1 Timotì 1:15 - Ŋwàʼlè ə̀ Fèzhə̀ Mkâyn Mə̂ Fèm

¹⁵ Ə̀ zɨnə nyi ewâmnè ə səmɔʼze, mə ə kyi se lotə pomə kè kə ze nyi, mə ə mɛnə̂ chîəva ndô, nə Klâys Njisə̀s tè pə̀yn ə mbi se sɔzà əghɨ pighe, m lote nyi kàyntè ə̀ wùə èpi əfètə̂ ə̀ghɨ̀ ə pighe.

1 Timotì 1:15 Referans Kwoze

Ŋwàʼlè ə̀ Mâk 2:17

Njisə̀s ə zɨə èghɛ zɛ ə ghənə pfɨf, ə pfɨfə sê ghənə nə, “Ə tè piə ndɛ ə̀ ndè, è fɨnə kyiŋə èfu ə? Ə̀ nə̂ ə kyiŋə kə ə̀ghɨ ə zafə. M tè pâʼà pə̀yn ə mbi se tɔŋɔ əghɨ ghɛ ə ghe tyəm chichi ə Zhə̀fè əshi, pîza m tè pə̀yn se tɔŋɔ̂ əghɨ ə piə.”

Tom èchùŋ kè kə Lûk tè nyaʼ 19:10

Va Wùə te pə̀yn se kyiŋə əghɨ ghɛ ə ghe njise se sɔ̀sè əghənə.”

Njɔyn 12:47

Ə ghɨə zɨ tom Zɨ̂mzè ə tàʼa ndə̀mə zɨ̂ynzè, M tə tàʼa saʼa ghənə. M tè paʼà pə̀yn chi se saʼa mbi, pîza se pɨlə sɔzà ə ghɨ mbighe.

Njɔyn 1:12

Pîza, sê ghɨ mɔʼɔ ghɛ ə ghe tè fi ndzɨsê Vəyn ə pomə sê vəyn, è və fo àtyaʼ nə ghənə ə nyi ə̀ ghɔyn ə Fezhə̀ghè.

Tom èchùŋ kè kə Lûk tè nyaʼ 5:32

M pâʼà pə̀yn se chi sê ghɨ ghɛ ə tyəm chichi, m pə̀yn kûmə̀ ə̀ghɨ piə se nə̀yn nə ghənə kwiyne təmə ə ghənə̂ghè.”

1 Njɔyn 3:5

Ghàyn ke nə Klâys tè pə̀yn ə mbi se kəʼsê ə sepi sə ghasènìse. È pâʼà tyəmə̂ nə̂ pi zhîzè.

1 Timotì 1:13

pi kə m tè nyi mə mə wàmnè ghɛ epighe sə mɨ kûmə̀ Vəyn, ə tsə̀fsə̀ Vəyn, ə fɨnə sôylə̀ Vəyn. Pîza Zhə̀fè tè nyîə kyi èkosê esəyn sê mi kûmə̀ nə m tè nyìəm kyi va kyî epomə̂zè, nyiəmə, nə̂ èghɛ nə zɨnə mə kepî va ghɛ zɛ m nə̂.

Matyò 20:28

E za nyi kepî eghəs kə Va Wùə tè tàʼa pə̀yn nə ə fɨ̂aʼà sê vəyn. È tè pə̀yn sə̂ fɨ̂aʼà sê ghɨ, se fɨnə fo ngɨŋə̂ ə̀ vəyn se sɔzà əghɨ tsɨəghe.”

1 Kɔlìŋ 15:9

Kûmə̀ nə m nyi wùə vɛ è tətə kwûŋsə̀ əfètəyn ə̀ghɨtomə, kûmə̀ nə mə tə tsə̀fsè ndɛ ə̀ Fèzhə̀.

Njɔyn 1:29

Tuʼve ə zo Njɔyn ə fe Njisə̀s è pə̂ se vəyn, ə pìə nə, “Ə̀ vɨ̀nə nyi Vâ Ndzè ə̀ Fezhə̀. Ə̀ nyi Vəyn vɛ ə è njì tsɨsè pisə ghɨ̀ ə mbise!

Matyò 9:13

Pîza, ghàyn ndu kyiŋ kə ghàyn zɨ kê ə̀ghɛ ghɨ̀ynə ə nyâʼ ə ŋwàʼlè ə̀ Fèzhə̀ nə, ‘Ə̀ nyi ekosê esəyn kə M kyiŋə sê ghɨə, ə̀ vachi è se ə se nyàmzè sê zhə̀tə̀m.’ M tè pâʼà pə̀yn ə mbi se tɔŋə̂ əghɨ ghɛ ə ghe se tyəm chichi, pîza M tè pəyn kûmə̀ ə̀ghɨ piə.”

Matyò 1:21

È nə̀ piə vayn ndômə̀ ə ò tsɨ zə vəyn nə Njisə̀s, kûmə̀ nə è tə sɔ̀zâ ə̀ghɨ ə vəynghe ə ghənə sepi.”

