1 Timotì 1:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ ə fɛte sê ghɨ ghɛ ə ghe nə̂ ghɛ ə nyələghe è wîyn mə ghənə̂m, è ndômnè ghɛ ə nyɨ̂ŋə̀ è ndômnə̀ kəpiə ə̀ nyi ə̀zəyn, è ghɨ ghɛ ə ghe pəʼlə ghɨ sə ekɔ̀s, è ghɨ wamə, è ghɨ ghɛ ə wamə kaŋke pî kə te tsɨ̀ne sə̂ pîə səmɔʼ, è kɨsè se nâʼàpî ndè vɛ ə è kɔ̀ŋə̀ zaʼlê ə səmɔʼze.

1 Timotì 1:10 Referans Kwoze

2 Timotì 4:3

Shîŋə̀kè tə pə̂ mə ghɨ kɔ̂ŋə̀ va se zɨtê sê zaʼlê ə səmɔʼze, pîza chûmtə̀ èghɛ zɛ ə ghənə kɔ̂ŋə̀, ə ghənə ə kyiŋə ndûə setyə̀ynsè è ngɨŋ sə ghənə̂sè, sɛ ə se tsâ ghɛ ghɛ ə tôŋnê ə ghənə̂vè kɔ̀ŋə̀ se zɨ.

Ŋwàʼlè ə̀ Pɔ̂l sê ghɨə Lûmghè 1:26

Kûmə̀ zɨnə mə, Zhə̀fè ə njì tsɨ̂sè kwaʼtè ə Vəyn ze sê ghənə̂ ə zàmaʼà nə ghənə chumte ghɛ ə nyələ ghɛ ə wiyn mə ghənə̂ mè kyiŋə. Zəyn ghe zâ se nyɨ̀ŋə̀ è ndom ə ghənə̂ghè, pɨlə nyɨŋə̀ è zəyn ə ndôghè mə ze kiva sə̂ nyi zamə.

Etyə̂yn ə paynsêzè 21:27

Pîza fɨake tə njiə va əfètə̂ tɔ̂ŋ èghaʼâ nə zɨ̂yn, mə ke zo va. Wùə vɛ è nə̂ ghɛ eliŋə kɨ̀sə wùə àkaŋ tə njiə va ətəyn. Ə̀ tə njiə kə ə̀ghɨ ghɛ ə nyâʼ zə ə ghənə̂ghè ə ŋwàʼlè èndamə ə̀ Va Ndzè famə ə tɔ̂ŋ èghaʼâ.

1 Timotì 6:3

Ə̀ fɨnə zaʼlə nâʼàpî ndè ghɛ, ə̀ va chi ə̀ghɛ ghɛ m fo sê ghò, ghe va èghɨ kə ezaʼlê echûŋ zɛ ə Pɛ̂pɛ ə̀ ghâsènì Njisə̀s Klâys tè zaʼle sê ghâsènì, è kɨsè zaʼle tɛ ə te kɔʼsə Zhə̀fè,

Njût 1:7

Ghàyn fɨyn kwâʼtè kèpi Sondòm è Ngòmolà è tɔ̂ŋ sə mɔ̀ʼɔse sɛ ə se tè nyì paʼsê pəyn se ghənə, kə ghənə tè nə̂ kəpî ə̀ghɛ ə nyələghe, nyɨ̂ŋə̀ è ghɨghe endom vîve mə ə ke va vəynve. Wus vɛ ə ve ndɨmə tsɛ̂ va ə tə pofsê tɔ̂ŋ se ghaʼâ nə sɨ̂yn se tyə̂m kə fɨ̀as sê ghɨghe əkɨ̂m.

Taytùs 1:9

È kyi sə̂ nyi wùə mə è və fɛte kyî tom èchùŋ zɛ ə è nyi səmɔʼ zɛ ə zaʼlə sê vəyn kə è və ke se zaʼle əghɨ è ghɛ ghɛ ə Zhə̀fè kyiŋə, fɨnə nə̂ nə ghɨ ghɛ ə ghe kwiynsə̂ tom nə zɨnə̀ ke nə ghənə nyîə nə̂ pofsə̂.

