1 Timotì 3:15 - Ŋwàʼlè ə̀ Fèzhə̀ Mkâyn Mə̂ Fèm

¹⁵ mə ghɛ nə̂yn nə m laynte, ə ŋwàʼlè zɨ̀nə tsamte kə ghàyn ke ndom vɛ ə ghàyn kàʼa ə ghàyn ə ndamə ə ndɛ ə̀ Fèzhə̀, mə za nyi ndɛ ə̀ Fèzhə̀ fɛ ə fe ndamə, ə̀ nyi àtɔ̂ʼ, è chi ə ndɛ kɛ ə ke tɔ̂ʼɔ̀ səmɔʼ.

1 Timotì 3:15 Referans Kwoze

1 Pità 2:5

Ghàyn pɔŋ nyi kepî kə əchi ghɛ ə ghe kyi ndamze. Ghàyn za ngɨŋ saynse kə ə nji ghàyn ə pɛ ndɛ ə̀ Fèzhə̀ ətəyn, mə ghàyn fɨaʼà kə əghɨ èkɔʼsə nə eshyə̀ ə ŋwaʼaghe, fo tèfo tɛ ə zuʼsə Fezhə̀ sè chiyntə nə ghənə ə fo mə Zhə̀fè nyîə fiə təynte kûmə̀ èghɛ zɛ ə Njisə̀s Klâys nyi mə È və nə̀yn.

1 Tèsàlonikà 1:9

Ghàs ə zɨ wâmnè zɛ ə ghənə wâmnə̀ kûmə̀ èndom echûŋ vɛ ə ghàyn tè fi ndzɨsê ghàs ətəyn kə ghàs mòtè pə̂yn ghàyn, è kɨsè kə ghàyn tè kwiyne sə chûmtə̀ èfɨaʼsè, sè chûmtə̀ Fezhə̀, ə Fezhə̀ fɛ ə Fe fo ndamze, fɨyn nyi səmɔʼ.

Ngàleshyà 2:9

Shîŋə̀ kɛ ə Njə̂m, pità è Njɔyn, ghɨ ghɛ ə tè fe sə etu, kə ghənə tè fe kê nə Zhə̀fè ə fo fɨaʼə m̀kɔʼnè kɨnə se mi, ghənə ə tɔŋtə̂ mi ghasè Pànapàs se tyə̀yn nə ghasè ghə̀ ghənə fɨaʼà sə eghɛ èmɔ̀ʼ. Ghâsè ghənə ə ke ndə̂m nə, ghàs nə ndàʼà tom èchùŋ sê ghɨ ghɛ ə̀ vachi ə̀ghɨ ə Njûsghè, ghənə e ndàʼà sê ghɨ Njûsə̀.

Ŋwàʼlè ə̀ Pɔ̂l sê ghɨə Lûmghè 3:2

Chùŋ ètsɨə nyîə nyi, zə shi e nyi nə ə̀ nyi ə ghənə əgho ə Zhə̀fè tè fo tom èchùŋ.

Matyò 16:16

Shimùyn Pità ə pìə nə, “Ò nyi vɛ ə chɔʼ ndə̂m, ə Va Fèzhə̀ fɛ ə fe ndamə.”

Ŋwàʼlè ə̀ Pɔ̂l sê ghɨə Lûmghè 9:26

Kèpi elùʼ nə vɛ mə ə m tè tsàyn sê ghənə ətəyn nə, ‘Ghàyn vachi ə̀ghɨ ghɨmə’, ə̀ nyì fumə m tə tɔŋtə ghənə nə ghənə nyi əghɔyn ghɨmə, əghɔ Fezhə̀ fɛ ə Fe fo ndamze.”

Ətefɨ̂aʼ 1:2

se zaʼâ kə Zhə̀fè tè nji Vəyn ekwùtwəyn. Tsɔ̀fə kə ə nji Vəyn ekwùtwəyn, Zuʼse Ŋwaʼase ə fo àtyaʼ, È və zaʼlə̂ ə̀ghɛ se ghɨ ghɛ ə È chɔʼte kə sechùmtè èpàm sə tom sə Vəynse kə ghənə nə̂.

