1 Timotì 6:6 - Ŋwàʼlè ə̀ Fèzhə̀ Mkâyn Mə̂ Fèm

⁶ E nyi səmɔʼ nə ghɛ ə Fezhə̀zè kàʼa ə ze nəyn nə wùə nyi wùə è ghaʼâ, kè ezhoghɛ ə wùə kɔ̀ŋə̀ fɨa kɛ ə è kyi.

1 Timotì 6:6 Referans Kwoze

Ipilù 13:5

Kə ghàyn pomə nə kɔ̂ŋ ekɛze ə nyi ə ghàyn endam, ghàyn e nyi èsaŋnêzè è fɨa kɛ ə ghàyn kyi kûmə̀ nə Zhə̀fè ə tsɨ̀nə̀ nə, “M tə zâ va ghàyn nâʼà səkɔs, va se tə kyiynê ə ghàyn.”

1 Timotì 6:8

E za tyə̀nə̀ nə ə ghâsènì kyi ndzɨse è fɨazhiəve, ə nyi mə və kwəyn sê ghâsènì.

1 Timotì 4:8

Se zaʼlê ewiyn vɛve, e tsɔ̂fə̀ ndò endom vîve, pîza se kê eghɛ ə Fezhə̀zè tsɔ̀fə̀ kə ndom tekɨ̂m kûmə̀ nə zɨnə mə tsâmtə̀ ndò wùə ezhoghɛ è pa ndamə, è kɨsè ashìŋə̀ kɛ ə è nyi mə è və kwu.

Filìpây 1:21

Se mi se ndam ə̀ nyì se fɨ̂aʼ se Klâys, se kwu, ə̀ pɨl nyi se zhiə kwulə̂.

Ŋwàʼlè ə̀ Pɔ̂l sê ghɨə Lûmghè 8:28

Ghâsènì kendô nə nâʼà pi èghɛ èkè zɛ ə ze kyâynə̀, Zhə̀fè nə̀ zəynze sə chùŋ ə̀ghɨ̀ ghɛ ə kɔ̂ŋə̀ Fəynfe. Ə ghənə ghɛ è nyi mə È və tɔŋɔ nə ə nəyn kə È kyiŋə.

Tom èchùŋ kè kə Lûk tè nyaʼ 3:14

Sokə̀ʼse ə pɔŋɔ pə̂ ə pfɨfə nə, “Ə nâʼà ghàs ghayn ghe?” È və piə nə, “Kə̂ ghàyn fɨyn fi àfɨa ə wûəkè sə atyaʼ, kə̂ ghàyn fɨyn pi nə wùə ə nə̀yn ghɛe, ndɔ̀ʼɔ è nə̀yn, kûmə̀ kə nə ghàyn kyiŋə àfɨa. Ghàyn zhiə kə ekɛ vɛ ə ndâʼà ghàyn ə təyn.”

2 Kolìŋ 4:17

Tsôs etətə̂ vɨnə̀ ə ghâsènì fe zôyn fa fendiŋə̀ fə ashìŋə̀fè tə pə̂ ghâsènì è pomsê eghaʼazè mə ze tə mìə va, mə ə vayn kaʼa fɨaʼne zɨnə mə è tsôs vɛ ə ghâsènì fe.

Tom èchùŋ kè kə Lûk tè nyaʼ 12:15

ə fɨnə piə sê nɔ̂yn nə kɛ nə, “Ghàyn tɔ̂ʼnə̀ kûmə̀ əshi ə fɨə kûmə̀ nə ndam ə wùəe va ke kûmə̀ efɨa e tsɨə vɛ ə è kyi, ə kɔ̀ŋ ə è və kyi naʼapi zàyn.”