Ipilù 7:25

Ə̀ za nyi eghɛ zɛ ə è nyi pî ashìŋə̀ àkè mə è kàʼa è sɔza ə̀ghɨ ghɛ ə ghe pə̀ sê Zhə̀fè mə ə tɔyne tsɛ̂ ə və gho kûmə̀ nə è nyîə ndamə faŋə, chyatə̂ Fèzhə̀ ə ghənə elùʼ.

1 Timotì 4:9

Ghɛ zɨ̀nə ə kwûʼ pî nyi eghɛ mə ə mbasə̂ pîə ndò zəynze əfètə̂ ə̀ghɨ̀ ə poməghe, ghàyn e ke nə ze ndɨŋ nyi səmɔʼ, e za nyi nə pîndè kàʼa è pomə zəynze mə è mə̀ʼnə̀ chîəva ndô.

Ŋwàʼlè ə̀ Pɔ̂l sê ghɨə Lûmghè 5:6

Shîŋə̀ kɛ ghâsènì tè kyi pîva tyaʼâ femɔ̀ʼ se tsàmtə sengɨŋ sə ghasènìse, Klâys tè kwu ə ghâsènì ghɨ pighe elùʼ ashìŋə̀ kɛ ə Zhə̀fè tè ndəm.

1 Njɔyn 3:8

Pîza, nâʼàpî ndè vɛ ə è nə̀yn pi nyi vayn sê ndə̂plè, kûmə̀ nə ndə̂plè tè zhə̀te se nə̀yn ə pi kè ə zhə̀te ə̀ mbi. Ghɛ zɛ ə ze tè nəyn kə Vâ Fèzhə̀ pəyn tè nyì se pofsê ə tefɨaʼ tə ndə̂plètè.

1 Timotì 3:1

Ghɛ nə zɨ̂nə̀ nyi ke nâʼà səmɔʼ kə ə pìə nə, ə̀ kyiŋə nâʼàpî ndè sə̂ nyi wùə è chisə̂ ə ndɛ̂ Fèzhə̀, ə è və ke nə è kyiŋə èfɨ̂aʼ ze kɔʼnə̂ tsɔ̂fə̀ kə nyî.

Ɛfesùs 3:8

M nyi ke nâʼà wùə vɛ ə è tətə kwûŋsə̀ əfètə̂ əghɨə Fezhə̀, pîza mə fə tɔ̀ʼnə̀ è mi nyi ə nə̀ nə mə wâmnə̀ sê ghɨ ghɛ ə̀ vachi ə̀ghɨ ə Njûsghè, ndâʼà èghaʼ ekayntə zɛ ə ghɨ ghɛ ə ghe pomə sê Klâys kyi,

Etyə̂yn ə paynsêzè 22:6

Tsì ə̀təyn ə ke pì sê mi nə, “Ghɛ ghɨ̀nə̀ nyì səmɔʼ, nyi kə samse ghəynghe. Pɛ̂pɛ Zhə̀ fɛ ə fe fo Zuʼsə vəynse sê fɨ̀aʼtèsè, ə tom tsì ə̀ vəyn nə è tyəyn sê ghɨə vəynghe fɨaʼa ghe ghɛ zɛ ə ze kyi se kwùʼə kyàyn.”

Etyə̂yn ə paynsêzè 5:9

Ghənə tə fɨyn zhəm njàŋ e fe, è pìə nə: “O kwəyn se fiə ŋwàʼlè èngɛ, è kɨsè se zhòm alɛ se ŋaʼsə zə̂ynzè, kûmə̀ nə ə tə zhwi gho, ndə̂m mɛmè ə zhɔnə ètu əghɨ̀vè ə fo se Zhə̀fè əghɨ mə ə fɨ pə̂yn ke tâŋ tekɨ̂m, wàmnə̀ tèwâmnè tekɨ̂m, ə fɨə pə̂ ndaʼ tekɨ̂m, ə fɨə pə̂ kəpî luʼ tekɨ̂m ə nyi əghɨ ətendaʼ tèkɨ̂m ə mbi, kyaʼà tèkyaʼ tèkɨ̂m. Ò tè zhɔyn àtuə ghənə̂kè è ndə̂m mɛ̂m, ə kɛsə̂ fo ghənə sê Zhə̀fè.

Taytùs 3:8

Ghɛ zɨnə m nyi mə mə wàmnè nyì səmɔʼ. M kyiŋə nə ò tɛ faŋ ke famə ezaʼlê, kə nâʼà ə̀ghɨ ə̀kɨ̂m ghɛ ə ghe nyi mə ə pomə sè Zhə̀fè, fo ngɨŋ sə ghənə̂sè sə̂ nə̀ chùŋ. Zaʼlê nə tɨ̂nə̀ nyi achûŋ tsâmtə̀ nâʼàpî ndè.

