1 Timotì 4:6 - Ŋwàʼlè ə̀ Fèzhə̀ Mkâyn Mə̂ Fèm

⁶ Ə ò zaʼlə ghɨə poməghe è ghɛ nə ghɨnə ə m pîə nyî, ə ò nyi ke nâʼà wùə è fɨ̀aʼa èchùŋ sê Klâys Njisə̀s, ə Zhə̀fè nə fe pɔŋ zaʼlê ghò tɔynə̂ ekyî epomə̂zè, è zaʼlê echûŋ zɛ ə ò nyi mə o ndə̀m zəynze.

1 Timotì 4:6 Referans Kwoze

Kòlosè 3:16

Ghàyn za nə tom ə̀ Klâys ə nyi ə ghàyn ətəm shîŋə̀ tekɨ̂m. Ghàyn nji tom nə zɛ mə, ə ghàyn fɨ̂aʼ è zə̂yn è tɔf eghaʼâ zaynze ekɨ̂m se teftê, è kɨsè se zaʼlə sengɨŋ saynse. Ghàyn zhəm njàŋsè se Zhə̀fè, mə se fɨ ə ŋwàʼlè ə̀ Fèzhə̀. Ghàyn zhəm njàŋsè se Zhə̀fè se tsitə vəyn è kɨsè Klâys, è naʼapi sènjàŋ sè kè sɛ ə se pə̂yn ə ghàyn ekwâʼtè se tsìtə Fezhə̀. Ghàyn zhəm se fəynfe se fo àzɔ̀ŋnè se fəynfe è təm ghaynghe əkɨ̂m.

Taytùs 2:1

Pîza sê ghò ə Taytùs, ò kyi sə̂ zaʼlə kə èghɛ zɛ ə ze nyi səmɔʼ.

Kòlosè 4:7

Ànyìə ghâsènì Tìkikùs nə̀ tsâ se ghàyn nâʼàpî èghɛ èkè zɛ ə ze nyi mə zə kyàyn se mi. Ə̀ nyi soyn vâs vê pomə vɛ ə ghàs kɔ̀ŋə̀, ə̀ nyi vəyn vɛ ə è tsàmtə̀ mi è təm ə vəynghe əkɨ̂m, kɔʼsə Fèzhə̀ kaʼke amɔ̀ʼ ghasè vəyn.

Matyò 13:52

È və pìə sê ghənə nə, “E tyə̀nə̀ nə nâʼà pî tyə̀ynsè àlâŋ èkè vɛ ə è pə̀yn sə chùmtè èpàm efɔ̀yn ekwùtwəynve nyi kə pɛ̀ ndɛ vɛ è njìə fɨsə fɨa efe è ve mɨve elùʼ vɛ ə è ndə̀mə̀ vəynve.”

Njût 1:5

Pî kə ghàyn kàyne ke ə̀ghɛ nə ghɨnə mə, m kyiŋə se fɨnə Pɨ̀əytè ə ghàyn nə Pɛ̂pɛ ə shɨŋ ə̀ mɔ̀ʼɔ zhîzè ə tè fɨse ghɨə Isìlây ghè ə ngəʼ endaʼ ə Enjìpzè, pîza epàm ətəyn ə pofsə̂ ə̀ghɨ ə Isìlây ghɛ ə ghe tè tàʼa pomə̂ se vəyn.

2 Njɔyn 1:9

Nâʼàpî ndè vɛ ə è ndamə va kə zaʼlê ə Klâyszè tyə̀ynə̀, è va yî Zhə̀fè, pîza nâʼàpî ndè vɛ ə è chùmtè zaʼlê ə Klâyszè nyì ndô yî pɨ̀a è kɨsè vayn.

1 Pità 2:2

Ghàyn e pɨl nyi ke kə əghɔ ə pɔ ghɛ ə chìŋ m̀yiyn mə èzôm zafə ghənə, mə yîyn nə mɨ̂nə̀ mə nyi ewâmnè ə Fezhə̀zè, mə shîŋə̀ kɛ ə ghàyn mɨ mêynmè, ə ndə̂mə̂ kɔʼɔ, ə kyi esɔzaze.

2 Timotì 4:3

Shîŋə̀kè tə pə̂ mə ghɨ kɔ̂ŋə̀ va se zɨtê sê zaʼlê ə səmɔʼze, pîza chûmtə̀ èghɛ zɛ ə ghənə kɔ̂ŋə̀, ə ghənə ə kyiŋə ndûə setyə̀ynsè è ngɨŋ sə ghənə̂sè, sɛ ə se tsâ ghɛ ghɛ ə tôŋnê ə ghənə̂vè kɔ̀ŋə̀ se zɨ.

2 Timotì 3:10

Pîza, sê ghò ə Timotì, ò se nyi mə o chùmtè kɔʼ pəyn zaʼlê zɨmze è ndam zɨmze è ghɛ zɛ ə m tè kwàʼtə se tə nə̀yn endam. Ò ə naynê kɔʼ pəyn kyî epomə̂ zɨmze, è kol ətəm zɨmze, è kɔ̂ŋ zɨmze, è wəynsê ewìyn zɨmze.

