghə̀ Klâys sə sepìŋ kam.

Etyə̂yn ə paynsêzè 20:6

Saŋnêzè è pɔsêzè nyì sê nyì sê ghɨ ghɛ ə paʼse sê zômə̀ əshi nə zɨ̂nə̀. Kwu zɛ ə ze nə̂ nə te ndu tepɛ̀ kyi va tyaʼke ə ghənə ətu. Ghənə tə nə̂ ə nyi ə̀ghɨ kɔʼsə nə eshyə̀ sê Zhə̀fè è kɨsè sê Klâys, ə Klâys yî ghə̀ ghənə saʼ sə sepìŋ kam.

Tom èchùŋ kè kə Lûk tè nyaʼ 12:9

Pîza vɛ ə è mɛne mi ə ghɨghe əshi, ə Vâ wùə tə pɔŋ mɛne vəyn ə̂ tsì sə Fezhə̀sè əshi.

Etyə̂yn ə paynsêzè 5:10

O nə̀yn ghənə e nyi əghɨ elùʼ efɔ̀ynvè mə ghənə nyi əghɨ ə kɔʼsə nə eshyə̀ ghɛ ə fɨaʼà sê Zhə̀fè mə ghənə tə saʼa èfɔ̂yn ə mbize.”

Tom èchùŋ kè kə Lûk tè nyaʼ 9:26

Naʼapi ndè vɛ ə è ghomə kûmə̀ mi è zaʼlê zɨme, ə è və ke nə Vâ wùə tə pɔŋɔ ghomə kûmə̀ vəyn ezhoghɛ ə è kɛse pə̀yn əfètə̂ èpomsê zɛ ə è kyi, ə̀ nyi èpomsê ə Pɨ̀aze è tsi sə vəyn sə eŋwaʼase.

Etyə̂yn ə paynsêzè 2:13

M nyiə ke eluʼ vɛ ə ò ndamə ətəyn. Ò ndamə elùʼ Satàyn e saʼa efɔ̂yn ə vəyn fu. O tə fɛte tyə̂m àchuŋ ə gho ekyî epomə̂zè sê mi ə tàʼa ə mɛnê ezə zɨmze nâʼàpî etuʼ vɛ ə tè zhwi Antipàs ətəyn vɛ ə è tè ndàʼa tom kûmə̀ mi è təm ə vəynghe əkɨ̂m. Ə tè zhwi vəyn elùʼ vɛ ə satàyn ndamə.

Etyə̂yn ə paynsêzè 1:9

M nyi Njɔyn ànyì vâynvè, ə vɛ ə è fe kəpî tsôsvè kə ghàyn kûmə̀ nə ghâsènì ə pomə̂ sê Njisə̀s. Ghâsènì kolə ə̀təm əfètə̂ temɔ̀m kûmə̀ nə ghâsènì ə pomə̂ sê Njisə̀s. Ə tè tsə̀fse mi mə chum ndû mi elùʼ vɛ ə tsò nyi mə è zə kyìŋ ka, e tɔŋtə̂ nə Patmòs kûmə̀ nə m tè ndàʼa tom ə̀ Fèzhə̀ tsâ se ghɨə kûmə̀ Njisə̀s.

Njût 1:4

Kûmə̀ nə ghɨ yîghe mə ghe ke va Zhə̀fè ə nyaʼtê nji ə ghâsènì ə fètəyn, ə̀ nyi ə̀ghɨ mə ghə fəʼtê tomə̀ àfùʼ ə Fezhə̀kè pîə nə fùʼ ətəynke nyîə pomə̂ nə ghɨghe ə ndamə tèndam tenyələte, Ŋwàʼlè ə̀ Fèzhə̀ se nyi mə è zə tə wàmnè nâʼà sə mɨ kûmə̀ ə̀ kyì ə ghɨ nə ghɨ̂nə̀ ə tsà nə Zhə̀fè tə saʼa pofsə̂ ghənə kûmə̀ nə ghənə ə tə pɛ̀ apɨəyn emɔ̀ʼ vɛ ə ghâsènì kyi ə̀ nyi Pɛ̂pɛ Njisə̀s Klâys.

Filìpây 1:28

Kə ghàyn nə fayn ə̀ghɨ ghɛ ə ghe nô nə kə ghàyn nəyn fɨ̂aʼ zaynze achûŋ. Ghàyn kyi təm ə tɛghe. Ə ghàyn nə̀yn nyi, ə ghàyn tyəyn sê ghənə nə Zhə̀fè nə pofsə̂ ghənə ə Fe sɔza ghàyn. Ə̀ nyi Fezhə̀ ə Fe nə̂ nə zɨnə mə kyayn.

Ŋwàʼlè ə̀ Mâk 8:38

Ə nâʼà pîndè vɛ è ghomə kûmə̀ mi è zaʼlê zɨme əghɨ mbighe əshi ghɛ ə pomə va Zhə̀fè, ə Vâ wùə tə pɔŋ ghomə̂ kûmə̀ vəyn ezhoghɛ è kɛse pə̂yn əfètə̂ èpomsê ə Pɨ̀a vəynze yî tsì sə vəynse ŋwaʼase.”

Matyò 26:35

Pità ə pə̀ynsə̀ nə, “M vayn kàʼa m tə pi èkyì eghɛ zâ, pi ezhoghɛ m nyi pî se kwu.” Chùmtè èpàm sə mɔ̀ʼɔse ə pìə kə pî èghɛ nə zɨnə mə.

