1 Timotì 3:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ Wùə vîvè vayn kwiynsê nə pomə ə ghasènìze nyîə kyi èghɛ e ndətəze, ze ghaʼa kə nyi: Klâys ə tə pə̀yn sə wûə m̀sɔ̀ŋ, Zuʼse Ŋwaʼase ə tyə̀nə̀ nə è nyi va Fèzhə̀, tsìsè ə fe vəyn, ə tə ndàʼà tom kûmə̀ vəyn ə tèndâʼà tèkɨ̂m, ghɨghe ə pomə se vəyn ə telùʼ tekɨ̂m ə mbi, Zhə̀fè ə njìə kɔʼsə̂ vəyn ekwùtwəyn.

1 Timotì 3:16 Referans Kwoze

Njɔyn 1:14

Kyə̀ ə̀təyn ə kɛsə̂ sə wûə èwàmnə, ə ndamə ə ghâsènì ə fètəyn. È tè nyi mə È və lwiyn è fùʼkè, ə tyə̀nə̀ kə səmɔʼ nyi kûmə̀ Fezhə̀. Ghâsènì ə fe èpomsê ə vəynze, epomsê zɛ ə è fi kə vayn vɛ ə̂ tè nyì ke vəyn sê pɨ̀a.

Ipilù 1:3

Va vəyn nə vɨ̂yn panə kə epomsê ə Fezhə̀zè, nyi ke èghɨ kə Fèzhə̀. Tɔynə̂ ə vəyn ewàmnè zɛ ə ze nyi, è və nə̀yn nə ghɛ ghɛ ə ghe nyi ə nyi ndu kendò. Ə̀ tè nyì kə è nə̀yn nə ə lɛse fo sèpi sə ghɨ̀sè, è və tsɨsə̂ ə Zhə̀fè ekɔyn etwɔve ekwùtwəyn, ə fɛ ə fe kyi kàyntè àtyaʼ.

Ŋwàʼlè ə̀ Mâk 16:19

Ə pə̀ kə Pɛ̂pɛ Njisə̀s wàmnè mɨ̂sè sê chùmtè èpàm sə vəynse, Zhə̀fè ə nə̀ è və kɔʼɔ ekwùtwəyn, ə tsɨsə̂ ə Fəynfe ekɔyntwɔve.

Ŋwàʼlè ə̀ Pɔ̂l sê ghɨə Lûmghè 16:25

Ə ghâsènì fo pomsêzè sê Zhə̀fè! È kwəynə̂ ndò se nə̀yn nə ghàyn ə tɛ ə ghàyn epomə̂. Ə̀ nyi nyiəmə kə m tè tsàyn se ghàyn ashîŋə̀ kɛ ə m tè ndàʼa tom èchùŋ ə̀ Njisə̀s Klâys. Tom èchùŋ nə zɛ mə nyi səmɔʼ zɛ ə Zhə̀fè tè nyi mə fe ə ndə̀m nâʼà sə mɨ mə è paʼà tyə̀yn sê ghɨghe.

Tom èchùŋ kè kə Lûk tè nyaʼ 24:4

ə tyəmə fumə sè kayntə eghɛ zɛ ze kyàyn. Ndômnè ghə pɛ ə pfɨ̀ŋə̀ tyəmə paʼsə ə ghənə ə ngwùŋ mə ghənə màʼ ndzɨs se fɨfə nyaynə se.

Kòlosè 1:23

Ghàyn kyi se faŋə kə ghàyn epomə̂ mə ze nə̂ʼlə̀ va, kyi se tɔ̀ʼɔ̀ tyə̂m, è kɨsè se ndə̀m ətəm ghaynghe əkɨ̂m ətə̂ tom èchùŋ zɛ ə ghàyn zɨ. Tom èchùŋ nə zɛ mə ə ghàyn nyi mə ə kàynè zɨ nyi zɛ ə è nyi mə è zə waŋ mbi èkɨ̂m, ə nyi zə̂ynzè ə è nə̀yn mi Pɔ̂l nə mə nyi wùə àfɨ̀aʼ se Zhə̀fè se ndàʼa zə̂ynzè.

