1 Timotì 6:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ Kɔ̂ŋ ekɛze nyi zhə̀te èlùʼ vɛ ə kyì tə pi tekɨ̂m ndò pə̂ ətəyn. Ghɨ yîghe ə kɔ̀ŋ tsɛsè se kyîə vəynve, zɨnə mə zɛ ə ze nə̂yn nə ghənə pfɨ ə ghənə ekyî epomə̂zè, ə pəyn e ngəʼ setsɨəse ə ghənə ətəm.

1 Timotì 6:10 Referans Kwoze

1 Timotì 6:9

Pîza ghɨ ghɛ ə ghe kɔ̂ŋɔ̀ sə̂ nyi ə̀ghɨ kɛghe pfɨ̂ə njiə ndò əfètə̂ èmɔ̀m, ə ko ghənə əfètə̂ àtam əghɛ ngô tsɨəghe, è kɨsè əfètə̂ àtam əghɛ ə tsɨə ghɛ ə ghe kaʼa ə ghe ndəmse ghənə, nyiəmə ə ghənə zɨ tsôsvè nâʼà sə ŋaŋ.

Taytùs 1:11

Ò kyi se nə̀yn nə kə ghənə ə tsɨnə̀ wàmnə̀ nyi kûmə̀ nə ghənə ndùə njiə əghɨghe mpɨəyn, ghənə pofsə̂ kə m̀kɨ̂m è zaʼlê epi nə zɨ̂nə̀. Ghənə nə̂ nyî kè se kyî ekɛ mə nyi afɨa kɛ ə ke pə̂ èghomə̂zè.

Njût 1:11

Ngəʼ e ghaʼa nyi ə ghənə tu! Ghənə ə chùmtè ndom vɛ ə Kên tè nji kə è tè zhwi ànyìə vəyn. Kè kûmə̀ èkɔ̂ŋ ekɛze, ghənə ə fo ngɨŋ sə ghənə̂sè se tsas sɛ ə Palàm tè nəyn. Ghənə ə tə se pomə̂ sê Zhə̀fè, ə pofsə̂ sèngɨŋ sə ghənə̂sè kèpî kə Kolà tè tə ə pofsə̂ ngɨŋə̂ vəyn.

2 Timotì 4:10

Kûmə̀ nə Ndemàs nyîə kɔ̂ŋə̀ èfɨa ə mbi ə̀ zôynvè, ə tə za mi, ə ndùə ə Tèsàlonikà. Kɨ̀lisèns ə ndù ə Ngàleshyà, Taytùs ve ndù ə Ndàlàmatyà.

1 Timotì 3:3

ə̀ kyi sə̂ nyi wùə, mɨə tsɛ̂sə̀ va lɨ̀m, kɔŋə̀ va ngyə̀skè, pîza kolə ə̀təm, nə̂ va ghɛ sə zəʼtə̂ ndô ghɨ, zɔ̂ tsɛ̂sə̀ va, shiə vəynghe fɨə tsɛ̂sə̀ va ekɛ.

Matyò 23:13

Njisə̀s ə pìə sê tyə̀ynsè sə alàŋsè è ghɨə Falàsîə nə, “Ghàyn ghɨnə ə ghàyn kaŋkaŋa nə̂ nyî, ngəʼ èghaʼâ nyi sê ghàyn! Ghàyn fìnə̀ èchondɛ elùʼ efɔ̀yn ekwùtwəynve nə kə ghɨə nji. Mə ghàyn è ngɨŋ saynse vayn kaʼa nji, za va nə ghɨ mɔ̀ʼɔ ghɛ ə kyiŋə se nji nə nji.

Njə̂m 5:19

Ghɔnyì ghɨmə, ə wùə sê ghàyn ndò zâ səmɔʼ, wùə ə̀ mɔʼɔ ə kɛsə̂ pə̂ è vəyn,

1 Timotì 6:21

Kûmə̀ nə ghɨ yîghe tyə̂nə̀ nə ə kyi ndô tɔf ətəynze, kûmə̀ zɨnə mə, ghənə ghe ə njîsè ndom ə ghənə̂ ve kyî epomə̂zè. Ə fùʼ ə Fezhə̀kè faŋ sê ghàyn əkɨ̂m.

Etyə̂yn ə paynsêzè 18:13

Se paʼsê, wùə tə fɨnə zhɔnə va fɨa elɨmtə tsɔfəve kə, sinamò, efɨa ekwuənə nə embàsvè, è ndiŋze, è ngwɨlə̀m, e tɔŋtə nə mâyl, è pfɨ̀ŋə̀m e tɔŋtə̂ nə flaŋkyiŋsèyn; È fɨa ə mɔ̀ʼɔve kə mlɨ̂, è ngwɨ̂l mə olìfmè, è pfɨ̀ŋə̀ m̀ kwuə kə nyi, è sɔ̀fsè, è nyam sə mbɔ̀lɔʼse, è ndzèsè, è kwanyàmvè è kɨsè katə eghɔ̀ŋte mə ə̀ shìnə̀ ekwânyàm, è ghɨ msɔ̀ŋ ghɛ ə pəʼle sə ekɔ̀s.

Matyò 6:19

“Kə ghàyn ə ndə̂mə̀ èghaʼ zayn ze fa chi, elùʼ vɛ ə shɔʼshɔʼe, è chaʼè kaʼa ve pofse, mə ghɨ echɔŋə kaʼa kəm nji kepî ə ndɛ ə chɔŋ vəynve.

Matyò 13:22

Ngwàʼ zɛ ə è tè tàynte əfètə̂m m̀sòlèndzɔŋ nyi kə wùə vɛ è zɨə ghɛ ə Fezhə̀zè, ghɛ mbiə è kɔŋè kûmə̀ èghaʼ ə mbize ə lwiynsə̂ ə̀təm ə vəynghe. Zɨnə mə ə nə̀ vəyn è vayn kaʼa è kwiyne ə və sepi.

Ŋwàʼlè ə̀ Mâk 4:19

pîza fɨmsê ə mbize è kɔ̂ŋ zɛ ə ghənə kyi sê ghaʼtə mbite, è ghɛ mbi ə mɔ̀ʼɔ ə pə̀ ghâŋtə̀ ə̀təm ə ghənə̂ghè, zə tàʼa mu etwɔm ə ghənə endam.

Kòlosè 3:5

Nyiəmə, ghàyn nji tsɨsè ə̀təm ghaynghe əghɛ senjà sewìynse nâʼà ə̀kɨ̂m. Ghàyn fɨse təmghe ətə̂ ə̀ghɛ kə, əghɛ sə chûmtə̀ ə̀zəyn, è ndômnèghè, ghɛ eliŋghe, ghɛ ghɛ ə njà sewìynse kyiŋə, sə kyi ekwaʼtè epize, è shiə fɨəghe. Ə ghàyn fɨə èshighe, ə ze ə nyi kəpi ghàyn tɨmə m̀kɨ̂m sê Zhə̀fè mɔ̀ʼɔfe.

2 Timotì 3:2

Ghɨ tə nə̂ ə muə, kɔ̂ŋɔ̀ èkɛ nâʼà àpi, pfɨnə̀ àngàŋtè, ghaŋsə̂ èwiyn, sôylə̀ ə̀ghɨ fɨnə tɛ ètuke sê pɨ̀a ə ghənə̂ghè è nyì ə ghənə̂ghè. Ghənə tə nə̂ ə fo va zɔ̀ŋnèkè sê wùə kûmə̀ nâʼà èghɛ e tətə̂ zhîze kə wùə nə̀yn sê ghənə, kyi va luʼve sê Zhə̀fè ə ghənə ətəm.