1 Timotì 1:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ Pîza Zhə̀fè tè tyəyn esəyn ekoze sê mi nâʼà sə ŋaŋ endom kə Klâys Njisə̀s tyəyn mɨ̂sè èwəynsê ewìyn ə Vəynze, endom vɛ ə è lɛ̀sè fo mi, vɛ m nyi fɔ̀yn ə̀ghɛ ə pighe. Zɨnə mə tè nyi se tyə̀yn ə chwìə sê ghɨ ghɛ ə ghe tə̂ pə̂ pomə se Klâys epàm, kə ghɨ nə ghɨnə̀ ə nyi kàʼa kyi ndam zɛ ə ze tə mîə va.

1 Timotì 1:16 Referans Kwoze

1 Timotì 1:13

pi kə m tè nyi mə mə wàmnè ghɛ epighe sə mɨ kûmə̀ Vəyn, ə tsə̀fsə̀ Vəyn, ə fɨnə sôylə̀ Vəyn. Pîza Zhə̀fè tè nyîə kyi èkosê esəyn sê mi kûmə̀ nə m tè nyìəm kyi va kyî epomə̂zè, nyiəmə, nə̂ èghɛ nə zɨnə mə kepî va ghɛ zɛ m nə̂.

Ɛfesùs 2:7

È tè nəyn nyi kə ə tə nə ə nyi pî etuʼ èkè, əghɨə fe nə tɔ̂ʼnè ekayntə ə vəynze kyi va liŋze, ə nyi zɛ ə è kɔ̀ŋɔ̀ ghâsènì ətəyn ə tyə̂nə̀ tɔynə̂ ə Klâys Njisə̀s.

Tom èchùŋ kè kə Lûk tè nyaʼ 7:47

Kûmə̀ nyi m piə sê gho nə, kɔ̂ŋ èghaʼâ zɛ è tyən sê mi tyə̂nə̀ nə Zhə̀fè ə lɛ̀sè fo ghɛ piə vəynghe nâʼà əkɨ̂m, pîza wùə vɛ ə lɛ̀sè fo vəyn kè sechə pɔŋɔ tyə̂nə̀ kə èkɔ̂ŋ se chə.”

2 Pità 3:15

Ghàyn ke nə Pɛ̂pɛ ə̀ ghâsènì kolə ə̀təm nyi, fo èndom sê ghàyn kə ghàyn kyi sɔzaze. Ànyìə ghâsènì Pɔ̂l vɛ ə ghâsènì kɔ̀ŋɔ̀ ə tə nyàʼ kepî ghɛ ghɨ̀yn sê ghàyn è tɔf eghaʼâzè mə ə̀ fo Fezhə̀ sê vəyn,

2 Pità 3:9

Pɛ̂pɛ zɔlə va se nə̀yn eghɛ zɛ ə è tsɨ̀nə̀ kə ghɨə mɔ̀ʼɔ kwâʼtə̀. È pɨlə kolə kə ndò təmghe è ghàyn, kyiŋə va nə nâʼà wùə emɔ̀ʼ njise, pîza nə nâʼàpî ndè kəmne ə vəyn ə sepi.

1 Pità 3:20

mə za nyi sezuʼ sə əghɨ̀ sɛ ə ghe tè zɨə va Zhə̀fè nâʼà sə mɨ kə Zhə̀fè tè lɨmtə è wəynsê ewìynze kə Nuwà tè pɛ ngwùʼ èghaʼâ. Ə̀ tè kwùʼ nyi ke ə̀shi əghɨ̀ghè nyì kə ghe tè nji ə ngwùʼ; ghənə tè nyi ə famə kə Zhə̀fè tè sɔ̀zâ tɔynə̂ mmò.

Njɔyn 20:31

Pîza ə tè nyàʼ ghɨ̂nə̀ kə ò pomə nə Njisə̀s nyi vɛ ə chɔʼ ndə̂m, ə Vâ Fèzhə̀. Ə ghàyn pomə sê Vəyn, ə ghàyn tə kyî èndam zɛ ə ze tə mîə va ə Vəyn ezə.

Njɔyn 3:36

Ə̀ ndə̀m pîndè təmə və sê vayn nə vɨ̂yn, ə è kyi ndam zɛ ə ze tə mîə va, mə ə̀ tə pîndè se nə̀yn eghɛ zɛ ə è pì, ə è tə tàʼa kyî endam zɛ ə ze tə mîə va, pîza ə Zhə̀fè tə pa poynsê Vəyn.”

Ŋwàʼlè ə̀ Pɔ̂l sê ghɨə Lûmghè 6:23

Ghàyn ke ndô nə ndâʼ zɛ əghɛ ə pighe pə̂yn è zəynze nyi ekwu. Pîza maʼte vɛ ə Zhə̀fè fo sê ghɨghe səndô nyi endam zɛ ə ze tə mîə va. Ghâsènì ə kyî zəynze kə ghâsènì nyi ghasènìghə̀ Njisə̀s Klâys Pɛ̂pɛ ə̀ ghâsènì.

Ətefɨ̂aʼ 13:39

E za tyə̀nə̀ nə ə̀ pomə pi ndè sê vəyn, ə è sɔza vəyn ə və ghɛ piə. Saʼ ə Mosîszè tè vayn kàʼa e sɔ̀zâ wùə.

