1 Timotì 5:8 - Ŋwàʼlè ə̀ Fèzhə̀ Mkâyn Mə̂ Fèm

⁸ Ə̂ tə pîndè nə zhi tɔ̂ʼnə̀ va è sas ə ndɛ ə vəynze, paynpayn ghɨə vəynghə ndɛghe, ə zə tyə̂nə̀ nə è paʼà pomə Klâys səmɔʼ, ə kɛsə̂ kwûəmnə̀ tsɛ̂ nâʼà wùə vɛ ə è tàʼa tyəmə pomə̂ nâʼà səkɔs.

1 Timotì 5:8 Referans Kwoze

Ngàleshyà 6:10

E za tyə̀nə̀ nə ə ghâsènì kyi ndomnə̀fè nâʼà pî ashìŋə̀ àkè se nə chùŋ, ghâsènì mɔmsə̀ se nə kə sê ghɨ ghəkɨ̂m, fɨnə nə̂ nâʼà setsɨ̀ sê ghɨ ghɛ ə ghâsènì ghə̀ ghənə kyi kyî epomə̂zè emɔ̀ʼ.

2 Kolìŋ 12:14

Ghàyn e ke nə ə̀ zô se nyi tè shîŋə̀ tèta kə m pə̂ se fe ghàyn, nyi se pə̀yn se tàʼa pfɨf afɨa sê ghàyn kûmə̀ nə m kyiŋə kə ghàyn, ə̀ va chi èkɛ vaynve. Ə̀ pɨl kyi ə̀pɨà ghɔnə è nyì ə ghɔynghe sə̂ ndə̂tə̀ ndəmə èkɛ se tə tɔ̀ʼnè è ghɔynghe ətəyn, ə̀ va chi əghɔyn sə̂ ndətə̀ ndə̂mə̀ se ghənə.

Taytùs 1:16

Ghənə kaŋkaŋa pîə nə ghənə ke ndo Zhə̀fè, pîza ndam ə ghənə̂zè e tyə̂nə̀ nə ghənə ə tə vəyn. Ndam tə ghənə̂tè nyîə kwə̂mnə̀, ghənə e tɛ ètuve, mə ghənə vayn kàʼa nəyn nâʼà èghɛ zhîze mə ə̀ nyi eghɛ echûŋzè.

Matyò 7:11

Mə ghàyn pofə nyî, ke se fo efɨa echûŋvè sê ghɔyn ghanə, ə zə nyi tayn zàyn sê pɨ̀a vâyn vè ekwùtwəyn se fo efɨa echûŋvè sê ghɨ ghɛ ghe pfɨf sê Vəyn ə!

2 Timotì 3:5

Ghənə tə nə̂ ə fusə̂ ə̀ghɨ ghɛ ə ghe kɔʼsə Zhə̀fè, pîza zɨə va sê Vəyn nâʼà səkɔs. Kə ò tə paʼsê sê kyì əghɨ̀ nə ghɨ̀yn.

Etyə̂yn ə paynsêzè 3:8

M ke ndô ghɛ ghɛ ə ò nyi mə o nə̀yn. Fekə, mə chwì za cho ə ndɛ sê ghò, mə nâʼà wùə vayn kaʼa è fɨyn kyiŋ. M nyiə ke nə o tɔ̀ʼ kyi va tyaʼa, pîza mə o chùmtè zaʼlê zɨmze ə tàʼa mɛnê ezə zɨmze.

Etyə̂yn ə paynsêzè 2:13

M nyiə ke eluʼ vɛ ə ò ndamə ətəyn. Ò ndamə elùʼ Satàyn e saʼa efɔ̂yn ə vəyn fu. O tə fɛte tyə̂m àchuŋ ə gho ekyî epomə̂zè sê mi ə tàʼa ə mɛnê ezə zɨmze nâʼàpî etuʼ vɛ ə tè zhwi Antipàs ətəyn vɛ ə è tè ndàʼa tom kûmə̀ mi è təm ə vəynghe əkɨ̂m. Ə tè zhwi vəyn elùʼ vɛ ə satàyn ndamə.

2 Pità 2:1

Tyə̀ynsè sə akaŋse ə tə fɨ ə ghɨghe ə fètəyn kèpî kə se tə pə̂ ə sə nyi ə ghàyn ə fètəyn. Ghənə tə nyaʼtə̂ pə̂ è zaʼlêzè mə ze va səmɔʼ se pofsə teluʼ, ə ghənə tə pî pɛ̀ àpɨəyn vɛ ə tè sɔ̀zâ ghənə, ə zɨnə mə pfɨ̀ŋə̀ pəyn è pofsêzè ə ghənə ə tu.

Njɔyn 15:22

Ə M tè tàʼa pə̀yn se wàmnè sê ghənə kûmə̀ sèpi sə ghənə̂sè mə ze tyə̀nə̀ va nə ghənə ə nə̀yn pi kə ze tyə̂nə̀ zôyn. Ghənə fɨyn kyi va ghɛ zhîze zôyn se pì kûmə̀ sèpi sə ghənə̂sè.

Njût 1:4

Kûmə̀ nə ghɨ yîghe mə ghe ke va Zhə̀fè ə nyaʼtê nji ə ghâsènì ə fètəyn, ə̀ nyi ə̀ghɨ mə ghə fəʼtê tomə̀ àfùʼ ə Fezhə̀kè pîə nə fùʼ ətəynke nyîə pomə̂ nə ghɨghe ə ndamə tèndam tenyələte, Ŋwàʼlè ə̀ Fèzhə̀ se nyi mə è zə tə wàmnè nâʼà sə mɨ kûmə̀ ə̀ kyì ə ghɨ nə ghɨ̂nə̀ ə tsà nə Zhə̀fè tə saʼa pofsə̂ ghənə kûmə̀ nə ghənə ə tə pɛ̀ apɨəyn emɔ̀ʼ vɛ ə ghâsènì kyi ə̀ nyi Pɛ̂pɛ Njisə̀s Klâys.

2 Kolìŋ 6:15

E za nyi nə Klâys yî ndə̂plè vayn kàʼa pomə, kèpî kə wùə e pomə vayn kàʼa è və nə̂ tsɨ̂yntə̀ ə̀ghɛ yî wùə mə è pomə̂ va Zhə̀fè

Matyò 18:17

Mə è tàʼa zɨtê sê ghənə, o njìə ndûə è vəyn sê ghɨ ə ndɛ ə̀ Fèzhə̀ghè. Mə è tàʼa pa zɨtê sê ghɨghe ə ndɛ ə Fèzhə̀, o njìə vəyn kə wùə vɛ ə è tàʼa tyəmə kê Fezhə̀, pî kə wùə ètənə nə̂ sètaks.

1 Kɔlìŋ 6:6

Pîza ànyì pɨlə njîə ndûə è ànyì ə̀ mɔʼɔ ə ndɛ ə̀ saʼ, mə ghɨ ghɛ ə saʼa va əghɨ ə pomə.

2 Timotì 2:12

Ə ghâsènì ndù ke eshike sə̂ kolə ə̀təm, ə ghâsènì ghə̀ vəyn tə nəyn ə saʼə mbi. Ə ghâsènì kwiynse nə ghâsènì ke va vəyn, ə è tə pɔŋ kwiynsê nə zhi ke va ghâsènì.