1 Timotì 4:15 - Ŋwàʼlè ə̀ Fèzhə̀ Mkâyn Mə̂ Fèm

¹⁵ Njì shîŋə̀ kɛke se nə̀yn əghɛ ghɨ̀yn, ə ndə̀mə̀ ə̀təm ghɛghe əkɨ̂m ətəyn, kə nâʼàpî ndè fe nə ò nyi kàʼa ò ndaʼa ə ò fɨyn zaʼlê tom ə̀ Fèzhə̀.

1 Timotì 4:15 Referans Kwoze

Matyò 5:16

Kèpî endom nə vɨ̂nə̀ mə, payn zaynze kyi sə̂ panə ə ghɨə ghə shi, kə ghənə fe ə̀ghɛ echûŋ ghɛ ə ghàyn nə̀, tsîtə̀ Pɨ̀a vâyn vɛ ə è nyi ekwùtwəyn.

Ətefɨ̂aʼ 6:4

Ə nə̂yn nyiə mə, ə ghàs pɔŋ kyî àshîŋə̀ è ngɨŋ sas se, sə̂ tsə̂mə̀ fɨnə ndâʼà tom èchùŋ.”

Taytùs 2:14

È və tə fo ngɨŋ ə vəyn se sɔ̀sè ghâsènì ə sepi sekɨ̂m, se fɨnə nə̀yn nə ghâsènì zo kwəyne sə̂ nyi ə̀ghɨ vəyn ghə ngɨŋghe, mə ə fo ngɨŋ sə ghənə̂sè sə̂ nə̂ èfɨaʼ echûŋzè.

1 Timotì 4:6

Ə ò zaʼlə ghɨə poməghe è ghɛ nə ghɨnə ə m pîə nyî, ə ò nyi ke nâʼà wùə è fɨ̀aʼa èchùŋ sê Klâys Njisə̀s, ə Zhə̀fè nə fe pɔŋ zaʼlê ghò tɔynə̂ ekyî epomə̂zè, è zaʼlê echûŋ zɛ ə ò nyi mə o ndə̀m zəynze.

2 Kolìŋ 8:5

Ghənə tə nə̀yn tsɛ nâʼà kə ghàs tè kwàʼtə. Ghənə tè piə fo ndò mə ghənə fo ngɨŋ sə ghənə̂sè sê Pɛ̂pɛ sə shi, ə fo kəpî sèngɨŋ sə ghənə̂sè sê ghàs endom vɛ ə Zhə̀fè kyiŋə.

1 Kɔlìŋ 16:15

Ghàyn nyiə ke Sɨ̀tefanàs è sas ə ndɛ vəynze, ə̀ nyi ghənə è ghɨə shiə se pomə̂ ə Àkayà, se fo ngɨŋ ə ghənə se ghɨə fɨaʼa Fezhə̀ghè. M chatə ndò ghàyn ə soyn sɨmse nə,

2 Kolìŋ 4:14

Ghàs ke ndô nə Zhə̀ fɛ ə Fe tè zòmse Pɛ̂pɛ Njisə̀s, tə ndwîsə̀ kəpî ghàs è Njisə̀s, ə pəyn è ghàs, paʼsə̂ kə è ghàyn ə Və ngwùŋ.

1 Timotì 4:14

Kə ò lɛse fo zɛ ə Zuʼse Ŋwaʼase tè fo sê ghò za kə fɨ̀aʼtèsè wàmnè ghɛ kûmə̀ ghò, nɔ̂yn ə sechəʼ sə ndɛ̂ Fèzhə̀sè ə ndə̀mə̀ əgho ə ghò tu.

1 Timotì 4:16

Ò tɔ̂ʼnə̀ è ngɨŋ zɛ̂zè endom vɛ ə ò nə̀ ghɛghe ətəyn, ò tɔ̂ʼnə̀ se nə̀yn nə ghɛ zɛ ə ò zaʼlə kûmə̀ Fèzhə̀ nyì səmɔʼ. Ə ò nə̂ nyiə mə, ə Zhə̀fè sɔza ghò, ə è fɨyn sɔza ə̀ghɨ ghɛ ə zɨtə ghɛ zɛ ə ò zaʼlə.