Njɔyn 6:54

Ghɨ ghɛ ə zhi wiyn vɨm ə mɨə m̀ndəm mɨ̂m kyi endam mə ze tə mìə va, M tə zômsè ghənə ə fetuʼfe kwuŋsəfe.

Njɔyn 6:40

Ghɛ zɛ ə Pɨ̀a Vɨ̂m kyiŋə nyi nə nâʼà ghɨ ə̀kɨ̂m ghɛ ə ghe fe Vayn ə pomə sê vəyn kyi ndam zɛ ə ze tə mîə va. Mə M tə zômsə̀ ghənə endam ə fetuʼ fe ekwuŋsəfe.”

Ipilù 7:25

Ə̀ za nyi eghɛ zɛ ə è nyi pî ashìŋə̀ àkè mə è kàʼa è sɔza ə̀ghɨ ghɛ ə ghe pə̀ sê Zhə̀fè mə ə tɔyne tsɛ̂ ə və gho kûmə̀ nə è nyîə ndamə faŋə, chyatə̂ Fèzhə̀ ə ghənə elùʼ.

2 Tèsàlonikà 1:10

Etuʼ vɛ ə è tə pə̂, ə è fi pomsêzè sê ghɨə vəynghe è kɔʼsêzè sê ghɨə poməghe əkɨ̂m. Nâʼà ghàyn tə nə̂ ə pɔŋ nyi əfètəyn ə̀ ghɨ̀ nə ghɨ̂yn kûmə̀ nə ghàyn ə pomə ghɛ ghɛ ə ghàs tè tsâ sê ghàyn.

Ɛfesùs 1:12

Fe chɔʼ nyi kə ghàs ghɛ ə tè pomə Klâys sə shi nə tsîtə̀ Fèzhə̀ kûmə̀ èpomsê zɛ ə Fe kyi.

Ɛfesùs 1:6

E za tyə̀nə̀ nə ghâsènì kyi sə̂ tsîtə̀ Fèzhə̀ kûmə̀ ètɔʼnè ekayntə zɛ ə è tyə̀yn sê ghâsènì tɔynə̂ ə vâyn èkɔ̀ŋ ə̀ vəyn. Ə̀ tè kɔ̀ŋ ke vəyn se nə̀yn nyî.

2 Kolìŋ 4:1

Zhə̀fè ə Vəyn ekosê esəynze ə fo fɨ̂aʼ zɨ̀yn nə ghâsènì nəyn, kûmə̀ zɨnə mə, ghâsènì kyi ndô təm ə təynghe se nə̀yn efɨaʼ ətəynze.

Ŋwàʼlè ə̀ Pɔ̂l sê ghɨə Lûmghè 15:4

Naʼapi èghɛ èkè zɛ ə tè nyaʼ ə Ŋwàʼlè Fèzhə̀ sə mɨ tè nyì se zaʼlə ghâsènì. Ze tè nyi kə ghâsènì ə kyi èkwaʼtè zɛ ə ze ndô pə̂ ewàmnè ə Fezhə̀zè, nə̂ nə ghâsènì ə kyi èkol ətəmze, fɨnə fo ghâsènì è temghe.

Njɔyn 6:37

Nâʼàpî ndè vɛ ə Pɨ̀a Vɨ̂m fo sê Mi nə̀ pə̂ se Mi. M vayn kaʼa M tə chum kɛsê nâʼàpî ndè vɛ ə è pə̀yn sê Mi.

Njɔyn 5:24

M pîə sê ghàyn səmɔʼ nə nâʼàpî ndè vɛ ə è zɨə ghɛ zɨme ə pomə̂ sê Vəyn vɛ ə È tom Mi, kyi ndam zɛ ə ze tə mîə va. Ə tə saʼa va vəyn, pîza mə e və kàynè tsɛ elùʼ ekwu ə njiə elùʼ endam.

Tom èchùŋ kè kə Lûk tè nyaʼ 23:43

Njisə̀s ə pìə sè vəyn nə, “M pìə se ghò səmɔʼ nə, ghasè ghò nə̀ nə̂ ə nyi ke nâʼà endaʼ echûŋə ə Fèzhə̀ ze ndàyn əmɔʼ.”

Tom èchùŋ kè kə Lûk tè nyaʼ 15:10

M piə sê ghàyn nə, ə wùə èpi emɔ̀ʼ pə̂ynsè təm ə vəynghe ə kɛse ndùə sê Zhə̀fè, tsì sə vəynse esaŋnə̂ kəpi zâ.”

1 Kɔlìŋ 7:25

M pîə èghɛ zôyn se pə̀ynsè eghɛ zɛ ə ghàyn tè pfɨf kûmə̀ ə̀ghɨ ghɛ ə ghe pa tsɨs ndɔ̀ʼɔ malə. M kyi va lâŋkè mə ə̀ tsɛ̀se Pɛ̂pɛ, m pîə kə èghɛ zɛ m̀ kwâʼtə̀ kə wùə ə Pɛ̂pɛ kose səyn sê vəyn ə nə̀ ghɨghe ə samsə̂ vəyn.