1 Timotì 3:6 - Ŋwàʼlè ə̀ Fèzhə̀ Mkâyn Mə̂ Fèm

⁶ Ə̀ kyi va sə̂ nyi wùə mə è kwùʼte pomə ndô, ə̀ va za ə è və ghaŋsə èwiyn, ə Zhə̀fè fo tsôsvè sê vəyn kè kə È tè fo sê ndə̂plè.

1 Timotì 3:6 Referans Kwoze

1 Timotì 6:4

è və ke nə è ghaŋsə̂ kə èwiyn, ke va nâʼà èghɛ, ghɨə mɔʼɔ kyi endam eliŋ zhîze sə̂ saʼnə̂ kûmə̀ m̀ghɛlə̀ mə èlwiynmè, zɨnə mə e pə̂ è ghə̀ʼkè, ngyə̀skè, soylè ewìynze, kwaʼtə̀ pi kûmə̀ ə̀ghɨ ə mɔ̀ʼɔghe,

1 Pità 5:5

Kwuŋte, ghàyn tsose ngɨŋ saynse əchi sə zɨə se chəʼse. Ghàyn maʼ ngɨmnêzè kə sendzɨs sefɨaʼase sə̂ fɨ̂aʼà sê ngɨŋ saynse kûmə̀ ŋwàʼlè ə̀ Fèzhə̀ nyi mə è zə pì nə, “Zhə̀fè pânə̀ əghɨ ghɛ ə ghe ghaŋsə wiynve, pîza è fo àfùʼ sê ghɨ ghɛ ə ghe ngɨmnə ngɨŋsə ghənə̂sè.”

1 Pità 2:2

Ghàyn e pɨl nyi ke kə əghɔ ə pɔ ghɛ ə chìŋ m̀yiyn mə èzôm zafə ghənə, mə yîyn nə mɨ̂nə̀ mə nyi ewâmnè ə Fezhə̀zè, mə shîŋə̀ kɛ ə ghàyn mɨ mêynmè, ə ndə̂mə̂ kɔʼɔ, ə kyi esɔzaze.

2 Kolìŋ 12:7

Pîza se nə̀yn nə kə kɔʼsə èwiyn kûmə̀ ə̀ghɛ kayntə tsɨə ghɛ ə tè tyə̀yn sê mi. Ə̀ za nyi eghɛ zɛ ə tè za zaf efofləze nə zə pəyn nji ə mì ə njà èwìyn. Zaf ətəynze tè nyi wùə èfɨaʼa ə̀ satàyn kə ə tom nə ze pəyn ə ze ə fo ngəʼ sê mi, kə ndɔ̀ʼɔ mə ghaŋsə tsɛ̂sə̀ èwiyn.

1 Kɔlìŋ 8:1

M kyiŋə se pì eghɛ zôyn kûmə̀ efɨazhiə vɛ ə màʼtə̀ sə eshyə̀ sê fɨ̂aʼsèvè. Ghâsènì ke ndô nə, ‘Ghâsènì əkɨ̂m nyîə kyi ètɔf.’ Tɔfze e pə̂ kə è ghaŋsə̂ ewiyn pîza kɔ̂ŋzè e nə̂ nə ghɨghe ə ndəmə̂.

1 Kɔlìŋ 3:1

M tè vayn kaʼa mə wàmnə̀ sê ghàyn ə ghɔnyì ghɨmə kə̂ m wàmnə̀ sê ghɨ ghɛ ə ghe kyi Zuʼse ə Fezhə̀sè. Pîza m tè pɨl wâmnè sê ghàyn kəpiə ghàyn nyi əghɨ ə mbighe, kə ghɨ ghɛ ə ghe pa nyi m̀mîətə̀ ə ghənə epomə̂ sê Klâys.

Njût 1:6

Ghàyn kwaʼte tsì sɛ ə se tè tàʼa faŋ elùʼ efɨaʼa vɛ ə Zhə̀fè tè fo nə ghənə ə nə̂, ghənə ə tə pɨl zàmaʼà luʼ vɛ ə̀ tè nyì və ghənə̂vè. Ə nyi mə ə kol ghənə è chaʼ sɛ ə tə zhə̂nə̀ va ə ndə̀mə̀ ghənə ndɛ̂chaʼ àlɨm kə ghənə ə lɨmtə̂ fètuʼ fe ghaʼâ fə saʼ fɛ ə Zhə̀fè tə saʼa pɔynsə ghənə ətəyn.

2 Pità 2:4

Zhə̀fè tè paʼà faŋ se fo ngəʼ sê tsì sɛ ə se tè nəyn pi, pîza ə màʼà tsosə̂ ghənə elùʼ ewùs, elùʼ vɛ ə nyi mə ə fà ghənə alɨm, nə ə ndəm ghənə se zaʼâ kə tuʼ ə saʼve kwəyn.

2 Timotì 3:4

Ghənə tə nə̂ ə pəʼlə̂ ə̀ghɨ è wâmnè ə ghənə̂zè, shɨŋə nə̂ kə ə̀ghɛ ndɔ̀ʼɔ ə kwàʼte, nyi mə ə lwiyn è ghaŋsê ewìynze, kɔŋə̀ ə̀ghɛ ə mbi ghɨnə ghe tsɨ̀ə tsɛ̂ kə kɔ̂ŋə̀ Zhə̀fè.

Tom èchùŋ kè kə Lûk tè nyaʼ 10:18

Njisə̀s ə piə sê ghənə nə, “Ma fe kə Satàyn ndò ekwùtwəyn ə pfɨ̀ə, mɨ̂anə̀ kə eghol.

1 Timotì 3:7

Ə̀ kyi sə̂ nyi wùə, mə nâʼà ghɨə mɔʼɔ ghɛ ə ghe pa tsɨs ndɔʼɔ pomə naynə̂ vəyn, è ve kɔʼnə̂ kə ghɨə tə tàʼa ghomsə vəyn, ə è pfɨ ə ndə̂plè atam.