1 Timotì 6:1 - Ŋwàʼlè ə̀ Fèzhə̀ Mkâyn Mə̂ Fèm

¹ Ghɨ ghɛ ə ghe fɨaʼà kə ekɔ̂s kyi sə̂ fo èkɔʼsê eghaʼazè sê pɛ̀ efɨ̀aʼ ə ghənə̂ghè, kə wùə vîvè ə vayn kàʼa è wamne ghɛ epize kûmə̀ èzə ə Fezhə̀zè, è zaʼlê ə ghasènìze.

1 Timotì 6:1 Referans Kwoze

Taytùs 2:5

nə ghənə ə kyîə sengɨŋ sə ghənə̂sè, nyi ezoze ə ghənə ə tekwàʼtè, fɨ̂aʼà ə ghənə ə sendɛ, nə̂ èghɛ zɛ ə ze nyi achûŋ, tsosə̂ sèngɨŋ sə ghənə̂sè əchi se ndom ə ghənə̂ghè, kə ghənə tə tàʼa pə̀yn èghomə̂zè sê tom ə̀ Fèzhə̀.

Ŋwàʼlè ə̀ Pɔ̂l sê ghɨə Lûmghè 2:24

Ə nyàʼ ə Ŋwàʼlè ə̀ Fèzhə̀ nə, “Kûmə̀ ə̀ghɛ ghɛ ə ghàyn nə̀ ə ghɨə Njûsə̀, ghɨ ghɛ ə̀ va əghɨ ə Njûsghè wàmnə̀ ə̀ghɛ ə pighe kûmə̀ Fèzhə̀.”

1 Pità 3:16

Ə ghàyn piə nə̂ nyi, ghàyn e nə̂ è təm əzo, kə nâʼàpî ghə ndè ghɛ ə ghənə wâmnə̀ wâmnè te pite kûmə̀ èndam èchùŋ zayn zɛ ə ghàyn kyi kə ghɨ ghɛ ə ghe chùmtə̀ Klâys, nə ghomə̂ ə ghɛ ghɛ ə ghənə pîə.

1 Pità 2:12

Ghàyn e ndamə tèndam techûŋtè kə ghɨ ghɛ ə ghàyn ndamə ə ghənə fètəyn, ghənə e ke va Zhə̀fè nə kaŋa ghâmə̀ pî ghàyn, ə ghənə tə fe kê ə̀ghɛ ghayn ghe chûŋghè ə fetuʼ fɛ ə Zhə̀fè tə kɛsə pə̂ se saʼ, ə ghənə ə tsîtə̀ Fèzhə̀.

Ngàleshyà 5:1

Klâys ə fɨse ghâsènì efɨ̀aʼ akɔ̀szè kə ghâsènì ə fɨyn va èkɔ̂s. Ghàyn fɛte tyə̂m kə ghɨ ghɛ ə ghe va ekɔ̂s, kə wùə tə tàʼa fɨnə ndzɨse ghàyn efɨ̀aʼ akɔ̀szè.

Ətefɨ̂aʼ 15:10

Kûmə̀ ghè ə ghàyn mɔ̀msə̀ zôyn se ndə̀m ə Fezhə̀ emɔ̀m endom nə ghàyn nə̀ nə ghɨ ghɛ ə ghe pomə se Njisə̀s pɨaʼa kyə̀ynkè, ke tsɨ̀ə kə nyî mə pɨ̀a ə ghasènìghe ghəshiə, nâʼà pî è ghâsènì ə tə fɨm se pɨàʼà kûmə̀ ghè?

Ətefɨ̂aʼ 10:22

Ghɨ ə təynghe ə pìə nə, “Ghàs nyi mə ə̀ tom Kɔ̀nilùs, àtuə sesokə̀ʼa. È nyì ke nâʼà wùə chichi, fɨaʼà se Zhə̀fè, ghɨ Njûsghè əkɨ̂m nyîə ngɨmnə̂ vəyn. Tsì ə̀ Fèzhə̀ zhîzè pì sê vəyn nə, è tom tɔŋɔ ghò ə ò pəyn ə və ə ndɛ kə è zɨ ghɛ zɛ ə ò kyi se tsàyn se vəyn.”

Ətefɨ̂aʼ 10:7

Tsì ə̀təyn ə wàmnə̀ mɨ̂sə̀ sê Kɔ̀nilùs ə ndò. Kɔ̀nilùs ə tɔŋɔ̂ ə̀ghɨ fɨaʼa ə vəynghe əpɛ̀, paʼsə̂ è sokə̀ʼ èmɔ̀ʼ è chûmtə̀ èghɛ ə Fezhə̀zè epàm mə ə̀ nyi sokə̀ʼ vɛ ə è tè tsɨ̀ŋnə Kɔ̀nilùs.

Tom èchùŋ kè kə Lûk tè nyaʼ 17:1

Njisə̀s ə tə pi sê chùmtè epàm sə vəynse nə, “Ghɛ ghɛ ə ghe nə̂ nə ghɨghe ə nə̂ pi vâyn kàʼa faŋ se kyàyn, pîza ngəʼ nyi sê wùə vɛ ə è nə ghɨghe e njisə̀ èndom!

Matyò 11:30

Kûmə̀ nə zaʼlê zɨme tɛ va, kyə̀yn kɨmke e tɨ̂lə̀ va.”

1 Timotì 5:14

M kyiŋə nə zhwiə kwu ghɛ ə pa nyi sèngɔ̀yn kɛse malə̂, ə piə ghɔnə, ə tɔ̂ʼnə̀ è sastə ndɛ tə ghənə̂tè kə pàyn sə ghasènìse ə kyi va ndom sə̂ wâmnə̀ ə̀ghɛ ə piə kûmə̀ ghâsènì.

1 Kɔlìŋ 10:32

Ghàyn e ndamə endom kə ve vayn pə̀yn è tsôsvè sê wùə vîvè kɨ̀sə ə̀ nyi əghɨ Njûsə̀, kɨ̀sə ə ghɨ ghɛ ə̀ va əghɨ ə Njûsghè kɨ̀sə əghɨ ə poməghe.

Matyò 11:9

Ghàyn tsayn sê mi nə ghàyn tè fɨ ndû se fe ghe, Ə fɨ̀aʼtè mə? E nyi ke nâʼà nyi. M pîə sê ghàyn nə ghâ tè fe wùə, è tsɛ̀ fɨ̀aʼtè.