2 Timotì 1:12 - Ŋwàʼlè ə̀ Fèzhə̀ Mkâyn Mə̂ Fèm

¹² Ə̀ za nyi eghɛ zɛ ə m zɨə ngəʼ endom nə vɨ̂yn. Pîza m pa ke kendò səmɔʼ nə, kûmə̀ nə m ke ndô wùə vɛ m samsə̂ vəyn, ke kendò səmɔʼ nə è nyi kàʼa e fɛte ndəm tom zɛ ə è tè fo sê mi se zaʼâ etuʼ ekwuŋsəve.

2 Timotì 1:12 Referans Kwoze

2 Timotì 1:8

E za tyə̀nə̀ nə ò kyi va sə̂ ghomə̂ se tsàyn eghɛ zɛ ò ke kûmə̀ Pɛ̂pɛ, pî sə ghomə̂ kûmə̀ mi, ə wùə ndɛ ə̀chaʼ kûmə̀ Klâys. Pɨl njì vɛve nə eluʼ sə̂ zɨə ngəʼ kûmə̀ tom èchùŋ, kè kə Zhə̀fè fo ghô è tyaʼke.

Njût 1:24

Sê Vəyn vɛ ə è kàʼa è ndəm ghàyn nə kə ghàyn pfɨ, è kɨsè se pə̀yn ghàyn è saŋnê eghaʼâzè mə ghàyn kyi va ləʼke ə və shi, ə̀ nyi eluʼ epomsəve.

1 Pità 4:19

E za nyi nə ghɨ ghɛ ə ghe fê ngəʼ, mə ə̀ nyi ekɔ̂ŋ ə Fezhə̀zè nə ghənə fe ngəʼ, kyi se fo kə sèngɨŋ sə ghənə̂sè nâʼà sèkɨ̂m se Zhə̀ fɛ ə fe pom ghənə, ə ghənə faŋ ə nə̂ kə chùŋ.

2 Timotì 4:8

M lɨmtə kə èmâʼte ə endam ə chichi zɨmze zôyn. Pɛ̂pɛ ə̀ ghâsènì vɛ ə è saʼa ghɨ səmɔʼ tə fo èmâʼtè nə zɨ̂yn sê mi fumə fetuʼ. È tə fo kə va sê mi, È tə fo kəpî sê ghɨ ghɛ ə ghe tè lɨmtə pə ə Vəynze èkɔ̂ŋzè.

Ipilù 7:25

Ə̀ za nyi eghɛ zɛ ə è nyi pî ashìŋə̀ àkè mə è kàʼa è sɔza ə̀ghɨ ghɛ ə ghe pə̀ sê Zhə̀fè mə ə tɔyne tsɛ̂ ə və gho kûmə̀ nə è nyîə ndamə faŋə, chyatə̂ Fèzhə̀ ə ghənə elùʼ.

1 Timotì 6:20

Timotì, fɛte ndə̀m nâʼàpî ghè vɛ ə Zhə̀fè fo sê ghò. Kə ò tsɨynte e wàmnè, ze fo va kɔʼsêzè sê Zhə̀fè, è saʼnê ango zɛ ə ghɨ kaŋkaŋə tɔŋtə nə etɔf.

Ŋwàʼlè ə̀ Pɔ̂l sê ghɨə Lûmghè 1:16

M ghomə̂ va se ndàʼa tom èchùŋ kûmə̀ nə è nyi atyaʼ ə Fezhə̀ kɛ ə ke nyi mə kə pə̀yn èsɔzaze sê ghɨ ghɛ ə ghe pomə sê vəyn, se zhə̀tə pə̀yn se ghɨə Njûsə̀ se nduə fɨ sê ghɨ ghɛ ə̀ va əghɨ ə Njûsghè.

Matyò 24:36

Nâʼà wùə èmɔ̀ʼ ke va tuʼfe è shîŋə̀ kɛ ə ghɛ nə ghɨnə tə kyânə̀ ətəyn, pî sètsì ekwùtwəyn, pî Vayn ke va è tsɛ̂ kə va pɨ̀a kə È ke shîŋə̀ kɛ ə ghɛ ghɨnə tə kyânə̀ ətəyn.

1 Pità 1:5

Ghaʼ nə zɨnə nyì sê ghàyn ghɛ ə Zhə̀fè tɔ̀ʼnə̀ è tyaʼ ə vəynke tɔynə̂ ekyî epomə̂ zɛ ə ghàyn kyi, ghàyn e nyi se tə kyi esɔ̂za zɛ ə fe pɨaʼte se fo sê ghàyn ə fetuʼ fe kwuŋsəfe.

2 Timotì 1:18

M tsə̂mə̀ nə Pɛ̂pɛ tyəyn səyn eko ə Vəynze sê vəyn fumə əfetuʼ. Nâʼà ghò nyîə ke kə è tè tsàmte mi ə Ɛfesùs.

Filìpây 3:21

È tyaʼ ə Vəyn kɛ ə ke naynə ghɛghe əkɨ̂m, è tə kwiynə̂ àchaʼ ewìyn ə ghâsènì kɨ̂nə̀, ewiyn vɛ ə ve kyi va tyaʼke, kə ghâsènì tə kyi kàyntè èwìyn kè kə È tè kyi ashìŋə̀ kɛ ə Zhə̀fè tè zòmse Vəyn.

2 Timotì 2:9

Kè kûmə̀ nə m ndaʼà tom èchùŋ, m zɨə ètsôs, fɨyn nyi mə ə kol mi kə wùə ndɛ ə̀chaʼ. Pîza ə paʼà fà ghɛ ə Fezhə̀zè ə sechaʼ.

Filìpây 3:10

M kɔ̂ŋə̀ se kê ə Klâys, kyiŋə se kyî atyaʼ kɛ ə è tè kyi kə è tè zòmə. M kyiŋə sə̂ pa zɨə kə ngəʼ eghɨ kə è tè zɨə. M kɔ̂ŋə̀ se kyiə kəpì etsôs vɛ ə è tè kyi, se zaʼâ kə ə zhwi kepî mi kə tè zhwi Vəyn.

Filìpây 3:8

Ə̀ va ke zɛ mə, m fe nâʼà pîghè nə ə̀ nyi kàyntè ènjìsè, ghɛ zhîze e va zɛ ə ze ghaʼa tsɛ̂ se ke Njisə̀s Klâys kə Pɛ̂pɛ. Kûmə̀ vəyn, mə màʼà ghɛghe əkɨ̂m, fe ghəynghe kə eliŋ kə m kaʼa m ke Njisə̀s Klâys.

1 Kɔlìŋ 3:13

Ə tə tyə̀nə̀ paynsə̂ nâʼàpî èkyî efɨaʼ èkè zɛ ə nâʼàpî ndè tè fɨ̀aʼa. Ə̀ nyi epayn zɛ ə ze tə pə̂ ə ze ə nyi ə fetuʼ fɛ ə Klâys tə kɛsə pə̂, ə ze tə tyə̂ynə̀ paynsə̂ fɨ̂aʼ ə nâʼàpî ndèze. Ə tə mɔ̂mə̀ nâʼàpî èfɨaʼ ə ndɛze, ə ze tyən kyì efɨ̀aʼ zɛ ə wùə tè fɨaʼa nə ze tsɔ̂fə̀ ndò mə ze pofə ndô.

Njɔyn 17:15

M tsə̂mə̀ va nə Ò nji tsɨsè ghənə ə mbi. Pîza M tsə̀mə̀ nə Ò tɔʼne ə Ò tsɨ̀ŋne ghənə sê wùə èpi.

Matyò 12:21

Ghɨə atum ghəkɨ̂m tə ndəmə̀ kə èkwaʼtè elɨmtə ə ghənə̂zè sê Vəyn.”

Ŋwàʼlè ə̀ Pɔ̂l sê ghɨə Lûmghè 9:33

Ə̀ nyàʼ ə ŋwàʼlè ə̀ Fèzhə̀ kûmə̀ èghɛ nə zɛ mə nə, “Ghàyn fe kə, mə ndə̀m chize ə Zayɔ̀n ə zɛ ə ze tə nə̂ ə ghɨ ə tɨmnə̂ ə̀ghol, echi zɛ ə ze tə nə̂ nə ghɨghe ə pfɨ̀lə̀. Pîza nâʼàpî ndè vɛ ə è pomə sê Vəyn tə kwɨlə̂ va è gho ezomghe.”

1 Pità 4:16

Pîza, ə wùə sê ghàyn fe ngəʼ kûmə̀ nə è chùmtə Klâys, kə è ghomə, ə è və pɨlə kɔʼsə̂ Fèzhə̀ kûmə̀ nə è pomə̂ ə ezə ə Klâyszè.