2 Timotì 1:6

Kûmə̀ zɨ̂nə mə, m pɨ̂əytə̀ ghò nə ò kɛse tɨ̂msè èfo zɛ ə Zhə̀fè tè fo sê ghò kə m tè ndəm gho ghɨmə ə ghò tu.

1 Timotì 6:3

Ə̀ fɨnə zaʼlə nâʼàpî ndè ghɛ, ə̀ va chi ə̀ghɛ ghɛ m fo sê ghò, ghe va èghɨ kə ezaʼlê echûŋ zɛ ə Pɛ̂pɛ ə̀ ghâsènì Njisə̀s Klâys tè zaʼle sê ghâsènì, è kɨsè zaʼle tɛ ə te kɔʼsə Zhə̀fè,

1 Timotì 4:16

Ò tɔ̂ʼnə̀ è ngɨŋ zɛ̂zè endom vɛ ə ò nə̀ ghɛghe ətəyn, ò tɔ̂ʼnə̀ se nə̀yn nə ghɛ zɛ ə ò zaʼlə kûmə̀ Fèzhə̀ nyì səmɔʼ. Ə ò nə̂ nyiə mə, ə Zhə̀fè sɔza ghò, ə è fɨyn sɔza ə̀ghɨ ghɛ ə zɨtə ghɛ zɛ ə ò zaʼlə.

1 Timotì 1:10

ə fɛte sê ghɨ ghɛ ə ghe nə̂ ghɛ ə nyələghe è wîyn mə ghənə̂m, è ndômnè ghɛ ə nyɨ̂ŋə̀ è ndômnə̀ kəpiə ə̀ nyi ə̀zəyn, è ghɨ ghɛ ə ghe pəʼlə ghɨ sə ekɔ̀s, è ghɨ wamə, è ghɨ ghɛ ə wamə kaŋke pî kə te tsɨ̀ne sə̂ pîə səmɔʼ, è kɨsè se nâʼàpî ndè vɛ ə è kɔ̀ŋə̀ zaʼlê ə səmɔʼze.

1 Tèsàlonikà 3:2

Ghàs ə tomə ànyì vâsvè Timotì vɛ ə ghasè ghə̀ ghənə fɨaʼà sê Zhə̀fè, ndàʼà tom è chùŋ kûmə̀ Klâys. Ghàs tomə nə è pəyn tsâmtè ə è nəyn nə ghàyn pomə è tyaʼa se Klâys, è kɨsè se fo ghàyn è təm ə tɛghe nə ghàyn ə kyi ndu ke ndò kyî epomə̂zè èshike,

Kòlosè 2:19

Kyì ə wûə nə vɛ fɨnə pomə va se Klâys mə ə̀ nyi Klâys vɛ ə È nyi atu se ghɨ ghɛ ə pomə. Kè kə wiynve kɨm nyi etyə̀ àtyaʼ atuke, ə̀ nyì kepî zamə kə ghɨghe əkɨ̂m ghɛ ə pomə Klâys nyi ə vəyn etyə̂ àtyaʼ kə ghənə ə nyi kə wùə èmɔ̀ʼ. Kè kə ghaŋmè kokyiə zûŋtè ə wùə ewìyn kə è və nyi wùə èmɔ̀ʼ, ə̀ nyì kepî zamə kə Klâys tsɨ̀yntə̀ ghɨ ghɛ ə ghe pomə sê vəyn, kə ghe ə nyi wùə èmɔ̀ʼ ə vəyn tyə̀.

Filìpây 3:16

Ghâsènì kyi sə̂ nə̂ kə èghɛ zɛ ə Zhə̀fè tyə̀yn nə ghâsènì ə nə̂.

Ɛfesùs 6:21

M tomə Tìkikùs, ə è tsayn nâʼàpî ghè sê ghàyn kə ghàyn ke saʼghe kûmə̀ mi è ghɛ zɛ m nə̂. Ghàs kɔ̂ŋɔ̀ vəyn nâʼà àchûŋ. È nyi ke nâʼà ànyìə ghâsènì ve chùŋ, fɨ̂aʼà sê Pɛ̂pɛ ke nâʼà ètəm ə vəyn ghəkɨ̂m.

2 Kolìŋ 6:4

Ghàs pɨlə tyə̂nə̀ kə nə ghàs nyi əghɨ əfɨaʼa ə Fezhə̀ghè ə tendom tɨ̀nə̀; ghàs wəynsə̂ kə ndò tsôs e ghaʼâ vɛ ə ghàs fe, è tsɨfsè zɛ ə ze pə̂ sê ghàs, è kyì tə ghɛ ə tɛ ə mɔ̀ʼɔghe.

