1 Timotì 5:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ Kə ghàyn tsɨynte zhwiə kwu ghɛ ə pa nyi sèngɔ̀yn ə fètə̂ ànɔ̀yn ə zhwiə kwuke, kûmə̀ nə kwàʼtè ə ghənə̂zè kàʼa ə ze kwiyne, ə ghənə sè fɨnə kyiŋə se malə, ə ghənə ə fɨnə chûmtə̀ va Klâys,

1 Timotì 5:11 Referans Kwoze

1 Timotì 5:14

M kyiŋə nə zhwiə kwu ghɛ ə pa nyi sèngɔ̀yn kɛse malə̂, ə piə ghɔnə, ə tɔ̂ʼnə̀ è sastə ndɛ tə ghənə̂tè kə pàyn sə ghasènìse ə kyi va ndom sə̂ wâmnə̀ ə̀ghɛ ə piə kûmə̀ ghâsènì.

Njə̂m 5:5

Ghàyn ə ndam zaynze fa chi kè sə̂ zhiə àchûŋ è kɨsè sə nə̂ nâʼàpî èghɛ èkè zɛ ə wiyn vaynve kyiŋə. Ghàyn ə ghaʼlê kwəyn, sè nyi èpɨaʼtêzè sè tuʼ fɛ kə se ghàyn ətəyn.

Etyə̂yn ə paynsêzè 18:7

Ghàyn fo vəyn ètsôsvè, è təm ə tɨləghe, ə ze ə tsɨ̂ə tsɛ̂ epomsê, è chùŋ zɛ ə è tè kyi. È tè nyiə kɔʼsə̂ tèkwûəmə̀ pîə sê ngɨŋə̂ vəyn nə, ‘M nyi nyìə fɔ̀yn, vɛ ə è tsɨs ə fekyə̀ fə efɔ̀ynfè saʼa m vachi zhwiə kwuə. M tə kyî va təm ə tɨləghe.’

2 Pità 2:18

Ghənə nyîə ghaŋsə wàmnə̀ èwâmnè ze kyi va tɔfze, ghənə njîə ə̀ghɛ ə nyələ ghɛ ə njà sewìynse kyiŋə lesə̂ ə̀ghɨ ghɛ ə ghe pa tə fɨə pə̂ əfètəyn ə̀ghɨ ghɛ ə ghənə ndamə kə sə̂ nə̂ ə̀ghɛ ə pighe.

1 Timotì 5:9

Ə zhwìə kwu kwəynə va pìŋsè m̀ghɨm mtufə, kə ò nji vəyn nə è tsɨynte nɔ̂yn ə zhwiə kwuke. Ə̀ kyi sə̂ nyi wùzhɔyn mə è tè fɨə kwîə va ə pɨəyn yighə̀ ndômnè əmɔ̀ʼɔghe

1 Timotì 4:3

Ghɨ nə ghɨ̂yn zaʼlə̂ ə̀ghɨ nə kə ghənə ə malə̂, fɨnə pìə nə ghənə pamə tèkyì te fɨazhiə tîte. Pîza mə Zhə̀fè fɛte efɨa ezhiə nə vɨ̂yn nə ghɨ ə pomə ghɛ ə nyi mə ə kê səmɔʼ ə zhiə mə ə fo zɔ̀ŋnèkè sê Zhə̀fè.

1 Timotì 5:12

ə ngəʼ pəyn sê ghənə kûmə̀ nə ghənə pâʼà ndə̀m kâyntè zɛ ə ghənə tè kàynte sê Vəyn.

Etyə̂yn ə paynsêzè 18:3

Nâʼà ə̀ghɨ ə tèndâʼà ghəkɨ̂m nə̀ ə̀ghɛ endom enyələve sê Papilɔ̀yn kè kə fɨa ə kwiəke nə̂ lesə̂ wùə nə è mɨ lɨ̀m ə m ko vəyn, ə è nyɨŋə è vəyn. Fɔ̂yn tə mbite ə nə̀yn kepî ghɛ ə nyələghe yîghə̀ ghɨ Papilɔ̀ynghè, ə nyìŋə̀ è vəyn, ghɨ epəʼleghe ə mbi ə pə̀yn kepî sə ghɨ̀ eghaʼlə̂ghè kûmə̀ nə Papilɔ̀ynghè nyîə kɔ̂ŋə̀ tsɛsə̀ èfɨa ekɛ etɛve, zhɔnə sê ghɨ ə pəʼlə ətəynghe.”

Etyə̂yn ə paynsêzè 18:9

Fɔ̂yn tə mbi tɛ ə te tè nə̂ ghɛ ə nyələghe yîghə̀ ghənə, fɨyn kyi èsəmtê atyaʼze sə̂ nyɨ̂ŋə̀ è ghənə, tə nə̂ ə chîə kə ghənə fe kə Papilɔ̀yn pɛ, ndəʼke kɔʼɔ.