1 Timotì 6:13 - Ŋwàʼlè ə̀ Fèzhə̀ Mkâyn Mə̂ Fèm

¹³ Ə Zhə̀fè əshi fɛ ə fe fo ndame sê fɨave ekɨ̂m, è kɨsè ə Klâys Njisə̀s əshi vɛ ə È tè tyəm ə Pontus Paylɛ̀t ə shi ə wàmnə̀ səmɔʼ, se tyə̀yn ekyî epomə̂ ə Vəynze, m tsɛsə̀ àlâŋ se ghò nə:

1 Timotì 6:13 Referans Kwoze

Matyò 27:11

Fumə ashìŋə̀ Njisə̀s ə tyəmə̂ echi ə saʼze ə Paylɛ̀t əshi vɛ ə è tè saʼa pâs endaʼa Njòndyâkè. Paylɛ̀t ə pfɨfə se vəyn nə, “Ə nyì ghô è fɔ̀yn sê ghɨ Njûsghè ə?” Njisə̀s ə pə̀ynsə̀ nə, “E nyi ke za kə ò pì.”

1 Timotì 5:21

M tyəm fâyn ə Zhə̀fè əshi yî Klâys Njisə̀s, è tsì sə vəynse se tsàyn sê ghàyn nə, ghàyn ə ndə̂mə̀ ə̀ghɛ ghɨ̂yn mə ghàyn kɔ̀ŋə̀ va wùə vîvè tsɛ və mɔʼɔ, fɨnə nə̂ va ghɛze se wùə kûmə̀ nə è nyi wùə vɛ̂vè.

Etyə̂yn ə paynsêzè 3:14

“Nyàʼ ŋwàʼlè sê tsì ə̀ ndɛ ə̀ Fèzhə̀ ə Làndisyà nə: ‘Ə̀ zɨ̀nə nyi tom mə è ndò sê vɛ ə tɔŋtə nə, Àmə̀yn. È fɨ̀aʼà è təm ə vəynghe əkɨ̂m, fɨnə pìə səmɔʼ kûmə̀ Fèzhə̀. Zhə̀fè tè fɛte nâʼàpî ghè ə mbi tɔynə̂ ə vəyn.

Etyə̂yn ə paynsêzè 1:5

è kɨsè sê Njisə̀s Klâys ə vɛ ə è tsà kə ghɛ zɛ ə è fe. Ə̀ nyi wùə ə shi vɛ ə tè zòmse ekwu, ə̀ nyi kepî vəyn vɛ ə è nyi fɔ̀yn se fɔ̂yn tə mbi tekɨ̂m. È kɔ̂ŋɔ̀ ghâsènì, mə tɔynə̂ ə vəyn ekwu, e və sɨsə̀ m̀ndəm mə Və̂ynmè se sɔzà ə ghâsènì ə ghâsènì ə sepi,

Njɔyn 5:21

Kè kə Pɨ̀a zòmsə̀ ghɨghe, È və fo ghənə è ndamze, eghɨ kèpî famə endom, Vayn fo kəpî èndam sê nâʼàpî ndè vɛ È kɔ̀ŋɔ̀ se fo endam.

Etyə̂yn ə paynsêzè 22:1

Tsì ə̀təyn ə ke chwìtè ə tsò èghaʼâ m̀mò sê mi zɛ ə è fo ndamze, mô mə tə̂ynmè e nyaynə̂ kə anâynè ə ke panə tɔynə, mə m̀ fɨə pə̂ etyə̂ ə̂ fekyə̀ fə efɔ̀yn fɛ ə Zhə̀fè tsɨs ətəyn yî Vâ Ndzè,

Etyə̂yn ə paynsêzè 21:6

È və pìə kəpi sê mi nə, “Mə nə̀yn ghɛ ghɨ̀nə̀ ə̀kɨ̂m! M nyi Alfà fɨyn nyi Òmengà, ə zhə̀te, è kwùŋse. Nâʼàpî ndè vɛ ə pfɨ̀ŋ m̀mò zuʼsə vəyn, m nə̀ fo èndom nə è mɨ môm ə tɔŋ m̀mò zɛ ə è fo mô mɛ ə m̀ fo ndamze ndɔ̀ʼɔ è ndaʼ.

