1 Timotì 4:13 - Ŋwàʼlè ə̀ Fèzhə̀ Mkâyn Mə̂ Fèm

¹³ Ndə̀m shîŋə̀kè sə̂ tɔŋɔ fɨsə̂ èghɛ ə Fezhə̀zè sê ghɨghe è kyə̀ ètɛ, ndàʼà tom èchùŋ, fɨnə zaʼlə̂ ə̀ghɨ se zaʼâ kə m pəyn.

1 Timotì 4:13 Referans Kwoze

Ətefɨ̂aʼ 6:4

Ə nə̂yn nyiə mə, ə ghàs pɔŋ kyî àshîŋə̀ è ngɨŋ sas se, sə̂ tsə̂mə̀ fɨnə ndâʼà tom èchùŋ.”

Taytùs 2:15

Ò zaʼlə̂ ə̀ghɛ nə ghɨ̂yn sê ghɨ ə poməghe, fo ə̀təm sê ghənə nə ghənə ə nə̂ ghəynghe. Ò nyi ə̀ kyi àtyaʼ se zɔ̀ ə ghənə nâʼàpî ashìŋə̀ àkè ezhoghɛ ə ghənə nə̂yn pofse, mə ò kyi va se zà nə wùə sê ghənə chiyne ghô.

2 Timotì 4:2

ò ndâʼà tom èchùŋ, ò ndâʼà kə ndò kɨ̀sə ghɨ kɔ̀ŋɔ̀ ndò se zɨtê, kɨ̀sə ə kɔ̂ŋɔ̀ va, ò fɛtə̂ nə̂ kə ghɨ zɨ kê, tyə̂nə̀ paynsə̂ ə̀ghɛ ghɛ əghɨ nə̂ pofsə, ò fo ə̀təm kè kə ò zaʼlə è ewəynsêzè.

1 Timotì 4:16

Ò tɔ̂ʼnə̀ è ngɨŋ zɛ̂zè endom vɛ ə ò nə̀ ghɛghe ətəyn, ò tɔ̂ʼnə̀ se nə̀yn nə ghɛ zɛ ə ò zaʼlə kûmə̀ Fèzhə̀ nyì səmɔʼ. Ə ò nə̂ nyiə mə, ə Zhə̀fè sɔza ghò, ə è fɨyn sɔza ə̀ghɨ ghɛ ə zɨtə ghɛ zɛ ə ò zaʼlə.

1 Timotì 4:6

Ə ò zaʼlə ghɨə poməghe è ghɛ nə ghɨnə ə m pîə nyî, ə ò nyi ke nâʼà wùə è fɨ̀aʼa èchùŋ sê Klâys Njisə̀s, ə Zhə̀fè nə fe pɔŋ zaʼlê ghò tɔynə̂ ekyî epomə̂zè, è zaʼlê echûŋ zɛ ə ò nyi mə o ndə̀m zəynze.

Ətefɨ̂aʼ 17:11

Ghɨ ghɛ ə ghe tè nyi fu tè nyi əghɨ, kɔ̂ŋɔ̀ se zɨtə eghɛ tsɛ̂ ə̀ghɨ ə Tèsàlonikà. Ghənə tè kɔ̂ŋɔ̀ nâʼà àchûŋ se zɨtə tom èchùŋ ə faŋa sè tɔŋɔ ə̀ghɛ ə Ŋwàʼlè ə̀ Fèzhə̀ kè tûʼmè m̀kɨ̂m kyiŋə se fe nə ghɛ ghɛ ə Pɔ̂l tè ndàʼa tè nyì səmɔʼ ə.

Njɔyn 5:39

Ghàyn fɛtə̂ zaʼlə̂ Ŋwàʼlè ə̀ Fèzhə̀ kûmə̀ nə ghàyn kwàʼtə̀ nə ə fètə̂ ə̀təyn ghàyn nə̀ fe endam zɛ ə ze mîə va. Ŋwàʼlè ə̀ Fèzhə̀ nə zɨ̂yn è wàmnə̀ kəpî kûmə̀ Mi.

1 Kɔlìŋ 14:26

Ghɛ zɛ ə m pîə ə soyn sɨmse nyi nə, shîŋə̀ kɛ ə ghàyn pə̀yn elùʼ engɨmnəve, wùə èmɔ̀ʼ e kyi njàŋ, və mɔ̀ʼɔ e kyi èzaʼlê, və mɔ̀ʼɔ e kyi èghɛ kə Zhə̀fè tyə̀yn sê vəyn, və mɔ̀ʼɔ e kyi tom ə tewàmnè tə ndôtè ndɔ̀ʼɔ zaʼle, və mɔ̀ʼɔ e tsâ ə̀ghɛ ghɛ ə wâmnètè ndɔ̀ʼɔ zaʼle pìə. Nâʼàpî èghɛ èkè zɛ ə nə̂, ə zə nyi ke se nə̀yn nə ndɛ ə̀ Fèzhə̀ ə ndəmə̂

1 Kɔlìŋ 14:3

Pîza ghɨ ghɛ ə ghe tsâ tom ə̀ Fèzhə̀ wàmnə̀ se ghɨə, è ze tsâmtə̀ ghənə, fo ghənə è təm ə tɛ, è zɨ̀tèkè.

1 Kɔlìŋ 14:6

Nyiəmə ə soyn sɨmse, pə̂yn zɨmze se ghàyn nə̀ tsâmtə̀ ghàyn ə ghɛ ezhoghɛ m pəyn se ghàyn wàmnə̀ tè wâmnè tə ndôtè mə ghàyn zɨə kê va? Ze nə̀ tsâmtə̀ va ghàyn ə̀ tsɛ kə va mə m pəyn èghɛ efe zhîze kə Zhə̀fè pìə, pî ètɔf zhîze mə ghâsènì fə kê va, pî tom zhîzè mə è ndò sê Zhə̀fè, pî èzaʼlê zhîze.

Ŋwàʼlè ə̀ Pɔ̂l sê ghɨə Lûmghè 12:8

Wùə vɛ ə fo ə̀ Fèzhə̀ se vəyn nyi nə è və fo ə̀təm sê ghɨghe, e ve nə̂ kə zamə. Nâʼàpî ndè vɛ ə fo ə̀ Fèzhə̀ se vəyn nyi nə fɨake ə ndô ə və gho ndûə sê ghɨ mɔ̀ʼɔghe, è ve fo è təm ə vəynghe əkɨ̂m. Wùə vɛ ə fo ə̀ Fèzhə̀ se vəyn nyi nə è və nyi àtu se ghɨghe, è ve nyi àtu se ghɨə təynghe achûŋ. Wùə vɛ ə fo ə̀ Fezhə̀ se vəyn nyi sə̂ kyi èkosê esəyn sê ghɨghe, ə è və nə̂ zamə è saŋnêzè.

2 Timotì 3:15

Ò pɨ̂əytə̀ kəpi kə ò tè pa nyi wâ, mə o ə kàynè kê ghɛghe ə ŋwàʼlè ə̀ Fèzhə̀, mə ə̀ nyi əghɛ nə ghɨyn ə ghe kaʼa ə ghe fo ghô ètɔf eghaʼâ zɛ ə ze pə̂ è sɔzaze tɔynə̂ ekyî epomə̂zè ə Klâys Njisə̀s.