1 Timotì 6:2 - Ŋwàʼlè ə̀ Fèzhə̀ Mkâyn Mə̂ Fèm

² Kɔ̂s vɛ ə ve fɨaʼà sê ghɨ, ə nyi əghɨ poməghe kyi va sə̂ chîynə̀ ghənə. Kûmə̀ nə ghə̀ pɛ̀ efɨ̀aʼ nə ghɛ nyi kepî əghɨ ə poməghe kə ghənə. Ghənə kyi sə̂ pɨlə fɨ̂aʼà è tyaʼa kûmə̀ nə mâʼtè ətəyn ndùə sê wùə, ə nyi wùə e pomə, ghənə e kɔ̀ŋɔ̀ vəyn. Ò kyi sə̂ zaʼlə̂ fɨnə ndaʼà ə̀ghɛ nə ghɨ̂yn sê ghənə.

1 Timotì 6:2 Referans Kwoze

Kòlosè 4:1

Pɛ̀ efɨ̀aʼà, ghàyn e fo se ghɨ fɨaʼa ghaynghe fɨa kɛ ə ke kwəynə sê fɨ̂aʼ ə ghənə̂zè. Ghàyn e pɨ̂əytə̀ kəpi nə ghàyn nyîə kyi pɛ̀ èfɨ̀aʼ ekwùtwəyn.

1 Timotì 4:11

Zaʼle ghɛ nə ghɨ̂nə̀ ə nə̀ nə nâʼàpî ndè fɛte kê ghəynghe.

Njût 1:8

Kèpi èghɨ famə endom, ghɨ nə ghɨ̂ynə tè nə pi sê wiyn ə ghənə̂vè, tə àtyaʼ ə Pɛ̂pɛke ə ghənə ə tu, sôylə̀ sètsì sɛ ə se nyi ekwùtwəyn pîə nə ghənə ə fe laynəlaynte, te tsâ nə ghənə ə nə̂ ə̀ghɛ nə ghɨ̂yn.

2 Pità 2:10

paynpayn ghɛ ə ghe nə̂ ghɛ enyələ ghɛ ə njà sə ewìyn sə ghənə̂sè kyiŋə, chîynə̀ èghɛ zɛ ə Zhə̀fè pì nə ghənə nəyn. Tyə̀ynsè sə akaŋ nə sɨ̂nə̀ fànə̀ va fɨake, zɨtə̂ va ghɛ zhîze sê wùə, ghənə fo pî va kɔʼsêzè sê ghɛ ə ghe nyi ekwùtwəyn kyi èpomsê, ghənə pɨlə sôylə̀ ndò ghənə.

1 Pità 5:1

Ə mi kèpî kə chəʼ, ə wùə vɛ ə m tsâ sê ghɨ kə Klâys tè fe ngəʼ, mə m nyi wùə mə pomsê ə Klâyszè tə pə̂ kəpî sê mi, m chyatə̂ ghàyn nə,

Ipilù 3:14

Ə ghâsènì tyəm ə ghâsènì epomə̂ se zaʼâ əkwùŋse, kèpî kə ghâsènì tè tyəm ə zhə̀te, ə ze ə tyə̂nə̀ nə ghâsènì tsɨ̀yntə̀ fɨaʼà ghasènìəghə̀ Klâys.

Ipilù 3:1

E za nyi nə ghàyn kyi se fɛtə̂ ndə̀mə ekwâʼtè zaynze sê Njisə̀s ə ghɔnyìə ghɨm ghe Ŋwaʼa ghɛ ə Zhə̀fè pɔŋ tɔŋɔ nə ghàyn ə nyi ə̀ghɨ vəynghe. Ə̀ nyi vəyn vɛ ə ghâsènì njì kə wùətom ə̀ ghâsènì è wùə èkɔʼsə nə èshyə̀ èngaŋtə kwəynə.

