1 Timotì 5:5 - Ŋwàʼlè ə̀ Fèzhə̀ Mkâyn Mə̂ Fèm

⁵ Kàyntè ə̀ zhwîə kwu vɛ ə è kyi va wùə nə è və tɔ̂ʼnə̀ è vəyn nyi mə è kwàʼtə̀ lɨmtə̂ kə se Zhə̀fè, tsə̂mə̀ kə ndo shîŋə̀ tekɨ̂m, ndɔnə ètsâmtè sê Vəyn etuʼve, èchwì.

1 Timotì 5:5 Referans Kwoze

1 Timotì 5:3

Ghàyn e tɔ̂ʼnə̀ è zhwiə kwuə ghɛ ə ghe ndɨŋ kyi va.

Tom èchùŋ kè kə Lûk tè nyaʼ 2:37

È və kwuə ze sè nyi za mə è və ndəmə̂ sè nyi sepìŋ mghɨm famə njòse kyàʼ nâʼà pîza ndam tsɨs ke ə Ndɛ Ètsə̀mə kɔʼsə̂ Fezhə̀ pamə ècho tsə̂mə̀ èchwì tsə̂mə̀ etuʼve.

1 Pità 3:5

Ə̀ vɨnə nyi endom vɛ ə zənə etuʼ ə shiə ghɛ ə ghe tè kɔʼse Zhə̀fè, kyi èkwaʼtè elɨmtəze sê Zhə̀fè tè lafə ətəyn. Ghənə tè nyîə tsosə̂ sèngɨŋ sə ghənə̂sè əchi zɨə sê ndom ə ghənə̂ghè.

1 Timotì 5:16

Ə̂ se nyi nâʼàpî wùzhɔyn è pomə èkwə̀, kyi ə̀ zhwiə kwughe ə vəyn esas ə ndɛ, è və tɔ̂ʼnə̀ è ghənə. Kə è zɔʼ chîə təyn zə ghɨə poməghe ətu. Ə ze nyi nyî ə ndɛ̂ Fèzhə̀ ə tɔ̂ʼnə̀ kɔʼɔ kə è zhwiə kwu ghɛ ə ghe kyi va ghɨə kə ghə tɔ̂ʼnə̀ è ghənə.

1 Kɔlìŋ 7:32

M kyiŋə nə kə ghɛ nə fɨmsê ghàyn. Wùə vɛ è tàʼa malə ndə̀mə̀ ə̀təm ə vəynghe kè sə̂ nə̂ èfɨaʼ ə Pɛ̂pɛze, kûmə̀ nə è mɔ̀msə̀ se nə̀yn eghɛ zɛ ə ze nə̀ nə̂ ə Pɛ̂pɛ ə saŋnə.

Tom èchùŋ kè kə Lûk tè nyaʼ 18:1

Njisə̀s ə fɨnə mɛ̂ kəpî ngàyn zhizè sê chùmtè epàm sə vəynse se zaʼlê ə ghənə nə ghənə kyi sə̂ tsə̂mə̀ kə shîŋə̀ tekɨ̂m, pɔ va.

Ɛfesùs 6:18

Ghàyn piə nə̂ ə̀ghɛ nə ghɨynə̀, ghàyn e tsə̂mə̀ sê Zhə̀fè kè shîŋə̀ tekɨ̂m, pfɨfə nâʼàpî ghè ke eghɨ kə Zuʼsə vəynse chisə ghàyn. Ghàyn piə tsə̂mə̀ ndò ghàyn e tsə̂mə̀ sê ghɨə Fezhə̀ nâʼà ə̀kɨ̂m. Ghàyn e tɔ̂ʼnə̀, kə wùə tə lɛ̂sè ètsə̂m.

Tom èchùŋ kè kə Lûk tè nyaʼ 18:7

Ə̀ nyiə kàʼa ə pɨl faŋ Fèzhə̀ se zɨtê echi zɛ ə ghɨ fəynfe ghɛ ə fe chɔʼte chîə sê fəynfe, èchwì ètuʼu ə? Ə fe za kàʼa ə fe ə puʼsə̂ kə ndò ghənə ə?

1 Kɔlìŋ 7:34

ze nə̂ è fɨyn kyi va kwaʼtè zemɔ̀ʼ. Wùzhɔyn vɛ è tàʼa malə̂ kɨ̀sə ngɔ̀yn ə̀ wùzhɔyn vɛ ə è nyìəm keva wùndômə̀, kyi sə nə̂ kə àfɨaʼ ə Pɛ̂pɛke kûmə̀ nə è kyiŋə se fo ewiyn ə vəyn è zuʼsə vəynse sê Pɛ̂pɛ; pîza wùzhɔyn vɛ ə è nyi mə è və malə̂ ndə̀mə̀ kə ə̀təm ə vəynghe ə ghɛ ə mbiə, kûmə̀ nə è kyiŋə nə təm ə ndomə̀ vəynghe ə saŋnə̂.

