1 Timotì 5:1 - Ŋwàʼlè ə̀ Fèzhə̀ Mkâyn Mə̂ Fèm

¹ M pìə sê ghò nə kə ò nə nə̂ ò wàmnə̀ sê wùə ndumə sə atyaʼ. Ə ò wàmnə̀, ò njìə kə nâʼà vəyn kə pɨ̀a vɛ̂vè. Ò piə ò nə̀ èghɛ sê kwuŋte, ndumə̂ tsɛ̂ ghənə, ò njìə ghənə kə ə ghɔnɛ̂ghe ndômə̀ghè.

1 Timotì 5:1 Referans Kwoze

Taytùs 2:2

Zaʼle sê ndômnè ə ndumnə ghe nə, ghənə ke se kyiə sengɨŋ sə ghənə̂sè, kwənə̂ kə ə fo èkɔʼsê se ghənə, nə̂ ə̀ghɛ ètɔf eghaʼâzè. Ghənə kyi sə̂ tɛ ə ghənə ekyî epomə̂zè, kyi sə ngə̂sê kyi èkɔ̂ŋ, è təm ə kolə.

1 Pità 5:1

Ə mi kèpî kə chəʼ, ə wùə vɛ ə m tsâ sê ghɨ kə Klâys tè fe ngəʼ, mə m nyi wùə mə pomsê ə Klâyszè tə pə̂ kəpî sê mi, m chyatə̂ ghàyn nə,

Ngàleshyà 6:1

Ghɔnyì ghɨmə, ə wùə sê ghàyn nə̀yn nâʼàpî pi èkè, ghàyn ghəmɔ̀ʼɔ ghɛ ə Zuʼse ŋwaʼase chisə ghàyn, ghàyn mɔmsə̀ se tyə̀yn endom sê vəyn è pɔ̂ynè. Ə ghàyn piə tyə̀ynə̀, ghàyn e tɔ̂ʼnə̀ è ngɨŋ saynse ə̀ va za, ə nâʼà ghàyn kàʼa pɔŋ pfɨ̀.

Taytùs 2:6

Kèpî èghɨ famə endom, zaʼle kwuŋ tɛ ə te kwûʼtè malə nə ghənə ə kyîə sèngɨŋ sə ghənə̂sè.

Matyò 23:8

Pîza kə ghàyn za nə ə tɔŋtə̂ ghàyn nə, ‘Setyə̀ynsè’ kûmə̀ nə ghàyn kyi ke tyə̀ynsè èmɔ̀ʼ, mə ghàyn əkɨ̂m nyi əghɔnyì ə Və.

1 Timotì 5:17

Ə kyi sə̂ kɔʼsə fɨnə ndaʼà zɔmtə̂ sè chəʼ sɛ ə se fɛtə nə̂ fɨ̂aʼ ə ghənə̂zè, paynpayn ghɛ ə ghənə ndâʼà tom fɨnə zaʼlə̂ ə̀ghɨ̀,

Ŋwàʼlè ə̀ Pɔ̂l sê ghɨə Lûmghè 13:7

Ghàyn ndaʼ se tu endaʼve fɨa kɛ ə ghàyn kyi se ndàʼ sê ghənə. Ghàyn maʼ ŋwàʼlè se ghɨ ghɛ ə ghe kyiŋə nə ghàyn maʼ ŋwàʼlè, ə̂ nyi ekɛ se ndàʼ kûmə̀ afɨa kə ghàyn kyi, ghàyn ə ndàʼà. Ghàyn e fo èkɔʼsê se ghɨ ghɛ ə nyi se fo èkɔʼsê se ghənə, è ngɨmnêzè sê ghɨ ghɛ ə nyi se ngɨmnə ghənə.

Ətefɨ̂aʼ 15:4

Ə pə̀ kə Pɔ̂l yî Pànapàs ndù fɨ ə Njèlusalɛ̀m, ghɨ ə ndɛ ə̀ Fezhə̀ ghɛ ə ghe tè nyì fu, è ghɨətom ə Njisə̀sghè, è ghɨə chisəghe ə ndɛ ə̀ Fèzhə̀ ə fiə ndzɨsə̂ ghənə. Pɔ̂l yî Pànapàs ə tsà sê ghɨə təynghe nâʼà pî ghè vɛ ə Zhə̀fè tè nyi mə Fe nə̀yn tɔynə̂ ə ghənə.

