1 Timotì 4:7 - Ŋwàʼlè ə̀ Fèzhə̀ Mkâyn Mə̂ Fèm

⁷ Kɛse epàm ə m̀ghâŋghàŋə̀ me mɨ mɛ m̀ kyi va ghɛ zhîze se nə̀yn è Zhə̀fè. Ò pɨlə zâŋsə̀ zaʼlə̂ ngɨŋ zɛ̂zè kə o nyi kàʼa ò nəyn ghɛ zɛ ə Zhə̀fè kyiŋə.

1 Timotì 4:7 Referans Kwoze

1 Timotì 1:4

Pì nə kə ghɨ nə ghɨ̂yn nə tsɛ̂sə̀ ashîŋə̀ ghənə̂kè mɛ̂ m̀ghâŋghàŋà mə èmɨmè tɔŋtə̂ ə̀zə pɨ̀a ə pɨ̀a ə ghənə̂ghè ghe mîə va, mə m̀ pə̀ kə esaʼnêzè əfètə̂ ghɨ̀, ghâŋghàŋà mə təynmè e tsâmtə̀ va se nə̀yn nə ghɛ ə Fezhə̀zè ndu èshike, kûmə̀ nə ə̀ fɨ̂aʼ ə Fezhə̀kè kàʼa ə nə̂ kə ə̀ghɨ ghɛ ə pomə sê vəyn.

2 Timotì 2:16

Kə ò tə paʼsê se wâmnè ango zɛ ə ghɨə wâmnə̀, mə ə nə̂ kə nə ghɨ ghə tə ndô ndûə sə aghaf ə Zhə̀fè ə ngùŋ.

Taytùs 2:12

Ə̀ nyi afùʼ ə Fèzhə̀ nə kɨ̂yn ə ke zaʼlə ghâsènì nə ə maʼa ndam zɛ ə ndamə mə ə ke va Zhə̀fè chûmtə̀ èfɨa ə mbive. Ghâsènì kyi se ndam famə ə mbi èpi nyi ètɔf eghaʼâzè, nyi chichi, nə̂ èghɛ zɛ ə Zhə̀fè kyiŋə

Taytùs 3:9

Kə ghàyn ə njiə ə tesaʼnê tə angôte, kûmə̀ m̀ghâŋghàŋə̀ mɛ m̀ ndò pə̂ sê pɨ̀a ə ghasènìghe, pî sə̂ saʼnə̂, nô kûmə̀ àlâŋ. Ghɛ ghɨ̀nə kyi va nâʼà eghɛ zhîze se nə̀yn, ə̀ nyi ke ezhwi ashìŋə̀zè.

Ipilù 5:14

Pîza, wùə vɛ ə è zhiə fɨazhiə e twɔve ə̀ nyi wùə mə è və zaʼlê, ə ghəʼnə̂ sè ke ə̀ghɛ echûŋə̀, ke ghe pighe.

2 Timotì 2:23

Kə ò nə zɨtə saʼnê ango zɛ ə ghɨə saʼnə̂, ke pîva ghɛ zhîze. Ò ke nə saʼnê nə zɨ̂nə̀ pə̀ kə è zɔ̂zè

2 Timotì 4:4

Ghənə tə kə̂mnə̀ epàmə̂ səmɔʼ, ə pɨl fo etôŋne ə ghənə̂vè sə zɨtə̂ m̀ghâŋghàŋə̀ mə èmɨmè.

1 Timotì 6:11

Pîza ə gho ə wùə Fèzhə̀, tə pfɨyn famə epàmə̂ ə̀ghɛ. Ò mɔ̂msə̀ sə nyi chichi, nə̂ kə nâʼà ə̀ghɛ kə Zhə̀fè kyiŋə, kyi èkyî epomə̂zè, è kɔ̂ŋzè, e wəynsê ewìynze, è ngɨmnêzè.

Ətefɨ̂aʼ 24:16

Kûmə̀ zɨnə mə, m mɔ̂msə̀ se nə̀yn nə təm ghɨmghe ə saʼa va mi ə Zhə̀fè shi è kɨsè ə ghɨghe əshi.

1 Timotì 6:20

Timotì, fɛte ndə̀m nâʼàpî ghè vɛ ə Zhə̀fè fo sê ghò. Kə ò tsɨynte e wàmnè, ze fo va kɔʼsêzè sê Zhə̀fè, è saʼnê ango zɛ ə ghɨ kaŋkaŋə tɔŋtə nə etɔf.

