1 Timotì 1:20 - Ŋwàʼlè ə̀ Fèzhə̀ Mkâyn Mə̂ Fèm

²⁰ Ɛmenìyùs è Àlɛ̀ksandà nyi əghɨ mɔ̀ʼɔ əfètə̂ ə̀ghɨ̀ nə ghɨ̂yn. M nyi mə mə fo ghənə sê Satàyn nə è fo tsôsvè sê ghənə kə ghənə zaʼle tɔfe ə fɨnə sôylə̀ va Zhə̀fè.

1 Timotì 1:20 Referans Kwoze

2 Timotì 2:17

Kyì ezaʼlê nə zɨnə nyì ke kə achì, ə ke kwɨlə njà èwìyn, zomə va. Ghɨghe ə pɛ̀ ghɛ ghe zaʼlə kyì ezaʼlê nə zɨnə mə nyi Ɛmenìyùs yî Fìlitùs.

1 Kɔlìŋ 11:32

Pîza Pɛ̂pɛ saʼa è və pɔynsə̂ ghâsènì kə shîŋə̀kè tə pəyn ə è tàʼa tsɨ̀yntə pofsə ghâsènì paʼsə̂ kə è mbi.

2 Tèsàlonikà 3:15

Pîza kə ghàyn ə nə ghɛ sê ghənə nyiə kə ghàyn nə̂ sê pàyn zâynzè, ghàyn e pɨlə fo fɨ̀as sê ghənə kè nâʼà kə ghàyn fo sê ghɔnyì ghaynghe.

Etyə̂yn ə paynsêzè 3:19

M zɔ̂ se ghɨ ghɛ ə m kɔ̂ŋə̀ fɨnə pɔynsə̂ ə̀ghɨ ghɛ ə m kɔ̂ŋə̀ ghənə. Ndwìse wiynve ə kwiynə̂ ə̀təm ghɛghe pighe.

Ətefɨ̂aʼ 19:33

Ghɨ yîghe ə kwùŋsə̀ kə nə ə̀ nəyn Àlɛ̀ksandà kə ghɨə Njûsə̀ tè nəyn nə è ndu əshi. Àlɛ̀ksandà ə ndwisə̀ àgho se nə̀yn nə ghɨ kɨme ə zhə̀tə̀ se wàmnè se tyə̀yn nə ə̀ pâʼà nə̀yn chi zhi.

Etyə̂yn ə paynsêzè 13:1

Mə ke fe nyàm èpamə è fɨə kɔʼɔ pə̂ enjwì ə fengwaŋve. È tè kyi sendɔŋ sèghɨm, è tuve esɛ̀mbɛ. Nâʼàpî ndɔŋ èkè tè nyiə kyi àfɔ ə te fɔ̀ynkè, nâʼàpî atu àkè e kyi èzə ze sôylə̀ Fèzhə̀.

2 Timotì 3:2

Ghɨ tə nə̂ ə muə, kɔ̂ŋɔ̀ èkɛ nâʼà àpi, pfɨnə̀ àngàŋtè, ghaŋsə̂ èwiyn, sôylə̀ ə̀ghɨ fɨnə tɛ ètuke sê pɨ̀a ə ghənə̂ghè è nyì ə ghənə̂ghè. Ghənə tə nə̂ ə fo va zɔ̀ŋnèkè sê wùə kûmə̀ nâʼà èghɛ e tətə̂ zhîze kə wùə nə̀yn sê ghənə, kyi va luʼve sê Zhə̀fè ə ghənə ətəm.

2 Timotì 2:14

Pɨ̀əyte ghɨ ghɛghe è ghɛ zɨ̀nə̀, ə fo fɨ̀as se ghənə ə Zhə̀fè əshi nə kə ghənə ə pîə ə̀ghɛ saʼnə̂. Zɨnə mə nə̂ va tsâmtè zhîze, pîza ze pɨlə pofsə̂ kə ə̀ghɨ ghɛ ə zɨtə saʼnê ətəynze.

2 Kolìŋ 10:6

Ə ghàyn tyə̂yn sê ghàs nə ghàyn sè zɨə ndò ghɛ, ə ghàs ke fo ètsôs sê ghɨ ghɛ ə ghe zɨə va ghɛghe ə ghàyn əfètəyn.

Ətefɨ̂aʼ 13:45

Pîza ghɨ Njûs yîghe ə fe kə nɔ̂yn ətəynke tè tsɨ̀ə, ghə̀ʼkè ə kyîə ghənə nâʼà sə ŋaŋ. Nâʼàpî èghɛ èkɛ zɛ ə Pɔ̂l tè pìə, ghənə e piə kə nə ə̀ nyi akaŋ, pîə ə̀ghɛ epighe ə vəyn wìyn.

2 Kolìŋ 13:10

M nyâʼà ŋwàʼlè zɨ̀yn nə è pəyn sê ghàyn sə shi tsɔ̀fə kə m pəyn, kə m tə piə pə̂ ndò mə ghàyn ə kwiynê kə m tàʼa zɔ̀ ghàyn sə ŋaŋ è tyaʼ kɛ ə Pɛ̂pɛ fo se mi; atyaʼ kɛ ə ke nyi se nə̀yn nə pomə̂ zaynze ə ndəmə̂, ə̀ vachi se pofsê epomə̂ zaynze.

Matyò 18:17

Mə è tàʼa zɨtê sê ghənə, o njìə ndûə è vəyn sê ghɨ ə ndɛ ə̀ Fèzhə̀ghè. Mə è tàʼa pa zɨtê sê ghɨghe ə ndɛ ə Fèzhə̀, o njìə vəyn kə wùə vɛ ə è tàʼa tyəmə kê Fezhə̀, pî kə wùə ètənə nə̂ sètaks.

1 Timotì 5:15

M pìə nyi kûmə̀ nə ngɔ̀yn sə zhwiə kwu shîse se nyi mə sə zàmaʼà sə̂ zɨə èghɛ zɛ ə Zhə̀fè pìə, pɨlə zɨə kə èghɛ zɛ ə satàyn pìə.

Ipilù 12:5

Kə ghàyn lɛse wàmnè zɛ ə Zhə̀fè tè wàmne se tɨ̀msə ghàyn kə əghɔ vəynghe. Wâmnè ətəyn tè nyi nə: “Vayn vɨ̂m, ə Pɛ̂pɛ piə ə è chwìtə̀ ghò, ò tɔ̀ʼɔ̀ zɨtə̂. Ə è piə pusə ghò kə Pɛ̂, kə ò zɨə àpi,