1 Timotì 6:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ Ə̀ nyì ke Vəyn vɛ ə è tə kwuə va, È ndamə epayn zɛ ə wùə vîvè vayn kàʼa è kɨŋte etipìə təyn. Wùə vîvè paʼà tyəmə̂ fe Vəyn. E saʼa mbi zɨ̀yn nâʼà è tyaʼa sə teshìŋə̀ tekɨ̂m! Ə zə nyi ke zamə.

1 Timotì 6:16 Referans Kwoze

1 Timotì 1:17

Ghàs tsə̂mə̀ nə ə fɔ̀yn vɛ ə è saʼa se zaʼâ kə mbi tə mi, ə vɛ è kyi ndam zɛ ə ze tə mîə va, e vayn kaʼa fe vəyn, mə ə̀ nyì ke vəyn Zhə̀fè, kyi sə̂ kyi èkɔʼsê è kɨsè pomsêzè sə teshìŋə̀ tèkɨ̂m. Ə zə nyi ke zamə.

Njɔyn 1:18

Wùə pâʼà tyəm fe Zhə̀fè. Ə̀ nyì ke Vayn emɔ̀ʼ vɛ ə è tè nyi kepî kə Fezhə̀, mə È nyi ə Pɨ̀a etipì. Ə̀ nyì ke Vəyn vɛ ə è nyi mə è və fe Zhə̀fè. È və nə̀yn nə ə ke Fèzhə̀.

1 Njɔyn 1:5

Tom zɨ̀nə ə ghàs ndàʼà sê ghàyn zôyn nyi mə ghàs zɨ sê Njisə̀s Klâys. È nyi nə: Zhə̀fè nyi epayn, kyi va ghɛze se nə̀yn è lɨma nâʼà səkɔs.

Kòlosè 1:15

Wùə vîvè paʼà tyəmə̂ fe Fèzhə̀ è shiə vəynghe. Pîza ghɨghə tə ke Zhə̀fè kə ghənə tè fe Klâys kûmə̀ nə è nyi afusè ə Fezhə̀kè.

Njɔyn 6:46

Wùə vîvè paʼà fe Pɨ̀a; ə̀ tsɛ kə va vɛ È ndò sê Zhə̀fè; ə nyì ke Vəyn Vɛ ə è nyi mə è və fe Pɨ̀a.

Etyə̂yn ə paynsêzè 22:5

Tuʼ echive tə nə̂ ə ve ə fɨyn va, ə ghənə ə kyiŋə pî va lâmsè kɨ̀sə chwì èpanə, kûmə̀ nə Pɛ̂pɛ Zhə̀fè tə nə̂ ə fe ə nyi èpayn ə ghənə̂zè, ə ghənə ə saʼa kə tefɔ̂yn nâʼà kə ghè tə ghayn.

Etyə̂yn ə paynsêzè 4:11

“Pɛ̂pɛ vâsvè, è Zhə̀ Fasfe, ò nyiə kwəynə̂ se kyi epomsê, è kɔʼsêzè è tyaʼke, kûmə̀ nə ə̀ pom ghô fɨave ekɨ̂m, mə tɔynə̂ ə ghò ekɔ̀ŋ, ə pomə vəynve ə nə̀ nə və ndamə.”

Etyə̂yn ə paynsêzè 1:6

ə nə̀ nə ghâsènì ə nyi ə̀ghɨ endaʼ èkɔʼsə nə eshyə̀ghè mə ghe fɨaʼà sê Zhə̀fè ə vəynfe mə za nyi pɨ̀a vəyn. Pomsêzè è tyaʼke nyi sê Njisə̀s Klâys sə teshìŋə̀ tèkɨ̂m. Ə zə nyi ke zamə.

Njût 1:25

Ə pomsêzè ekɨ̂m ə nyi sê vəyn vɛ ə̀ nyì ke vəyn Zhə̀fè, ə vəyn vɛ ə è nyi sɔ̀zà ə̀ ghâsènì tɔynə̂ ə Njisə̀s Klâys Pɛ̂pɛ ə̀ ghâsènì. Zhə̀fè tè kyi epomsê, è ghaʼze, è tyaʼke. È tè saʼa è tyaʼ eghaʼâkè tsɔ̀fə kə ə se pomə mbi, è pa nyi ke zamə, nyi se faŋ sə̂ nyi ke zamə nâʼà kə ghè tə ghayn. Ə ze ə nyi ke zamə.