Taytùs 1:14

ə fɨnə zɨtə̂ va ghâŋghàŋà me èzom mə̂ ə̀ghɨ Njûsə̀m, fɨnə zɨtə va lwɔ̂ŋ vɛ ə ve ndô pə̂ sê ghɨ ghɛ ə ghe nyi mə ə tə ghɛ zɛ ə ze nyi səmɔʼ.

2 Timotì 3:12

Ə̀ kɔ̀ŋə̀ pîndè sə ndamə èndam ə Fezhə̀zè kaʼke amɔ̀ʼ yî Klâys Njisə̀s, ə kyi se tə tsə̂fsè ə vəyn.

1 Timotì 3:16

Wùə vîvè vayn kwiynsê nə pomə ə ghasènìze nyîə kyi èghɛ e ndətəze, ze ghaʼa kə nyi: Klâys ə tə pə̀yn sə wûə m̀sɔ̀ŋ, Zuʼse Ŋwaʼase ə tyə̀nə̀ nə è nyi va Fèzhə̀, tsìsè ə fe vəyn, ə tə ndàʼà tom kûmə̀ vəyn ə tèndâʼà tèkɨ̂m, ghɨghe ə pomə se vəyn ə telùʼ tekɨ̂m ə mbi, Zhə̀fè ə njìə kɔʼsə̂ vəyn ekwùtwəyn.

1 Timotì 2:10

Ə ghənə pɨlə fɛtə̂ sengɨŋ sə ghənə̂sè è ghɛ ə chûŋ ghɛ ə ghənə nə̂, kûmə̀ nə ə̀ nyi eghɛ echûŋzè se zəyn ghɛ ə nyi mə ə pomə Zhə̀fè sə̂ nə̂.

1 Timotì 1:9

Ghâsènì kyi kepî sə̂ ke nə ə pâʼà fɛte lâŋ nə kɨ̂yn sê ghɨ ə chûŋə̀. Ə pɨl fɛtê se ghɨ ghɛ ə ghe kəmə lâŋkè è ghɛ ə ghe tɛ è tuve, è ghɨ ghɛ ə ghe ngɨmnə va Zhə̀fè, è ghɛ ə ghe nə̂ ghɛ piə, è ghɛ ə ghe tsə̂mə̀ va sê Zhə̀fè, è ghɛ ə ghe ndamə va ndam eŋwaʼze, è ghɨ ghɛ ə ghe zhwitə pɨ̀a ə ghənə kɨ̀sə nyì ghənə̂ghè, è ghɛ ə ghe zhwitə ghɨ mɔ̀ʼɔ,

1 Timotì 4:8

Se zaʼlê ewiyn vɛve, e tsɔ̂fə̀ ndò endom vîve, pîza se kê eghɛ ə Fezhə̀zè tsɔ̀fə̀ kə ndom tekɨ̂m kûmə̀ nə zɨnə mə tsâmtə̀ ndò wùə ezhoghɛ è pa ndamə, è kɨsè ashìŋə̀ kɛ ə è nyi mə è və kwu.

1 Timotì 6:3

Ə̀ fɨnə zaʼlə nâʼàpî ndè ghɛ, ə̀ va chi ə̀ghɛ ghɛ m fo sê ghò, ghe va èghɨ kə ezaʼlê echûŋ zɛ ə Pɛ̂pɛ ə̀ ghâsènì Njisə̀s Klâys tè zaʼle sê ghâsènì, è kɨsè zaʼle tɛ ə te kɔʼsə Zhə̀fè,

1 Timotì 6:5

è saʼnêzè shîŋə̀ tekɨ̂m əfètə̂ ə̀ghɨ ghɛ ə kwâʼtè tə ghənə̂tè nyi mə tə lwiyn è pi, mə ghənə vayn kàʼa kɛse kê èghɛ zɛ ə ze nyi səmɔʼ, nyiəmə, ghənə e kwâʼtə̀ nə se zaʼlê kûmə̀ Fèzhə̀ nyi endom ekyiŋə nə ekɛve.

2 Timotì 3:5

Ghənə tə nə̂ ə fusə̂ ə̀ghɨ ghɛ ə ghe kɔʼsə Zhə̀fè, pîza zɨə va sê Vəyn nâʼà səkɔs. Kə ò tə paʼsê sê kyì əghɨ̀ nə ghɨ̀yn.