2 Timotì 2:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ Ə̀ za nyi eghɛ zɛ m kolə təmə nâʼàpî ə tə ghè kè kûmə̀ ə̀ghɨ ghɛ ə Klâys nyi mə È və chɔʼtê, kə ghənə tə pɔŋ kyî èsɔza zɛ ə ze pə̂ tɔynə̂ ə Klâys Njisə̀s, pə̂ è pomsê zɛ ə ze tə mîə va.

2 Timotì 2:10 Referans Kwoze

Kòlosè 1:24

M saŋnə̂ ndò zôyn kə m zɨə ngəʼ kûmə̀ ghàyn. Kə m zɨə ngəʼ nə zɨnə mə, mə mɨ̀sè zɨə ngəʼ ə Njisə̀s zɛ ə ze tè kyi sə̂ nyi ə vəyn ewìyn vɛ, ə ve nyi əghɨ̀ ghɛ ə ghe pomə sê vəyn.

1 Pità 5:10

Ghàyn nə̀ fe ngəʼ kè sə fendiŋə̀ fə ashìŋə̀fè nyi, epàm ətəyn, ə Zhə̀ fɛ ə fe nə̂ chùŋ se ghâsènì əghɛ ə̀kɨ̂m, mə Fe ə tɔŋə̂ ghâsènì nə ə nyi paʼsê kepî ə vəyn ə fètəyn èghaʼ sə afɨa àmɔ̀ʼ è Klâys. Nâʼà vəyn è ngɨŋə̂ vəyn tə nə̂ kwəynsə̂ nə ghàyn ə kyi àtyaʼ, tyəm tɛ ə ghàyn e samsê, ə è nəyn ə ghàyn ə ndam kyi ekol ətəmze.

2 Timotì 2:3

Njì kɛke nə andiŋ se fe ngəʼ kə sokə̀ʼ ə̀ Njisə̀s Klâys zɛ ə è nò è təm ə vəynghe əkɨ̂m.

2 Kolìŋ 1:6

Ə ghàs fe ngəʼ, ə nyi sə ghàyn ə chùŋ è sɔza zaynze; ghàs ə kyîə ètsâmtè, ə nyi mə ghàyn ə kyi kepî tsâmtèzè, kə ze fo ghàyn è tyaʼke se wəynsê ewiyn ə sengəʼ sɛ ə ghàs kyi kepî.

2 Kolìŋ 4:17

Tsôs etətə̂ vɨnə̀ ə ghâsènì fe zôyn fa fendiŋə̀ fə ashìŋə̀fè tə pə̂ ghâsènì è pomsê eghaʼazè mə ze tə mìə va, mə ə vayn kaʼa fɨaʼne zɨnə mə è tsôs vɛ ə ghâsènì fe.

1 Pità 2:10

Ghàyn tè va əghɨə Fezhə̀ sə shi, pîza sè nyi zôyn. Zhə̀fè tè kosə̂ va sə̂yn sê ghàyn pîza sè kosə̂ zôyn nâʼà sə ŋaŋ.

1 Tèsàlonikà 5:9

Ghâsènì kyi sə̂ kɨ̂ŋtə̂ nyî kûmə̀ nə Zhə̀fè tè pâʼà chɔʼ ghâsènì se saʼa ghâsènì se fɨnə pɔynse, pîza nə ghâsènì kyi sɔzaze tɔynə̂ ə Pɛ̂pɛ ə̀ ghâsènì Njisə̀s Klâys,

Kòlosè 1:27

Pɨaʼtê ə Fezhə̀zè nyi nə è nəyn ə ghɨə vəynghe ke nə ghaʼa Klâyszè, è pomsê ə vəynze nyi kepî ndò se ghɨ ghɛ ə̀ vachi ə̀ghɨ ə Njûsghè. Ghɛ endətə zɛ ə ze nyi əfètə̂ ə̀təyn nyi nə, ghàyn ndəm ə ghàyn ətəm nə ghàyn tə kyîə ndò pomsê zɛ ə Zhə̀fè pì nə zhi tə fo ndò se ghɨə vəynghe.