1 Njɔyn 1:2

Tom nə zɨ̂yn ə è fo ndam zɛ e tə mîə va nyî, tè tyəyn ngɨŋ ə vəyn, ghàsə fe sè tyəm kə setsɛ̀ èsaʼ sê Vəyn. Ghàs wàmnə̀ sê ghàyn kûmə̀ tom nə zɨ̂yn kə è tè nyì yî Pɨ̀a, ə nə̀ nə ghàs ə ke Vəyn.

1 Pità 3:22

È və zòmə̀ ə kɛsə kɔʼɔ ekwùtwəyn, sè tsɨs zôyn ə Zhə̀fè ekɔyntwɔve, saʼa sètsì sèkɨ̂m, fɨnə saʼa sèzuʼ sèkɨ̂m sɛ ə se kyi twɔʼve.

1 Pità 1:12

Zhə̀fè ə tə tyə̀yn paynsê sê fɨ̀aʼtè nə sɨ̂nə̀ nə ghənə ndâʼà tom nə zɨ̀yn fɨaʼà va sê ngɨŋ sə ghənə̂sè, nə ghənə pɨl fɨ̂aʼ sê ghàyn. Ghɛ ghɛ ə fɨ̀aʼtèsè tè wàmnə̀ nyi kepî ə̀ghɛ ghɛ ə ghɨ ghɛ ə ghe ndâʼà tom èchùŋ zôyn tɔynə̂ ə Sezuʼ se Ŋwaʼa sɛ ə se ndô pə̂ ekwùtwəyn, ə nyi ə̀ghɛ nâʼàpî sètsì e kɔ̂ŋɔ̀ sə̂ ke.

Kòlosè 2:2

M nə̂ nyiə mə se fo ghənə è təmghe, kə kɔ̂ŋ zɛ ə ze nyi ə ghàyn ə fètəyn, ə ze nəyn ə ghàyn ə nyi kə wùə èmɔ̀ʼ. M kyiŋə nə ghâynghə̀ ghənə əkɨ̂m ndəm təm ghaynghe əkɨ̂m, kə ghɨ ghɛ ə ghe ke ghɛ ə Fezhə̀ghè mə ghɨə tè paʼà kê. Ghɛ nə zɛ mə nyi Klâys è ngɨŋə̂ vəyn.

Kòlosè 1:27

Pɨaʼtê ə Fezhə̀zè nyi nə è nəyn ə ghɨə vəynghe ke nə ghaʼa Klâyszè, è pomsê ə vəynze nyi kepî ndò se ghɨ ghɛ ə̀ vachi ə̀ghɨ ə Njûsghè. Ghɛ endətə zɛ ə ze nyi əfètə̂ ə̀təyn nyi nə, ghàyn ndəm ə ghàyn ətəm nə ghàyn tə kyîə ndò pomsê zɛ ə Zhə̀fè pì nə zhi tə fo ndò se ghɨə vəynghe.

Kòlosè 1:6

Tom èchùŋ nə zɨ̂yn pə̂ èpɔsêzè è kɨsè sə waŋə ndûə kə luʼte kɨ̂m ə mbi. Tuʼfə shi fɛ ə ghàyn tè zɨ, ghàyn ə tə zɨ kê nə Zhə̀fè ndɨŋ kyi ndò təm ə chûŋghè sê ghɨghe.

Tom èchùŋ kè kə Lûk tè nyaʼ 22:43

Kə ashìŋə̀ nə kɛ, tsiə Fèzhə̀ ə ndò ekwùtwəyn ə pə̀ fo atyaʼ sê vəyn.

Matyò 3:16

Njisə̀s tè fi mɨsè m̀mo, ə fɨə pə̂ ə tsô. Kwutwəynve ə chwìə, È və fe Sèzuʼ sə Fezhə̀sè se tso pə̂ nyi ke kə akwɨ̀l ə masə̂ ə və atu.

