2 Timotì 1:13 - Ŋwàʼlè ə̀ Fèzhə̀ Mkâyn Mə̂ Fèm

¹³ Fɛte kyi ghɛ ə səmɔʼ ghɨnə̀ m zaʼlə sê ghò kə chwìə kə ò chumte, ə faŋə ekyî epomə̂zè, è kɔ̂ŋ zɛ ə ghâsènì kyi kaʼke amɔ̀ʼ è Klâys Njisə̀s.

2 Timotì 1:13 Referans Kwoze

Taytùs 1:9

È kyi sə̂ nyi wùə mə è və fɛte kyî tom èchùŋ zɛ ə è nyi səmɔʼ zɛ ə zaʼlə sê vəyn kə è və ke se zaʼle əghɨ è ghɛ ghɛ ə Zhə̀fè kyiŋə, fɨnə nə̂ nə ghɨ ghɛ ə ghe kwiynsə̂ tom nə zɨnə̀ ke nə ghənə nyîə nə̂ pofsə̂.

2 Timotì 3:14

Pîza se ghò, faŋke ə səmɔʼ zɛ ə tè zaʼle sê ghò, o pomə̂ zə̂ynzè sə ŋaŋ. Ò nyîə ke ə̀ghɨ ghɛ ə tè nyi setyə̀ynsè sɛse.

Filìpây 4:9

Ghàyn e nə̂ ə̀ghɛ ghɛ ə ghàyn tè laynə sê mi, fɨnə nə̂ ghɛ ə ghàyn tè zɨə kə m pîə è kɨsè ghɛ ə ghàyn tè fe kə m nə̂. Ə ghàyn nə̂ nyi, ə Zhə̀ fɛ ə fe fo pɔ̂ynè, ə Fə nyi ghâyn ghənə.

Ŋwàʼlè ə̀ Pɔ̂l sê ghɨə Lûmghè 6:17

Pîza zɔ̀ŋnèkè nyì se Zhə̀fè. Ghàyn ghɛ ə ghàyn tè nyi kɔ̂svè etyə̂ ə̀ghɛ ə pighe, ghàyn ə zàmaʼà ndom nə vɛ mə, ə nyaʼâ chumtə̀ ə̀ghɛ ghɛ ə ghe nyi səmɔʼ è təm ghaynghe əkɨ̂m.

2 Timotì 2:2

Njì zaʼlê zɛ ə ò tè zɨə kə m zaʼlə ə ghɨə tsɨəghe əshi, ə fo tsosə̂ se ghɨ ghɛ ə ò samsə̂ mə ghənə kaʼa zaʼlê ghɨə mɔ̀ʼɔghe.

Etyə̂yn ə paynsêzè 3:11

Ə̀ faŋ ke fèndîŋə̀ kə m pəyn. Fɛte ndə̀m fɨa kɛ ə ò kyi, kə wùə tə kyi fi èmâʼtè ve vɛ ò nò zhi.

Etyə̂yn ə paynsêzè 3:3

Kɛse kwaʼte ghɛ ghɛ ə tè zaʼle sê ghò è ghɛ ə ò tè zɨ. Kwiyne təm ghɛghe se pi ò nə̂ ə̀ghɛ ətəynghe. Ə ò tàʼa zə̀mə̀, ə m pfɨ̀ŋə̀ pəyn sê ghò kə wùə e chɔŋɔ, ə ò nə tàʼa kê ashîŋə̀ kɛ ə m pə̂ ətəyn.

1 Timotì 1:14

Pɛ̂pɛ ə ghâsènì tè nyîə kyi ə̀təm ə chûŋə̀ sê mi. È və tə nə̀yn kepî nə m pomə sê vəyn è kɨsè sə kɔ̂ŋə̀ ə̀ghɨ ə mɔ̀ʼɔghe kûmə̀ nə m tè nyì sə afɨa àmɔ̀ʼ ghasè Klâys Njisə̀s.

