1 Timotì 2:15 - Ŋwàʼlè ə̀ Fèzhə̀ Mkâyn Mə̂ Fèm

¹⁵ Pîza Zhə̀fè tə sɔza nâʼàpî wùzhɔyn èkwə̀ tɔynə̂ apiə ə ghɔynke, ashìŋə̀ kɛ è kol təmə ə faŋa tɛ kə ndò ə vəyn ekyî epomə̂zè, fɨnə kɔ̂ŋɔ̀ ə̀ghɨ mɔʼɔghe, fɨnə ndamə èndam zɛ ə ze nyi èŋwaʼze, nə̂ va ghɛ nə ghɨ̂yn endom kə shi əghɨ̀ghe ə nyi ke ə vəyn ewìyn.

1 Timotì 2:15 Referans Kwoze

Taytùs 2:12

Ə̀ nyi afùʼ ə Fèzhə̀ nə kɨ̂yn ə ke zaʼlə ghâsènì nə ə maʼa ndam zɛ ə ndamə mə ə ke va Zhə̀fè chûmtə̀ èfɨa ə mbive. Ghâsènì kyi se ndam famə ə mbi èpi nyi ètɔf eghaʼâzè, nyi chichi, nə̂ èghɛ zɛ ə Zhə̀fè kyiŋə

1 Pità 4:7

Ghɛghe əkɨ̂m fa mbi zo paʼsə̀ pə̀ se mì, zamə ghàyn e fɛtə̂ kyîə sèngɨŋ saynse, nyi èpfɨ̂tə̀zè kə ghàyn kàʼa tsə̂mə̀.

1 Timotì 1:5

M pìə èghɛ nə zɨ̂yn sê ghò kûmə̀ nə m kyiŋə nə ghɨə pomə ə kyi èkɔ̂ŋ zɛ ə ze fɨ ə təm ə zoghe, mə təm ə ghənə̂ghè saʼa va ghənə fɨyn kyi èkyî èpomə zɛ ə ze nyi səmɔʼ.

1 Timotì 2:9

M kyiŋə kəpî nə kə zəynghe ə lafə tsɨ̂ə tsɛ àndiŋ kɛ ə ghənə kyi sə̂ lafə ətəyn, endom vɛ ə ve fo va ngəʼ ə ghɨghe əshi. Ghənə kyi se laf endom vɛ ə ghɨghe əkɨ̂m fe nə ə̀ nyi endom echûŋvè. Kə ghənə ə ndəmə tsɛsə tyalze ə ghənə atu, kə ghənə ə chiŋə chaʼse mə ə fɛte è ngôl, è fɨate nyaynəte mə ə fɛte è pə̂l, kə ghənə maʼà tsɛsə̀ sèndzɨs sə ekɛ etɛse

Tom èchùŋ kè kə Lûk tè nyaʼ 2:7

È və pîə va vəyn və̂ ngɔ̀yn, ə nyi vâyn ndômə̀, ə ngolə̂ vəyn ə èpɨ̂aŋ ə sendzɨse ə nyɨ̀ŋsə̀ vəyn ə ngwùʼ zɛ ə nyamse tè zhiə ətəyn kûmə̀ nə luʼe tè kɛse va ə ndɛ zɛ ə ghɨ kwiə tè pə̀ ndamtə̂ ətəyn.

1 Timotì 1:14

Pɛ̂pɛ ə ghâsènì tè nyîə kyi ə̀təm ə chûŋə̀ sê mi. È və tə nə̀yn kepî nə m pomə sê vəyn è kɨsè sə kɔ̂ŋə̀ ə̀ghɨ ə mɔ̀ʼɔghe kûmə̀ nə m tè nyì sə afɨa àmɔ̀ʼ ghasè Klâys Njisə̀s.

1 Kɔlìŋ 12:23

Pɨas ewìyn vɛ ə ghâsènì kwàʼtə̀ nə ve fɛte kiva m̀kɔʼnè pɨl nyi vɛ ə ghâsènì fɛtə fo kɔʼsêzè sê vəynve, mə pɨ̂as ewìyn vɛ ə ve nyə̂lə̀ kyâʼà nyi vɛ ə fɛtə tɔ̂ʼnə̀ è vəynve,