1 Timotì 1:14 - Ŋwàʼlè ə̀ Fèzhə̀ Mkâyn Mə̂ Fèm

¹⁴ Pɛ̂pɛ ə ghâsènì tè nyîə kyi ə̀təm ə chûŋə̀ sê mi. È və tə nə̀yn kepî nə m pomə sê vəyn è kɨsè sə kɔ̂ŋə̀ ə̀ghɨ ə mɔ̀ʼɔghe kûmə̀ nə m tè nyì sə afɨa àmɔ̀ʼ ghasè Klâys Njisə̀s.

1 Timotì 1:14 Referans Kwoze

2 Timotì 1:13

Fɛte kyi ghɛ ə səmɔʼ ghɨnə̀ m zaʼlə sê ghò kə chwìə kə ò chumte, ə faŋə ekyî epomə̂zè, è kɔ̂ŋ zɛ ə ghâsènì kyi kaʼke amɔ̀ʼ è Klâys Njisə̀s.

1 Kɔlìŋ 15:10

Pîza kûmə̀ àfùʼ ə Fèzhə̀kè, m nyi wùə vɛ m nyi vəyn. Mə fùʼ nə kɨ̂yn paʼà njìsè sə ndô. Mə pɨl fɨ̂aʼ nâʼà sə ŋaŋ, ə fɨaʼa tsɛ̂ nâʼàpî ndè əfètəyn ə ghɨətomə nâʼàpî kə ə̀ tè laynsə fɨaʼà va mi, ə̀ tè fɨ̂aʼ afùʼ ə Fèzhə̀ nə kɛ ə mì ewìyn.

1 Pità 1:3

Ə ghâsènì ə tsɨ̂tə̀ Fèzhə̀, Pɨ̀a Pɛ̂pɛ ə̀ ghâsènì Njisə̀s Klâys! Fe ə kose səyn sê ghâsènì nâʼà sə ŋaŋ ə fo èndam e fe sê ghâsènì endom nə Fe ə tə zòmsè Njisə̀s Klâys ekwu, zɨnə mə nə̂ ghàs ə kyi ekwâʼtè elɨmtə zɛ ə ze vayn kàʼa ə ze pfɨse ghàs,

2 Kolìŋ 13:14

Ə fùʼ ə Pɛ̂pɛ Njisə̀s Klayskè, è kɔ̂ŋ ə Fezhə̀zè, è Zuʼse Ŋwaʼa sɛ ə se tsɨ̂yntə̀ ghâsènì luʼve emɔ̀ʼ ə nyi ghâyn ə fètəyn ə̀kɨ̂m.

Ŋwàʼlè ə̀ Pɔ̂l sê ghɨə Lûmghè 16:20

Zhə̀fè mə za nyi pɔ̂ynè ə̀ ghâsènì môtə̀ kə nyi ə fe kəʼse satàyn è gholə. Ə fùʼ ə Pɛ̂pɛ ə̀ ghasènìke Njisə̀s Klâys ə nyi ghâyn ghə̀ ghənə.

1 Njɔyn 4:10

Ndom vɛ ə ghâsènì kàʼa kê kûmə̀ èkɔ̂ŋ nyi nə, Ə̀ vachi nə ghâsènì tè kɔ̀ŋə ndô Zhə̀fè, pîza nə è tè kɔ̀ŋə ndô ghâsènì ə tomə Va Vəyn nə è pəyn kwu ə ghâsènì ə tu kûmə̀ sèpi sə ghasènìse.

1 Tèsàlonikà 1:3

Ghàs piə tsə̂mə̀ sê Zhə̀fè, ə Pɨ̀a ghâsènì, ghàs e kwâʼtə̀ kə ghàyn nə̂ ghɛ ghɛ ə ghàyn nyi mə ə kyî kyì epomə̂zè se ghəynghe, kwàʼtə̀ kə kɔ̂ŋ zɛ ə ghàyn kyi nə̂ nə ghàyn ə fɨaʼà sə ŋaŋ, è kə kwaʼtè zayn ə Pɛ̂pɛ Njisə̀s Klâys fɛtə tɛ.

2 Kolìŋ 8:9

Ghàyn kendô fùʼ kɛ ə Pɛ̂pɛ ə̀ ghâsènì Njisə̀s Klâys tè tyə̀yn sê ghâsènì. È tè nyi wùə èkɛ, ə kɛsə fɨfə kûmə̀ ghàyn, kə fɨfə Vəynke nəyn, kə ghàyn ə nyi ə̀ghɨ kɛghe ə Zhə̀fè shi.

Etyə̂yn ə paynsêzè 22:21

Ə Pɛ̂pɛ Njisə̀s tyən fùʼ ə vəynke sê ghɨə fe Zhə̀ghè. Ə zə nyi ke zamə.