Ipilù 12:2

Ə ghâsènì ə naynə̂ ndûə kə sê Njisə̀s. Ə̀ nyi vəyn vɛ ə è pùʼ ndom ekyî epomə̂ ə ghasènìze, ə fɨyn nyi ke vəyn ə è chisə pomə ətəynze se ndùə tânə̀ əkwùŋse. È və tə pomə̂ se kwu awâmnè ə tàʼa njì eghomə zɛ ə ze tè nyi e kyì ekwu nə zɨ̂nə̀ sə eghɛ kûmə̀ nə è tè nyiə ke nə ə̀ tə nyi epàm ətəyn, ə è və saŋnə̂. È nyi zôyn, tsɨs ekɔyn e twɔ ə fekyə̀ efɔ̀yn ə Fezhə̀vè.

Ipilù 2:18

Ə̀ zô nyi mə è kàʼa è tsamte ghɨ ghɛ ə mɔ̂mè pə̀ sê ghənə kûmə̀ nə mɔ̂mzè ə tə pə̀yn kepî sê vəyn, è və fe ètsôs.

1 Tèsàlonikà 2:16

Endom nə vɨ̂yn ghənə tè mɔ̀msə se tàsè nə kə ghàs wamne sê ghɨ ghɛ ə tè vachi ə̀ghɨ ə Njûsghè kə Zhə̀fè sɔza ghənə. Kûmə̀ zɨnə mə, ghənə ə nə̀yn ke pise nyiə se sɛ se kɔʼ kwəyn. Zhə̀fè nyîə nyɔʼsə̀ ètɔŋ sê ghənə zôyn, shîŋə̀kè kɛ ke kwəyn se fo etsôs sê ghənə!

Filìpây 1:20

Ghɛ e ghaʼà zɛ ə ze nyi ə mì ətəm zôyn, è zɛ m kyiŋə se nə̀yn nyì ke nə kə m tə nəyn èghɛ ə mì efɨ̀aʼ se Zhə̀fè mə ze kaʼa ə ze pəyn èghomə̂zè. Pîza m pɨlə kyiŋə nə nâʼàpî ashìŋə̀ àkè kɛ m nə̂ fɨaʼa təynze, se zhə̀tə ndù zôyn, nə mə nə̂ zeynze fanə̀ va ghɛ zhîze se fo èkɔʼsê sê zə Klâyszè. Ə̀ zɨnə nyi eghɛ zɛ m kyiŋə se nə̀yn, kɨ̀sə m tɛ ndô kɨ̀sə m kwu ndô.

Ətefɨ̂aʼ 21:13

Pɔ̂l ə pə̀ynsə̀ nə, “Kûmə̀ ghè ə ghàyn chìə, nə̂ nə mə kyi èfɨmsê ə mì ə təmə? M nyi èpɨaʼtêzè nə kə kol ke ndò mi, pîza m nyi kepî ndò èpɨaʼtêzè se kwu ə Njèlusalɛ̀m kûmə̀ èzə ə Pɛ̂pɛ Njisə̀s è.”

Ətefɨ̂aʼ 13:50

Pîza ghɨ Njûs nə ghɛ ə chiyntə̂ ə̀ghɨ ghaʼâghè fumə apàs endaʼke è zəyn e tɛ ghɛ ə ghe tè ngɨmnə Zhə̀fè nə ghənə fo ngəʼ sê Pɔ̂l yî Pànapàs. Ghɨ nə ghɨ̂yn ə chûmə̀ fɨsə ghənə fumə apàs endaʼke.

Ətefɨ̂aʼ 13:46

Pîza Pɔ̂l yî Pànapàs ə pɨlə wàmnə̀ ndùə kə èshike fanə̀ va ghɛ zhîze. Ghənə tè piə nə, “Ghàyn ghɨ Njûsə̀, e tè tsɔ̀fə nə ghàs tsayn chi èghɛ ə Fezhə̀zè sê ghàyn sə shi. Pîza kə ghàyn kwiynse zəynze, ə tàʼa njiə sengɨŋ saynse kə əghɨ ghɛ ə ghe nyi kwəynê se kyi endam zɛ ə ze tə mîə va, e za nyi nə, ghàs nə̀ zâ ghàyn ə ghàs ndu sê ghɨ ghɛ ə̀ vachi ə̀ghɨ ə Njûsghè.