2 Timotì 2:11

Pî zɨ̀nə nyì səmɔʼ nə: “Ə ghâsènì nyi mə ə tə kwu ghâsènì ghə̀ vəyn əmɔʼ, ə ghâsènì tə kɛse ndam kepî ghâsènì ghə̀ vəyn əmɔʼ.

Ətefɨ̂aʼ 3:26

Zhə̀fè ə ke chɔʼə Wufɨ̀aʼa ə̀ Vəyn ə tomə sê ghàyn sə shi, nə È nəyn kə nâʼàpî ndè ə ghàyn əfètəyn za ndomte pite ə è kyi pɔsê nə zɨ̂nə̀.”

Njɔyn 3:36

Ə̀ ndə̀m pîndè təmə və sê vayn nə vɨ̂yn, ə è kyi ndam zɛ ə ze tə mîə va, mə ə̀ tə pîndè se nə̀yn eghɛ zɛ ə è pì, ə è tə tàʼa kyî endam zɛ ə ze tə mîə va, pîza ə Zhə̀fè tə pa poynsê Vəyn.”

Etyə̂yn ə paynsêzè 21:5

Wùə vɛ ə è tè tsɨs əfekyə̀ fə efɔ̀yn nə fɛ ə ke pì nə, “M nə̀ nə̂ ə ghɛghe əkɨ̂m kɛse ə nyi ke ə̀ fe.” È və fɨnə pìə sê mi nə, “Nyàʼ ghɛ nə ghɨ̂nə̀. Nâʼàpî ndè kàʼa è samse ghəynghe kûmə̀ nə ghe nyi səmɔʼ.”

1 Njɔyn 5:11

Ghɛ zɛ ə Zhə̀fè pìə nyi nə, fe ə fo ndam zɛ ə ze tə mîə va sê ghâsènì, ndam nə zɨ̂nə̀ e nyi ə vəyn ə Vayn.

1 Timotì 1:19

Fɛte kyi kyî epomə̂ zɛze achûŋ, ə kyîə èkwaʼtè zɛ ə ze saʼa va təm ghɛghe. Ghɨ mɔʼɔ ghə kwiynsê se zɨtê eghɛ zɛ ə ghənə ke nə ə̀ nyi eghɛ chichi. Kûmə̀ nyiəmə, ghənə fɨyn kyi va kyî epomə̂zè sê Klâys.

Matyò 18:10

Ghàyn tɔ̀ʼnə̀ nə kə wùə lɛ wâ kûmə̀ nə è kɔʼnə̂ va. M pîə sê ghàyn səmɔʼ nə ekwùtwəyn, tsì sɛ ə se naynə ghɔyn nə ghɨ̂yn nyì yî Pɨ̀a vɨm.

Ətefɨ̂aʼ 11:18

Ə pə̀ kə ghɨ Njûsə̀ zɨte ghɛ zɛ ə Pità pì, ghənə tàʼa fɨnə piə pofsê eghɛ kûmə̀ vəyn, ə zhə̀tə̀ tsîtə̀ Fèzhə̀, “Ghənə tè piə nə, ghâsènì ə fe nə Zhə̀fè ə pɔŋ fo kèpi ndom sê ghɨ ghɛ ə̀ vachi ə̀ghɨ ə Njûsghè nə ghənə kwiyne ə za ghɛ epiə ghənə ə kɛse pəyn se Zhə̀fè, ə kyi ndam zɛ ə ze tə mîə va.”

Ətefɨ̂aʼ 11:1

Ghɨətom ə Njisə̀sghè è ghɨə pomə əmɔ̀ʼɔ̂ ghɛ ə ghe tè nyi epɨ̀as endaʼ vekɨ̂m ə Njòndyâ, ə tə zɨ nə ghɨatumə ə pɔŋ fi ndzɨsê ghɛ ə Fezhə̀zè.

Tom èchùŋ kè kə Lûk tè nyaʼ 15:2

Ghɨ Falàsî yîghe yî ghə̀ tyə̀ynsè sə alàŋsè ə fe za sè tɨmnə̂ zô, piə nə, “Wùə vɨ̀nə pomə̂ nə naʼapi əghɨ pighe ə pə̂ ə və ngwùŋ, fɨnə zhiə nâʼà yî ghə̀ ghənə.”

Ŋwàʼlè ə̀ Pɔ̂l sê ghɨə Lûmghè 11:14

Zho fîfe, m kaʼa m nəyn ə ghɨ ghɨm ghe ndaʼa, mə nyi əghɨ ə Njûsghè, ə ghənə kyi ghə̀ʼkè, kə yîghe ə ghənə ə fètəyn kyi sɔzaze.

1 Timotì 6:13

Ə Zhə̀fè əshi fɛ ə fe fo ndame sê fɨave ekɨ̂m, è kɨsè ə Klâys Njisə̀s əshi vɛ ə È tè tyəm ə Pontus Paylɛ̀t ə shi ə wàmnə̀ səmɔʼ, se tyə̀yn ekyî epomə̂ ə Vəynze, m tsɛsə̀ àlâŋ se ghò nə: