1 Timotì 6:12 - Ŋwàʼlè ə̀ Fèzhə̀ Mkâyn Mə̂ Fèm

¹² Mɔ̀mse nâʼà sə ŋaŋ se nyɨŋ ènyɨŋ epoməze, ə nyɨŋə zhiə èndam zɛ ə ze tə mîə va se ngɨŋ zɛ̂zè, kûmə̀ nə ə̀ nyi ekyì endam nə zɨnə mə ə Zhə̀fè tè tɔŋə ghô nə o nyi ətəyn kə ò tè tyə̀yn paynsê èkyî epomə̂ zɛze əghɨ tsɨəghe əshi.

1 Timotì 6:12 Referans Kwoze

1 Pità 5:10

Ghàyn nə̀ fe ngəʼ kè sə fendiŋə̀ fə ashìŋə̀fè nyi, epàm ətəyn, ə Zhə̀ fɛ ə fe nə̂ chùŋ se ghâsènì əghɛ ə̀kɨ̂m, mə Fe ə tɔŋə̂ ghâsènì nə ə nyi paʼsê kepî ə vəyn ə fètəyn èghaʼ sə afɨa àmɔ̀ʼ è Klâys. Nâʼà vəyn è ngɨŋə̂ vəyn tə nə̂ kwəynsə̂ nə ghàyn ə kyi àtyaʼ, tyəm tɛ ə ghàyn e samsê, ə è nəyn ə ghàyn ə ndam kyi ekol ətəmze.

1 Timotì 1:18

Vayn vɨm Timotì, m fo ètəftê zɨ̀nə se ghò mə ze nyi kepî èghɨ èghɛ ghɛ ə fɨ̀aʼtèsè tè pi kûmə̀ ghò. Njì ghɛ ghɨ̂nə ə tsâ sê ghò nyi se nò enô echûŋzè.

2 Timotì 4:7

Mə fɨ̂aʼ ke nâʼà àchûŋ. Mə fɨ̂aʼ tayn shîŋə̀ kɛ ə kyiŋə, mə fɛtê ndəm kyî epomə̂zè.

Etyə̂yn ə paynsêzè 3:3

Kɛse kwaʼte ghɛ ghɛ ə tè zaʼle sê ghò è ghɛ ə ò tè zɨ. Kwiyne təm ghɛghe se pi ò nə̂ ə̀ghɛ ətəynghe. Ə ò tàʼa zə̀mə̀, ə m pfɨ̀ŋə̀ pəyn sê ghò kə wùə e chɔŋɔ, ə ò nə tàʼa kê ashîŋə̀ kɛ ə m pə̂ ətəyn.

1 Timotì 6:13

Ə Zhə̀fè əshi fɛ ə fe fo ndame sê fɨave ekɨ̂m, è kɨsè ə Klâys Njisə̀s əshi vɛ ə È tè tyəm ə Pontus Paylɛ̀t ə shi ə wàmnə̀ səmɔʼ, se tyə̀yn ekyî epomə̂ ə Vəynze, m tsɛsə̀ àlâŋ se ghò nə:

1 Njɔyn 2:25

Famə afɨa àmɔ̀ʼ, ə ghâsènì kyi ndam zɛ ə ze tə mîə va mə za nyi vɛ ə Zhə̀fè kɨmne ndə̂m tè tsɨ̀ne se ghâsènì.

Ipilù 6:18

Ghɛ nə ghɨ̂nə̀ ə̀ pɛ̀ nyîə nyi, mə ghe vayn kaʼa ə ghe kwiyne, Zhə̀fè e va se wam kûmə̀ ghəynghe, kə ghe tɨmse ghâsènì ghɛ ə tə ndû ndə̂tè ə Zhə̀fè ngùŋ ə nə̀ ghâsènì e tɛ, ke səmɔʼ nə ə tə kyîə àfɨa kɛ ə naynə ndùə kəynke.

2 Timotì 1:9

Zhə̀fè tè sɔ̀zâ ghâsènì ə tɔŋə ghâsènì nə ə nyi ə̀ghɨ Vəynghe ŋwaʼaghe, ə̀ vachi kûmə̀ èghɛ zhîze kə ghâsènì nə̀yn, pîza e nyi ke kə È nyi mə È və ndə̀m ə vəyn afùʼ. È tè fo afùʼ nə kɨ̂yn tɔynə̂ ə Klâys Njisə̀s tsɔ̀fə kə mbi zhəte.

Kòlosè 3:15

Klâys ə nə̀yn ghàyn e nyi è pɔ̂ynè è ngɨŋ saynse. Nyiəmə, pɔ̂ynè nə zɛ mə kyi sə̂ chisə̂ nâʼàpî èghɛ èkè zɛ ə ghàyn nə̀. Ghàyn kyi sə̂ fo àzɔ̀ŋnè se Zhə̀fè shîŋə̀ tekɨ̂m.

1 Timotì 6:19

Ə ghənə nə̂ nyî, ə ghənə ə ndə̂mə̀ achiə ə ndɛke sê ngɨŋ sə ghənə̂sè, ə ghənə tə nəyn ə nyi kàʼa zhi ndamze, mə ə̀ nyi endam ə səmɔʼze.

