1 Timotì 5:25 - Ŋwàʼlè ə̀ Fèzhə̀ Mkâyn Mə̂ Fèm

²⁵ E za nyi kepî èghɨ kə ghɨ nə̂ chùŋ, è zâŋsə̀ panə ə ndayn, mə è tàʼa payn nâʼàpî ashìŋə̀ nə kɛ, ə ze ə tɛ kə ə ndəte chùŋ ə̀təyn.

1 Timotì 5:25 Referans Kwoze

Tom èchùŋ kè kə Lûk tè nyaʼ 11:33

Njisə̀s ə fɨnə piə sê ghənə nə, “Wùə pâʼà tyəmə̂ tyànə̀ lâm ə ndə̀tə̀ elùʼ kɨ̀sə è pfɨse etîə àkɛ̀. È tyànə̀, è və tɔmə elùʼ e ngaŋtəu kə ə nji naʼapi ndè, ə è və fe èpayn ətəyn.

1 Timotì 3:7

Ə̀ kyi sə̂ nyi wùə, mə nâʼà ghɨə mɔʼɔ ghɛ ə ghe pa tsɨs ndɔʼɔ pomə naynə̂ vəyn, è ve kɔʼnə̂ kə ghɨə tə tàʼa ghomsə vəyn, ə è pfɨ ə ndə̂plè atam.

Ətefɨ̂aʼ 22:12

Wùə vîvè tè nyîə nyi fumə endaʼ zə vəynze nyi Ànàniyàs, ə̀ nyi wùə Fèzhə̀ ndəmə̀ àlâŋ, nâʼà ə̀ghɨ ə Njûs ghɛ ə tè ndamə fumə e kɔʼsə̂ vəyn àchûŋ.

Ətefɨ̂aʼ 10:22

Ghɨ ə təynghe ə pìə nə, “Ghàs nyi mə ə̀ tom Kɔ̀nilùs, àtuə sesokə̀ʼa. È nyì ke nâʼà wùə chichi, fɨaʼà se Zhə̀fè, ghɨ Njûsghè əkɨ̂m nyîə ngɨmnə̂ vəyn. Tsì ə̀ Fèzhə̀ zhîzè pì sê vəyn nə, è tom tɔŋɔ ghò ə ò pəyn ə və ə ndɛ kə è zɨ ghɛ zɛ ə ò kyi se tsàyn se vəyn.”

Ətefɨ̂aʼ 9:36

Ə̀ tè nyi ə Njopà, wùzhɔyn e pomə vîvè e nyi fu, zə vəynze e nyi Tàpità. (Tàpità ewàmnè ə Nglêkzè nyi nə Ndokàs mə ze za tyə̀nə̀ nə fechwi) È tè ndamə nə̂ kə ə̀ghɛ əchûŋə̀ shîŋə̀ tekɨ̂m fɨnə fo ètsâmtè sê ghɨ afɨfə.

Matyò 5:16

Kèpî endom nə vɨ̂nə̀ mə, payn zaynze kyi sə̂ panə ə ghɨə ghə shi, kə ghənə fe ə̀ghɛ echûŋ ghɛ ə ghàyn nə̀, tsîtə̀ Pɨ̀a vâyn vɛ ə è nyi ekwùtwəyn.

Filìpây 1:11

Ə ze se nyi nyî ə Njisə̀s Klâys nəyn, ə ghàyn ə ndamə èndam ə chichize, kə ghɨ fe ə fo èpomsê sê Zhə̀fè, fɨnə tsîtə̀ fəynfe.

Etyə̂yn ə paynsêzè 14:13

Mə fɨnə zɨə kyə̀ kə è pə̀ ekwùtwəyn pìə nə, “Nyàʼ ghɛ zɨ̂nə̀ nyi nə, Se zhə̀tè zôyn nyi se ndù əshi, saŋnêzè nyì nâʼà pî se ndè vɛ ə è kwu mə è chùmtə̀ Pɛ̂pɛ è təm ə vəynghe əkɨ̂m!” Zuʼse Ŋwaʼase ə fɨnə pə̀ynsə̀ kə nə, “Ze nyi səmɔʼ. Ghənə nə̀ zɨ̂tə̀ ə ghənə ə tefɨ̀aʼ kûmə̀ nə Zhə̀fè nə̀ mâʼtə̀ ghənə ə ghənə efɨ̀aʼ.”