2 Timotì 1:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ Pîza ə tyə̀yn paynsê se ghâsènì tɔynə̂ e pə̀yn ə Sɔ̀zàzè, mə za nyi Klâys Njisə̀s. È və nə̀yn kwuze e fɨyn kyi va tyaʼke ə ghâsènì ətu tɔynə̂ ə tom èchùŋ, ə nə̀ nə ghâsènì kyi ndam zɛ ə ze tə mîə va.

2 Timotì 1:10 Referans Kwoze

1 Njɔyn 1:2

Tom nə zɨ̂yn ə è fo ndam zɛ e tə mîə va nyî, tè tyəyn ngɨŋ ə vəyn, ghàsə fe sè tyəm kə setsɛ̀ èsaʼ sê Vəyn. Ghàs wàmnə̀ sê ghàyn kûmə̀ tom nə zɨ̂yn kə è tè nyì yî Pɨ̀a, ə nə̀ nə ghàs ə ke Vəyn.

Ŋwàʼlè ə̀ Pɔ̂l sê ghɨə Lûmghè 16:26

Pîza, zôyn kə səmɔʼ nyi mə è zə fɨ pəyn ə ndayn tɔynə̂ əghɛ ghɛ ə fɨ̀aʼtèsè tè nyaʼ ə ŋwàʼlè ə Fèzhə̀. È tè nəyn nyiəmə kə ghɨə ndaʼà tekɨ̂m tə zɨ se vəyn. Zɨnə mə kyayn kə Zhə̀fè tè pi nə ze tə kyanə̀. Ə̀ nyi vəyn vɛ ə è nyì sə teshîŋə̀ tèkɨ̂m.

2 Pità 3:18

Pîza ghàyn e ndəmə̂ ndûə kə èshike ə afùʼ, è tɔf ə Pɛ̂pɛze è sɔ̀zà ə̀ ghâsènì Njisə̀s Klâys. Ə pomsêzè ə nyi sê vəyn zôyn, è kɨsè sə teshìŋə̀ tèkɨ̂m! Ə ze ə nyi ke zamə.

Taytùs 2:11

E kyi sə̂ nyi nyî kûmə̀ nə fùʼ ə Fezhə̀ kɛ ə ke pə̂ esɔzaze nyi mə ke ə pə̀yn se ghɨghe əkɨ̂m.

1 Kɔlìŋ 15:26

Kwùŋse ə̀ pàyn vɛ kə tɛ tsɛ tə pə̂ ə nyi èkwu.

Ŋwàʼlè ə̀ Pɔ̂l sê ghɨə Lûmghè 2:7

Ghɨə mɔ̀ʼɔ ghə kol təmə ə faŋə nə̂ ndûə kə əghɛ əchûŋghè, kyiŋə epomsê, è kɔʼsêzè. Ghənə tə kyîə èndam zɛ ə ze tə mìə va. Zhə̀fè tə fo èndam zɛ ə ze tə mîə va se kyì əghɨ̀ nə ghɨ̂yn.

2 Timotì 1:1

Ə̀ nyaʼ mi Pɔ̂l, ŋwàʼlè zɨ̀yn sê ghò ə Timotì. M nyi wùətom ə̀ Klâys Njisə̀s mə ə̀ chɔʼ Fezhə̀ nə m tsayn tom èchùŋ kûmə̀ èndam zɛ ə ze tə mîə va kè kə È tè tsɨ̀ne. Ghâsènì nə kyîə èndam nə zɨ̂yn kè ezhoghɛ ə ghâsènì nyi kaʼke amɔ̀ʼ ghasènyìə ghə̀ Klâys Njisə̀s.

Ɛfesùs 1:9

Zhə̀fè ə nə̀yn nə ghâsènì ke ghɛghe mə Fe ə tè pɨaʼte, ə̀ ke ke Fəynfe. Fe tè nəyn nyi kûmə̀ nə Fe ke kə ə̀ghɛ ə̀kɨ̂m. È tè pɨaʼte əghɛ nə ghɨynə nə ghe kyayn tɔynə̂ ə Klâys, mə ə̀ kɔ̀ŋ ke vəyn nə ze ə nyi endom nə vɨ̂yn.

Njɔyn 14:6

Njisə̀s ə pìə sê vəyn nə, “Ə̀ nyi mi ndom vɛ ə ve ndûə sê Pɨ̀a vɨ̂m, səmɔʼ ndô pə̂ sê Mi, ə̀ nyi Mi vɛ M fo ndame. Wùə vayn kàʼa è ndu sê Pɨ̀a vɨ̂m, ə va nə è tɔyne ə mi.