Njɔyn 14:6

Njisə̀s ə pìə sê vəyn nə, “Ə̀ nyi mi ndom vɛ ə ve ndûə sê Pɨ̀a vɨ̂m, səmɔʼ ndô pə̂ sê Mi, ə̀ nyi Mi vɛ M fo ndame. Wùə vayn kàʼa è ndu sê Pɨ̀a vɨ̂m, ə va nə è tɔyne ə mi.

Matyò 18:18

M pîə sê ghàyn səmɔʼ nə, nâʼàpî ghè vɛ ə ghàyn pomə ə chi, ə pomə̂ ekwùtwəyn, ə fo àtyaʼ nâʼàpî sê ghè ə chi, ə fo kepî zamə ekwùtwəyn.

Etyə̂yn ə paynsêzè 7:2

Mə fɨnə fe tsì zhîzè è ze fɨə pə̂ apàs kɛ ə zhwize fɨə ətəyn è ze kyi àlɛ ə Fezhə̀ fɛ ə fe ndamə ə və̂ gho. È zə pɨa nâʼà è kyə̀ è tɛ se tsì sə Fezhə̀ sɛ sè kyàʼ ə Zhə̀fè fo tyaʼa sê səynse nə se pofse chike è kɨsè njwî ə fengwaŋ vɛ

Ipilù 12:22

Ghàyn ə pɨl pəyn etipìə pfɨyn ə̀ Zayɔ̀n, ə tɔ̂ŋ èghaʼâ ə̀ Fezhə̀ fɛ ə fe fo ndamze, mə za nyi Njèlusalɛ̀m èkwùtwəyn. Tsìsè kamse setsɨ̀ e nyi fu mə sə zùŋtè saŋnə̂.

Ipilù 3:12

Ghàyn tɔʼne ə ghɔ nyîə se fe nə kə wùə ə ghàyn ə fètəyn nə kyî ətəm əpiə è tàʼa pomə̂, ə è tə kɛsê epàm ə̂ Fèzhə̀ fɛ ə fe kyi ndamze.

1 Timotì 6:16

Ə̀ nyì ke Vəyn vɛ ə è tə kwuə va, È ndamə epayn zɛ ə wùə vîvè vayn kàʼa è kɨŋte etipìə təyn. Wùə vîvè paʼà tyəmə̂ fe Vəyn. E saʼa mbi zɨ̀yn nâʼà è tyaʼa sə teshìŋə̀ tekɨ̂m! Ə zə nyi ke zamə.

1 Timotì 4:10

Kûmə̀ èpî nə zɨnə mə, ghàs nyîə fɨaʼà sə ŋaŋ se nə̀yn ə zɨnə mə kûmə̀ nə ghàs samsə̂ ndò ə Fezhə̀ fɛ ə fe ndamə səmɔʼ, nyi sɔ̀zà ə̀ghɨ̀ ə̀kɨ̂m, ə̀ paynse nyi ə̀ghɨ ghɛ ə nyi mə ə pomə̂ sê vəyn.

1 Timotì 3:16

Wùə vîvè vayn kwiynsê nə pomə ə ghasènìze nyîə kyi èghɛ e ndətəze, ze ghaʼa kə nyi: Klâys ə tə pə̀yn sə wûə m̀sɔ̀ŋ, Zuʼse Ŋwaʼase ə tyə̀nə̀ nə è nyi va Fèzhə̀, tsìsè ə fe vəyn, ə tə ndàʼà tom kûmə̀ vəyn ə tèndâʼà tèkɨ̂m, ghɨghe ə pomə se vəyn ə telùʼ tekɨ̂m ə mbi, Zhə̀fè ə njìə kɔʼsə̂ vəyn ekwùtwəyn.

