1 Timotì 4:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ Ò tɔ̂ʼnə̀ è ngɨŋ zɛ̂zè endom vɛ ə ò nə̀ ghɛghe ətəyn, ò tɔ̂ʼnə̀ se nə̀yn nə ghɛ zɛ ə ò zaʼlə kûmə̀ Fèzhə̀ nyì səmɔʼ. Ə ò nə̂ nyiə mə, ə Zhə̀fè sɔza ghò, ə è fɨyn sɔza ə̀ghɨ ghɛ ə zɨtə ghɛ zɛ ə ò zaʼlə.

1 Timotì 4:16 Referans Kwoze

Taytùs 1:9

È kyi sə̂ nyi wùə mə è və fɛte kyî tom èchùŋ zɛ ə è nyi səmɔʼ zɛ ə zaʼlə sê vəyn kə è və ke se zaʼle əghɨ è ghɛ ghɛ ə Zhə̀fè kyiŋə, fɨnə nə̂ nə ghɨ ghɛ ə ghe kwiynsə̂ tom nə zɨnə̀ ke nə ghənə nyîə nə̂ pofsə̂.

Taytùs 2:7

Nâʼàpî eghɛ èkè zɛ ə ò nə̀, ò kyi sə̂ nə̂ endom echûŋvè kə ghɨ əmɔ̀ʼɔghe kaʼa ə ghe səyne sê ghò. Ə nâʼàpî èghɛ èkè zɛ ə ò nə̀, ə ze ə tyə̂nə̀ nə ghɛ zɛ ə ò zaʼlə nyîə kyi èkɔʼnê, ə̀ nyi èghɛ mə ə̀ vachi èshî.

2 Timotì 4:2

ò ndâʼà tom èchùŋ, ò ndâʼà kə ndò kɨ̀sə ghɨ kɔ̀ŋɔ̀ ndò se zɨtê, kɨ̀sə ə kɔ̂ŋɔ̀ va, ò fɛtə̂ nə̂ kə ghɨ zɨ kê, tyə̂nə̀ paynsə̂ ə̀ghɛ ghɛ əghɨ nə̂ pofsə, ò fo ə̀təm kè kə ò zaʼlə è ewəynsêzè.

Ɛfesùs 4:14

Ə ze nyi nyî, ə ghâsènì ə fɨyn va kə mmɨ̂ətə̀ sə̂ tsɨnə̀ ndinə̂ kə etûə m̀mo, nâʼàpî èkyì ezaʼlê èkè e pə̂ ze ə njìə tsɛ̂ kə ndò ghâsènì, wùə e pɨaʼtə pîə àkaŋ àkè è və pə̀ ə lesə̂ kə ghâsènì è kəynke.

Ipilù 13:9

Kə ghàyn zâ nə ə lɛsə̂ ghàyn è kyì tə ezaʼlêtè tekɨ̂m mə te nyi sə nɨŋ sê tom èchùŋ. E tsɔ̂fə̀ nə ə nə̂ àfùʼ ə Fezhə̀kè nə təm ghaynghe ə tɛ, ə̀ va chi elwɔ̂ŋ vɛ ə ghàyn ndə̀mə̀ kûmə̀ èfɨa zhiəve kûmə̀ nə lwɔ̂ŋ nə vɨnə tsâmtə̀ va ghɨ ghɛ ə ghe ndə̀mə̀ vəynve nâʼà səkɔs.

Ipilù 12:15

Ghàyn tɔʼne, kə wùə nə kwiynse àfùʼ kɛ ə Zhə̀fè tyə̀nə̀ sê vəyn. Ghàyn e fɨnə tɔ̂ʼnə̀, kə wùə tsɛ̂ fɨ ə ghàyn əfètəyn, ə è və nyi kə awə̂yn ə njwiəke ə ke ndəmə kɔʼɔ, ke ə pə̀yn è tsôstè tsɨəte è lɨf ə kəynke.

2 Timotì 3:14

Pîza se ghò, faŋke ə səmɔʼ zɛ ə tè zaʼle sê ghò, o pomə̂ zə̂ynzè sə ŋaŋ. Ò nyîə ke ə̀ghɨ ghɛ ə tè nyi setyə̀ynsè sɛse.