Etyə̂yn ə paynsêzè 3:8

M ke ndô ghɛ ghɛ ə ò nyi mə o nə̀yn. Fekə, mə chwì za cho ə ndɛ sê ghò, mə nâʼà wùə vayn kaʼa è fɨyn kyiŋ. M nyiə ke nə o tɔ̀ʼ kyi va tyaʼa, pîza mə o chùmtè zaʼlê zɨmze ə tàʼa mɛnê ezə zɨmze.

Ətefɨ̂aʼ 14:22

Nâʼà pi elùʼ èkè vɛ ə ghənə tè nduə fɨə, ghənə ə nə̀ nə ghɨ poməghe tɔʼ kyî èpomə̂ ə ghənə̂zè ə fɨyn ndəm ətəm ə ghənə̂ eghɛ zɛ ə ghənə pomə. Ghənə tè zaʼlə nə, “Ghâsènì kyi se tsɛ tɔynê əfètəyn tètsòs te tsɨ̂ə kə nyi tsɔ̀fə ə se nji elùʼ efɔ̀yn ə Fezhə̀vè.”

Ŋwàʼlè ə̀ Mâk 10:33

È və nə ə pìə nə, “Ghàyn ke nə ghâsènì kɔʼɔ ndûə ə Njèlusalɛ̀m zôyn nyî, e kyi se ndùə fo Va Wùə sê ghɨ kɔʼsə nə èshyə̀ ndɛ̂ Fèzhə̀ e ghaʼa, è tyə̀ynsè sə alàŋsè nə ghənə tsɛse lâŋkè nə è kyi se kwu, ə fɨyn nji fo vəyn sê tumve,

Matyò 26:75

Pità ə ke kɛse ə kwàʼtè eghɛ zɛ Njisə̀s fè pì sê vəyn nə, “Ndom ə̀mbvɨ nə̀ piə è tɔŋɔ ndò mə o mɛ mi shîŋə̀ teta.” Pità ə fɨ ə ndûə əpɨəyn ə chîə nâʼà sə ŋaŋ.

Etyə̂yn ə paynsêzè 1:6

ə nə̀ nə ghâsènì ə nyi ə̀ghɨ endaʼ èkɔʼsə nə eshyə̀ghè mə ghe fɨaʼà sê Zhə̀fè ə vəynfe mə za nyi pɨ̀a vəyn. Pomsêzè è tyaʼke nyi sê Njisə̀s Klâys sə teshìŋə̀ tèkɨ̂m. Ə zə nyi ke zamə.

Tom èchùŋ kè kə Lûk tè nyaʼ 22:29

m fo èfɔ̂yn sê ghàyn kèpî kə pɨ̀a vɨ̂m fo sê mi

Tom èchùŋ kè kə Lûk tè nyaʼ 22:30

kə ghàyn nə zhi ə fɨyn mɨ ə mi elùʼ e zhiə etuʼ vɛ m saʼa fɔ̂yn ə vɨm. Ghàyn tə nə̂ ə tsɨs kepî ə mkyə̀ mə tèfɔ̀ynə̀m njò sepɛ̀, saʼa tètâŋ tə Isìlây tɨ̂nə̀ njò sepɛ̀.” (Matyò 26.31-35; Mâk 14.27-31; Njɔyn 13.36-38.)

Ŋwàʼlè ə̀ Pɔ̂l sê ghɨə Lûmghè 5:17

E nyi nə pi zɛ wùə èmɔ̀ʼ tè nəyn, ə nə̀yn ghɨghe əkɨ̂m e nyi etyə̂ àtyaʼ ekwuke. Pîza ghɛ zɛ ə wùə mɔʼɔ èmɔ̀ʼ nə̀yn nyiə ngəs kyi àtyaʼ. Zɨnə mə tə nə̂ əghɨghe əkɨ̂m ghɛ ə ghe nyi mə fi fùʼ ə Fezhə̀ ə tsɨəghe, tə pə̂ ə nyi choze emɔ̀ʼ yîghə̀ Zhə̀fè, ə kyi ndam zɛ ə ze tə mîə va, ə fɨave ekɨ̂m ə nyi ə ghənə etyə̀.

1 Timotì 5:8

Ə̂ tə pîndè nə zhi tɔ̂ʼnə̀ va è sas ə ndɛ ə vəynze, paynpayn ghɨə vəynghə ndɛghe, ə zə tyə̂nə̀ nə è paʼà pomə Klâys səmɔʼ, ə kɛsə̂ kwûəmnə̀ tsɛ̂ nâʼà wùə vɛ ə è tàʼa tyəmə pomə̂ nâʼà səkɔs.

Etyə̂yn ə paynsêzè 3:10

Kûmə̀ nə o zɨ lâŋ kɨmke mə ke nyi nə ò kol təmə ə fètə̂ ètsòs, M tə sɔzâ kəpi ghò ashìŋə̀ kɛ kə tsôsè pə̀yn ə mbi ekɨ̂m se mɔ̀m əghɨ ghɛ ə ghe ndamə ə chi.

Etyə̂yn ə paynsêzè 3:21

Ə̀ nò zhi pîndè, ə m fo vəyn è tyaʼke nə è tsɨsə ə mì etipì, ə mì ə fekyə̀ fə efɔ̀ynfè. Kè kə M se nyi mə mə nò ə zhiə sè tsɨs zôyn ə Pɨ̀a vɨ̂mvè etipì, ə Vəyn elùʼ efɔ̀yn.