1 Timotì 1:13 - Ŋwàʼlè ə̀ Fèzhə̀ Mkâyn Mə̂ Fèm

¹³ pi kə m tè nyi mə mə wàmnè ghɛ epighe sə mɨ kûmə̀ Vəyn, ə tsə̀fsə̀ Vəyn, ə fɨnə sôylə̀ Vəyn. Pîza Zhə̀fè tè nyîə kyi èkosê esəyn sê mi kûmə̀ nə m tè nyìəm kyi va kyî epomə̂zè, nyiəmə, nə̂ èghɛ nə zɨnə mə kepî va ghɛ zɛ m nə̂.

1 Timotì 1:13 Referans Kwoze

Ətefɨ̂aʼ 8:3

Pîza, Sɔ̂l ə zhə̀tə̀ kyiŋə èndom nə ghɨə ndɛ ə̀ Fèzhə̀ghè mi, sè njiə kə ə ndɛ ə ndɛ, shînə̀ fɨsə̂ ə̀ ndômnè è zənə, ndə̂mə̀ ghənə ə ndɛ ə̀chaʼ.

1 Pità 2:10

Ghàyn tè va əghɨə Fezhə̀ sə shi, pîza sè nyi zôyn. Zhə̀fè tè kosə̂ va sə̂yn sê ghàyn pîza sè kosə̂ zôyn nâʼà sə ŋaŋ.

Ətefɨ̂aʼ 9:13

Ànàniyàs ə pə̀ynsə̀ piə nə, “Pɛ̂pɛ, ghɨ ə tsɨəghe ə tsàyn sê mi kûmə̀ wùə vɨ̂yn, è ghɛ ə tɛ ghɛ ə è tè nə sê ghɨ ghɛghe ə Njèlusalɛ̀m.

Ipilù 4:16

Ə̀ za nyi eghɛ zɛ ə ze tsɔ̂fə̀ nə ghâsènì maʼa fâynzè ə pəyn paʼsê etipì ə fekyə̂ fə elùʼ efɔ̀yn ə Fezhə̀vè elùʼ vɛ ə fûʼkè nyi. Ə nyì fumə ə ghâsènì nə̀ kyiə kosê esəynze, è fùʼkè, se tsàmtə ghâsènì ashìŋə̀ etsòskè.

Ətefɨ̂aʼ 3:17

M pîə sê ghàyn ə ghɔnyì ghɨmə nə, nâʼàpî èghɛ èkè zɛ ə ghâynghə̀ ghɨ ghayn ghe chisə tè nəyn sê Njisə̀s, tè kyàyn nyî kûmə̀ nə ghàyn tè keva ghɛ zɛ ə ghàyn tè nə̂.

Tom èchùŋ kè kə Lûk tè nyaʼ 23:34

Njisə̀s ə piə sê Pɨ̀a vəyn nə, “Lɛse fo ghənə ə Pɛ̂, kûmə̀ nə ghənə ke va ghɛ zɛ ə ghənə nə̂.” Ghənə ə ndə̀mə̀ sendzɨs sə vəynse sè tɨmə pèʼ, nə ə̂ zhi pi nde, ə è nji.

1 Timotì 1:16

Pîza Zhə̀fè tè tyəyn esəyn ekoze sê mi nâʼà sə ŋaŋ endom kə Klâys Njisə̀s tyəyn mɨ̂sè èwəynsê ewìyn ə Vəynze, endom vɛ ə è lɛ̀sè fo mi, vɛ m nyi fɔ̀yn ə̀ghɛ ə pighe. Zɨnə mə tè nyi se tyə̀yn ə chwìə sê ghɨ ghɛ ə ghe tə̂ pə̂ pomə se Klâys epàm, kə ghɨ nə ghɨnə̀ ə nyi kàʼa kyi ndam zɛ ə ze tə mîə va.

Filìpây 3:6

M tè nyîə tɨ̂mə̀ tsɛsə̀ èwiynve, endom nə m tè nyîə tsə̀fsə̀ ə̀ghɨ poməghe. Wùə vîvè tè vayn kàʼa è pi nə m kyi ndô pi zhizè ə mì ewìyn kûmə̀ nə m tè nyîə ndə̂mə̀ èlwɔ̂ŋ əghɨ̀ ə Njûsvè ekɨ̂m.

Ngàleshyà 1:13

Ə tsàyn se ghàyn kə ndam zɨme tè nyi kə m tè kɔʼsə Zhə̀fè endom vɛ ə ghɨə Njûsə̀ kɔʼsə, kə m tè tsə̀fsə ndɛ, mə nyi zə Fèzhə̀ mə m kyi va kosê esəynze, ə mɔ̀msə̀ tèndom tèkɨ̂m se sàʼtə zə̂ynzè.

1 Kɔlìŋ 15:9

Kûmə̀ nə m nyi wùə vɛ è tətə kwûŋsə̀ əfètəyn ə̀ghɨtomə, kûmə̀ nə mə tə tsə̀fsè ndɛ ə̀ Fèzhə̀.

1 Kɔlìŋ 7:25

M pîə èghɛ zôyn se pə̀ynsè eghɛ zɛ ə ghàyn tè pfɨf kûmə̀ ə̀ghɨ ghɛ ə ghe pa tsɨs ndɔ̀ʼɔ malə. M kyi va lâŋkè mə ə̀ tsɛ̀se Pɛ̂pɛ, m pîə kə èghɛ zɛ m̀ kwâʼtə̀ kə wùə ə Pɛ̂pɛ kose səyn sê vəyn ə nə̀ ghɨghe ə samsə̂ vəyn.

Ətefɨ̂aʼ 22:4

Mə tə nyàplè è ghɨ pomə ghɛ ə ghe tè chùmtə ndom vɨ̀yn ə ndə̀mə̀ ndûə kə ekwu. Mə tə ko zənə è ndômnèghè ndə̂mə̀ ghənə ə ndɛ ə̀chaʼ.

Ətefɨ̂aʼ 9:5

Sɔ̂l ə pfɨfə nə, “Pɛ̂pɛ, Ə̀ nyì ghô ndè?” Kyə̀ ə̀təyn ə pə̀ynsə̀ nə, “Ə̀ nyi mi Njisə̀s, vɛ ə ò tsə̀fsə̀ vəyn za.

Ətefɨ̂aʼ 9:1

Sɔ̂l tè pa kâyntə̀ kə ètyaʼa nə zhi nə̀ zhwitə̂ sèchùmtè sə Pɛ̂pɛse. È və ndò ndûə sê wùə èkɔʼsə nə èshyə̀ engaŋtə kwəynə,

Tom èchùŋ kè kə Lûk tè nyaʼ 12:47

Ə wufɨ̀aʼa se ke eghɛ zɛ ə pɛ̀ èfɨ̀aʼ ə̀ vəyn kyiŋə, ə tàʼa fɛte ə ngɨŋ ə vəyn se nə̀yn, ə pus vəyn nâʼà sə ŋaŋ.