Biblia Todo Logo
Bib sou entènèt

- Piblisite -




1 Njɔyn 5:20 - Ŋwàʼlè ə̀ Fèzhə̀ Mkâyn Mə̂ Fèm

20 Ghâsènì ke kepî ndò nə Va Fèzhə̀ ə tə pə̀yn ə mbi, ə zaʼlə ghâsènì kə ə ke Fèzhə̀ fɛ ə Fe nyi səmɔʼ, ə ghâsènì ə tsɨ̂yntè nyi sə afɨa àmɔ̀ʼ, kûmə̀ nə ghâsènì nyì sə afɨa àmɔ̀ʼ è Vâ Vəyn Njisə̀s Klâys. È nyi Fezhə̀ fɛ ə fe nyi səmɔʼ, fo èndam zɛ ə ze tə mîə va.

Gade chapit la Kopi




1 Njɔyn 5:20
53 Referans Kwoze  

Mə ndam zɛ ə ze tə mîə va nyi se kê ə gho Zhə̀ fɛ ə Fe nyi səmɔʼ è kɨsè Njisə̀s Klâys vɛ ə ò tom.


È və wàmne za e paynsə̂ mɨ̂sè etu ghənə kə ghənə zɨ ke əghɛ ghɛ ə ghe nyi ə Ŋwàʼlè Fèzhə̀,


Njisə̀s ə pə̀ynsə̀ pfɨfə nə, “Piə e za nyi nə mə ndam ghâsènì sə aghaf nyî ə Filìp, ò ke va Miə? Nâʼàpî ndè vɛ è nyi mə è və fe mi, nyi mə è və fe Pɨ̀a, kûmə̀ ghè ə ghàyn fɨnə pîə nə, ‘Tyə̀yn Pɨ̀a sê ghàs ə?


Wùə vîvè vayn kwiynsê nə pomə ə ghasènìze nyîə kyi èghɛ e ndətəze, ze ghaʼa kə nyi: Klâys ə tə pə̀yn sə wûə m̀sɔ̀ŋ, Zuʼse Ŋwaʼase ə tyə̀nə̀ nə è nyi va Fèzhə̀, tsìsè ə fe vəyn, ə tə ndàʼà tom kûmə̀ vəyn ə tèndâʼà tèkɨ̂m, ghɨghe ə pomə se vəyn ə telùʼ tekɨ̂m ə mbi, Zhə̀fè ə njìə kɔʼsə̂ vəyn ekwùtwəyn.


Naʼapi ndè vɛ ə è pomə nə Njisə̀s nyi vɛ ə Zhə̀fè chɔʼ ndə̂m nyi va Fèzhə̀. Ə̂ kɔ̀ŋɔ̀ pîndè Pɨ̀a, ə è və pɔŋɔ kɔ̂ŋɔ̀ kəpi vayn vɛ ə Pɨ̀a kyi.


Tɔ̀mɔ̂s ə pìə se Vəyn nə, “Pɛ̂pɛ Vɨm, Zhə̀ fɨmfe!”


“Nyàʼ ŋwàʼlè sê tsì ə̀ ndɛ ə̀ Fèzhə̀ ə Fìlàndefìyà nə: Ə̀ zɨ̀nə nyi tom mə è ndòm pə̂yn se wùə vɛ ə è nyi èŋwaʼzè è səmɔʼ, kyi àchɔʼ ə Ndàfîtkè, shîŋə̀ kɛ ə è chɔʼ cho ndɛve, wùə e va se fɨnə fâ, fâ, wùə e va se fɨnə chɔʼ.


Nyiəmə, ghâsènì ke ndô, fɨnə pomə̂ nə Zhə̀fè nyîə kɔ̂ŋə̀ ghâsènì. Zhə̀fè nyi ekɔ̂ŋ, mə ghɨ ghɛ ə ghe ndamə ekɔ̀ŋ, ndamə sə afɨa àmɔ̀ʼ yî ghə̀ Zhə̀fè, Zhə̀fè endamə sə afɨa àmɔ̀ʼ yî ghə̀ ghənə.