Ətefɨ̂aʼ 9:16

Mə nâʼà Mi è ngɨŋ zɨ̂m nə̀ tyə̂nə̀ se vəyn kyì ə ngəʼ zɛ ə è kyi se zɨ kûmə̀ Mi.”

Ətefɨ̂aʼ 7:59

Ghənə ə faŋa sè tɨmnə̂ kə ndò Shìtifɨ̀yn, è ve tsə̂mə̀ ə pìə nə, “Pɛ̂pɛ Njisə̀s, njì zuʼ sɨmse.”

Njɔyn 6:44

Ghɨ vayn kaʼa pəyn sê Mi ə̀ tsɛ̂ kə va mə Pɨ̀a vɛ è tom Mi nji pə̂yn ndò ghənə sê Mi, ə M tə zomsè ghənə ə fetuʼfe kwuŋsəfe.

Tom èchùŋ kè kə Lûk tè nyaʼ 23:46

Njisə̀s ə chîə nâʼà è kyə̀ etɛ ə piə nə, “Pɛ, m fo àzhwìsè kɨmke ə ò gho!” È və wamnə̀ pə̂ nyi ə tɨmə àzhwìsè ə kwûŋsə̀ a.

1 Tèsàlonikà 5:4

Pîza sê ghɔnyì ghɨmə ghàyn va kə ghɨ ghɛ ə ghe ndamə ə fètəyn àlɨm, kə tuʼ ə Pɛ̂pɛ nə vɨ̀nə tə pfɨ̂ŋə̀ pəyn endom vɛ ə wùə èchɔŋɔ pə̂.

Tom èchùŋ kè kə Lûk tè nyaʼ 10:12

M pîə sê ghàyn səmɔʼ nə ə̀ tə nə̂ ə nyi etuʼ e saʼ ə Fezhə̀vè, ə ngəʼ ə nyi sê ghɨ tɔ̂ŋ nə ghɛ tsɛ̂ kə è tə nə̂ ə è zə nyi sê ghɨə Sondòmə̀.

Matyò 7:22

Shɨ̂ŋə̀ kɛ ə tuʼ ə saʼe tə pə̂, ghɨ etsɨghe tə pîə sê mi nə, “Pɛ̂pɛ, Pɛ̂pɛ! ə gho ezə ghàs ə tè wàmnè tom ə̀ Fèzhə̀, ə gho ezə ghàs ə tè chùm fɨsê pamə̂ tə satàyntè te tsɨ̀ə kə nyî ə nə̀ ə̀ghɛ ekayntəghe ghe tsɨ̂ə kə nyi.”

1 Kɔlìŋ 1:8

È nə̀ tsâmtə̀ nə ghàyn ə kyi ke èpomə̂ sê vəyn se zaʼâ ə kwùŋse, kə ghàyn tə nəyn ə kiva ghâmzè ə ezhoghɛ ə Pɛ̂pɛ ə̀ ghâsènì Njisə̀s Klâys kɛse pə̂yn.

2 Timotì 1:14

Zuʼse Ŋwaʼa sɛ ə se nyi ə ghâsènì əfètəyn nə̀ tsâmtə̀ ghò se fo atyaʼ kə ò fɛte kyî ə̀ghɛ ə chûŋ ghɛ ə fo sê ghò.

2 Timotì 1:16

M tsə̂mə̀ nə Zhə̀fè tyəyn səyn ekoze sê ghɨ esas ə ndɛ ə Ònèsifolùsghè kûmə̀ nə è və tə nə̀yn m saŋnə̂ kə nyî. È tè pâʼà ghomə̂ nə m nyi wùə ə ndɛ̂ ə̀chaʼ.

Taytùs 3:8

Ghɛ zɨnə m nyi mə mə wàmnè nyì səmɔʼ. M kyiŋə nə ò tɛ faŋ ke famə ezaʼlê, kə nâʼà ə̀ghɨ ə̀kɨ̂m ghɛ ə ghe nyi mə ə pomə sè Zhə̀fè, fo ngɨŋ sə ghənə̂sè sə̂ nə̀ chùŋ. Zaʼlê nə tɨ̂nə̀ nyi achûŋ tsâmtə̀ nâʼàpî ndè.