1 Timotì 6:9 - Ŋwàʼlè ə̀ Fèzhə̀ Mkâyn Mə̂ Fèm

⁹ Pîza ghɨ ghɛ ə ghe kɔ̂ŋɔ̀ sə̂ nyi ə̀ghɨ kɛghe pfɨ̂ə njiə ndò əfètə̂ èmɔ̀m, ə ko ghənə əfètə̂ àtam əghɛ ngô tsɨəghe, è kɨsè əfètə̂ àtam əghɛ ə tsɨə ghɛ ə ghe kaʼa ə ghe ndəmse ghənə, nyiəmə ə ghənə zɨ tsôsvè nâʼà sə ŋaŋ.

1 Timotì 6:9 Referans Kwoze

1 Timotì 3:7

Ə̀ kyi sə̂ nyi wùə, mə nâʼà ghɨə mɔʼɔ ghɛ ə ghe pa tsɨs ndɔʼɔ pomə naynə̂ vəyn, è ve kɔʼnə̂ kə ghɨə tə tàʼa ghomsə vəyn, ə è pfɨ ə ndə̂plè atam.

Ətefɨ̂aʼ 8:20

Pîza Pità ə pə̀ynsə̀ ə pìə nə, “Ə ò kwàʼtə̀ nə ò kàʼa ò zhɔyn fo ə Fezhə̀zè è kɛve, ə gho ghâyn kɛ vɛve ə ndùə tânə̀ elùʼ ewùs!

Matyò 13:22

Ngwàʼ zɛ ə è tè tàynte əfètə̂m m̀sòlèndzɔŋ nyi kə wùə vɛ è zɨə ghɛ ə Fezhə̀zè, ghɛ mbiə è kɔŋè kûmə̀ èghaʼ ə mbize ə lwiynsə̂ ə̀təm ə vəynghe. Zɨnə mə ə nə̀ vəyn è vayn kaʼa è kwiyne ə və sepi.

Njût 1:11

Ngəʼ e ghaʼa nyi ə ghənə tu! Ghənə ə chùmtè ndom vɛ ə Kên tè nji kə è tè zhwi ànyìə vəyn. Kè kûmə̀ èkɔ̂ŋ ekɛze, ghənə ə fo ngɨŋ sə ghənə̂sè se tsas sɛ ə Palàm tè nəyn. Ghənə ə tə se pomə̂ sê Zhə̀fè, ə pofsə̂ sèngɨŋ sə ghənə̂sè kèpî kə Kolà tè tə ə pofsə̂ ngɨŋə̂ vəyn.

2 Pità 2:3

Tɔynə̂ ə ghənə əshi ə fɨəghe, tyə̀ynsè sə akaŋ nə sɨ̂yn tə nə̂ pə̂ʼlè ə ghàyn ewìyn tɔynə̂ ə ghənə mghâŋghàŋə̀ mə èzômə̀. Zhə̀fè ə tə chɔʼnê nâʼà sə mɨə nə zhi nə̀ pofsə̂ ghənə, mə pofsê ətəynze vayn faŋ se pə̀yn.

Ɛfesùs 4:22

Ə tè zaʼle nə ghàyn maʼa ndam emɨ zaynze kûmə̀ nə kwâʼtè tepite taynte tè nyîə pofsə̂ ghàyn.

Ŋwàʼlè ə̀ Mâk 4:19

pîza fɨmsê ə mbize è kɔ̂ŋ zɛ ə ghənə kyi sê ghaʼtə mbite, è ghɛ mbi ə mɔ̀ʼɔ ə pə̀ ghâŋtə̀ ə̀təm ə ghənə̂ghè, zə tàʼa mu etwɔm ə ghənə endam.

Matyò 26:15

ə pfɨfə sê ghənə nə, “Ghàyn nə̀ fo ghè sê mi ezhoghɛ m fo Njisə̀s ə ghàyn ə gho?” Ghənə taŋtə̂ fo èkɛ ə silvàvè sê vəyn, m̀ghɨm ta.