1 Njɔyn 3:5

Ghàyn ke nə Klâys tè pə̀yn ə mbi se kəʼsê ə sepi sə ghasènìse. È pâʼà tyəmə̂ nə̂ pi zhîzè.

Ipilù 12:2

Ə ghâsènì ə naynə̂ ndûə kə sê Njisə̀s. Ə̀ nyi vəyn vɛ ə è pùʼ ndom ekyî epomə̂ ə ghasènìze, ə fɨyn nyi ke vəyn ə è chisə pomə ətəynze se ndùə tânə̀ əkwùŋse. È və tə pomə̂ se kwu awâmnè ə tàʼa njì eghomə zɛ ə ze tè nyi e kyì ekwu nə zɨ̂nə̀ sə eghɛ kûmə̀ nə è tè nyiə ke nə ə̀ tə nyi epàm ətəyn, ə è və saŋnə̂. È nyi zôyn, tsɨs ekɔyn e twɔ ə fekyə̀ efɔ̀yn ə Fezhə̀vè.

1 Timotì 3:9

Ghənə kyi sə̂ tyəmə kə səmɔʼ zɛ ə tè tyə̀yn paynsê sê ghənə, ə̀ nyi səmɔʼ kûmə̀ èkyî epomə̂zè mə təm ə ghənə̂ghè saʼa va ghənə.

Njɔyn 20:12

Kə è nayne ndzɨse ə fètə̂ èshyə̀, ə fe sètsì sepɛ̀ mə se ə màʼ ndzɨs se fɨfə̂sè, se tsɨs elùʼ vɛ ə pfɨyn ə Njisə̀svè tè nyɨŋ ətəyn. Tsìə Fèzhə̀ èmɔ̀ʼ tè tsɨs elùʼ vɛ ə tuə vəynke tè nyi ətəyn, zə̂mɔ̀ʼɔ e tsɨs elùʼ vɛ ə gholə tè nyi ətəyn.

Matyò 1:23

“Ngɔ̀yn zhîzè, mə è paʼà tyəm nyîŋə̀ yî wùndômə̀, Nə̀ tyəmə̂ èndwɔ̂ ə è piə vâyn èndômə̀, Ə tsɨ zə vəyn nə, Ìmanuwɛ̀l.” Zə nə zɨnə nyi nə, “Zhə̀fè nyì ghâsènì.”

Etyə̂yn ə paynsêzè 7:9

Epàm ətəyn, mə fe anɔ̂yn əghaʼâ əghɨ̀kè mə ə màʼ ndzɨse fɨfə̂sè, mə ə vayn kàʼa taŋ mɨsè, kyi ə̀kyì əghɨ̀ ghəkɨ̂m, mə ə fɨ pə̂yn ke tâŋ tekɨ̂m, ə fɨnə fɨə ndaʼa tèkɨ̂m, wàmnə̀ kə tewâmnè tèkɨ̂m. Ghənə tè nyi mə ə tyəm ashiə fèkyə̂ fə efɔ̀ynfè è kɨsè ə Va Ndzè əshi, kyi èchwɔ̂ ə ghənə ə gho,

1 Pità 1:20

Zhə̀fè tè nyi mə fe ə kàynè chɔʼ vəyn ə ndə̀mə̀ tsɔ̀fə kə fe pom mbi, pîza ə tyə̀nə̀ paynsə̂ vəyn fa mtuʼ mə èkwùŋsə̂m sə ghàyn ə chùŋ.

Ipilù 7:7

Kûmə̀ nə ə̀ ndamə ndô kə wùə èghaʼâ, è və pɔsə̂ vəmɔ̀ʼɔ.

Ɛfesùs 6:19

Ghàyn nə tsə̂mə̀ kəpî sê mi nə m njî ghɛ ə Fezhə̀zè se tsàyn, m ke ghɛ zɛ kə m pi, nə m tsâ ghɛ ə ndətə ghɛ ə Zhə̀fè tyə̀yn sê ghâsènì ə tom èchùŋ, kə m fayn fɨake.

