1 Timotì 1:17 - Ŋwàʼlè ə̀ Fèzhə̀ Mkâyn Mə̂ Fèm

¹⁷ Ghàs tsə̂mə̀ nə ə fɔ̀yn vɛ ə è saʼa se zaʼâ kə mbi tə mi, ə vɛ è kyi ndam zɛ ə ze tə mîə va, e vayn kaʼa fe vəyn, mə ə̀ nyì ke vəyn Zhə̀fè, kyi sə̂ kyi èkɔʼsê è kɨsè pomsêzè sə teshìŋə̀ tèkɨ̂m. Ə zə nyi ke zamə.

1 Timotì 1:17 Referans Kwoze

Njût 1:25

Ə pomsêzè ekɨ̂m ə nyi sê vəyn vɛ ə̀ nyì ke vəyn Zhə̀fè, ə vəyn vɛ ə è nyi sɔ̀zà ə̀ ghâsènì tɔynə̂ ə Njisə̀s Klâys Pɛ̂pɛ ə̀ ghâsènì. Zhə̀fè tè kyi epomsê, è ghaʼze, è tyaʼke. È tè saʼa è tyaʼ eghaʼâkè tsɔ̀fə kə ə se pomə mbi, è pa nyi ke zamə, nyi se faŋ sə̂ nyi ke zamə nâʼà kə ghè tə ghayn. Ə ze ə nyi ke zamə.

Etyə̂yn ə paynsêzè 19:1

Epàm ətəyn, mə zɨə kyə̀ è kô kə anɔ̂yn əghɨ̀kè awulə, è ze pîə nə, “Tsɨ̀tèzè nyì sê Zhə̀fè kûmə̀ nə Sɔzaze, è pomsêzè, è tyaʼke nyi sê Zhə̀fè ghasènìfe.”

Etyə̂yn ə paynsêzè 17:14

Ghənə tə səʼə̀ àngyə̀s sê Va Ndzè, ə Va Ndzè no zhi ghənə kûmə̀ nə è nyi Pɛ̂pɛ sê ghə Pɛ̂pɛ əkɨ̂m, fɨyn nyi Fɔ̀yn se fɔ̂yntè kè tekɨ̂m, è nyi yî ghə̀ ghɨ vəyn ghɛ ə Zhə̀fè nyi mə fe ə tɔŋə̂, ə chɔʼɔ, ghənə e chûmtə̀ vəyn è təm ə ghənə̂ghè əkɨ̂m.”

Kòlosè 1:15

Wùə vîvè paʼà tyəmə̂ fe Fèzhə̀ è shiə vəynghe. Pîza ghɨghə tə ke Zhə̀fè kə ghənə tè fe Klâys kûmə̀ nə è nyi afusè ə Fezhə̀kè.

Etyə̂yn ə paynsêzè 19:16

Ə̀ tè nyi mə ə nyàʼ zəze apàs ə fepfɨ̀ kɛ ə ke tè kɨytə pî ə vəynke nə, “Fɔ̀yn sê fɔ̂yntè, è Pɛ̂pɛ sê Pɛ̂pɛse.”

Ŋwàʼlè ə̀ Pɔ̂l sê ghɨə Lûmghè 1:23

Ghənə tə se ngɨmnê ə Fezhə̀ fɛ ə Fe nyi sə teshɨ̀ŋə̀ tèkɨ̂m. Ghənə pɨlə ngɨmnə̂ èfɨa mə ghɨ fɛtə̂ ègho ə ghənə̂ghè, ve fusə̂ è fɨa vɛ ə ve kwuə. Fɨa ətəynve kyaʼà kə, əghɨ msɔ̀ŋghe, kə mnɨŋ, kə senyam è kɨsè kə sezhò.