1 Tèsàlonikà 5:8

Pîza, ghâsènì nyi əghɨ ə zo chwîghè. E za tyə̀nə̀ nə ghâsènì kyî se fɛtə̂ kyiə sengɨŋ sə ghasènìse. Kyî epomə̂ ə ghasènìze sê Zhə̀fè è kɔ̂ŋ ə ghasènìzè kyi se kɨ̀ŋtè ə ghâsènì kə akɨ̀ŋtè angàŋtèkè. Kwâʼtè elɨmtə ə ghasènìze nə ə nə̀ sɔza ghâsènì kyi se kɨ̀ŋtə ghâsènì kə afɔ eghɔ̀ŋke.

Ətefɨ̂aʼ 15:11

Ngaŋ! Ghâsènì tè pomə ə sɔza ghâsènì tɔynə̂ afùʼ ə Pɛ̂pɛ Njisə̀s kèpî kə tè sɔ̀zâ ghənə.”

1 Kɔlìŋ 3:10

Mə tè njì fo zɛ ə Zhə̀fè tè fo sê mi ə ndə̀mə̀ àchi ə ndɛke kə̂ wùə vɛ ə è fɛte ke èpɛ, wùə mɔʼɔ̂ e sè pɛ etûə təyn. Nâʼàpî ndè e tɔ̂ʼnə̀ e ndom vɛ è pɛ ətəyn.

2 Kolìŋ 4:15

Ghàs pomə̂ se fe etsòs nə vɨ̂yn sə ghàyn ə chùŋ kə Zhə̀fè nə tyən àfùʼ ə vəynke sê ghɨ se tsɨ̀ se tsɨ̀, ə ghɨ tsɨə fo zɔ̀ŋnèkè endom se fo epomsê eghaʼazè Zhə̀fè.

Ngàleshyà 1:13

Ə tsàyn se ghàyn kə ndam zɨme tè nyi kə m tè kɔʼsə Zhə̀fè endom vɛ ə ghɨə Njûsə̀ kɔʼsə, kə m tè tsə̀fsə ndɛ, mə nyi zə Fèzhə̀ mə m kyi va kosê esəynze, ə mɔ̀msə̀ tèndom tèkɨ̂m se sàʼtə zə̂ynzè.

1 Timotì 2:15

Pîza Zhə̀fè tə sɔza nâʼàpî wùzhɔyn èkwə̀ tɔynə̂ apiə ə ghɔynke, ashìŋə̀ kɛ è kol təmə ə faŋa tɛ kə ndò ə vəyn ekyî epomə̂zè, fɨnə kɔ̂ŋɔ̀ ə̀ghɨ mɔʼɔghe, fɨnə ndamə èndam zɛ ə ze nyi èŋwaʼze, nə̂ va ghɛ nə ghɨ̂yn endom kə shi əghɨ̀ghe ə nyi ke ə vəyn ewìyn.

1 Timotì 4:12

Kə ò za nə wùə ə chîynə̀ ghò kûmə̀ nə ò nyi vâyn èpɔ. Ò kyi sə̂ nyi sê ghɨ ə poməghe kə chwìə e ndom vɛ ə ò wàmnə̀ ətəyn. Ò ndamə èndam echûŋzè, kɔ̂ŋɔ̀ ə̀ghɨ, tyə̂nə̀ nə o kyi ndô kyî epomə̂zè sê Klâys fɨyn nyi è zoze

1 Timotì 6:11

Pîza ə gho ə wùə Fèzhə̀, tə pfɨyn famə epàmə̂ ə̀ghɛ. Ò mɔ̂msə̀ sə nyi chichi, nə̂ kə nâʼà ə̀ghɛ kə Zhə̀fè kyiŋə, kyi èkyî epomə̂zè, è kɔ̂ŋzè, e wəynsê ewìynze, è ngɨmnêzè.

2 Timotì 2:22

Tə kɛse epàm mə̂ èwìyn etɨmə vɛ ə ngwàʼà ə̀ wùə kyi ə mɔ̀msə̀ sə̂ nyi chichi, ə kyîə èkyî epomə̂zè sê Klâys, kɔ̂ŋɔ̀ ə̀ghɨ, fɨnə ndamə è pɔ̂ynè. Ò nə̂ ə̀ghɛ nə ghɨyn nâʼà ə̀kɨ̂m ghayn ghɨ ghɛ ə ghe tsə̂mə̀ sê Pɛ̂pɛ è təm ə zoghe.

Taytùs 2:2

Zaʼle sê ndômnè ə ndumnə ghe nə, ghənə ke se kyiə sengɨŋ sə ghənə̂sè, kwənə̂ kə ə fo èkɔʼsê se ghənə, nə̂ ə̀ghɛ ètɔf eghaʼâzè. Ghənə kyi sə̂ tɛ ə ghənə ekyî epomə̂zè, kyi sə ngə̂sê kyi èkɔ̂ŋ, è təm ə kolə.

Matyò 20:9

È və ndàʼà əghɨ ghɛ ghe tè zhə̀te fɨ̂aʼà ə tezhwi tetâyn ezhwikwɨlə èkɛ ə fetuʼe.