Etyə̂yn ə paynsêzè 22:17

Zuʼse yî Zhwìə ndom pi nə, “Pə.” Naʼapi ndè vɛ ə è zɨ ghɛ zɨ̂nə̀ kyi kepî ndò se pì nə, “Pə.” Ə pfɨ̀ŋ m̀mò zuʼsə nâʼàpî ndè e kyiŋə se mɨ mmo, è və pə̀ fiə m̀mo mɛ ə m̀ fo ndamze, ə mɨə səndô.

Etyə̂yn ə paynsêzè 22:14

Saŋnêzè nyì sê ghɨ ghɛ ə ghe ndə̂mə̀ lwɔ̂ŋ ə vəynve, kə ghənə ə kyi èndom se zhi ə fekàʼ fə endaməfe, è kɨsè se tsɛ̀ echô mbàyn se njiə ndù ə tɔ̂ŋ èghaʼâ.

Etyə̂yn ə paynsêzè 18:1

Ə̀ tè nyi kə ghɛ nə ghɨ̂nə̀ tsɛ̀, mə fe tsì ə̀mɔ̀ʼɔ̂ è ze tso pə̂ ekwùtwəyn. E tè kyi nâʼà atyaʼa ghaʼâkè, payn ə zəynze e nyi mə zə kɨytê ke chike akɨ̂m.

Etyə̂yn ə paynsêzè 2:7

Ə̂ kyi pîndè tûŋneve, è və zɨtə̂ èghɛ zɛ ə Zuʼsə Fezhə̀sè pìə sê ndɛ sə Fezhə̀sè. Ə̂ nò zhi pîndè, ə m fo vəyn èndomve kə è kwɨl tam ə fekàʼ fə endam fɛ ə fe ndəmə ə Zhə̀fè afùʼ mtamke.”

2 Pità 3:2

M kyiŋə nə ghàyn kɛse kwâʼtè ə̀ghɛ ghɛ ə fɨ̀aʼtè sə eŋwaʼase tè pì nâʼà sə mɨ, è ghɛ zɛ ə Pɛ̂pɛ sɔ̀zà tè pi sê ghàyn tɔynə̂ əghɨtom ghaynghe.

2 Pità 2:20

Ə ghɨə nyi mə ə tə fɨə əghɛ mbighe tsɛ tɔynə̂ ekê ə Pɛ̂pɛ ə̀ ghâsènì Njisə̀s Klâys, ə fɨnə kɛsə̂ ndûə njiə əghɛ ə mbighe, ghe ə ko ghənə kə atam mə ghənə vayn kɛsə fɨ, ə ndamtə ghɨ̀ ətəynghe ə pofə tsɛ̂ kə te tè nyì chi sə shi.

2 Pità 1:11

Famə endom ə Zhə̀fè fi ndzɨsê ghàyn è təm ə vəynghe əkɨ̂m elùʼ vɛ ə Pɛ̂pɛ ə̀ ghâsènì Njisə̀s Klâys tə nə̂ ə è və saʼa ə̀ ghɨə vəynghe sə teshìŋə̀ tèkɨ̂m.

2 Pità 1:3

Zhə̀fè ə fo nâʼàpî ghè vɛ ə ghâsènì kyi sə̂ kyi kə ghâsènì ə ndamə èndam e zo zɛ ə ze kwəynə. Fe fo efɨa nə vɨ̂yn tɔynə̂ atyaʼ kɛ ə è kyi kə Fezhə̀, è kɨsè kûmə̀ nə ghâsènì nyîə ke vəyn. È tè tɔŋə ghâsènì tɔynə̂ ə vəyn epomsê è chùŋ ə̀ vəyn.

Ipilù 10:32

Ghàyn kɛse kwàʼtè m̀tuʼ me pàmə̂ kə ghàyn tè pomə Zhə̀fè sə shi ətəyn, ghàyn ə tə zɨ tsôs te tsɨəte pîza wəynsə̂ kə ndò.

Taytùs 3:4

Pîza, shîŋə̀ kɛ ə Zhə̀fè mə ə̀ za nyi Sɔ̀zà tè tyəyn tɔʼnè ə vəynze, è kɔ̂ŋ ə Vəynze,

Taytùs 2:13

kə ghâsènì lɨmtə è kwâʼtè elɨmtəze tuʼ fe kayntəfe kə pomsê ə Fezhə̀ fə ghâsènì fe ghaʼâfè è sɔ̀zà Njisə̀s Klâys tə pə̂.

2 Tèsàlonikà 2:8

Ə tsɨ̂sè wùə nə vɨnə endom, ə wùə ə̀təm ə pi nə vɨnə pfɨ̀ŋə̀ fɨ ə ndayn. Pîza shîŋə̀ kɛ ə Pɛ̂pɛ Njisə̀s Klâys tə kɛsə pə̂, è tə pî nə ə tyəmse ghɛ ə vəynghe nəghe, ə tyəmse kendò, tɔynə̂ endom vɛ ə Klâys tə nə̂ ə è və panə nyaynə̂ ətəyn, ə è nəyn ə è və kyi va tyaʼ kyîke.

Ɛfesùs 1:18

M tsə̂mə̀ kəpì nə Zhə̀fè nəyn əkwâʼtè zayn zəmə, ə ghàyn ə ke nə ghàyn tə kyîə èfɨa echûŋ vɛ ə Fe pɨaʼtə̂ sê ghàyn è ghaʼ e Ŋwaʼa zɛ ə Fe ndə̂m sê ghɨə Fezhə̀,

Ngàleshyà 5:4

Ghàyn ghɛ ə ghàyn kyiŋə sə̂ nyi chichi ə Zhə̀fè əshi tɔynə̂ endə̀m ə alàŋzè, ə ghà ke nə, ghànə chyâsè ngɨŋ saynse ghâynghə̀ Klâys. Ghàyn ə fɨ̀l tsɨ̀m sê fùʼ ə Fezhə̀kè.

2 Kolìŋ 5:4

Shîŋə̀ kɛ ə ghâsènì nyì fâ ewìyn, ghâsènì e tsɔ̂nə̀ kə ghɨ ə zɨə tsɛ̂sə̀ tsôsvè. Ə̀ vachi nə ghâsènì pìə nə Zhə̀fè tsɨse wiyn vɨ̂nə ə ghâsènì ndamə ətəyn, ghâsènì pɨlə kyiŋə kə nə Fe kɨyte ghâsènì è wiyn ə ghâsènìve kwùtwəynve, kə fɨa kɛ ə ke kaʼa ə ke kwu, ə ke kwiyne sə afɨa kɛ ə ke ndamə faŋə.

1 Kɔlìŋ 4:5

Kûmə̀ nyî, kə ghàyn ka saʼ ndɔ̀ʼɔ shîŋə̀ təynke kwəyn. Ghàyn lɨmte ə Pɛ̂pɛ pəyn. È tə pə̂ ə è tyəyn paynsê ə̀ghɛ ə ndətə ghɛ ə nyâʼtə nə̂ alɨm, ə è tsayn kwaʼtè tɛ ə ghɨ ndətə̀ ə ghənə ətəm, ə Zhə̀fè ke tsîtè ə nâʼàpî ndè ə vəyn efɨ̀aʼ.

Ŋwàʼlè ə̀ Pɔ̂l sê ghɨə Lûmghè 6:6

Ghâsènì kyi sə̂ kwaʼtə̀ kə shîŋə̀ tekɨ̂m nə kə ə tè paynte Klâys awâmnè, ə tè paynte Vəyn è tsɨsə̂ emɨ zɛ ə ghàs tè kyi chi. Zɨnə tè kyayn kə tyaʼ etsɨsə emɨ kɛ ə ke tè nə̂ nə ghâsènì nəyn pi njise. Zɨnə mə tə nə̂ ə pi taʼa fɨnə njiə ghâsènì kə ekɔ̂s.

Ŋwàʼlè ə̀ Pɔ̂l sê ghɨə Lûmghè 3:31

Ghâsènì nə̀ piə nə ghɛ zoə? E za nyi nə ghâsènì pî kə Zhə̀fè nyi mə Fe ə njì ghɨə kə ghɨə chichighe ə və shi, è kə ghənə nyi mə ə pomə̂ se Njisə̀s Klâys, e tyə̂ ndò nə kə ghɨ kɛse chûmtè àlâŋ mə? Ngaŋ e vachi za. Pîza ghɛ zɛ ə lâŋkè pìə, ə̀ nyi zəynze ə nâʼà ghàs tɔ̀ʼɔ̀.

Ətefɨ̂aʼ 13:23

Njisə̀s vɛ ə è tè fɨ etɔ̀ŋ ə ndɛ Ndàfîtzè, ə nyi Vəyn vɛ ə Zhə̀fè tè ndəm nə è və nyi Sɔ̀zà se ghɨə Isìlâyghè, kè kə è tè tsɨ̀ne nə Zhi tə nə̂.

Ətefɨ̂aʼ 5:31

Zhə̀fè ə njìə kɔʼsə̂ Vəyn ə Vəyn ekɔyntwɔ ə nə̀ Vəyn nə È və nyi Wùə èchisə fɨyn nyi Sɔ̀zà, kə È nəyn ə ghɨə Isìlâyghè ə kyi èndom se kwiynê ətəm ə ghɛ piə ghənə, kə Zhə̀fè lɛse fo sèpi sə ghənə̂sè.

Njɔyn 20:31

Pîza ə tè nyàʼ ghɨ̂nə̀ kə ò pomə nə Njisə̀s nyi vɛ ə chɔʼ ndə̂m, ə Vâ Fèzhə̀. Ə ghàyn pomə sê Vəyn, ə ghàyn tə kyî èndam zɛ ə ze tə mîə va ə Vəyn ezə.