Ɛfesùs 1:9

Zhə̀fè ə nə̀yn nə ghâsènì ke ghɛghe mə Fe ə tè pɨaʼte, ə̀ ke ke Fəynfe. Fe tè nəyn nyi kûmə̀ nə Fe ke kə ə̀ghɛ ə̀kɨ̂m. È tè pɨaʼte əghɛ nə ghɨynə nə ghe kyayn tɔynə̂ ə Klâys, mə ə̀ kɔ̀ŋ ke vəyn nə ze ə nyi endom nə vɨ̂yn.

Ngàleshyà 4:4

Pîza kə shîŋə̀ ə təynke tè kwəyn, Zhə̀fè ə tomə Va vəyn nə wùzhɔyn piə, ə è ndəmə kɔʼ etyə̂ Alàŋ əghɨ Njûskè,

1 Kɔlìŋ 15:47

Andàm ə̀shi vɛ ə tè fɛte mchi tè pə̀yn mchi, Andàm e kòmtə ə pə̀ ekwùtwəyn.

1 Kɔlìŋ 2:7

Tɔf eghaʼâ zɛ ə ghàs ndàʼà kûmə̀ zəyn nyi etɔf eghaʼâ ə Fezhə̀ zɛ ə wùə vîvè tè keva mə ə ndə̀tè se ghɨ msɔ̀ŋghe, pîza Zhə̀fè ə tə ndə̀m tsɔ̀fə kə Fe fɛte mbi zɨ̀nə nə, tɔf engaŋtə ətəynze tə nə̂ ə ghâsènì ə nyi èpomsêzè.

Ŋwàʼlè ə̀ Pɔ̂l sê ghɨə Lûmghè 10:18

Pîza pfɨf zɨmze nyi nə, ze nyi ndô səmɔʼ nə ghənə tè pâʼà zɨ tomə̀ təyn ə? Ghənə tə fɛtê zɨ zə̂ynzè àchûŋ. Ə nyàʼ ə ŋwàʼlè ə̀ Fèzhə̀ nə, “Ə tə zɨ kyə̀ ghɨ̀ nə ghɛ ə ghe tè ndàʼa tom èchùŋ pôlə̀ tə mbi tekɨ̂m. Wâmnè ə ghənə̂zè ə tə ndù fɨ pôlə̀ tə mbi tekɨ̂m.”

Ətefɨ̂aʼ 20:28

Ghàyn e tɔ̂ʼnə̀ è ngɨŋ saynse è ghɨ ghɛ ə Zuʼse Ŋwaʼase fo sê ghàyn nə ghàyn ə chisə̂ ghənə. Ghàyn e tɔ̂ʼnə̀ è nɔ̂yn ə ghɨə pomə ə Fezhə̀ kɛ ə Va vəyn tè kwu kûmə̀ ghənə se nə̀yn nə ghənə ə nyi ə̀ ghɨə vəynghe.

Ngàleshyà 2:8

Tyaʼa Fezhə̀ kɛ ə ke tè fɨ̀aʼa ə Pità se nə̀yn nə è və nyi wùətom sê ghɨ Njûsə̀ nyì kepî kəynke ə ke fɨaʼà ə mi se nə̀yn nə mə nyi wùətom sê ghɨ ghɛ ə̀ va ə ghɨ ə Njûsə̀.

Ŋwàʼlè ə̀ Pɔ̂l sê ghɨə Lûmghè 9:5

Ghənə nyi əghɔ ghɔynə pɨa pɨa ghasènìghe. Kə tè piə Klâys kə wùə m̀sɔ̀ŋ, È tè fɨ pə̂yn ə ghənə etàŋ. Tsîtèzè nyì sê Zhə̀fè sə teshìŋə̀ tèkɨ̂m, ə Vəyn vɛ fɨave ekɨ̂m nyi ə vəyn etyə̂ àtyaʼ. Ə ze ə nyi ke zamə.

Ətefɨ̂aʼ 10:34

Pità ə pìə nə, “Ə̀ nyì zôyn kə kê səmɔʼ nə Zhə̀fè njìə ə̀ghɨ ə̀kɨ̂m eghɨ.