1 Timotì 3:2

Wùə è chisə ə ndɛ ə̀ Fèzhə̀ kyi sə̂ nyi wùə mə ə chîə ngaynə̂ va vəyn, è kyi sə̂ kyi ke wùzhɔyn emɔ̀ʼ, nə̂ va ghɛghe tsɨ̂ə tsɛ àndiŋ, nyi kàʼa è kyi ngɨŋə̂ vəyn, ngɨmnə̂ ngɨŋ ə vəyn, tɔ̂ʼnə̀ è ghɨ ə motə pə, fɨyn ke sə zaʼlə̂ nâʼà àchûŋ,

Kòlosè 1:5

Ghàs ke ndô nə ghàyn nə̀ zamə kûmə̀ nə, ghàyn kwàʼtə̀ ndò ə ghàyn ətəm nə ghàyn tə kyîə ndò pɔsê zɛ ə Zhə̀fè tè ndə̀m sê ghàyn ekwùtwəyn. Ghàyn ə tə kàynè zɨ ghɛghe kûmə̀ èpɔsê nə zɛ mə, kə tè ndàʼa tom èchùŋ, è səmɔʼ sê ghàyn sə shi.

Ɛfesùs 4:21

E nyi ke nâʼà səmɔʼ nə ghàyn ə tè zɨ ghɛ kûmə̀ vəyn, e fɨnə zaʼlə ghàyn è ghɛ ghɛ ə ghe nyi səmɔʼ kûmə̀ Njisə̀s.

Ngàleshyà 3:1

Ngôə ghɨə Ngàleshyà vɨ̀nə! Ə lɔʼ ndô ghàyn nə? Piə ə tə fɛte tyə̀yn mɨsè se ghàyn kə ə tè paynte Njisə̀s Klâys ə awâmnè ə?

2 Kolìŋ 6:16

Ghɨə pomə nyi kə ndɛ ètsə̀mə ə̀ Fèzhə̀ mə ghənə vayn kàʼa kyi èghɛ se tsɨ̀yntə nə̀yn yîghə̀ fɨ̂aʼsèvè. Ghàyn e ke nə ghâsènì nyi ndɛ̂ ètsə̀mə ə Fèzhə̀ fɛ ə Fe ndamə, kè eghɨ kə È tè pi nə: “M nə̀ nə̂ eluʼ vɨmve ndaməve ə ghənə əfètəyn, ə m mə ndamə ə ghənə ə fètəyn; ə m mə nyi Fèzhə̀ fə ghənə̂fè, ghənə e nyi ə̀ghɨ ghɨmə.”

Ətefɨ̂aʼ 14:15

“Kûmə̀ ghè ə ghàyn nə̀ ghɛ zɨ̀nə? Ghàs nyi ə̀ghɨ, kèpi kə ghàyn. Ghàs pə̀ è tom èchùŋ sê ghàyn se nə̀yn nə ghàyn za zhə̀ mə àkaŋ mɨ̂yn ə kɛse pəyn sê Zhə̀ fɛ ə fe ndamə, ə̀ nyi Fèzhə̀ fɛ ə fe pom wuləke è chike, è njwî ə fengwaŋve è pî àkè kɛ ə ke nyi ətəyn.

Njɔyn 6:69

Mə zôyn, ghàs pomə̂ ndò ke nə ə̀ nyì ghô wùə è Ŋwaʼa vɛ ə è ndò pə̂yn sê Zhə̀fè.”

Njɔyn 1:17

Zhə̀fè tè fo alâŋ tɔynə̂ ə Mosîs, pîza fùʼkè è səmɔʼ ə pə̀ tɔynə̂ ə Njisə̀s Klâys.

Ipilù 9:14

Ə ndəm mə sènyàmə̀m tè kàʼa m̀ mə kyi atyaʼ nyî, ə mə Klâysə̀m ə kyî tayn zàyn zə? Tɔynə̂ ə Sezuʼ sɛ ə se nyi sə teshìŋə̀ tèkɨ̂m, è və tə fo ngɨŋ ə vəyn sê Zhə̀fè sə efo, ze kyi va tsase. È tè nəyn nyi kə təm ə ghasènìghe ə saʼa va ghâsènì kûmə̀ èlwɔ̂ŋ vɛ ə ghɨə chumtə̀ mə ve kyi va tsâmtè zhîze, endom nə vɨnə, ə ghâsènì ə kɔʼsə̂ Fèzhə̀ fɛ ə fe ndamə.

2 Timotì 2:20

Ə fètə̂ ndɛ è ghaʼâ, kwaŋve nə ve nyi ndò, kwaŋ ə lɔpàvè e nyi ə tekyì ə tekyì. Vîve nyi mə ə fɛte è ngôl, vîve nyi mə ə fɛte è silvà, è vîve mə ə tsɨ è kàʼm̀, è vîve mə ə pom è chaʼe. Vîve nyi mə ə fɨaʼà kə ətəyn ə kàyntè mtuʼ me ghaʼâm, Vîve nyi mə ə fɨaʼà ətəyn nâʼàpî zɨ̂yn zə.