Ɛfesùs 3:21

Ə pomsê ə vəyn nə zɛ faŋ ke ndò sê ghɨ ghɛ pomə ghɛ ghɛ ə ghe nyi əfètə̂ Klâys Njisə̀s sə teshìŋə̀ tekɨ̂m! Ə zə nyi ke za.

Etyə̂yn ə paynsêzè 7:12

pìə nə, “Ə zə nyi ke zamə, ə tsîtèzè, è pɔmsê, è tɔf eghaʼâzè, è zɔ̀ŋnèkè ə foke, è kɔʼsêzè, tyaʼke, è tyaʼ ewìynke, nyi sê Zhə̀fè ghasènìfe nâʼà kə ghè tə ghayn, ə ze ə nyi ke zamə.”

Ipilù 13:8

Njisə̀s Klâys kwiynə̂ tsɛ̂ va, è nyì ke èghɨ kə è va nyi zhɔynghɛ, è ndàyn, nyi sə̂ nyi ke zamə nâʼà kə ghè tə ghayn.

Etyə̂yn ə paynsêzè 21:3

Mə fɨnə zɨə kyə̀ è tɛ zhîzè kə è fɨ pə̂yn əfekyə̀ fə efɔ̀yn fɛ̂, è zə pìə sê mi nə, “Fekə, Zhə̀fè ndamə yî ghə̀ ghɨ zôyn. Fe nə nyi yî ghə̀ ghənə, ghənə e nyi ə̀ghɨ vəynghe. Zhə̀fè è ngɨŋ vəyn nə nyi yî ghə̀ ghənə, nyi Fèzhə̀ fə ghənə̂fè.

Njɔyn 14:9

Njisə̀s ə pə̀ynsə̀ pfɨfə nə, “Piə e za nyi nə mə ndam ghâsènì sə aghaf nyî ə Filìp, ò ke va Miə? Nâʼàpî ndè vɛ è nyi mə è və fe mi, nyi mə è və fe Pɨ̀a, kûmə̀ ghè ə ghàyn fɨnə pîə nə, ‘Tyə̀yn Pɨ̀a sê ghàs ə?

Etyə̂yn ə paynsêzè 1:8

Pɛ̂ Zhə̀fè pi nə, “M nyi zhə̀te fɨyn nyi kwùŋse. Ə̀ nyi fəynfe ə fe nyi, mə fe tè nyiə nyi, nyi se tə pə̀yn, ə pɛ̀ àtyaʼ akɨ̂m.”

Njɔyn 8:58

Njisə̀s ə pə̀ynsə̀ sê ghənə nə, “M piə sê ghàyn səmɔʼ nə, ə tè piə piə Aplàghâm mə ‹M nyîə nyi!›”

Filìpây 4:20

Ə pomsêzè ə nyi se Zhə̀fè ə ghasènìfe, pɨ̀a ghâsènì sə teshìŋə̀ tèkɨ̂m, ə zə nyi ke zamə.

Njə̂m 1:17

Nâʼàpî èfo echûŋ èkè, è nâʼàpî èghɛ èkè zɛ ə ze kyi va ləʼke ndò pə̂ ekwùtwəyn sê Zhə̀fè, ə fɛ ə fe tè fɛte payn tekɨ̂m tɛ ə te nyi awulə. È kwiynə̂ tsɛ̂ va kə anyɨ̂ŋsè kɛ ə ke kɨŋtə tsɛ̂ kəndò.

1 Njɔyn 1:7

Pîza, ə ghâsènì kwîə əfètə̂ èpayn kèpi eghɨ kə Zhə̀fè nyi əfètə̂ èpayn, ə ghâsènì ə tsɨ̂yntè nyi ke sə afɨa àmɔ̀ʼ, ə ndə̂m mə̂ Njisə̀sə̀m, ə Va Fèzhə̀ shuə zosê ghâsènì ə ghâsènì ə sepi sekɨ̂m.

1 Njɔyn 4:12

Wùə pâʼà tyəmə̂ fe Fèzhə̀, pîza mə ghâsènì kɔ̀ŋɔ̀ ngɨŋ sə ghasènìse, ə Zhə̀fè ə nyi sə afɨa àmɔ̀ʼ ghasènyìə ghə ghənə, kɔ̂ŋ ə Vəynze e nyi mə zə lwiyn ə ghâsènì endam.