Ŋwàʼlè ə̀ Pɔ̂l sê ghɨə Lûmghè 8:3

Ghɛ zɛ lâŋkè tè vayn kàʼa ə ke nəyn, kûmə̀ nə wiyn ə wûə m̀sɔ̀ŋve tè kiva tyaʼke se njiə tsɨ̀sè ə pi. Nyiəmə Zhə̀fè ə tə nə̀yn ghɛze mə lâŋkè tè vayn kàʼa ə ke nəyn. È və tə tom Vâ vəyn ewìyn ə wûə m̀sɔ̀ŋ vɛ ə ve nə̂ pi nə È mɨse tyaʼa ghɛ pike. Kə Zhə̀fè tè nəyn nyiəmə, È və mɨ̀sə̀ àtyaʼ əghɛ ə pighe ə wùə m̀sɔ̀ŋ ewìyn.

Ətefɨ̂aʼ 14:27

Ə̀ tè nyi kə ghənə pə̂yn fɨ ə Antyòk, ə zùŋtə̀ ànɔ̂yn ə əghɨ̀ ə ndɛ ə̀ Fezhə̀kè ə tsà kɔʼɔ ə̀ghɛ əkɨ̂m ghɛ ə Zhə̀fè nə̀yn tɔynə̂ ə ghənə, ə fɨnə tsâ kəpî kə Zhə̀fè fo ndom nə ghɨ ghɛ ə̀ vachi ə̀ghɨ ə Njûsghè pɔŋ pomə̂ Njisə̀s.

Njɔyn 16:28

M tè ndò sê Pɨ̀a Vɨ̂m ə pə̀ ə mbi, zôyn M zâ mbi kɛsə̂ ndûə se Pɨ̀a Vɨm.”

Njɔyn 13:3

Njisə̀s tè nyîə ke nə Pɨ̀a ə fo tyaʼke sê zhi etûə èfɨa èkɨ̂m. È ve ke kepî nə zhi ndo pə̂yn se Zhə̀fè, kɛsə̂ ndûə se Zhə̀fè.

Tom èchùŋ kè kə Lûk tè nyaʼ 24:51

Kə e te pa pɔsə̂ ghənə, ə njìə kɔʼsə̂ vəyn ekwùtwəyn. È və ndò zâ ghənə

Etyə̂yn ə paynsêzè 17:7

Pîza tsì zɛ ə pfɨfə sê mi nə, “Ò nyi è kaynze kûmə̀ ghè? M nə̀ tsâ paynsə̂ èghɛ endətəze sê ghò kûmə̀ wùzhɔyn nə vɨ̂yn è nyàm èpamə zɛ ə è tsɨs etûə ə̀təyn, ə zɛ ə è kyi tuve èsɛ̀mbɛ è ndɔŋse eghɨm.

Etyə̂yn ə paynsêzè 17:5

Ə̀ tè nyi mə ə nyàʼ zə ze ə vəyn cho atu ze tyəm sə eghɛ mə ze ndəte nyi ndò nə, “Papilɔ̀yn èghaʼâ, Ò nyi nyì sê kwàlə̀ vekɨ̂m, fɨyn nyi nyì ə̀ghɛ kwuəmnəghe ə mbi.”

Ipilù 8:1

Ghɛ zɛ ə ghàs paynsə̂ pîə nyi nə ghâsènì nyiə kyi wùə èkɔʼsə nə eshyə̀ engaŋtə kwəynə nyiə kə vɨ̀nə mə, vɛ è tsɨs ə ekɔyn etwɔ ə fekyə̀ fə efɔ̀yn ə Fezhə̀vè ekwùtwəyn.

2 Tèsàlonikà 2:7

Kè nâʼà zôyn satàyn nyîə ndə̂tə̀ fɨaʼà etyə̂ àlɨm se nə̀yn nə ghɨghe ə kwiynsə̂ alâŋ ə Fezhə̀kè. Pîza wùə vɛ ə è tàmə̀ nə kə ghɨghe ə wâmnə ghɛ ə kwuəynə kûmə̀ Fèzhə̀, nə pa nə̂ kə za se zaʼâ ashìŋə̀ kɛ kə Zhə̀fè njì tsɨsè vəyn endom.

