1 Pità 1:6 - Ŋwàʼlè ə̀ Fèzhə̀ Mkâyn Mə̂ Fèm

⁶ Ghàyn e saŋnə̂ kûmə̀ ə̀ghɛ nə ghɨyn nâʼàpî kə ə̀ nyì zôyn sə fendîŋə̀, ghàyn zɨə ètɨ̂m kûmə̀ tèmɔ̂m kè ə tendom ə tendom.

1 Pità 1:6 Referans Kwoze

Njə̂m 1:2

Ghɔnyì ghɨm ghe poməghe, ghàyn e saŋnə̂ nâʼà sə ŋaŋ, ezhoghɛ ə kyì tə temɔ̀mtè pə̀yn ə ghàyn endom,

1 Pità 5:10

Ghàyn nə̀ fe ngəʼ kè sə fendiŋə̀ fə ashìŋə̀fè nyi, epàm ətəyn, ə Zhə̀ fɛ ə fe nə̂ chùŋ se ghâsènì əghɛ ə̀kɨ̂m, mə Fe ə tɔŋə̂ ghâsènì nə ə nyi paʼsê kepî ə vəyn ə fètəyn èghaʼ sə afɨa àmɔ̀ʼ è Klâys. Nâʼà vəyn è ngɨŋə̂ vəyn tə nə̂ kwəynsə̂ nə ghàyn ə kyi àtyaʼ, tyəm tɛ ə ghàyn e samsê, ə è nəyn ə ghàyn ə ndam kyi ekol ətəmze.

Ŋwàʼlè ə̀ Pɔ̂l sê ghɨə Lûmghè 12:12

Nâʼàpî ndè e saŋnə̂ kûmə̀ ə̀ghɛ ghɛ ə è ndə̀m təmə se tə̂ kyî, kolə ə̀təm ə və ətetsòs, kolə ə̀təm əfètə̂ ètsə̀m shîŋə̀ tekɨ̂m.

Ŋwàʼlè ə̀ Pɔ̂l sê ghɨə Lûmghè 5:2

Ə̀ chwi vəyn èndomve sê ghâsènì ətə epomə̂ zɛ ə ghâsènì kyi, ze nə̂ nə ghâsènì ə ke àfùʼ ə Fezhə̀kè. Nyiəmə ghâsènì saŋnə̂ nâʼà sə ŋaŋ kûmə̀ nə ghâsènì kyi ndô kwâʼtèzè nə ə tə kyîə èpomsê ə Fezhə̀zè.

Matyò 5:12

Ghàyn e saŋnə̂ fɨnə tyalə, kûmə̀ nə ə ndə̀m mâʼte eghaʼâvè ekwùtwəyn sê ghàyn. Ə̀ nyì kepî za kə ə tè chɔʼɔ ghol ə sèfɨ̀aʼtè sə shise.

Njɔyn 16:33

M tsayn əghɛ nə ghɨ̂yn sê ghàyn nyi kə ghàyn faŋ sê Mi, ə kyi pɔ̂ynè. Mbi tə nə̂ ə ghàyn zɨ ngəʼ, pîza ghàyn kol təmə, Mə tɛ ghaʼ mbi.”

Njɔyn 16:22

Ə̀ nyi zamə kə ze nyi sê ghàyn, zôyn ghàyn nyîə nyi èkosê esəyn, pîza M nə fe kwəynsə̂ ghàyn, ə təm ghaynghe ə nyi mə ghə lwiyn èsaŋnêzè, e kyì esaŋnê zɛ ə wùə vayn kàʼa e fi tsɨ̂sè se ghàyn.

Matyò 11:28

Ghàyn pəyn sê mi, ə ghàyn əkɨ̂m ghɛ ə ghàyn nyi mə pɔ se pɨàʼà ekyə̀yn etɨlə ve ə M fo zɨ̀tèkè sê ghàyn.

Ŋwàʼlè ə̀ Pɔ̂l sê ghɨə Lûmghè 5:11

Pîza ze paʼà mì kendò zâ, ghâsènì nyîə saŋnə̂ kûmə̀ nə Zhə̀fè ə nə̀yn nə ghâsènì ə nyi ə̀ghɨ Vəynghe, tɔynə̂ se Pɛ̂pɛ Njisə̀s Klâys vɛ ə È nə̀yn nə ghâsènì ə nyi choze emɔ̀ʼ ghasènyìə ghə̀ Zhə̀fè.

Ətefɨ̂aʼ 14:22

Nâʼà pi elùʼ èkè vɛ ə ghənə tè nduə fɨə, ghənə ə nə̀ nə ghɨ poməghe tɔʼ kyî èpomə̂ ə ghənə̂zè ə fɨyn ndəm ətəm ə ghənə̂ eghɛ zɛ ə ghənə pomə. Ghənə tè zaʼlə nə, “Ghâsènì kyi se tsɛ tɔynê əfètəyn tètsòs te tsɨ̂ə kə nyi tsɔ̀fə ə se nji elùʼ efɔ̀yn ə Fezhə̀vè.”