Ghənə nyi əghɔ ghɔynə pɨa pɨa ghasènìghe. Kə tè piə Klâys kə wùə m̀sɔ̀ŋ, È tè fɨ pə̂yn ə ghənə etàŋ. Tsîtèzè nyì sê Zhə̀fè sə teshìŋə̀ tèkɨ̂m, ə Vəyn vɛ fɨave ekɨ̂m nyi ə vəyn etyə̂ àtyaʼ. Ə ze ə nyi ke zamə.


Pɨ̀a è Mi nyi ke sə eghɛ èmɔ̀ʼ.”


Ghɛ zɛ ə ghàyn kaʼa ə ghàyn nəyn se ke nə wùə kyi tê Sèzuʼ sə Fezhə̀ nyi nə, nâʼàpî ndè vɛ ə è pì nə Njisə̀s Klâys te pə̀yn ə mbi ewìyn ə wûə m̀sɔ̀ŋve, ə nyi mə è nyîə kyi Sèzuʼ sə Fezhə̀ sè.


Ə̂ pìə pîndè nə zhi nyi sə “Afɨa àmɔ̀ʼ” yî Zhə̀fè, ə è və kyi sə̂ kwîə ə Njisə̀s Klâys ə tendom.


Pîza ə̀ tè nyi kə fe wâmnə̀ kûmə̀ Va vəyn, fə pìə nə: “Fɔ̂yn vɛve ə Zhə̀fè tə ndamə faŋə kəndò! Ò saʼa ə̀ghɨ ghɛghe kɔ̂ŋə̀ va ghɨ mɔ̀ʼɔghe tsɛ̂ yîghe.


kə ghâsènì lɨmtə è kwâʼtè elɨmtəze tuʼ fe kayntəfe kə pomsê ə Fezhə̀ fə ghâsènì fe ghaʼâfè è sɔ̀zà Njisə̀s Klâys tə pə̂.


Ghàyn e tɔ̂ʼnə̀ è ngɨŋ saynse è ghɨ ghɛ ə Zuʼse Ŋwaʼase fo sê ghàyn nə ghàyn ə chisə̂ ghənə. Ghàyn e tɔ̂ʼnə̀ è nɔ̂yn ə ghɨə pomə ə Fezhə̀ kɛ ə Va vəyn tè kwu kûmə̀ ghənə se nə̀yn nə ghənə ə nyi ə̀ ghɨə vəynghe.


Mə tə tsàyn tom Zɛ sê ghənə, ghɨ ə mbighe e sè panə̀ ghənə kûmə̀ nə ghənə va kə ghɨ mbiə, kèpî eghɨ kə M va kə wùə mbi.


Mə fe èkwutwəynve mə ə chwìe, mə fe àkenyàm efɨfəkè fumə ə mì əshi. Ə tè tɔŋtə wùə vɛ ə è tè nyɨŋə etûə ə̀təyn nə, Fɨ̂aʼ e təmghe əkɨ̂m, è nə Pì səmɔʼ. È tè nyi chichi endom vɛ ə è saʼa ghɨghe ətəyn, è kɨsè endom vɛ ə è tè no ghɔŋze ətəyn.


zhəmə sènjàŋ sə Mosîsè, ə wùə èfɨaʼa ə̀ Fèzhə̀, è njàŋ sə Vâ Ndzèsè piə nə: “Pɛ̂pɛ Zhə̀fè, Pɛ̀ etwɔʼ ekɨ̂m. Ò nə̀ əghɛ ə ghaʼâ ə kayntəghe! Ò nyi fɔ̀yn se mbi èkɨ̂m. Ndom tɛte nyi chichi fɨyn nyi səmɔʼ!


Ghənə ə pɨa nâʼà è kyə̀ ètɛ nə, “Pɛ̂pɛ, Pɛ̀ Àtyaʼ Akɨ̂m, ò nyi èŋwaʼve, wâmnə̀ səmɔʼ! Ò nə̀ tsɨsə tânə̀ zàyn tsɔ̀fə kə ò saʼ ghɨ ghɨ̀nə̀ ə chi se fo etsôs sê ghənə kə ghənə tè zhwite ghàs ə?”