Matyò 19:22

Kə Kwuŋ endômə̀ ətəynve zɨ ghɛ nə zɛ wiynve ə kwuə vəyn, è və ndò kûmə̀ nə è tè kyi eghaʼ, ze tsɨ̂ə kə nyî.

2 Timotì 2:26

Ə ghənə ke kɛsə pə̀yn ə ghənə etɔf, ə tə fɨ atam kɛ ə ndə̂plè nyi mə è və ko ghənə ətəyn, ə nə̀ nə ghənə ə nə̂ èghɛ zɛ ə è kɔ̀ŋə̀.

1 Timotì 1:9

Ghâsènì kyi kepî sə̂ ke nə ə pâʼà fɛte lâŋ nə kɨ̂yn sê ghɨ ə chûŋə̀. Ə pɨl fɛtê se ghɨ ghɛ ə ghe kəmə lâŋkè è ghɛ ə ghe tɛ è tuve, è ghɨ ghɛ ə ghe ngɨmnə va Zhə̀fè, è ghɛ ə ghe nə̂ ghɛ piə, è ghɛ ə ghe tsə̂mə̀ va sê Zhə̀fè, è ghɛ ə ghe ndamə va ndam eŋwaʼze, è ghɨ ghɛ ə ghe zhwitə pɨ̀a ə ghənə kɨ̀sə nyì ghənə̂ghè, è ghɛ ə ghe zhwitə ghɨ mɔ̀ʼɔ,

Tom èchùŋ kè kə Lûk tè nyaʼ 21:35

Fe tə pfɨ̂ŋə̀ pə̀ kə ndò sê ghɨ əkɨ̂m fâ ə chi.

Matyò 6:19

“Kə ghàyn ə ndə̂mə̀ èghaʼ zayn ze fa chi, elùʼ vɛ ə shɔʼshɔʼe, è chaʼè kaʼa ve pofse, mə ghɨ echɔŋə kaʼa kəm nji kepî ə ndɛ ə chɔŋ vəynve.

Tom èchùŋ kè kə Lûk tè nyaʼ 12:21

Njisə̀s ə wàmnə̀ mɨ̂sè nyi ə piə nə, “Ə̀ nyi nyiə kə ze nyi sê wùə vɛ ə è tuʼ ndəm fɨae sê ngɨŋ ə vəyn, kwənə va nâʼà èghɛ ə Zhə̀fè əshi.”

1 Timotì 6:10

Kɔ̂ŋ ekɛze nyi zhə̀te èlùʼ vɛ ə kyì tə pi tekɨ̂m ndò pə̂ ətəyn. Ghɨ yîghe ə kɔ̀ŋ tsɛsè se kyîə vəynve, zɨnə mə zɛ ə ze nə̂yn nə ghənə pfɨ ə ghənə ekyî epomə̂zè, ə pəyn e ngəʼ setsɨəse ə ghənə ətəm.

1 Timotì 6:17

Tsɛ̀se sə alàŋ nə ghɨ ghɛ ə ghe kyi ghaʼze è fɨa ə mbive, nə kə ghənə ə kyi èghaŋsê ewìynze, ə pɨl ndəm èkwaʼtè ə ghənə̂zè e fɨa nə vɨnə mə, pîza ə pɨl ndəm se Zhə̀ Fɛ ə fe fo nâʼàpî àkè sê ghâsènì.

Taytùs 2:12

Ə̀ nyi afùʼ ə Fèzhə̀ nə kɨ̂yn ə ke zaʼlə ghâsènì nə ə maʼa ndam zɛ ə ndamə mə ə ke va Zhə̀fè chûmtə̀ èfɨa ə mbive. Ghâsènì kyi se ndam famə ə mbi èpi nyi ètɔf eghaʼâzè, nyi chichi, nə̂ èghɛ zɛ ə Zhə̀fè kyiŋə