Tom èchùŋ kè kə Lûk tè nyaʼ 10:20

Pîza kə ghàyn ə saŋnə nə zuʼ se pise ə zɨ sê ghàyn, ghàyn pɨlə saŋnə̂ nə, ə nyàʼ zə ghaynghe ə ŋwàʼlè ə̀ ekwùtwəyn.”

1 Pità 4:7

Ghɛghe əkɨ̂m fa mbi zo paʼsə̀ pə̀ se mì, zamə ghàyn e fɛtə̂ kyîə sèngɨŋ saynse, nyi èpfɨ̂tə̀zè kə ghàyn kàʼa tsə̂mə̀.

Njə̂m 4:9

Ghàyn e nyi è komə̂ ewìynze, chîə, chîə mbɔ̂sə̀ fèshi. Ghàyn kwiyne chaʼ zaynze ə ghàyn ə chîə, ə ghàyn kwiyne saŋnê zaynze sə ekosê ekyàʼzè.

2 Kolìŋ 4:17

Tsôs etətə̂ vɨnə̀ ə ghâsènì fe zôyn fa fendiŋə̀ fə ashìŋə̀fè tə pə̂ ghâsènì è pomsê eghaʼazè mə ze tə mìə va, mə ə vayn kaʼa fɨaʼne zɨnə mə è tsôs vɛ ə ghâsènì fe.

Njə̂m 1:9

Ghɨə pomə ghɛ ə̀ nyi əghɨ afɨfghe kyi sə̂ saŋnə̂ kûmə̀ nə Zhə̀fè ə njì kɔʼsê ghənə elùʼ engaŋtəve.

Filìpây 3:3

Ə̀ nyi ghâsènì kə nyi mə ə se nam ə ghasènìghe endom vɛ ə kyi se se ətəyn. Zuʼse tsâmtə̀ ghâsènì nə ghâsènì ə ngɨmnə̂ Fèzhə̀. Ghâsènì nyiə saŋnə̂ kə ghâsènì nyì sə afɨa àmɔ̀ʼ ghasènìəghə̀ Njisə̀s Klâys. Ghâsènì ke ndô nə ghɨ msɔ̀ŋghe vayn tsàmtə ghâsènì.

2 Kolìŋ 6:10

Ghàs ndamə saŋnə̂ kə ndò nâʼàpî əfètəyn ètsôs. Ghàs kyàʼà kə əghɨ afɨfə pîza nə̂ nə ghɨghe ə kyi èghaʼ. Ghàs kyaʼà kə kə kyi va fɨake, pîza kyi èfɨa èkɨ̂m.

1 Tèsàlonikà 1:6

Ghàyn ə tə zaʼlê se ndam kə ghàs è kɨsè kə Pɛ̂pɛ, naʼapi kə ghàyn tè fe tsôsvè sə ŋaŋ, Zuʼse Ŋwaʼase ə nə̀ ghàyn ə fiə tom ə̀təyn è saŋnêzè.

Filìpây 4:4

Ghàyn e saŋnə̂ shiŋə̀ tekɨ̂m kûmə̀ nə ghàyn nyi əghɨ ə Pɛ̂pɛghe. M pa piə kwəynsə̂ kə ndò nə ghàyn ə saŋnə̂.

Ngàleshyà 5:22

Pîza Zuʼse ŋwaʼase muə ètwɔm echûŋvè kə, ekɔ̂ŋ, saŋnêzè, pɔ̂ynè, wəynsê ewìynze, tɔ̂ʼnə̀, nə̂ chùŋ, nə̂ ə̀ghɛ è təmghe əkɨ̂m,

Ŋwàʼlè ə̀ Pɔ̂l sê ghɨə Lûmghè 9:2

Təm ghɨmə tɨ̂lə̀ kə nyî, ghɛ ghe fo ngəʼ sê mi nâʼà sə ŋaŋ

Filìpây 2:26

È kɔ̂ŋɔ̀ nâʼà sə ŋaŋ se pə fe ghàyn, saŋnə̂ va nâʼà səkɔs kûmə̀ nə ghàyn se nyi mə ghàyn ə tə zɨ nə è tè zafə ndô.

Tom èchùŋ kè kə Lûk tè nyaʼ 2:10

Pîza, Tsì ə̀ Pɛ̂pɛ nə zɛ ə pìə sê ghənə nə, “Kə ghàyn fayn, m pəyn è tom èchùŋ sê ghàyn, è nyi se fo esaŋnê sê ghɨghe əkɨ̂m.

Tom èchùŋ kè kə Lûk tè nyaʼ 1:47

fɨnə saŋnə̂ sê Zhə̀fè, ə sɔ̀zà vɨ̂mvè.

Matyò 26:37

È və njìə Pità yî ghɔ Zepɛndì ghə pɛ̀. Kə è ndùə tsôsvè, è kosê esəynze ə lwinə ə vəyn ə təm.

1 Pità 3:17

E pɨlə tsɔ̂fə̀ sə̂ fe ngəʼ kûmə̀ ə̀ghɛ chûŋə̀ kə wùə nə̂, ezhoghɛ ə̀ nyi eghɛ zɛ ə Zhə̀fè kyiŋə̀, tsɛ̂ sə̂ fe kûmə̀ ə̀ghɛ piə.