Etyə̂yn ə paynsêzè 19:6

Mə zɨə àfɨa ke kûmə̀ kə anɔ̂yn, kô kə epɨ̂apɨa, è kɨsè kə eghol epɨatəze, pɨa pîə nə, “Tsɨ̂tèzè nyì sê Zhə̀fè! Kûmə̀ nə Pɛ̂pɛ, Pɛ̀ àtyaʼ akɨ̂m Zhə̀fè ghasènìfe nyi fɔ̀yn!

1 Njɔyn 4:12

Wùə pâʼà tyəmə̂ fe Fèzhə̀, pîza mə ghâsènì kɔ̀ŋɔ̀ ngɨŋ sə ghasènìse, ə Zhə̀fè ə nyi sə afɨa àmɔ̀ʼ ghasènyìə ghə ghənə, kɔ̂ŋ ə Vəynze e nyi mə zə lwiyn ə ghâsènì endam.

Njɔyn 1:18

Wùə pâʼà tyəm fe Zhə̀fè. Ə̀ nyì ke Vayn emɔ̀ʼ vɛ ə è tè nyi kepî kə Fezhə̀, mə È nyi ə Pɨ̀a etipì. Ə̀ nyì ke Vəyn vɛ ə è nyi mə è və fe Zhə̀fè. È və nə̀yn nə ə ke Fèzhə̀.

Matyò 6:13

Kə ò zâ nə ghàs pfɨə nji emɔ̀m pîza kɨ̀ŋte ghàs sê satàyn.

Etyə̂yn ə paynsêzè 15:3

zhəmə sènjàŋ sə Mosîsè, ə wùə èfɨaʼa ə̀ Fèzhə̀, è njàŋ sə Vâ Ndzèsè piə nə: “Pɛ̂pɛ Zhə̀fè, Pɛ̀ etwɔʼ ekɨ̂m. Ò nə̀ əghɛ ə ghaʼâ ə kayntəghe! Ò nyi fɔ̀yn se mbi èkɨ̂m. Ndom tɛte nyi chichi fɨyn nyi səmɔʼ!

Etyə̂yn ə paynsêzè 7:12

pìə nə, “Ə zə nyi ke zamə, ə tsîtèzè, è pɔmsê, è tɔf eghaʼâzè, è zɔ̀ŋnèkè ə foke, è kɔʼsêzè, tyaʼke, è tyaʼ ewìynke, nyi sê Zhə̀fè ghasènìfe nâʼà kə ghè tə ghayn, ə ze ə nyi ke zamə.”

2 Pità 3:18

Pîza ghàyn e ndəmə̂ ndûə kə èshike ə afùʼ, è tɔf ə Pɛ̂pɛze è sɔ̀zà ə̀ ghâsènì Njisə̀s Klâys. Ə pomsêzè ə nyi sê vəyn zôyn, è kɨsè sə teshìŋə̀ tèkɨ̂m! Ə ze ə nyi ke zamə.

1 Pità 5:11

Ə tyaʼke ə nyi sê vəyn sə teshìŋə̀ tèkɨ̂m. Ə ze ə nyi ke zamə.

Ipilù 11:27

Ə̀ tè nəyn ekyî epomə̂zè nə Mosîs tə ndo endaʼ ə Enjìpzè, fànə̀ va nə fɔ̀yn nə̀ nyɔ̂ʼsə̀ ètɔŋ. Fɔ̀yn ə tə nyɔ̂ʼsè tɔŋve sê vəyn pîza è və tàʼa fayn ndùə kə ndò, kûmə̀ nə è tè nyîə fe Fèzhə̀ mə wùə vayn kaʼa è fe.

Ŋwàʼlè ə̀ Pɔ̂l sê ghɨə Lûmghè 16:27

Ə̀ nyì ke Fèzhə̀ fəynfe nɨŋ ə fe kyi tɔf tekɨ̂m. Ə ghâsènì pomse fəynfe kûmə̀ èghɛ zɛ ə Njisə̀s Klâys nə̀yn, sə te shîŋə̀ tèkɨ̂m. Ə zə nyi ke zamə.