Ŋwàʼlè ə̀ Pɔ̂l sê ghɨə Lûmghè 1:12

Ghɛ zɛ m pîə nyi nə, nâʼàpî ndè ə ghâsènì ə fètəyn fo təmghe se ànyìə vəyn. Kə pomə zɨmze fo ghàyn ètyaʼke ə zaynze pɔŋ fo kepî mi ètyaʼke.

Ŋwàʼlè ə̀ Pɔ̂l sê ghɨə Lûmghè 1:5

Ə̀ nyi ə Vəyn ezə kə Zhə̀fè nyi mə fə fo mi èfùʼkè ə ndə̀mə̀ mi nə mə nyi wùətom kə ghɨ ghɛ ə̀ va əghɨ ə Njûsghè pomə ə zɨ sê Klâys.

Ətefɨ̂aʼ 26:7

Ə zɨnə nyi etsɨnè zɛ ə tâŋ tə ghasènìte eghɨm njòse pɛ̀ kwâʼtə̀ se tə kyî kə ghənə tè ngɨmnə Zhə̀fè èchwì è kɨsè etuʼve. Ə̀ nyi kûmə̀ èkwaʼtè elɨmtə zɨ̀nə̀ ə fɔ̀yn Àngɨ̀lipà, ə ghɨə Njûsə̀ ndə̀m ghɛghə mìə tu.

Ətefɨ̂aʼ 6:1

Ə̀ tè nyi ə mtuʼ nə mɛ kə ghɨə poməghe tè tsɨ̀ə ndûə kə əshi, ghɛ ə ghe tè wàmnə̀ ewàmnè ə Nglêkzè ə səʼə̀ èzô yî ghə̀ ghɨ ghɛ ə ghe tè wàmnə̀ wâmnè endaʼa Njûszè. Ghɨ ghɛ ə ghe tè wàmnə̀ wâmnè ə Nglêkzè tè piə nə, zhwiə kwuə ghənə̂ghè fiə zaʼâ va kɔ̂yn ekɛ kɛ ə fo sê zhwiə kwuə.

Ətefɨ̂aʼ 9:39

Pità ə pɨaʼtə̂ ə ndùə yighə̀ ghənə, ə pə̀ kə è ndù tâyn fumə, ghənə ə njìə kɔʼɔ è vəyn ə lûm ə̀ ndɛ èkwùtwəyn. Zhwiə kwuə nâʼà ə̀kɨ̂m fu ə zùŋtə̀ ka ə və ngwùŋ, chîə tyə̂yntə̀ sendzɨs sə ghənə̂sè, è laf əmɔ̀ʼɔ vɛ ə Ndokàs tè tàsə sê ghənə kə è tè pa nyi ètwɔ.

Ətefɨ̂aʼ 9:41

Pità ə kyîə ndwisə̀ vəyn ə tɔŋnə̂ ə̀ghɨ poməghe è zhwiə kwu ghɛ ə ghe tè nyì fumə, ə tyə̀ynə̀ sê ghənə nə Tàpità nyi ètwɔ.

Filìpây 4:6

Kə ghàyn fɨyn kayn mbi kûmə̀ èghɛ. Ghàyn e pɨlə tsə̂mə̀ kə ndò, ndɔnə nâʼàpî ghè sê Zhə̀fè kə ghàyn kyiŋə. Ə ghàyn tsə̀mə̀, ghàyn e fo àzɔ̀ŋnè sê Vəyn.

1 Timotì 2:1

E za nyi ə Timotì nə ghɛ ə m̀kɔʼnè zɛ ə m kyiŋə nə gho è ghɨə mɔ̀ʼɔghe ə nə̂ nyi nə, ghàyn e ndɔnə se Zhə̀fè kè sê ghɨghe əkɨ̂m, tsə̂mə̀ se ghənə, fɨnə njîə eluʼ ə ghənə̂vè sə̂ tsə̂mə̀ se ghənə, è kɨsè sə fo àzɔ̀ŋnè sê Zhə̀fè əghɛ ghɛ ə è nyi mə è və nə̀yn sê ghənə.

2 Timotì 1:3

M fo àzɔ̀ŋnè sê Zhə̀ fɛ ə m fɨaʼà sê fəynfe mə təm ghɨmə saʼa va mi kèpî endom vɛ ə pɨ̀a ghɨmə tè fɨ̀aʼa. M fo àzɔ̀ŋnè se Vəyn kə m pɨ̂əytə̀ ghò ə mì etsə̀m shîŋə̀ tekɨ̂m, èchwì è kɨsè etuʼve.