2 Kolìŋ 3:6

Ə̀ nyi Vəyn kə è nə̀yn nə ghàs ə kɔʼɔ kwəynə̂ sə ndaʼà kûmə̀ m̀kâyn me fɛ̂m, ə paʼà nyàʼ chi kàyn me fɛ nə mɨ̂nə̀ mə ə ŋwàʼlè kə ə nyâʼə̀ lâŋkè, pîza ə̀ nyi Sezuʼ. Lâŋ kɛ ə nyi mə ə nyaʼ ndô nyîə zhwiə, pîza Zuʼse fo èndam.

1 Kɔlìŋ 4:17

Ə̀ za nyi eghɛ zɛ m tom Timotì sê ghàyn. È nyi vayn ekɔ̀ŋ vɨ̂mè, m samsə̂ vəyn kûmə̀ nə è chùmtə̀ Pɛ̂pɛ è təm ə vəynghe əkɨ̂m. È nə̀ nə̂ ə ghàyn ə pyə̂ytə̀ èndam zɛ m ndamə kə̂ wùə Klâys Njisə̀s. Ə̀ zɨnə nyi eghɛ zɛ ə m zaʼlə luʼ tekɨ̂m, è kɨsè ndɛ sə Fèzhə̀ sekɨ̂m.

Ŋwàʼlè ə̀ Pɔ̂l sê ghɨə Lûmghè 15:15

Pîza fa ŋwàʼlè, mə nyàʼ ghɛ ghɛ mə m ndəʼə̀ fânə̀ va. Ə̀ nyi kûmə̀ àfùʼ kɛ ə Zhə̀fè fo sê mi ə m nyâʼà ghɛ nə ghɨ̂yn.

Ətefɨ̂aʼ 20:35

Mə ə tyə̀yn sê ghàyn ə tendom tèkɨ̂m nə ə ghâsènì fɨ̀aʼà sə ŋaŋ famə endom, ə ghâsènì ə kyi sə tsâmtə̀ ə̀ghɨ ghɛ ə kyi va, ə kɛsə̂ kwaʼtə̀ ə̀ghɛ ghɛ ə Njisə̀s è ngɨŋ ə Vəyn tè pi nə, ‹Saŋnêzè nyi sê wùə vɛ ə è fo, tsɛ̂ kə e nyi sê vɛ ə è fiə kə ndô.›”

Ətefɨ̂aʼ 20:31

Ghàyn tɔ̂ʼnə̀ è ngɨŋ saynse, fɨnə kwâʼtə̀ kə m tè zaʼlə ghàyn èchwì, zaʼlə ètuʼve sə sepìŋ sèta, chîə kə nâʼà ndò nə ghàyn ə fɛte ke Fèzhə̀.

Tom èchùŋ kè kə Lûk tè nyaʼ 1:3

Mə fe nə ze tsɔ̀fə̀ ndò ə Pɛ̂ àpɨəyn èghaʼâ, kə mî mi pɔŋ nyaʼ tsayn ə̀ghɛ tə kə mbaŋə mbaŋə sê ghò kûmə̀ nə mə fɨ̀əytè kɔʼɔ ndu ghəynghe kè kə ghe tè zhə̀te se kyànə̂ kɔʼɔ pə̂.

Ətefɨ̂aʼ 1:15

Ə tè nyi tuʼ fife, ghɨə poməghe e fɨyn tsɨs kepî luʼve emɔ̀ʼ, zaʼâ ə̀ghɨ ewə̀ m̀ghɨm m̀pɛ̀, Pità ə ndwìə tyəmə̂ ə wàmnə̀ sê ghənə ə pìə nə,

2 Kolìŋ 11:23

Ghənə pìə nə ghənə nyi əghɨ fɨaʼa sê Klâys. M pɔŋɔ fɨ̂aʼà kəpî sê Klâys, nə̂ èfɨ̂aʼ ətəyn tsɛ̂ ghənə. M wàmnə̀ kə nâʼà kə m zhya ndò. Mə fɨ̂aʼ tsɛ̂ ghənə. Ə fà mi əchaʼ kə teshìŋə̀ teshìŋə̀ tsɛ̂ kə fâ ghənə. Ə nyi mi vɛ ə nyi mə ə pus sə teshìŋə̀ tetsɨəte tsɛ kə nyi mə ə pus ghàyn, ə fɨnə shwîe kyîŋə̀ èkwu shîŋə̀ tetsɨəte tsɛ̂ ghàyn.

Filìpây 2:20

M kyi va wùə vîvè ə̀ tsɛ̂ kə va Timotì vɛ ə è lote kyi èkɔ̂ŋ è kwaʼtèzè sè ghàyn.

Filìpây 2:22

Ghàyn ngɨŋ saynse əkɨ̂m ke ndô kə Timotì va nyi mə è və chwìtè nə zhi nyîə fɨaʼà tsɔ̂fsə̀. È nə̀ èfɨaʼ ə ndaʼa nə tom èchùŋ kè kə vayn nə̂ fɨaʼà yî pɨ̀a.