Ɛfesùs 3:13

Ə̀ za nyi eghɛ zɛ ə m pìə sê ghàyn nə kə ghàyn pɔ kûmə̀ ètsôs vɛ ə ghàyn zɨə nə m fe ndò kûmə̀ nə m ndaʼà tom èchùŋ sê ghàyn ghɨ ghɛ ə̀ vachi ə̀ghɨ ə Njûsghè. Ghàyn kyi sə̂ ke nə ghɛ ətəynze ndùə kə sə ghàyn ə chùŋ.

2 Kolìŋ 4:15

Ghàs pomə̂ se fe etsòs nə vɨ̂yn sə ghàyn ə chùŋ kə Zhə̀fè nə tyən àfùʼ ə vəynke sê ghɨ se tsɨ̀ se tsɨ̀, ə ghɨ tsɨə fo zɔ̀ŋnèkè endom se fo epomsê eghaʼazè Zhə̀fè.

1 Kɔlìŋ 9:22

Shîŋə̀ kɛ ə m ndu sê ghɨ ghɛ ə ghənə pɔlə̂, m nyi ke kə wùə ə è pɔlə endom se nə̀yn nə ghənə chumte Klâys. Mə kɛse sè nyi ke èfɨa èkɨ̂m se ghɨ ghəkɨ̂m se mɔ̀msè ətendom tèkɨ̂m nə ghənə yîghe kyi sɔzaze ezhoghɛ ə ze pɔynə.

Ŋwàʼlè ə̀ Pɔ̂l sê ghɨə Lûmghè 9:23

Zhə̀fè tè kyiŋə kəpîə se tyə̀ynə paynsê epomsê èghaʼâ vəynze etûə ə̀ghɨ̀ ghɛ ə è tè kyi kosê esəyn sê ghənə. È və kàynè pɨaʼtê ghɨ nə ghɛ mə kə ghe fi pomsê ə Vəynze.

Ŋwàʼlè ə̀ Pɔ̂l sê ghɨə Lûmghè 2:7

Ghɨə mɔ̀ʼɔ ghə kol təmə ə faŋə nə̂ ndûə kə əghɛ əchûŋghè, kyiŋə epomsê, è kɔʼsêzè. Ghənə tə kyîə èndam zɛ ə ze tə mìə va. Zhə̀fè tə fo èndam zɛ ə ze tə mîə va se kyì əghɨ̀ nə ghɨ̂yn.

Njɔyn 17:24

Pɨa Vɨm! M kyiŋə nə ghɨ ghɛ ə Ò fo sê Mi tə nəyn ə nyi ghasè ghənə elùʼ vɛ ə M nyi ətəyn, kə ə fe pomsê ekayntə zɨme, ə zɛ ə Ò tè fo sê Mi kûmə̀ nə Ò tè kɔ̀ŋɔ Mi, tsɔ̀fə kə pom mbi.

Njɔyn 17:9

M tsə̀mə̀ se ghənə. M tsə̂mə̀ chiva se ghɨə mbiə, pîza se ghɨ ghɛ ə Ò fo sê Mi, kûmə̀ nə ə̀ nyi əghɨ ghɛghe.

Njɔyn 11:52

È tè paʼà kwu ke sê ghənə. È və tè kwu kepî atu ə ghɔ Fezhə̀ ghɛ ə ghe chyâsè kə ghənə kɛse zûŋtè pə̂yn ə̀ nyi ke sə afɨa àmɔ̀ʼ.

Matyò 24:31

Ə tə tɔŋə èsɔŋ, ə è tom fɨsê sètsì sə vəynse ə tepòlə̀ tembi tekɨ̂m tèkyàʼ nə se kwi zûŋtè ə̀ghɨ ghɛ Zhə̀fè chitê se zhə̀tè apàs ə mbike amɔ̀ʼ se nduə tàyn ə kə mɔ̀ʼɔke.

Matyò 24:24

Kûmə̀ nə ghɨə etsɨə tə fɨə pə̂ ə tsâ nə ə nyi vɛ ə chɔʼ ndə̂m è fɨ̀aʼtè sə akaŋse ə sə tyə̂nə̀ sèchwìə sekwə̂mnəse, mɔ̂mə̀ əghɛ kayntə kè se mɔ̀msè se fe nə ghənə nyiə kaʼa ə kyiŋse nâʼàpi ə̀ghɨ ghɛ Zhə̀fè se nyi mə fe ə chɔʼ se sɔzà.