Taytùs 3:8

Ghɛ zɨnə m nyi mə mə wàmnè nyì səmɔʼ. M kyiŋə nə ò tɛ faŋ ke famə ezaʼlê, kə nâʼà ə̀ghɨ ə̀kɨ̂m ghɛ ə ghe nyi mə ə pomə sè Zhə̀fè, fo ngɨŋ sə ghənə̂sè sə̂ nə̀ chùŋ. Zaʼlê nə tɨ̂nə̀ nyi achûŋ tsâmtə̀ nâʼàpî ndè.

Taytùs 2:15

Ò zaʼlə̂ ə̀ghɛ nə ghɨ̂yn sê ghɨ ə poməghe, fo ə̀təm sê ghənə nə ghənə ə nə̂ ghəynghe. Ò nyi ə̀ kyi àtyaʼ se zɔ̀ ə ghənə nâʼàpî ashìŋə̀ àkè ezhoghɛ ə ghənə nə̂yn pofse, mə ò kyi va se zà nə wùə sê ghənə chiyne ghô.

Taytùs 2:1

Pîza sê ghò ə Taytùs, ò kyi sə̂ zaʼlə kə èghɛ zɛ ə ze nyi səmɔʼ.

1 Timotì 5:1

M pìə sê ghò nə kə ò nə nə̂ ò wàmnə̀ sê wùə ndumə sə atyaʼ. Ə ò wàmnə̀, ò njìə kə nâʼà vəyn kə pɨ̀a vɛ̂vè. Ò piə ò nə̀ èghɛ sê kwuŋte, ndumə̂ tsɛ̂ ghənə, ò njìə ghənə kə ə ghɔnɛ̂ghe ndômə̀ghè.

2 Tèsàlonikà 1:3

Ghàs kyi sə̂ fo àzɔ̀ŋnè sê Zhə̀fè shîŋə̀ tekɨ̂m kûmə̀ ghàyn ə ghɔnyìə. Ə̀ nyì ke nâʼà èghɛ echuŋzè kə ghàs nə̂ nyi kûmə̀ nə kyî epomə̂ zaynze sê Klâys ndəmə̂ ndûə kə èshike, kɔ̂ŋ zaynze sê ngɨŋ saynse e fɨnə ndəmə̂ ndûə kə èshike.

Kòlosè 1:4

Ghàs fo àzɔ̀ŋnè se Zhə̀fè kûmə̀ nə, ghàs ə zɨ kyî epomə̂ zɛ ə ghàyn kyi ə Njisə̀s Klâys, è kɔ̂ŋ zɛ ə ghàyn kyi sê ghɨə Fezhə̀ghè əkɨ̂m.

Kòlosè 1:2

Ghàs nyaʼ ŋwàʼlè nə zɨ̀yn nyi sê ghàyn ghɨə Fezhə̀ ghɛ ə ghe nyi endaʼ ə Kòlosèzè. Ghàyn nyì ghâyn ghə̀ Klâys chûmtə̀ vəyn è təm ghaynghe əkɨ̂m. Ə Zhə̀fè pɨ̀a ə̀ ghâsènì fo ghàyn èfùʼkè, è pɔ̂ynè.

Ɛfesùs 3:6

Ghɛ e kayntə nə zɛ ə tè mɛnə sə shi nyi nə, ghɨ ghɛ ə̀ vachi ə̀ghɨ Njûs ghɛ ə ghe pomə tom èchùŋ tə tsɨ̂yntə̀ zhiə èfɔyn ə Fezhə̀vè yî ghɨə Isìlâyghè ə fɨyn tsɨ̂yntè nyi èpɨas əfètə̂ èwiyn emɔ̀ʼ, fɨyn nyi se tə tsɨ̀yntə kyiə epɔsê zɛ ə Zhə̀fè tsɨ̂nè tɔynə̂ ə Klâys Njisə̀s.

Ɛfesùs 1:15

Ə̀ za nyi əghɛ ghɛ ə ghe nə̂ m fo àzɔ̀ŋnè sê Zhə̀fè, kwâʼtə̀ ghàyn ə mì etsə̀m shîŋə̀ tekɨ̂m sə fighɛ m zɨ kyî epomə̂ zɛ ə ghàyn kyi sê Pɛ̂pɛ ə̀ ghâsènì Njisə̀s Klâys, è kɔ̂ŋ zɛ ə ghàyn kyi sê ghɨə Fezhə̀.