Etyə̂yn ə paynsêzè 21:8

Pîza sê ghɨ ghɛ ə ghe fànə è ghɨ ghɛ ə ghe tàʼa pomə sê mi, è ghɨ ghɛ ə ghe nə̂ ghɛ ə kwənəghe, è ghɨ ghɛ ə ghe zhwiə ghɨghe, è ghɛ ə ghe nə̂ ghɛ ə nyələghe, è ghɨ ghɛ ə nə̂ ghɛ pfɨtəghe, è ghɛ ə ghe ngɨmnə fɨ̂aʼsèvè, è ghɨ ə wamə nâʼà ə̀kɨ̂m, ə tə ndə̂mə̀ ghənə elùʼ vɛ ə wusve pɛ ətəyn è fɨa kɛ ə ke lɛ̂ pâŋə̀ za e tɔŋtə̂ nə sɔlfɔ̀. Kwu nə zɨnə mə nyi zɛ ə ze tə nə̂ nə te ndu tepɛ̀.”

Ipilù 13:4

Nâʼàpî ndè kyi sə̂ ngɨmnə̂ malə̂. Kə wùə tə za ndom ə̀ vəyn kɨ̀sə zhwiə vəyn ə è ndu nyɨ̂ŋə̀ yî wùə ə ndò. Ghàyn kendô nə Zhə̀fè tə saʼa nâʼàpî ndè vɛ ə è nə̀ ghɛ ə nyələghe è ghɛ ə nyi mə malə̂ fɨə əpɨəyn.

Etyə̂yn ə paynsêzè 22:15

Pîza ghɨ ghɛ ə ghe nyi əpɨəyn ə tɔ̂ŋ èghaʼâ nyi ghɛ ə nyi mə ə nə̀yn ghɛ ə kwəmnəghe kə; ghɛ ə nə̂ ghɛ ə pfɨyntəghe, è ghɛ ə nə̂ ghɛ ə nyələghe, è ghɛ ə ghe zhwiə ghɨghe, ghɛ ə ghe ngɨmnə fɨ̂aʼsèvè, è ghɛ ə wamə kwaŋve, nə̂ ə̀ghɛ akaŋghe.

2 Timotì 1:13

Fɛte kyi ghɛ ə səmɔʼ ghɨnə̀ m zaʼlə sê ghò kə chwìə kə ò chumte, ə faŋə ekyî epomə̂zè, è kɔ̂ŋ zɛ ə ghâsènì kyi kaʼke amɔ̀ʼ è Klâys Njisə̀s.

Njɔyn 8:44

Ghàyn nyi əghɔ pɨ̀a vâynvè, ndə̂plè, kɔ̂ŋɔ̀ kə sə chûmtə̀ tè kwaʼtè tə vəynte. È tè zhwiə əghɨ kè ə zhə̀te, wàmnə̀ va ghɛze səmɔʼ kûmə̀ nə è kyi va səmɔʼ. Shîŋə̀ kɛ ə è wamə kaŋke, è lotə̂ wamnə̀ kə èwâmnè ə vəynze, kûmə̀ nə è nyi wùə àkaŋ, nyi pɨ̀a sê kwaŋve.

Taytùs 1:13

Ghɛ nə zɨnə mə nyi səmɔʼ. E za tyə̀nə̀ nə ò kyi se zɔ̀ sê ghənə nâʼà è tyaʼa kə ghənə pomə è tyaʼke sê ghɛ zɛ ə ze nyi səmɔʼ,

Etyə̂yn ə paynsêzè 18:13

Se paʼsê, wùə tə fɨnə zhɔnə va fɨa elɨmtə tsɔfəve kə, sinamò, efɨa ekwuənə nə embàsvè, è ndiŋze, è ngwɨlə̀m, e tɔŋtə nə mâyl, è pfɨ̀ŋə̀m e tɔŋtə̂ nə flaŋkyiŋsèyn; È fɨa ə mɔ̀ʼɔve kə mlɨ̂, è ngwɨ̂l mə olìfmè, è pfɨ̀ŋə̀ m̀ kwuə kə nyi, è sɔ̀fsè, è nyam sə mbɔ̀lɔʼse, è ndzèsè, è kwanyàmvè è kɨsè katə eghɔ̀ŋte mə ə̀ shìnə̀ ekwânyàm, è ghɨ msɔ̀ŋ ghɛ ə pəʼle sə ekɔ̀s.

1 Timotì 4:6

Ə ò zaʼlə ghɨə poməghe è ghɛ nə ghɨnə ə m pîə nyî, ə ò nyi ke nâʼà wùə è fɨ̀aʼa èchùŋ sê Klâys Njisə̀s, ə Zhə̀fè nə fe pɔŋ zaʼlê ghò tɔynə̂ ekyî epomə̂zè, è zaʼlê echûŋ zɛ ə ò nyi mə o ndə̀m zəynze.