1 Timotì 2:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ Ə ghənə pɨlə fɛtə̂ sengɨŋ sə ghənə̂sè è ghɛ ə chûŋ ghɛ ə ghənə nə̂, kûmə̀ nə ə̀ nyi eghɛ echûŋzè se zəyn ghɛ ə nyi mə ə pomə Zhə̀fè sə̂ nə̂.

1 Timotì 2:10 Referans Kwoze

1 Pità 2:12

Ghàyn e ndamə tèndam techûŋtè kə ghɨ ghɛ ə ghàyn ndamə ə ghənə fètəyn, ghənə e ke va Zhə̀fè nə kaŋa ghâmə̀ pî ghàyn, ə ghənə tə fe kê ə̀ghɛ ghayn ghe chûŋghè ə fetuʼ fɛ ə Zhə̀fè tə kɛsə pə̂ se saʼ, ə ghənə ə tsîtə̀ Fèzhə̀.

Etyə̂yn ə paynsêzè 2:19

M nyiə ke ə̀ghɛ ghɛ ə ò nyi mə o nə̀ynə gho tefɨ̀aʼ. M nyiə ke èkɔ̂ŋ zɛ ə o kyi, è ndom vɛ ə ò fɨ̀aʼà è təm ghɛghe əkɨ̂m, è kɨsè təm ə kolə ghɛ ə ò kyi ə ghò efɨ̀aʼ. M nə̂ ke nə ò nyîə fɨaʼà zôyn tsɛ̂ kə ò tè fɨ̀aʼa sə shi.

Ətefɨ̂aʼ 9:36

Ə̀ tè nyi ə Njopà, wùzhɔyn e pomə vîvè e nyi fu, zə vəynze e nyi Tàpità. (Tàpità ewàmnè ə Nglêkzè nyi nə Ndokàs mə ze za tyə̀nə̀ nə fechwi) È tè ndamə nə̂ kə ə̀ghɛ əchûŋə̀ shîŋə̀ tekɨ̂m fɨnə fo ètsâmtè sê ghɨ afɨfə.

2 Pità 3:11

Kə se nyi se tə pofsê efɨa èkɨ̂m fa endom, ghàyn kyi sə̂ nyi èkyì əghɨ̀ ə̀kè? Ndam taynte kyi sə̂ nyi èŋwaʼze, mə ghàyn ə fo təynte sê Zhə̀fè,

Taytùs 3:8

Ghɛ zɨnə m nyi mə mə wàmnè nyì səmɔʼ. M kyiŋə nə ò tɛ faŋ ke famə ezaʼlê, kə nâʼà ə̀ghɨ ə̀kɨ̂m ghɛ ə ghe nyi mə ə pomə sè Zhə̀fè, fo ngɨŋ sə ghənə̂sè sə̂ nə̀ chùŋ. Zaʼlê nə tɨ̂nə̀ nyi achûŋ tsâmtə̀ nâʼàpî ndè.

Ɛfesùs 2:10

Ghâsènì nyi efɨaʼ ə Fezhə̀ zə ghoze. Fe fɛtə̂ ghâsènì tɔynə̂ ə Klâys Njisə̀s nə ghâsènì nə ndamə èndam echûŋ zɛ ə è tè se nyi mə è və tè pɨaʼtê ndəm nə ghâsènì ə ndamə.

Taytùs 2:14

È və tə fo ngɨŋ ə vəyn se sɔ̀sè ghâsènì ə sepi sekɨ̂m, se fɨnə nə̀yn nə ghâsènì zo kwəyne sə̂ nyi ə̀ghɨ vəyn ghə ngɨŋghe, mə ə fo ngɨŋ sə ghənə̂sè sə̂ nə̂ èfɨaʼ echûŋzè.

Ətefɨ̂aʼ 9:39

Pità ə pɨaʼtə̂ ə ndùə yighə̀ ghənə, ə pə̀ kə è ndù tâyn fumə, ghənə ə njìə kɔʼɔ è vəyn ə lûm ə̀ ndɛ èkwùtwəyn. Zhwiə kwuə nâʼà ə̀kɨ̂m fu ə zùŋtə̀ ka ə və ngwùŋ, chîə tyə̂yntə̀ sendzɨs sə ghənə̂sè, è laf əmɔ̀ʼɔ vɛ ə Ndokàs tè tàsə sê ghənə kə è tè pa nyi ètwɔ.

1 Timotì 2:9

M kyiŋə kəpî nə kə zəynghe ə lafə tsɨ̂ə tsɛ àndiŋ kɛ ə ghənə kyi sə̂ lafə ətəyn, endom vɛ ə ve fo va ngəʼ ə ghɨghe əshi. Ghənə kyi se laf endom vɛ ə ghɨghe əkɨ̂m fe nə ə̀ nyi endom echûŋvè. Kə ghənə ə ndəmə tsɛsə tyalze ə ghənə atu, kə ghənə ə chiŋə chaʼse mə ə fɛte è ngôl, è fɨate nyaynəte mə ə fɛte è pə̂l, kə ghənə maʼà tsɛsə̀ sèndzɨs sə ekɛ etɛse

1 Timotì 2:11

Zənə kyi sə̂ zɨtə̂ ə̀ghɛ ghɛ ə zaʼlə sê ghənə kè àkyi àkyi, è ngɨmnêzè.