1 Timotì 4:12 - Ŋwàʼlè ə̀ Fèzhə̀ Mkâyn Mə̂ Fèm

¹² Kə ò za nə wùə ə chîynə̀ ghò kûmə̀ nə ò nyi vâyn èpɔ. Ò kyi sə̂ nyi sê ghɨ ə poməghe kə chwìə e ndom vɛ ə ò wàmnə̀ ətəyn. Ò ndamə èndam echûŋzè, kɔ̂ŋɔ̀ ə̀ghɨ, tyə̂nə̀ nə o kyi ndô kyî epomə̂zè sê Klâys fɨyn nyi è zoze

1 Timotì 4:12 Referans Kwoze

Taytùs 2:7

Nâʼàpî eghɛ èkè zɛ ə ò nə̀, ò kyi sə̂ nə̂ endom echûŋvè kə ghɨ əmɔ̀ʼɔghe kaʼa ə ghe səyne sê ghò. Ə nâʼàpî èghɛ èkè zɛ ə ò nə̀, ə ze ə tyə̂nə̀ nə ghɛ zɛ ə ò zaʼlə nyîə kyi èkɔʼnê, ə̀ nyi èghɛ mə ə̀ vachi èshî.

2 Timotì 2:22

Tə kɛse epàm mə̂ èwìyn etɨmə vɛ ə ngwàʼà ə̀ wùə kyi ə mɔ̀msə̀ sə̂ nyi chichi, ə kyîə èkyî epomə̂zè sê Klâys, kɔ̂ŋɔ̀ ə̀ghɨ, fɨnə ndamə è pɔ̂ynè. Ò nə̂ ə̀ghɛ nə ghɨyn nâʼà ə̀kɨ̂m ghayn ghɨ ghɛ ə ghe tsə̂mə̀ sê Pɛ̂pɛ è təm ə zoghe.

2 Timotì 2:15

Mɔ̀mse nâʼà è tyaʼa se nə̀yn nə Zhə̀fè fe nə ò nyi wùə èfɨ̀aʼa vɛ ə è ghomə va sə̂ nə̂ èfɨ̂aʼ ə vəynze, fɨnə zaʼlə kə səmɔʼ zɛ ə è nyi ə Vəyn ə tom èchùŋ.

1 Pità 5:3

Kə ghàyn ə zəʼtə̂ ndò ghɨ ghɛ ə fo nə ghàyn ə tɔ̂ʼnə̀ è ghənə. Ghàyn e pɨlə nə̂ ə̀ghɛ endom vɛ ə ghənə nə̀ səynə ghàyn.

1 Kɔlìŋ 11:1

Ghàyn səyne ndam zɨme kè kə m səynə zə Klâyszè.

1 Tèsàlonikà 1:6

Ghàyn ə tə zaʼlê se ndam kə ghàs è kɨsè kə Pɛ̂pɛ, naʼapi kə ghàyn tè fe tsôsvè sə ŋaŋ, Zuʼse Ŋwaʼase ə nə̀ ghàyn ə fiə tom ə̀təyn è saŋnêzè.

Taytùs 2:15

Ò zaʼlə̂ ə̀ghɛ nə ghɨ̂yn sê ghɨ ə poməghe, fo ə̀təm sê ghənə nə ghənə ə nə̂ ghəynghe. Ò nyi ə̀ kyi àtyaʼ se zɔ̀ ə ghənə nâʼàpî ashìŋə̀ àkè ezhoghɛ ə ghənə nə̂yn pofse, mə ò kyi va se zà nə wùə sê ghənə chiyne ghô.

Matyò 18:10

Ghàyn tɔ̀ʼnə̀ nə kə wùə lɛ wâ kûmə̀ nə è kɔʼnə̂ va. M pîə sê ghàyn səmɔʼ nə ekwùtwəyn, tsì sɛ ə se naynə ghɔyn nə ghɨ̂yn nyì yî Pɨ̀a vɨm.

2 Timotì 2:7

Kwàʼte ghɛ zɨ̂nə̀ ə m pìə nyi, kûmə̀ nə Pɛ̂pɛ nə̀ nə̂, ə ò zɨ kê ə̀ghɛ ətəynghe nâʼà ə̀kɨ̂m.

Njə̂m 3:13

Ə wùə nyi ə ghàyn əfètəyn kyi ètɔfə eghaʼâzè, fɨnə zɨə kê ə̀ghɛ, è və tyə̀nə endam echûŋ zɛ ə è ndamə, sə̂ nə̂ ə̀ghɛ chûŋghè è ngɨmnêzè è kɨsè tɔf eghâʼazè.

Njə̂m 3:17

Pîza, ghɛ əshi zɛ ə ze nyi kûmə̀ ètɔf eghaʼâ zɛ ə ze ndô pə̂ ekwùtwəyn nyi nə ze nyîə zo, kɔ̂ŋə̀ pɔ̂ynè, pɔynə̂, ndə̂mə̀ ngɨŋə̂ vəyn əchi, kyi ekosê esəyn zɛ ə ze muə twɔm echûŋvè, nə̂ ə̀ghɛ kè eghɨ sê ghɨghe, kaŋkaŋə̂ nə̂ va ghɛghe.

Filìpây 4:8

Ghɛ ekwuŋsəze ə ghɔnyì ghɨmə nyi nə, ghàyn e kwaʼtə̀ ə̀ghɛ ghɨnə shîŋə̀ tekɨ̂m. Ghàyn e kwaʼtə̀ nâʼàpî èghɛ èkè zɛ ə ze nyi səmɔʼ, nâʼàpî eghɛ èkè zɛ ə̀ nyi eghɛ echuŋzè, nâʼàpî èghɛ èkè zɛ ə ze nyi chichi, nâʼàpi èghɛ èkè zɛ ə ze kyi va ləʼke, nâʼàpi èghɛ zɛ ə ghɨə kyi sə̂ kɔ̂ŋə̀, è nâʼàpî èghɛ èkè zɛ ə ghàyn fe nə ze tsɔ̂fə̀ ndò se ghàyn. Ghàyn e kwaʼtə̀ ə̀ghɛ ghɛ ə ghe ngəsə̂ tsɔ̂fə̀, ghɨghe e pîə nə ghe nyiə tsɔ̂fə̀. Ə̀ nyi ə kyì əghɛ ghɨnə̀ ə ghàyn kyi sə̂ ndə̂mə̀ ə ghàyn ə fètə̂ ə̀təm nâʼà shîŋə̀ tekɨ̂m.

1 Tèsàlonikà 2:10

Ghàyn nyi setsɛ̀ èsaʼ sasse, Zhə̀fè e nyi kepî tsɛ̀ èsaʼ vâsvè nə, ghɛ ghàs ghe nəghe sê ghàyn ghɨ poməghe tè nyîə zo, nyi chichi, kyi va ləʼke.

1 Timotì 1:14

Pɛ̂pɛ ə ghâsènì tè nyîə kyi ə̀təm ə chûŋə̀ sê mi. È və tə nə̀yn kepî nə m pomə sê vəyn è kɨsè sə kɔ̂ŋə̀ ə̀ghɨ ə mɔ̀ʼɔghe kûmə̀ nə m tè nyì sə afɨa àmɔ̀ʼ ghasè Klâys Njisə̀s.