Njɔyn 5:40

Pîza, ghàyn e kɔ̂ŋə̀ va se pə̀yn se Mi kə ghàyn ə kyî èndam zɛ ə ze tə mîə va.

Njɔyn 4:42

Ghənə ə pìə sê wùzhɔyn nə vɛ nə, “Ghasə pomə se Njisə̀s zôyn, ə va chi kûmə̀ èghɛ zɛ ə ò pì, kûmə̀ nə ghàs è ngɨŋ sas se ə zɨ zaʼlə ə Vəyn, ə kê səmɔʼ nə È lote nyi Sɔ̀zà ə̀ mbi.”

Njɔyn 1:9

Kyə̀ nə zɨnə tè nyì kàyntè èpayn zɛ ə ze tyə̂ payn sê ghɨ ghəkɨ̂m. Ə̀ tè nyi Vəyn vɛ ə è tè pəyn ə mbi.

Tom èchùŋ kè kə Lûk tè nyaʼ 13:7

È və piə sê wufɨ̀aʼa ə̀ vəyn nə, ‹Mə pə̀yn fa esas ə̀ fèkâʼ kè sə ndô sə ndô sə sepìŋ sèta, fe va nâʼà àfɨa etuə təyn. Kwə màʼa fəynfe! Kûmə̀ ghè ə fe pofsə lùʼ əmchi vɨnə̀ səndô ə?›

Tom èchùŋ kè kə Lûk tè nyaʼ 11:36

Ə wiyn vɛve ekɨ̂m se kyi èpayn, luʼ alɨmve e va ətəyn, ə ve ə panə kepî kə̂ lâm ezhoghɛ ə tyâyn, è kyâʼsə̀ ghò.”

Tom èchùŋ kè kə Lûk tè nyaʼ 2:11

Ə̀ piə Tsàmtè se ghàyn ndâyn ə tɔ̂ŋ ə̀ Ndàfît, ə̀ nyi Klâys Pɛ̂pɛ.

1 Njɔyn 4:14

Ghâsènì ə fe, tsâ ndûə se ghɨə mɔ̀ʼɔ nə Pɨ̀a ə tə tom Va vəyn nə è və nyi sɔ̀zà ə̀ mbi.

2 Pità 1:1

Ə̀ nyâʼà mi Shimùyn Pità ŋwàʼlè zɨ̀yn. M nyi wufɨ̀aʼa ə Njisə̀s Klâys fɨyn nyi kepî wùətom ə̀ vəyn. M nyâʼà ŋwàʼlè nə zɨ̂yn sê ghàyn ghɛ ə ghàyn pomə sê Njisə̀s Klâys kèpi kə ghàs. Njisə̀s Klâys nəyn nə ghâsènì kyi kyî epomə̂ nə zɨ̂nə̀ kûmə̀ nə è nyi chichi kə Fezhə̀, ə nyi vəyn vɛ ə ghâsènì kɔʼsə, è nyi sɔ̀zà ə̀ ghâsènì.

Etyə̂yn ə paynsêzè 20:14

Ə màʼà tsosə̂ èkwu è ndaʼ ə ghɨ̀ ə kwuəze elùʼ vɛ ə wusve tè pɛ ətəyn. Luʼ vɨnə wus vɨnə pɛ ətəyn nyi ekwu zɛ ə ze nə̂ nə te ndu tepɛ̀.

2 Timotì 1:8

E za tyə̀nə̀ nə ò kyi va sə̂ ghomə̂ se tsàyn eghɛ zɛ ò ke kûmə̀ Pɛ̂pɛ, pî sə ghomə̂ kûmə̀ mi, ə wùə ndɛ ə̀chaʼ kûmə̀ Klâys. Pɨl njì vɛve nə eluʼ sə̂ zɨə ngəʼ kûmə̀ tom èchùŋ, kè kə Zhə̀fè fo ghô è tyaʼke.

2 Timotì 4:1

Ə Zhə̀fè əshi è Klâys Njisə̀s vɛ ə ghənə tə saʼa ghɨ ghɛ ə ghe ndamə è ghɛ ə ghe nyi mə ghə kwu, è kɨsè nə Klâys pə̀ sə̂ nyi fɔ̀yn sê mbi èkɨ̂m, m pîə se ghò è tyaʼa nə,

2 Timotì 4:8

M lɨmtə kə èmâʼte ə endam ə chichi zɨmze zôyn. Pɛ̂pɛ ə̀ ghâsènì vɛ ə è saʼa ghɨ səmɔʼ tə fo èmâʼtè nə zɨ̂yn sê mi fumə fetuʼ. È tə fo kə va sê mi, È tə fo kəpî sê ghɨ ghɛ ə ghe tè lɨmtə pə ə Vəynze èkɔ̂ŋzè.