1 Timotì 3:5

Ə wùə nyiə se nyi ndɔʼɔ è ke se kyî əghɨ ə və apɨəyn, ə e və ke zàyn se kyiə ndɛ̂ Fèzhə̀ ə?

2 Kolìŋ 6:7

Zhə̀fè ə fo tyaʼa sê ghàs, ghàs e ndàʼà kə èghɛ zɛ ə ze nyi səmɔʼ sê ghɨghe. Fɨa eghɔ̀ŋ vɛ ə ghàs nô è vəyn fɨnə kɨ̂ŋtə̀ sèngɨŋ sasse ətəyn nyi tendom tə chichite.

2 Kolìŋ 3:3

E lote nyi ə ndayn nə ə̀ tè nyaʼ Klâys è ŋwàʼlè zɨ̀yn ə tomə tɔynə̂ ə ghàs. Ə paʼà nyàʼ chi zɨ̂ynzè è chaŋə̀ ə ŋwàʼlèkè pîza è Zuʼsə Fezhə̀ Fɛ ə Fe ndamə, ə tàʼa nyaʼâ chì etûə ə̀ chi pîza ə ghɨghe ətəm.

Njɔyn 18:37

Paylɛ̀t ə pfɨfə sê Vəyn nə, “Piə e za tyə̀nə̀ nə ò nyi fɔ̀yn ə?” Njisə̀s ə pə̀ynsə̀ nə, “Ə̀ pì ghô nə M nyi fɔ̀yn. Ə tè piə Mi nə M pəyn ə mbi, kə Mə nyi tsɛ̀ èsaʼ səmɔʼ. Naʼapî ndè vɛ ə è nyi wùə ə̀ səmɔʼ nyîə zɨə sê Mi.”

1 Kɔlìŋ 3:16

Ghàyn keva nə ghàyn nyì ke kə ndɛ ètsə̀mə mə ə̀ kyi Fezhə̀ ə, Zuʼse ə Fezhə̀sè e ndamə ə ghàyn ewìyn ə?

1 Kɔlìŋ 10:32

Ghàyn e ndamə endom kə ve vayn pə̀yn è tsôsvè sê wùə vîvè kɨ̀sə ə̀ nyi əghɨ Njûsə̀, kɨ̀sə ə ghɨ ghɛ ə̀ va əghɨ ə Njûsghè kɨ̀sə əghɨ ə poməghe.

1 Timotì 3:14

M nyâʼà ŋwàʼlè zɨnə sê ghò, kyi ke nâʼà èkwâʼtè nə m nə̀ nyɨŋə pə̂ fe ndò ghò,

2 Timotì 2:19

Pîza ze tɛ se nə̀ʼsè achi ə ndɛ kɛ ə Zhə̀fè se nyi mə Fə ndə̀m, ə nyàʼà etûə ə̀təyn nə, “Pɛ̂pɛ nyîə ke ə̀ghɨ ghɛ ə̀ nyì ghə və, mə nâʼà ə̀ghɨ ə̀kɨ̂m ghɛ ə pîə nə ə nyi sê Pɛ̂pɛ, kyi se kə̀mnè epàmə ə̀ghɛ ə piə.”

Ipilù 10:21

Ghâsènì kyi wùə èkɔʼsə nə èshyə̀ èghaʼâ, è naynə̂ nâʼàpî ghè ə ndɛ̂ Fèzhə̀.

1 Pità 4:17

E nyi nyiə kûmə̀ nə shîŋə̀kè ə kwəyn kə Zhə̀fè saʼ mbi, È ve nyi se zhə̀tə̀ è ghɨ vəynghe. Mə ə fe zhə̀tè se saʼ ə ghâsènì sə shi, ə ze tə pəyn ə ze ə nyi zàyn sê ghɨ ghɛ ə ghe tàʼa pomə̂ ə tom èchùŋ zɛ ə è ndò sê Zhə̀fè ə?