Njût 1:3

Soyn sɨmse kɔ̀ŋsè, M tè nyîə mɔ̂msə̀ nâʼà ètyaʼke se nyàʼ sê ghàyn ghɛ kûmə̀ èsɔzà zɛ ə ghâsènì tsɨ̂ynte kyi, pîza zôyn mə fe nə m kyi se nyàʼ kûmə̀ èghɛ ə ndôzè mə ze nyi se chyatê ə ghàyn nə ghàyn no se ndə̀m ekyî epomə̂ zɛ ə Zhə̀fè nyi mə fe ə fo sê ghɨ ə vəynghe kè eshîŋə̀.

Ipilù 10:23

Ə ghâsènì fɛte kyî mə ə nə̂ʼlə̀ va eghɛ zɛ ə ghâsènì kwàʼtə̀ lɨmtə, fɨnə wâmnə̀ kûmə̀ zəynze, kûmə̀ nə ghɛ zɛ ə Zhə̀fè tsɨ̀nè, è nə̀ nə̂ kə kə è pì.

2 Timotì 1:14

Zuʼse Ŋwaʼa sɛ ə se nyi ə ghâsènì əfètəyn nə̀ tsâmtə̀ ghò se fo atyaʼ kə ò fɛte kyî ə̀ghɛ ə chûŋ ghɛ ə fo sê ghò.

Ŋwàʼlè ə̀ Pɔ̂l sê ghɨə Lûmghè 2:20

Ghàyn e njîə sèngɨŋ saynse kə əghɨ ghɛ ə fo chwîtè sê ngôve. Fɨnə njîə sèngɨŋ saynse kə əghɨ ghɛ ə ghe zaʼlə ghɨ ghɛ ə keva ghɛ zhîze. Ghàyn njìə sengɨŋ saynse nyiəmə kûmə̀ nə ghàyn kwaʼtə̀ nə kə ghàyn tɔ̀ʼ ke chi èlwɔ̂ŋ ə Fezhə̀vè achûŋ, ghàyn ke ndô ghɛghe əkɨ̂m, ke ghɛ ə ghe nyi səmɔʼ.

Taytùs 2:1

Pîza sê ghò ə Taytùs, ò kyi sə̂ zaʼlə kə èghɛ zɛ ə ze nyi səmɔʼ.

1 Timotì 6:3

Ə̀ fɨnə zaʼlə nâʼàpî ndè ghɛ, ə̀ va chi ə̀ghɛ ghɛ m fo sê ghò, ghe va èghɨ kə ezaʼlê echûŋ zɛ ə Pɛ̂pɛ ə̀ ghâsènì Njisə̀s Klâys tè zaʼle sê ghâsènì, è kɨsè zaʼle tɛ ə te kɔʼsə Zhə̀fè,

Filìpây 1:27

Ghɛ echûŋzè nyì ke nə, ghàyn ə ndamə kə tom èchùŋ ə̀ Klâys kyiŋə kə m pəyn pî ndò se fe ghàyn, kɨ̀sə m faŋ pî se pə̀yn, m mə ke ndò nə ghàyn pa tɛ kə ndò tyəm sə afɨa àmɔ̀ʼ, tsɨ̂yntə̀ fɨ̂aʼà nâʼà è tyaʼa è kwâʼtèzè emɔ̀ʼ sə̂ ndə̂mə̂ ekyî epomə̂ zɛ ə tom èchùŋ zaʼlə.

1 Timotì 1:10

ə fɛte sê ghɨ ghɛ ə ghe nə̂ ghɛ ə nyələghe è wîyn mə ghənə̂m, è ndômnè ghɛ ə nyɨ̂ŋə̀ è ndômnə̀ kəpiə ə̀ nyi ə̀zəyn, è ghɨ ghɛ ə ghe pəʼlə ghɨ sə ekɔ̀s, è ghɨ wamə, è ghɨ ghɛ ə wamə kaŋke pî kə te tsɨ̀ne sə̂ pîə səmɔʼ, è kɨsè se nâʼàpî ndè vɛ ə è kɔ̀ŋə̀ zaʼlê ə səmɔʼze.