Ipilù 3:14

Ə ghâsènì tyəm ə ghâsènì epomə̂ se zaʼâ əkwùŋse, kèpî kə ghâsènì tè tyəm ə zhə̀te, ə ze ə tyə̂nə̀ nə ghâsènì tsɨ̀yntə̀ fɨaʼà ghasènìəghə̀ Klâys.

1 Tèsàlonikà 2:12

fo ghàyn təm ə tɛghe, pɔsə̂ ə̀təm ghaynghe, pîə kwəynsə̂ kə ndò nə ghàyn ə ndamə endom vɛ ə Zhə̀fè kyiŋə, ə Fèzhə̀ fɛ ə fe tɔŋə ghàyn nə ghàyn ə nyi ə̀ghɨ ə vəyn elùʼ efɔ̀yn, è kɨsè ə vəyn epomsê.

1 Pità 3:9

Ə̂ wùə nə̀yn pi sê ghò, kə ò nəyn pə̀ynsè, ə sòylə̀ ghò, kə ò soyle pə̀ynse. Ò kyi ke sə̂ pɨlə tsə̂mə̀ nə Zhə̀fè pɔse kyì ə wùə nə vɨ̂yn kûmə̀ nə ə̀ nyi epɔsê nə zɨ̂nə̀ ə fe tè tsɨ̂nè se fo sê ghò etuʼ vɛ ə fe tè chɔʼ ghô.

2 Tèsàlonikà 2:14

Zhə̀fè tè tɔŋɔ ghàyn tɔynə̂ ə tom èchùŋ zɛ ə ghàs tè ndàʼa sê ghàyn kə ghàyn pəyn sə̂ pɔŋ kyi èpomsê zɛ ə Pɛ̂pɛ ə̀ ghâsènì Njisə̀s Klâys kyi.

2 Kolìŋ 9:13

Fɨ̂aʼ nə zɨ̂nə̀ ə ghàyn nə̂ nyî tyə̂nə̀ ə̀təm əchûŋ ghɛ ə ghàyn kyi sê ghɨ, fɨnə nə̂ nə ghɨə tsɨəghe ə fo epomsê se Zhə̀fè kûmə̀ nə ghàyn ə ndə̀m təm ghaynghe ə tom èchùŋ ə̀ Klâys zɛ ə ghàyn ndàʼà, è kɨsè nə ghàyn nyîə chyâtə̀ èfɨa, fo ghənə, fɨnə fo ə̀ghɨ əmɔ̀ʼɔghe.

Ipilù 13:23

Ghàyn e ke nə ə fɨse ànyìə ghâsènì Timotì ə ndɛ̂ chaʼ. Ə è zàŋsè pə̂yn, ə ghasè vəyn pəyn əmɔʼ se fe ghàyn.

2 Kolìŋ 6:7

Zhə̀fè ə fo tyaʼa sê ghàs, ghàs e ndàʼà kə èghɛ zɛ ə ze nyi səmɔʼ sê ghɨghe. Fɨa eghɔ̀ŋ vɛ ə ghàs nô è vəyn fɨnə kɨ̂ŋtə̀ sèngɨŋ sasse ətəyn nyi tendom tə chichite.

Filìpây 1:30

Ghàyn paʼsê sê mi kə ghâsènì tsɨynte no àngyə̀s ətəynke. Ə̀ kɨnə mə pa nyi àngyə̀s kɛ ə ghàyn tè fe mə m nô ndò sə shi, ə̀ kɨnə mə nyi kəynke ə ghâsènì pa tsɨ̂yntə̀ nô zôyn.

1 Timotì 1:19

Fɛte kyi kyî epomə̂ zɛze achûŋ, ə kyîə èkwaʼtè zɛ ə ze saʼa va təm ghɛghe. Ghɨ mɔʼɔ ghə kwiynsê se zɨtê eghɛ zɛ ə ghənə ke nə ə̀ nyi eghɛ chichi. Kûmə̀ nyiəmə, ghənə fɨyn kyi va kyî epomə̂zè sê Klâys.

1 Timotì 4:14

Kə ò lɛse fo zɛ ə Zuʼse Ŋwaʼase tè fo sê ghò za kə fɨ̀aʼtèsè wàmnè ghɛ kûmə̀ ghò, nɔ̂yn ə sechəʼ sə ndɛ̂ Fèzhə̀sè ə ndə̀mə̀ əgho ə ghò tu.

2 Timotì 2:2

Njì zaʼlê zɛ ə ò tè zɨə kə m zaʼlə ə ghɨə tsɨəghe əshi, ə fo tsosə̂ se ghɨ ghɛ ə ò samsə̂ mə ghənə kaʼa zaʼlê ghɨə mɔ̀ʼɔghe.

Njût 1:3

Soyn sɨmse kɔ̀ŋsè, M tè nyîə mɔ̂msə̀ nâʼà ètyaʼke se nyàʼ sê ghàyn ghɛ kûmə̀ èsɔzà zɛ ə ghâsènì tsɨ̂ynte kyi, pîza zôyn mə fe nə m kyi se nyàʼ kûmə̀ èghɛ ə ndôzè mə ze nyi se chyatê ə ghàyn nə ghàyn no se ndə̀m ekyî epomə̂ zɛ ə Zhə̀fè nyi mə fe ə fo sê ghɨ ə vəynghe kè eshîŋə̀.