2 Timotì 1:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ M tsə̂mə̀ nə Zhə̀fè tyəyn səyn ekoze sê ghɨ esas ə ndɛ ə Ònèsifolùsghè kûmə̀ nə è və tə nə̀yn m saŋnə̂ kə nyî. È tè pâʼà ghomə̂ nə m nyi wùə ə ndɛ̂ ə̀chaʼ.

2 Timotì 1:16 Referans Kwoze

2 Timotì 4:19

Tɔŋte Pliskà è Àkwilà è ghɨ esas ə ndɛ ə Ònèsifolùsghè sê mi.

Filemùyn 1:20

Ànyì vɨm, nə̀yn tsâmtè zɨ̀nə sê mi kûmə̀ Pɛ̂pɛ. Nə̀yn nə mə saŋnə̂, kûmə̀ nə ghasè ghò nyi ə ghɔnyìghe ə Klâys.

Filemùyn 1:7

Ànyì vɨ̂m, kɔ̂ŋ zɛ ə ò kyi sê ghɨə Fezhə̀ è ndom vɛ ə ò nə̂ ghənə e saŋnə̂ ə fo mi ètəmə, ə nə̀ nə mə sɨŋnə̂! O nə̀yn ghɨə Fezhə̀ghè əkɨ̂m e ko kə nâʼà àchûŋ.

Ɛfesùs 6:20

M nyi mə tom nə m pəyn ə mə ndâʼà tom èchùŋ nə zɨ̂yn nâʼà pî kə m nyi zôyn ə chaʼ. Ghàyn tsə̂m nə mə tsâ kè kə m kyi sə̂ tsâ, fànə̀ va fɨake.

Ətefɨ̂aʼ 28:20

Ə̀ za nyi eghɛ zɛ m tɔŋə ghàyn nə ghâsènì kate ghɛghe. Se pì səmɔʼ, m kyiŋə nə ghàyn ke nə ə chaʼse nyi ə mì ekɔyn, ə ze ə nyi kûmə̀ wùə vɛ ə ghɨ Isìlâyghè tè nyi mə ndə̀m ə ghənə ətəm nə è tə pə̂.”

Ipilù 10:34

Ghàyn e kosə èsəyn sê ghɨ ghɛ ə kote fâ. E kyitə̂ fitə̂ èfɨa vaynve, pîza ghàyn e kolə kə ndò təmə kyi va fɨmsêzè, kûmə̀ nə ghàyn tè ke ndô nə ghàyn nyiə nyi èfɨa ve tsɔ̂fə̀ tsɛ̂, nyi se ndamə faŋ.

Ipilù 6:10

Zhə̀fè nə̀ va m̀nàŋ endom vɛ ə è saʼa ətəyn. Fe vayn kàʼa fe lɛse kɔ̂ŋ zɛ ə ghàyn tyə̀yn sê ghɨ vəynghe è fɨ̂aʼ zɛ ə ghàyn nə̀ se tsàmtè ə ghənə. Ə̀ nyi nâʼà pî zôyn, ghàyn pa fɨ̂aʼà kə za.

2 Timotì 1:18

M tsə̂mə̀ nə Pɛ̂pɛ tyəyn səyn eko ə Vəynze sê vəyn fumə əfetuʼ. Nâʼà ghò nyîə ke kə è tè tsàmte mi ə Ɛfesùs.

2 Timotì 1:8

E za tyə̀nə̀ nə ò kyi va sə̂ ghomə̂ se tsàyn eghɛ zɛ ò ke kûmə̀ Pɛ̂pɛ, pî sə ghomə̂ kûmə̀ mi, ə wùə ndɛ ə̀chaʼ kûmə̀ Klâys. Pɨl njì vɛve nə eluʼ sə̂ zɨə ngəʼ kûmə̀ tom èchùŋ, kè kə Zhə̀fè fo ghô è tyaʼke.

1 Kɔlìŋ 16:18

Ghənə ə tɨ̀msè təm ghɨmə kèpî èghɨ kə ghənə tɨ̂msè ghanə. Ghàyn e ngɨmnê ə̀ghɨ nyi kə ghɨnə mə.

Matyò 5:7

Pɔsê nyì sê ghɨ ghɛ ə ghe kosə səyn sê ghɨə mɔ̀ʼɔ̂, Zhə̀fè tə kosə̂ èsəyn sê ghənə.

Ətefɨ̂aʼ 21:33

Tuə sesôkə̀ʼ nə kɛ ə ndùə pîə nə ə kyi Pɔ̂l ə fâ vəyn è chaʼ sepɛ̀, ə pfɨfə sê ghɨ ətəynghe nə, “Ə̀ vɨ̀nə mə nyi nde? è kɨ̂sè nə è pi nə ghe?”

2 Timotì 1:12

Ə̀ za nyi eghɛ zɛ ə m zɨə ngəʼ endom nə vɨ̂yn. Pîza m pa ke kendò səmɔʼ nə, kûmə̀ nə m ke ndô wùə vɛ m samsə̂ vəyn, ke kendò səmɔʼ nə è nyi kàʼa e fɛte ndəm tom zɛ ə è tè fo sê mi se zaʼâ etuʼ ekwuŋsəve.

2 Timotì 1:17

Pîza kè kə è tè pə̀yn tâyn ə Lûm nâʼàpî ashìŋə̀ àkè ə kwìə kyiŋə kə mi nyi, ə fe.

Matyò 25:17

Kèpî famə endom, vɛ ə è tè fi kamse pɛ̀ ə kyîə kwəynsə̂ sèkam səmɔ̀ʼɔ sepɛ̀.