Ŋwàʼlè ə̀ Pɔ̂l sê ghɨə Lûmghè 11:36

Ə̀ fɛtə̂ Fèzhə̀ fɨave e kɨ̂m, fɨa ətəyn ve nyi kûmə̀ nə Fe kɔ̂ŋɔ̀ nə ve ə nyi, ə̀ kyi vəyn è fɨa ətəynve ekɨ̂m. Pomsêzè nyì se Zhə̀fè sə teshìŋə̀ tèkɨ̂m. Ə ze ə nyi ke zamə.

Ŋwàʼlè ə̀ Pɔ̂l sê ghɨə Lûmghè 2:7

Ghɨə mɔ̀ʼɔ ghə kol təmə ə faŋə nə̂ ndûə kə əghɛ əchûŋghè, kyiŋə epomsê, è kɔʼsêzè. Ghənə tə kyîə èndam zɛ ə ze tə mìə va. Zhə̀fè tə fo èndam zɛ ə ze tə mîə va se kyì əghɨ̀ nə ghɨ̂yn.

Ŋwàʼlè ə̀ Pɔ̂l sê ghɨə Lûmghè 1:20

Ə zhə̀te kə Zhə̀fè tè pom mbi, fɨa vɛ ə è tè pom, ve tyə̂nə̀ ndò se ghɨə nâʼà àchûŋ nə, fɨa ə Fezhə̀ vɛ ə ghɨə nyi ndɔ̀ʼɔ fe, nə ve nyi ndô səmɔʼ. E chwîtə̀ kəpî nə tyaʼa vəynke nyîə tsɨ̂ə tsɛ̂ ə̀ghɛ ə̀kɨ̂m mə ke vayn tə mì. Zɨnə mə chwîtə̀ nə ghənə kiva ghɛ zhîze se pì kə kaʼa lɛse fo ghənə

Matyò 28:20

Ghàyn zaʼle kepî ghənə nə ghənə chûmtə̀ nâʼà ə̀ghɛ ə̀kɨ̂m ghɛ m pî nə ghâyn ə nə̂. Ghàyn e ke nə m nə nyi ghasè nyì shîŋə̀ tekɨ̂m, se zaʼâ kə mbi tə mi.”

Matyò 25:34

Ə Fɔ̀yn ke pì sê ghɨ chichighe ə vəyn ekɔyn twɔve nə, ‘Ghàyn pəyn, ə ghàyn ghɨnə ə Pɨ̀a vɨm pɔse nyi! ghàyn nji pəyn ə kyi pɔsə efɔ̀yn ə Fezhə̀ vɛ ə nyi mə ə pɨaʼtê se ghàyn nâʼà kə tè pom mbi.

Njɔyn 5:44

Ghàyn kɔ̂ŋɔ̀ sə̂ fiə ètsîtè sê ngɨŋ saynse, pîza kɔŋə̀ va se fiə etsîtè sê Vɛ È nyì və̂yn mɔ̀ʼ, nyi Fèzhə̀, ə ghàyn ə nyi kàʼa pomə zayn sê Mi ə?

Ŋwàʼlè ə̀ Pɔ̂l sê ghɨə Lûmghè 2:10

Pîza ghàyn e ke nə Zhə̀fè tə tɔʼə̀ va wùə vîvè, maʼtə̀ nâʼàpî ndè endom əghɛ Sezuʼ se Ŋwaʼase vɛ ə è nə̀ ghɛ ə chûŋghè. È tə nə̂ zɨnə mə sê ghɨ Njûsghè kûmə̀ nə Zhə̀fè ə tə chɔʼ ghənə nə ə nyi kàyntè ə̀ghɨ ə Vəynghe, pîza ə È nəyn kepî se ghɨ ghɛ ə va əghɨ ə Njûsghè.

Ipilù 2:7

Ò tè pom vəyn ə nə̀ vəyn nə è və kyi va tyaʼke kɔʼɔ zaʼâ sètsì sɛse, epàm ətəyn o fo vəyn è pomsêzè ə nə̀ nə ghɨghe ə kɔʼsə̂ vəyn.