Matyò 24:22

Pîza Zhə̀fè nyi mə è və fàftè tuʼ mə ètsòs nə mɨ̂yn. Ə È tè tàʼa nə̀yn zamə, mə wùə vîvè tə sɔ̂ fɨə va. Kûmə̀ kə ə̀ghɨ və kə È chɔʼ ndə̂m È tə fâftə̀ mtuʼ nə mɛ.

2 Tèsàlonikà 2:14

Zhə̀fè tè tɔŋɔ ghàyn tɔynə̂ ə tom èchùŋ zɛ ə ghàs tè ndàʼa sê ghàyn kə ghàyn pəyn sə̂ pɔŋ kyi èpomsê zɛ ə Pɛ̂pɛ ə̀ ghâsènì Njisə̀s Klâys kyi.

Tom èchùŋ kè kə Lûk tè nyaʼ 18:7

Ə̀ nyiə kàʼa ə pɨl faŋ Fèzhə̀ se zɨtê echi zɛ ə ghɨ fəynfe ghɛ ə fe chɔʼte chîə sê fəynfe, èchwì ètuʼu ə? Ə fe za kàʼa ə fe ə puʼsə̂ kə ndò ghənə ə?

1 Kɔlìŋ 1:21

Kûmə̀ nyiə mə, Zhə̀fè tɔynə̂ ə vəyn etɔf eghaʼâzè ə nə̀yn nə wùə vayn ndə̀ʼə kê vəyn tɔynə̂ ə vəyn etɔf eghaʼâ ə ngɨŋze. Zhə̀fè tè nyîə pɨlə saŋnə̂ tɔynə̂ əfètə̂ ‘àngo’ kɛ ə tè ndàʼa, è və sɔ̀zâ ə̀ghɨ ghɛ ə tè pomə.

2 Kolìŋ 12:15

M nə̀ nə̂ m mə saŋnə̂ se pofsê nâʼàpî akè kɛ m kyi se paʼsê è ngɨŋ zɨ̂mzè kè endom se tsàmtè ə ghàyn. Kûmə̀ ghè m kɔ̂ŋɔ̀ tsɛ̂sə̀ ghàyn nyi, ghàyn e kɔ̂ŋɔ̀ kə mi se chə ə?

2 Timotì 1:1

Ə̀ nyaʼ mi Pɔ̂l, ŋwàʼlè zɨ̀yn sê ghò ə Timotì. M nyi wùətom ə̀ Klâys Njisə̀s mə ə̀ chɔʼ Fezhə̀ nə m tsayn tom èchùŋ kûmə̀ èndam zɛ ə ze tə mîə va kè kə È tè tsɨ̀ne. Ghâsènì nə kyîə èndam nə zɨ̂yn kè ezhoghɛ ə ghâsènì nyi kaʼke amɔ̀ʼ ghasènyìə ghə̀ Klâys Njisə̀s.

2 Timotì 2:1

Ə̀ ghô ə vayn vɨ̂mvè Timotì, ò tɛ tɔynə̂ afùʼ kɛ ə ghâsènì kyi sə afɨa àmɔ̀ʼ è Klâys Njisə̀s.

Taytùs 1:1

Ə̀ nyaʼ mi Pɔ̂l ŋwàʼlè zɨ̀yn. M nyi wufɨ̀aʼa ə Fèzhə̀, fɨyn nyi wùətom ə̀ Njisə̀s Klâys. Ə tè chɔʼ tom mi nə m tsamte se nə̀yn nə kyî epomə̂ əghɨ̀ ə Fezhə̀ ghɛ ə fe chɔʼte ə tɛ, se fɨnə nə̀yn nə ghənə ə ke səmɔʼ zɛ ə è nyi tsàmtè ə ghənə se nə̀yn nə ghənə ke Zhə̀fè.

Tom èchùŋ kè kə Lûk tè nyaʼ 22:57

Pità ə toynə̂ ə piə nə, “Wùzhɔyn vɨ̂yn, m ke pi va vəyn.”