2 Tèsàlonikà 1:10

Etuʼ vɛ ə è tə pə̂, ə è fi pomsêzè sê ghɨə vəynghe è kɔʼsêzè sê ghɨə poməghe əkɨ̂m. Nâʼà ghàyn tə nə̂ ə pɔŋ nyi əfètəyn ə̀ ghɨ̀ nə ghɨ̂yn kûmə̀ nə ghàyn ə pomə ghɛ ghɛ ə ghàs tè tsâ sê ghàyn.

Ətefɨ̂aʼ 1:19

Nâʼà ghɨghe əkɨ̂m ə Njèlusalɛ̀m ə zɨə èghɛ zɛ ə ze kyâyn sê Njondàs sè tɔŋtə eluʼ ə mchi nə vɛ ə ghənə ewàmnè endaʼze nə Akèndamà, e tyə̂nə̀ nə, mchi mə ə M̀ndəmə̂.)

Njɔyn 17:5

Pɛ̂! fo mi èpomsê ekayntəze zôyn, kèpî èpomsê ekayntə zɛ ə M tè kyi ghasè ghò tsɔ̀fə kə pom mbi.

Njɔyn 15:26

Tsàmtè nə̀ ndô pə̂ se Pɨ̀a. È nyi Sezuʼ sɛ ə se nə̀ nə̂ nə ghɨghe ə ke səmɔʼ. Kə M nə nə mə nyi ghâsè Pɨ̀a, M nə tomə vəyn sê ghàyn, ə nyi vəyn vɛ è nə tsâ ghɛ sê ghàyn kûmə̀ Mi.

Njɔyn 6:62

Ə ghàyn fe, Vâ wùə è kɛsə ndô ndùə ekwùtwəyn, elùʼ vɛ ə è tè nyi ətəyn sə shi, ə ghàyn ghayn ghe?

Tom èchùŋ kè kə Lûk tè nyaʼ 2:32

Sɔ̂sè nə zɨnə mə tə nə ə ze ə nyi epayn zɛ e tyə̂nə̀ paynsə̂ ndôm vɛve sê ghɨ ghɛ ə̀ va əghɨ ə Njûsghè, fo èpomsê sê ghɨə Isìlâyghè, əghɨ ghɛ.”

Ŋwàʼlè ə̀ Mâk 16:5

Ghənə ə njiə ndûə eshyə̀ eghaʼâzè ə fe èkwuŋ vîve è ndzɨse fɨfə̂sè ewìyn, è ve tsɨs apàs ekɔyntwɔke. Ndɨmke ə tənə̂ ə ghənə mndɛ̀.

Ŋwàʼlè ə̀ Mâk 1:13

ə ndamə fu sə mtuʼ m̀ghɨm mkyàʼ, Satàyn ə mɔ̀mə̀ vəyn, nyamsə mbvɨynse ndamə fu, pîza tsìsè ə pə̀ tɔ̂ʼnə̀ è vəyn.

Matyò 28:2

Kè nyi, chike ə nə̂ʼə̀ nâʼà sə ŋaŋ, tsì ə̀ Pɛ̂pɛ ə tso pə ekwùtwəyn, ə pɨŋsə̂ tsɨsə̀ èchi zɛ ə ze tè nyi echo èshyə̀, ə tsɨsə̂ etûə təyn.

Matyò 13:11

Njisə̀s ə pìə sê ghənə nə, “Zhə̀fè fo ghàyn ètyaʼa nə ghànə ke ə̀ghɛ e ndətə efɔ̀yn ekwùtwəynə, pîza ə tàʼa fo atyaʼ nə kɨ̂yn se ghɨ mɔ̀ʼɔ.

Matyò 4:11

Ndə̂plè ə ke zà vəyn, tsìsè ə pə̀ tsâmtə̀ vəyn.