1 Timotì 6:12

Mɔ̀mse nâʼà sə ŋaŋ se nyɨŋ ènyɨŋ epoməze, ə nyɨŋə zhiə èndam zɛ ə ze tə mîə va se ngɨŋ zɛ̂zè, kûmə̀ nə ə̀ nyi ekyì endam nə zɨnə mə ə Zhə̀fè tè tɔŋə ghô nə o nyi ətəyn kə ò tè tyə̀yn paynsê èkyî epomə̂ zɛze əghɨ tsɨəghe əshi.

1 Timotì 2:5

Kûmə̀ nə ə̀ nyì ke Fèzhə̀ fèmɔ̀ʼ, ə̀ fɨyn nyi ke wùə èmɔ̀ʼ vɛ è njìə pə̂ Zhə̀fè yî ghɨ kaʼke amɔ̀ʼ, wùə nə vɛ nyi Klâys Njisə̀s,

Ətefɨ̂aʼ 17:25

Kyiŋə kəpi va nə ghâsènì fo fɨa kyîke sə̂ fɨaʼà se Fəynfe, kə ə̀ se nyi Vəyn vɛ ə È fo ndamze, è zhwìsèkè, è nâʼàpî àkè sê nâʼà pî sê ndè.

Njɔyn 19:11

Njisə̀s ə pə̀ynsə̀ nə, “Ò kyi va tyaʼ kyîke ə Mì ə tu ə̀ tsɛ̂ kə va mə ə̀ fo Fezhə̀ kəynke sê ghò. Wùə vɛ ə è fo tsɛsè Mi se ghò ə nə̀yn kàyntè ə̀ pi.”

Njɔyn 14:6

Njisə̀s ə pìə sê vəyn nə, “Ə̀ nyi mi ndom vɛ ə ve ndûə sê Pɨ̀a vɨ̂m, səmɔʼ ndô pə̂ sê Mi, ə̀ nyi Mi vɛ M fo ndame. Wùə vayn kàʼa è ndu sê Pɨ̀a vɨ̂m, ə va nə è tɔyne ə mi.

Njɔyn 5:26

Kè kə Pɨ̀a è ngɨŋə̂ Vəyn nyi eluʼ vɛ ə ndame ndô ətəyn, ə̀ nyì kepî famə endom ə È nə̀yn nə Vayn ə nyi eluʼ vɛ ə ndame ndô ətəyn.

Matyò 27:2

Ghənə ə ndzɨsə vəyn ə sechaʼ, ə pàʼlə̀ ndûə fo tsɛsə̀ vəyn ə Paylɛ̀t əgho ə wùə vɛ ə wùə eghaʼâ endaʼa Lûmzè tè ndəm nə è və chisə̂ ə̀ghɨ apàs endaʼa Njòndyâkè fumə ashìŋə̀.

2 Kolìŋ 9:13

Fɨ̂aʼ nə zɨ̂nə̀ ə ghàyn nə̂ nyî tyə̂nə̀ ə̀təm əchûŋ ghɛ ə ghàyn kyi sê ghɨ, fɨnə nə̂ nə ghɨə tsɨəghe ə fo epomsê se Zhə̀fè kûmə̀ nə ghàyn ə ndə̀m təm ghaynghe ə tom èchùŋ ə̀ Klâys zɛ ə ghàyn ndàʼà, è kɨsè nə ghàyn nyîə chyâtə̀ èfɨa, fo ghənə, fɨnə fo ə̀ghɨ əmɔ̀ʼɔghe.

Ngàleshyà 3:26

Ghàyn əkɨ̂m nyi əghɔyn sê Zhə̀fè sə àfɨa àmɔ̀ʼ è Klâys Njisə̀s tɔynə̂ ə ghàyn ekyî epomə̂zè.

1 Timotì 1:12

M fo àzɔ̀ŋnè sê Pɛ̂pɛ ə ghâsènì Klâys Njisə̀s kə È fo tyaʼa nə mə nə̂ èfɨ̂aʼ nə zɨ̂nə̀, ə fɨnə fe mi kə wùə vɛ ə è kwənə, ə chɔʼɔ mi nə m nəyn fɨ̂aʼ ə vəynze,

1 Timotì 1:15

Ə̀ zɨnə nyi ewâmnè ə səmɔʼze, mə ə kyi se lotə pomə kè kə ze nyi, mə ə mɛnə̂ chîəva ndô, nə Klâys Njisə̀s tè pə̀yn ə mbi se sɔzà əghɨ pighe, m lote nyi kàyntè ə̀ wùə èpi əfètə̂ ə̀ghɨ̀ ə pighe.