1 Timotì 5:6 - Ŋwàʼlè ə̀ Fèzhə̀ Mkâyn Mə̂ Fèm

⁶ Zhwìə kwu vɛ ə è mɔ̀msə̀ kə sə̂ zhisə̂ èwiyn ə vəyn se nyi mə zuʼse ə vəynse ə kwu nâʼàpî kə è pa kwìə.

1 Timotì 5:6 Referans Kwoze

Njə̂m 5:5

Ghàyn ə ndam zaynze fa chi kè sə̂ zhiə àchûŋ è kɨsè sə nə̂ nâʼàpî èghɛ èkè zɛ ə wiyn vaynve kyiŋə. Ghàyn ə ghaʼlê kwəyn, sè nyi èpɨaʼtêzè sè tuʼ fɛ kə se ghàyn ətəyn.

Etyə̂yn ə paynsêzè 18:7

Ghàyn fo vəyn ètsôsvè, è təm ə tɨləghe, ə ze ə tsɨ̂ə tsɛ̂ epomsê, è chùŋ zɛ ə è tè kyi. È tè nyiə kɔʼsə̂ tèkwûəmə̀ pîə sê ngɨŋə̂ vəyn nə, ‘M nyi nyìə fɔ̀yn, vɛ ə è tsɨs ə fekyə̀ fə efɔ̀ynfè saʼa m vachi zhwiə kwuə. M tə kyî va təm ə tɨləghe.’

Etyə̂yn ə paynsêzè 3:1

“Nyàʼ ŋwàʼlè sê tsì ə̀ ndɛ ə̀ Fèzhə̀ ə Sandìs nə: ‘Wùə vɛ ə è kyi tyaʼke etûə mlɨ̂ mə Fèzhə̀mè èsɛ̀mbɛ è kɨsè vɛ ə è kyi lìmè èsɛ̀mbɛ pi nə, M nyiə ke èghɛ zɛ ə ò nyi mə o nə̀yn. Ò kyàʼà kə ò nyîə ndamə pîza mə o kwu.

Tom èchùŋ kè kə Lûk tè nyaʼ 15:24

Vayn vɨm vɨ̀nə nyi nyî mə m tè se ndəmə̀ kə nə è və kwuə ə̀ kyaʼà vəyn fayn nyi, nyi ke nâʼà etwɔ. M tè se piə kə nə è və njìsè ndu, è vɛ è kɛse pəyn.’ Ghənə ə se zhə̀tə̀ sə̂ zhiə, saŋnə.

Tom èchùŋ kè kə Lûk tè nyaʼ 15:32

E fè nə̂ tsɔ̂fə̀ kə nâʼà se nə̀yn etuʼ e ghaʼa vɨ̀nə, se zhi. E tè se kyaʼà kə ànɛ̂ vɨ̀nə kwu ndo, è nə nyi zôyn nyi, nyi kə nâʼà etwɔ. M tè nyi mə mə ndə̀m ndù ke nə è və njìsè, è vɛ è kɛse pə̀yn. Ò piə nə kə ghâsènì ə saŋnə ə?›”

Ɛfesùs 5:14

E nyi nyî kûmə̀ nə ə̀ nə̀ èpayn nə nâʼàpî ghè payn ə ndayn. Ə̀ za nyi eghɛ zɛ ə ze tè nəyn wùə vîvè ə pìə nə: “Zə̀mə ə sèmbɨəyn ə wùə vɨ̂yn. Zòmə kə Klâys fo payn sê ghò.”

Ɛfesùs 2:1

Ghàyn nyi nyî mə ghàyn tè nyi mə ghàyn ə kwute ə ghàyn ə sezuʼ kûmə̀ tètsas è ghɛ piə ghɛ ə ghàyn tè nə̂.

Tom èchùŋ kè kə Lûk tè nyaʼ 15:13

Tuʼlə̂m pâʼà nyìəm tsɛ m̀shyàʼ, vê tətə̂ nə vɛ ə pəʼle efɨa ə vəyn nâʼà èkɨ̂m ə səʼə èkwî endaʼ zhize, ghaf ətəynke e tyàfə̀ kə nyi ə ndùə tânə̀ fumə sè tsɨ̂nə̀ ndamə kə ndò, tsɨ̂nə̀ zhiə ke ndò kɛə vəynve.

Matyò 8:22

Pîza, Njisə̀s ə piə sê vəyn nə, “Chùmte Mi,” ə zà əghɨ ghɛ ə nyi əghɨ kwutə, ə ghe pfɨmə ghɨə kwutə ghənə̂ghè.

Kòlosè 2:13

Ə̀ tè nyì sə shi, ghàyn e nyi kəpiə ghàyn kwu ndô kûmə̀ èlwɔ̂ŋ ə Fezhə̀ vɛ ə ghàyn tè kyim. Ə̀ tè nyì fumə ashìŋə̀ ndɔ̀ʼɔ Klâys nyiəm nji tsɨsè tsɨnè èpi ə ghàyn ewìyn. Pîza Zhə̀fè ə fo ghàyn èndam efeze zôyn kə è zòmsè ghâsènì, ghasènìghə̀ Klâys. È və lɛ̀sè fo pi sə ghâsènì sekɨ̂m.

Ɛfesùs 2:5

Ə̀ za nyi eghɛ zɛ ə Fe tè zòmse Klâys nâʼàpî ashìŋə̀ àkè ə pɔŋɔ zômsə̀ ghâsènì. Ə̀ tè nyi zâ, mə ghâsènì ə kwutê ə sezuʼ kûmə̀ tètsas təghasènìte. Zhə̀fè ə sɔ̀zâ ghàyn kûmə̀ àfùʼ kɛ ə fe kyi.

Tom èchùŋ kè kə Lûk tè nyaʼ 12:19

ə m ke pi sê ngɨŋ zɨm nə, Tsɔ̀f àtu, ò se kyi efɨa e chûŋ se zhi nâʼà sə aghaf. Ò tsɔ̂ynsə̀ ndamə kə ndò. Ò zhiə, mɨə fɨnə saŋnə.›

Tom èchùŋ kè kə Lûk tè nyaʼ 7:25

Ghàyn tè ndù nâʼà se fe ghe? Ə wùə kə è laf laf echûŋzè mə? Ghàyn ke nə ghɨ ghɛ ə ghe lafə endom nə vɛ fɨnə zhiə efɨa echûŋ ndamə kə ə tɔʼ.

Tom èchùŋ kè kə Lûk tè nyaʼ 16:19

È və wàmnə̀ za ə fɨnə tsâ fèmɛngâyn fife nə, “Wùə èghaʼâ viu tè nyi, maʼà kə sendzɨs sə tefɔ̀yntè, fɨnə zhisə̂ ewiyn ə vəyn kè tuʼmè m̀kɨ̂m.

2 Timotì 3:6

Ghɨ mɔ̀ʼɔ nyi ə ghənə əfètəyn, kwîə njiə əghɨghe ə sendɛ, lesə̂ ə̀zəyn ghɛ ə ghe nyi mə nə̀yn tsɛ̂sè ghɛ piə sè kyi va təmghe se tɛ faŋ eghɛ, sè nyi mə ə̀ kwaʼtè tə ghənə̂tè chisə̂ kə pi.