1 Pità 3:18

M pîə nyî kûmə̀ nə Klâys tè kwu ke shîŋə̀ze emɔ̀ʼ ətû ə̀ghɨ̀ ə pighe. È tè nyi wùə ə̀ chichi, ə kwuə kə è kàʼa è nji pəyn è ghâsènì sê Zhə̀fè. Ə̀ tè zhwi vəyn pîza Zuʼsə Fezhə̀sè ə nə̀ è və zòmə̀.

Ŋwàʼlè ə̀ Pɔ̂l sê ghɨə Lûmghè 10:12

Pî nə zɨnə̀ nyì sê nâʼàpî ndè kûmə̀ nə sə nɨŋ va sê ghɨ ghɛ ə̀ nyì ghə Njûsghè, è ghɛ ə̀ vachi ghə Njûsghè. Zhə̀fè nyi Pɛ̂pɛ kè sê ghɨ ghəkɨ̂m, pɔsə̂ nâʼàpî ndè achûŋ vɛ ə è tɔŋə ndû sê Vəyn.

Ŋwàʼlè ə̀ Pɔ̂l sê ghɨə Lûmghè 3:4

E va zâ! Zhə̀fè nyîə zâŋsə̀ nə̂ èghɛ zɛ ə Fe nyi mə fə tsɨ̀nè, pi kə ghɨ msɔ̀ŋghe əkɨ̂m nyi əghɨ akaŋə. Ə nyàʼ ə ŋwàʼlè ə Fèzhə̀ nə, “Ə ò pì ghɛze, ghɨə kyi ndô se fe nə ghɛ zɛ ə ò pì nyì səmɔʼ. Ezhoghɛ ə saʼa gho, o saʼa endom vɛ ə ve nyi chichi.”

Ŋwàʼlè ə̀ Pɔ̂l sê ghɨə Lûmghè 16:26

Pîza, zôyn kə səmɔʼ nyi mə è zə fɨ pəyn ə ndayn tɔynə̂ əghɛ ghɛ ə fɨ̀aʼtèsè tè nyaʼ ə ŋwàʼlè ə Fèzhə̀. È tè nəyn nyiəmə kə ghɨə ndaʼà tekɨ̂m tə zɨ se vəyn. Zɨnə mə kyayn kə Zhə̀fè tè pi nə ze tə kyanə̀. Ə̀ nyi vəyn vɛ ə è nyì sə teshîŋə̀ tèkɨ̂m.

2 Kolìŋ 1:19

Kûmə̀ nə Njisə̀s Klâys, Va Fèzhə̀ vɛ ə Silàs tè ndàʼa tom kûmə̀ vəyn ə ghàyn ə fètəyn, è Timotì è ngɨŋ zɨ̂mè, vachi vɛ ə È pìə “Eyn” fɨnə pîə “Ngaŋ.” Səmɔʼ ətəyn nyi nə è pîə tsɛ̂ kə nə, Èyn.

1 Pità 1:21

Ə̀ nyi kûmə̀ Klâys nə vɨ̂yn ə ghàyn pomə sê Zhə̀ fɛ ə fe tè zômsè vəyn, ə ndə̀mə̀ vəyn elùʼ engaŋtəve, ghɛ ətəynze e nə̂, ghàyn e kyi èkyî epomə̂zè, è kɨsè kwaʼtè elɨmtəze sê Zhə̀fè.

1 Njɔyn 3:8

Pîza, nâʼàpî ndè vɛ ə è nə̀yn pi nyi vayn sê ndə̂plè, kûmə̀ nə ndə̂plè tè zhə̀te se nə̀yn ə pi kè ə zhə̀te ə̀ mbi. Ghɛ zɛ ə ze tè nəyn kə Vâ Fèzhə̀ pəyn tè nyì se pofsê ə tefɨaʼ tə ndə̂plètè.

Tom èchùŋ kè kə Lûk tè nyaʼ 20:44

Ə za tè se nyi mə Ndàfît nə̂ tɔŋtə̂ vəyn nə Pɛ̂pɛ, è və fɨyn nyi zàyn vayn sê Ndàfît ə?” (Matyò 23. 1-36; Mâk 12.38-40.)