Ɛfesùs 1:1

Ə̀ nyâʼ mi Pɔ̂l ŋwàʼlè zɨ̀yn sê ghàyn ghɨə Fezhə̀ ghɛ ə ghàyn tyəm ə ghàyn ekyî epomə̂zè sê Klâys Njisə̀s, ndamə ə Ɛfesùs. M nyi wùətom ə̀ Klâys Njisə̀s mə ə̀ chɔʼ Fezhə̀.

Ngàleshyà 5:6

E nyi nyî kûmə̀ nə ə ghâsènì se nyi ghasènìghə̀ Klâys Njisə̀s, kɨ̀sə wùə se nam ə vəynghe kə è tàʼa se zemə kwiynə̂ va ghɛ zhîze. Ghɛ etɛ zɛ ə ze nyi, nyi se tyə̀yn ekyî epomə̂zè tɔynə̂ ekɔ̀ŋ.

Ŋwàʼlè ə̀ Pɔ̂l sê ghɨə Lûmghè 11:17

Ə fɨaftə̂ sèngɔyn sə fekàʼ fə olìf fɛ ə nyi mə ə zho ndô, ndûə pasə̂ ewìyn ə fekàʼ fə olìf fɛ ə fe nyi ə mbvɨyn mə fe tsɨ̂yn ndəmə ke sə fəynfe ə ngɨŋ. Ghàyn ghɨ ghɛ ə̀ vachi ə̀ghɨ ə Njûsghè nyi kə sengɔyn sə fekàʼ fɛ ə fe ndəmə ə mbvɨyn mə fe kyîə kəpi m̀mo mə m̀ ndò pə̂yn ətə̂ tèghàŋ tə fekàʼ fechûŋfè.

Ŋwàʼlè ə̀ Pɔ̂l sê ghɨə Lûmghè 8:29

Ghɨ ghɛ ə Zhə̀fè tè nyi mə fe ə kàynè chitê nə tsɨnè ə̀ ghənə ə nyi kə zə Vâ Vəyn, kə vayn nə vɨnə mə tə pəyn ə è və nyi Vâ ə̀shi se ghɔnyì ə vəynghe.

Matyò 25:40

Ə fɔ̀yn pəynse nə, ‹M pîə sê ghàyn səmɔʼ nə, nâʼàpî ghè vɛ ə ghàyn tè nə̀yn sê wùə èmɔ̀ʼ vɛ è chùmtə̀ mi mə è kɔʼnə̂ va, ghàyn tè nə̀yn sê Mi.›

Matyò 23:8

Pîza kə ghàyn za nə ə tɔŋtə̂ ghàyn nə, ‘Setyə̀ynsè’ kûmə̀ nə ghàyn kyi ke tyə̀ynsè èmɔ̀ʼ, mə ghàyn əkɨ̂m nyi əghɔnyì ə Və.

Matyò 6:24

“Ò vayn kaʼa ô nyi àkɔ̂s sê ghɨghə pɛ̀; ò nə̀ kɔ̂ŋə̀ èmɔ̀ʼ ə ò payn və mɔʼɔ. Ò nə̀ nə̂ ə o nyi ghâyn wùə èmɔ̀ʼ ə ò tə vɛ mɔ̀ʼɔ. Ò vayn kàʼa ò nyi wùə efɨ̀aʼa sê Zhə̀fè, kɛsè nyi wùə èfɨaʼa sê kɛve.”

Ətefɨ̂aʼ 1:15

Ə tè nyi tuʼ fife, ghɨə poməghe e fɨyn tsɨs kepî luʼve emɔ̀ʼ, zaʼâ ə̀ghɨ ewə̀ m̀ghɨm m̀pɛ̀, Pità ə ndwìə tyəmə̂ ə wàmnə̀ sê ghənə ə pìə nə,