Etyə̂yn ə paynsêzè 2:25

M pìə kə nə, ghàyn fɛte kyî èpomə̂ zaynze se zaʼâ kə m kɛse pəyn.

Ipilù 4:14

Ə ghâsènì fɛte kyî èkyî èpomə̂ ə ghasènìze ə zə tɛ, kûmə̀ nə ghâsènì nyîə kyi wùə èkɔʼsə nə̂ èshyə̀ engaŋtə kwəynə èghaʼâ kə è tè kɔʼ ekwùtwəyn. Wùə èkɔʼsə nə èshyə̀ èngaŋtə kwəynə nə vɨ̂yn nyi Njisə̀s, ə Va Fèzhə̀.

Ipilù 3:6

Pîza, sê Klâys, è fɨ̂aʼà kə è təm ə vəynghe əkɨ̂m kə Va Fèzhə̀, nâʼàpî ghè ə pɨ̀a vəyn ə ndɛ nyi ke ə və gho. Ghâsènì nyi ndɛ ə̀ vəyn, ə ghâsènì kyi ndu kendò təm ə tɛghe è samsêzè, əfètə̂ èkwàʼtè elɨmtə zɛ ə ghâsènì kyi.

Taytùs 2:8

Ò zaʼlə kə èghɛ zɛ ə ze nyi səmɔʼ kə wùə ə vayn kàʼa è wamne pi kûmə̀ zəynze. Ə ò nə̀yn nyî, ə pàyn sɛse ghomə kûmə̀ nə ghənə nə fɨyn kyi va ghɛe se pi kûmə̀ ghâsènì.

1 Tèsàlonikà 5:21

Ghàyn e pɨlə kyâʼsə̀ ə̀ghɛ ə̀kɨ̂m ghɛ ə ghɨə pîə nə Zuʼse Ŋwaʼase ə tyə̀yn se ghənə se fe nə sə tyə̀yn mə se paʼà tyə̀nə. Ə ze nyi səmɔʼ, ghàyn pomə̂ sê ghənə,

Kòlosè 1:4

Ghàs fo àzɔ̀ŋnè se Zhə̀fè kûmə̀ nə, ghàs ə zɨ kyî epomə̂ zɛ ə ghàyn kyi ə Njisə̀s Klâys, è kɔ̂ŋ zɛ ə ghàyn kyi sê ghɨə Fezhə̀ghè əkɨ̂m.

2 Timotì 1:1

Ə̀ nyaʼ mi Pɔ̂l, ŋwàʼlè zɨ̀yn sê ghò ə Timotì. M nyi wùətom ə̀ Klâys Njisə̀s mə ə̀ chɔʼ Fezhə̀ nə m tsayn tom èchùŋ kûmə̀ èndam zɛ ə ze tə mîə va kè kə È tè tsɨ̀ne. Ghâsènì nə kyîə èndam nə zɨ̂yn kè ezhoghɛ ə ghâsènì nyi kaʼke amɔ̀ʼ ghasènyìə ghə̀ Klâys Njisə̀s.

2 Timotì 4:3

Shîŋə̀kè tə pə̂ mə ghɨ kɔ̂ŋə̀ va se zɨtê sê zaʼlê ə səmɔʼze, pîza chûmtə̀ èghɛ zɛ ə ghənə kɔ̂ŋə̀, ə ghənə ə kyiŋə ndûə setyə̀ynsè è ngɨŋ sə ghənə̂sè, sɛ ə se tsâ ghɛ ghɛ ə tôŋnê ə ghənə̂vè kɔ̀ŋə̀ se zɨ.