Tom èchùŋ kè kə Lûk tè nyaʼ 21:34

Ghàyn tɔ̀ʼnə̀ kə è ngɨŋ saynse, polə za ə cho ezhiəze, è siə ə mlɨ̀ə, è ndwə̂ etɨme kûmə̀ əghɛ ə mbiə ə nə̂ puʼse shi ə ghaynghe, ə tuʼ nə vɨnə tə pfɨ̂ŋə̀ ko ghàyn kə atam.

1 Timotì 4:6

Ə ò zaʼlə ghɨə poməghe è ghɛ nə ghɨnə ə m pîə nyî, ə ò nyi ke nâʼà wùə è fɨ̀aʼa èchùŋ sê Klâys Njisə̀s, ə Zhə̀fè nə fe pɔŋ zaʼlê ghò tɔynə̂ ekyî epomə̂zè, è zaʼlê echûŋ zɛ ə ò nyi mə o ndə̀m zəynze.

1 Timotì 1:3

M kyiŋə nə ò faŋ ə Ɛfesùs, kè kə m tè pì sê ghò kə m tè ndo ndûə endaʼa Màsèndonyàzè. Ghɨ ə mɔ̀ʼɔghe ə Ɛfesùs zaʼlə̂ èzaʼlê akaŋze, ò kyi se tyəmsə ghənə.

Ŋwàʼlè ə̀ Pɔ̂l sê ghɨə Lûmghè 16:17

M chyatə̂ nâʼà sə ŋaŋ ə ghɔnyìə ghɨmə nə ghàyn ə tɔ̂ʼnə̀ è ghɨ ghɛ ə ghe pə̀ è chyâsèzè ə ghàyn əfètəyn, nəʼsə̀ èpomə zayn. Ghənə fo èzaʼlê ə vachi zɛ ə tè zaʼle ghàyn ətəyn. Kə ghàyn ə zɨtə sê ghənə.

2 Timotì 2:10

Ə̀ za nyi eghɛ zɛ m kolə təmə nâʼàpî ə tə ghè kè kûmə̀ ə̀ghɨ ghɛ ə Klâys nyi mə È və chɔʼtê, kə ghənə tə pɔŋ kyî èsɔza zɛ ə ze pə̂ tɔynə̂ ə Klâys Njisə̀s, pə̂ è pomsê zɛ ə ze tə mîə va.

1 Kɔlìŋ 9:27

Ngaŋ, M fo ngəʼ sê wiyn vɨmve kə̂ ve ə nyi àkɔs se mi, ə̀ va zâ ə m ndaʼa tom èchùŋ sê ghɨə mɔ̀ʼɔghe, ə tə nəyn ə nyi a kwùŋse, ə Zhə̀fè pi nə m kwəynə̂ va se səynê ènyɨŋ ətəynze.

Ətefɨ̂aʼ 6:4

Ə nə̂yn nyiə mə, ə ghàs pɔŋ kyî àshîŋə̀ è ngɨŋ sas se, sə̂ tsə̂mə̀ fɨnə ndâʼà tom èchùŋ.”

Ŋwàʼlè ə̀ Mâk 13:9

Ghàyn e tɔ̂ʼnə̀. Ə tə kyiə ghàyn ə ndu ə ndɛ̂ èsaʼ. Ə tə pusə ghàyn ə sendɛ sə atsɨ̀yntese, ə ghàyn fɨyn tyə̂m əghɨ tesaʼ ghə əshi, è fɔ̂yntè kè kûmə̀ mi. Zɨnə tə kyânə̀ kə ghàyn ndaʼa tom èchùŋ sê ghənə.

Njə̂m 5:20

è və kê nə ə naʼapi ndè nə̀yn nə wùə èpi kɛse ə è və fɨnə zɨtə̂ səmɔʼ, ə è sɔse vəyn se kwuze ə è nəyn nə Zhə̀fè lɛse fo sèpi sə vəyn sɛ ə è nyi mə è və nə̀yn.

Taytùs 2:15

Ò zaʼlə̂ ə̀ghɛ nə ghɨ̂yn sê ghɨ ə poməghe, fo ə̀təm sê ghənə nə ghənə ə nə̂ ghəynghe. Ò nyi ə̀ kyi àtyaʼ se zɔ̀ ə ghənə nâʼàpî ashìŋə̀ àkè ezhoghɛ ə ghənə nə̂yn pofse, mə ò kyi va se zà nə wùə sê ghənə chiyne ghô.