Ətefɨ̂aʼ 14:23

Ə̀ tè nyì nâʼàpî ndɛ ə̀ Fèzhə̀ ə ghɨ̀ ə pomə èkè, Pɔ̂l yî Pànapàs ə chɔʼtə̂ ə̀ghɨ ghɛ ə nə̀ nə̂ ə chisə̂ ndɛ ə̀ Fə̀zhə̀. Ghənə tè tsə̂mə̀ fɨnə pamə ècho, kə se fo əghɨ nə ghɨnə ə Pɛ̂pɛ əgho vɛ ə ghənə tè samsə̂ vəyn.

Etyə̂yn ə paynsêzè 4:4

Kyə̀ mə tefɔ̀yn mîmè e nyi m̀ghɨm pɛ̀ njòse kyàʼ mə m̀ mə kyɨ̀ŋ ka kyə̂ fə efɔ̀yn nə fɛ, chəʼse tsɨs ətəyn mə sə màʼ ndzɨse fɨfə̂sè ə sò efɔ ə tefɔ̀ynvè mə ə fɛte è ngôl.

3 Njɔyn 1:1

Ə nyâʼ mi chəʼ ə ndɛ̂ Fèzhə̀, sê soyn vɨ̂m Ngayùs vɛ m kɔ̂ŋɔ̀ səmɔʼ.

2 Njɔyn 1:1

Ə̀ nyàʼà mi chəʼ ə ndɛ ə̀ Fèzhə̀, sê wùzhɔyn vɛ Zhə̀fè chɔʼ yî ghɔ vəyn ghe. M kɔ̂ŋə̀ ghàyn è təm ghɨm ghe əkɨ̂m, ə̀ kɔ̂ŋɔ̀ kə va mi ghàyn, pîza ghɨ əkɨ̂m ghɛ ə ghe ke ghɛ zɛ ə ze nyi səmɔʼ kɔ̂ŋɔ̀ kəpi ndò ghàyn.

Njə̂m 5:14

Ə wùə sê ghàyn zafə, è və tɔŋɔ sèchəʼ sə ndɛ̂ Fèzhə̀sè ə se pə̀yn tsəm sê vəyn ə se kɨmne vəyn è ngwɨ̂l mə olìfmè ə Pɛ̂pɛ ezə.

Njə̂m 3:17

Pîza, ghɛ əshi zɛ ə ze nyi kûmə̀ ètɔf eghaʼâ zɛ ə ze ndô pə̂ ekwùtwəyn nyi nə ze nyîə zo, kɔ̂ŋə̀ pɔ̂ynè, pɔynə̂, ndə̂mə̀ ngɨŋə̂ vəyn əchi, kyi ekosê esəyn zɛ ə ze muə twɔm echûŋvè, nə̂ ə̀ghɛ kè eghɨ sê ghɨghe, kaŋkaŋə̂ nə̂ va ghɛghe.

Ətefɨ̂aʼ 20:17

Ə̀ tè nyi kə Pɔ̂l nyi ə Mìletùs, è və tiynsə̂ tom sê chəʼsə ndɛ ə̀ Fèzhə̀sè nə se pəyn fe vəyn.

Ətefɨ̂aʼ 15:6

Zamə, ghɨətomghe yî ghə̀ ghɨ chisə nə ndɛ ə̀ Fezhəghè ə kyiə atsɨ̀ynte se naynə̂ eghɛ nə zɨ̂nə mə.

1 Timotì 5:2

Ò njîə ə̀zəyn ə nduməghe kə nyì ghɛghe, njìə sèngɔ̀yn kə ghɔnyì ghɛghe zəynghe. Kə ò nə ndəʼ kwaʼtè se nə̀yn ə pi ghâyn ghə̀ ghənə nâʼà endom vîve.