1 Timotì 5:18 - Ŋwàʼlè ə̀ Fèzhə̀ Mkâyn Mə̂ Fèm

¹⁸ kûmə̀ nə Ŋwàʼlè ə Fèzhə̀ pìə nə, “Kə ò tə kol echo ə mbɔ̀ŋzè, mə è kèsə̀ sesɔ̀f.” È zə fɨyn pi nə, “Naʼapi wùə è fɨ̀aʼa èkwə̀ kyi sə̂ kyi è ndâʼ ə vəynze.”

1 Timotì 5:18 Referans Kwoze

1 Kɔlìŋ 9:14

Kèpi èghɨ, Pɛ̂pɛ ə tsɛ̀sè sə esaʼ nə ghɨ ghɛ ə ghe ndaʼà tom èchùŋ kyîə èfɨazhiə ə ghənəvè fumə ə tom èchùŋ nə zɛ mə ə ghənə ndâʼà.

Tom èchùŋ kè kə Lûk tè nyaʼ 10:7

Ə ghàyn faŋ ke fumə apɨəyn, zhiə fɨnə mɨə naʼapi ghè vɛ ə fo sê ghàyn kûmə̀ nə ə kyi sə̂ ndâʼà wufɨ̀aʼa. Kə ghàyn nə tyâŋtə̀ m̀pɨəyn.

Matyò 10:10

Kə ghàyn nə nji shəyn, pî sèndzɨs se pɛ̀ pî sepfɨ sə ghòlse, pî kə mbàŋ è tɔ̀ʼtə. Kûmə̀ nə wùə èfɨaʼa kyi se kyî efɨazhiəve sê wùə vɛ ə è fɨaʼà sê vəyn.

Njə̂m 4:5

Ghàyn kwàʼtə̀ nə ŋwàʼlè ə Fèzhə̀ wamə ndò kə è pìə nə, “Zhə̀fè nyiə səmtə̂ nâʼà sə ŋaŋ nə zuʼ sɛ ə fe nyi mə fe ə ndə̀m ə ghâsènì ə fètəyn tsamte ghâsènì sə̂ kɔ̂ŋə̀ vəyn.”

Ŋwàʼlè ə̀ Pɔ̂l sê ghɨə Lûmghè 10:11

Ŋwàʼlè ə̀ Fèzhə̀ pi nə, “Nâʼàpî ndè vɛ ə è pomə sê vəyn tə kwɨlə̂ va è gho ə zomghe.”

Ŋwàʼlè ə̀ Pɔ̂l sê ghɨə Lûmghè 9:17

Ə nyàʼ ə ŋwàʼlè ə̀ Fèzhə̀ nə Zhə̀fè tè pì sê fɔ̀yn Felò nə, “M tè ndəm ghô sə fɔ̀yn, kə m kaʼa m nji ghô ə m tyəyn tyaʼ kɨmke ətəyn è kɨsè nə zə zɨme kwi nga mbi èkɨ̂m.”

Ngàleshyà 3:8

Ŋwàʼlè ə̀ Fèzhə̀ ə tə pì tsɔ̀fə ə shîŋə̀ ə təynke kwəynə nə, Zhə̀fè tə nə̂ ə ghɨə ghɛ ə va ə ghɨ ə Njûsghè ə nyi chichi ə Zhə̀fè əshi tɔynə̂ ə ghənə ekyî epomə̂zè. Zhə̀fè ə ke ndàʼà ə tom èchùŋ sə shi sê Aplàghâm nə, ‘Fe tə pɔsə̂ tèndaʼ tèkɨ̂m tɔynə̂ ə vəyn.’

Ŋwàʼlè ə̀ Pɔ̂l sê ghɨə Lûmghè 11:2

Zhə̀fè tè pâʼà tə ghɨ ə vəyn ghɛ ə è tè chitê ə zhə̀te. Ghàyn keva ghɛ zɛ ə ŋwàʼlè ə̀ Fèzhə̀ pì kûmə̀ Èlanjà kə è tè chyatə Zhə̀fè, tsâ ə̀ghɛ ghɛ ə ghɨ Isìlâyghè tè nə̂ sê vəyn.

Ŋwàʼlè ə̀ Pɔ̂l sê ghɨə Lûmghè 4:3

Ŋwàʼlè ə Fezhə̀ pi nə, “Aplàghâm ə tə pomə̂ Zhə̀fè, kûmə̀ èpomə̂ ə vəynze, Zhə̀fè ə njìə vəyn kə wùə chichi ə və shi.”