Kòlosè 4:17

Ghàyn pi sê Akipùs nə è və ke nə è kyi se mɨ̀sè efɨ̂aʼ ə Pɛ̂pɛ zɛ ə fo sê vəyn nə è nə̀yn.

1 Kɔlìŋ 9:22

Shîŋə̀ kɛ ə m ndu sê ghɨ ghɛ ə ghənə pɔlə̂, m nyi ke kə wùə ə è pɔlə endom se nə̀yn nə ghənə chumte Klâys. Mə kɛse sè nyi ke èfɨa èkɨ̂m se ghɨ ghəkɨ̂m se mɔ̀msè ətendom tèkɨ̂m nə ghənə yîghe kyi sɔzaze ezhoghɛ ə ze pɔynə.

Ŋwàʼlè ə̀ Pɔ̂l sê ghɨə Lûmghè 11:14

Zho fîfe, m kaʼa m nəyn ə ghɨ ghɨm ghe ndaʼa, mə nyi əghɨ ə Njûsghè, ə ghənə kyi ghə̀ʼkè, kə yîghe ə ghənə ə fètəyn kyi sɔzaze.

Ŋwàʼlè ə̀ Pɔ̂l sê ghɨə Lûmghè 2:7

Ghɨə mɔ̀ʼɔ ghə kol təmə ə faŋə nə̂ ndûə kə əghɛ əchûŋghè, kyiŋə epomsê, è kɔʼsêzè. Ghənə tə kyîə èndam zɛ ə ze tə mìə va. Zhə̀fè tə fo èndam zɛ ə ze tə mîə va se kyì əghɨ̀ nə ghɨ̂yn.

Ətefɨ̂aʼ 26:22

Pîza Zhə̀fè ə tsâmtə̀ mi se kɔʼɔ zaʼâ ndàyn, m tyəm fâyn tsâ èghɛ zɛ ə m tè fe mə ze nyi səmɔʼ. Kɨ̀sə ə̀ nyi əghɨ eshɨ̀ŋə̀ kɨ̀sə ə̀ va əghɨ eshɨ̀ŋghè. Ghɛ zɛ m pîə nyì kepî èghɨ kə fɨ̀aʼtèsè è Mosîs tè pi nə ze tə kyanə̀.

Filemùyn 1:19

Ə̀ nyâʼà kə nâʼà mi è gho kɨmke sê ghò nyiə nə, “Mi Pɔ̂l nə̀ ndaʼà nâʼàpî àndàŋ àkè kɛ ə Ònesimùs kyi se ndàʼ.” Kə ò nə lɛsè nə kè nâʼà èndam zɛze nyi kə andàŋ ə ò kyi se fo sê mi kûmə̀ nə mə tə tsàmtè ghò nə o nyi chùmtè ə̀ Klâys.

1 Tèsàlonikà 2:16

Endom nə vɨ̂yn ghənə tè mɔ̀msə se tàsè nə kə ghàs wamne sê ghɨ ghɛ ə tè vachi ə̀ghɨ ə Njûsghè kə Zhə̀fè sɔza ghənə. Kûmə̀ zɨnə mə, ghənə ə nə̀yn ke pise nyiə se sɛ se kɔʼ kwəyn. Zhə̀fè nyîə nyɔʼsə̀ ètɔŋ sê ghənə zôyn, shîŋə̀kè kɛ ke kwəyn se fo etsôs sê ghənə!

1 Kɔlìŋ 1:21

Kûmə̀ nyiə mə, Zhə̀fè tɔynə̂ ə vəyn etɔf eghaʼâzè ə nə̀yn nə wùə vayn ndə̀ʼə kê vəyn tɔynə̂ ə vəyn etɔf eghaʼâ ə ngɨŋze. Zhə̀fè tè nyîə pɨlə saŋnə̂ tɔynə̂ əfètə̂ ‘àngo’ kɛ ə tè ndàʼa, è və sɔ̀zâ ə̀ghɨ ghɛ ə tè pomə.

1 Timotì 4:15

Njì shîŋə̀ kɛke se nə̀yn əghɛ ghɨ̀yn, ə ndə̀mə̀ ə̀təm ghɛghe əkɨ̂m ətəyn, kə nâʼàpî ndè fe nə ò nyi kàʼa ò ndaʼa ə ò fɨyn zaʼlê tom ə̀ Fèzhə̀.