“Nyàʼ ŋwàʼlè sê tsì ə̀ ndɛ ə̀ Fèzhə̀ ə Làndisyà nə: ‘Ə̀ zɨ̀nə nyi tom mə è ndò sê vɛ ə tɔŋtə nə, Àmə̀yn. È fɨ̀aʼà è təm ə vəynghe əkɨ̂m, fɨnə pìə səmɔʼ kûmə̀ Fèzhə̀. Zhə̀fè tè fɛte nâʼàpî ghè ə mbi tɔynə̂ ə vəyn.


Ghâsènì ə fe, tsâ ndûə se ghɨə mɔ̀ʼɔ nə Pɨ̀a ə tə tom Va vəyn nə è və nyi sɔ̀zà ə̀ mbi.


M mə nyi fɨake amɔ̀ʼ ghasè Vəyn. Ə̀ vachi se chùmtè alâŋ ə ze nə̂yn mi nə mə nyi chichi ə Zhə̀fè əshi, pîza m nyi chichi ə Zhə̀fè əshi kûmə̀ nə mə pomə̂ Klâys, mə ə̀ nəyn Fezhə̀ nə mə nyi chichi kûmə̀ nə mə pomə̂ Klâys.


Zhə̀ fɛ ə Fe tè pi nə, “Payn tə panə əfètə̂ àlɨm.” Ə̀ nyì kepî Fezhə̀ Fə təynfe ə Fe nə̂ nə payn ə Vəynze ə panə ə ghâsènì ətəm, kə ze pəyn ghâsènì è tɔf ə epomsê ə Fezhə̀zè mə ze panə ə Klâys ekyàʼ.


Ghàyn e nyi ke sê Mi, kə mə pɔŋ nyi ke sê ghàyn. Twɔmve vayn tsɨ̀ynə muə ngɔyn ə fèkàʼ sə vəyn və ngɨŋ, ve kaʼa ve nəyn ke zɨnə mə ezhoghɛ ve faŋ ə fekàʼ. Ngɔnə̀ fèkàʼ vayn mu etwɔm sə zə̂ynzè ə ngɨŋ ə̀ tsɛ̂ kə va mə è zə zùŋ ə nyìə fèkàʼ. E nyi kepî èghɨ nə ghàyn vayn mu etwɔm ə̀ tsɛ̂ kə va mə ghàyn zùŋ ə mì ewìyn.


Njisə̀s ə pə̀ynsə̀ sê vəyn nə, “Ghɨ ghɛ ə kɔ̂ŋɔ̀ Mi nə̀ ndə̂mə̀ tè zaʼlê tɨmte. Pɨ̀a vɨm tə kɔ̂ŋɔ̀ ghənə, ə Pɨ̀a vɨm è Mi tə pəyn se ghənə ə ndam ghasè ghənə.


Shìŋə̀ kɛ ə tuʼfə təynfe tə pə̂, ə ghàyn ke nə M nyi ə Pɨ̀a vɨ̂mvè ewìyn, è kɨsè nə ghàyn nyi ə Mì ewìyn kè eghɨ kə M nyi ə ghàyn ewìyn.


Njisə̀s ə pìə sê vəyn nə, “Ə̀ nyi mi ndom vɛ ə ve ndûə sê Pɨ̀a vɨ̂m, səmɔʼ ndô pə̂ sê Mi, ə̀ nyi Mi vɛ M fo ndame. Wùə vayn kàʼa è ndu sê Pɨ̀a vɨ̂m, ə va nə è tɔyne ə mi.


Wùə pâʼà tyəm fe Zhə̀fè. Ə̀ nyì ke Vayn emɔ̀ʼ vɛ ə è tè nyi kepî kə Fezhə̀, mə È nyi ə Pɨ̀a etipì. Ə̀ nyì ke Vəyn vɛ ə è nyi mə è və fe Zhə̀fè. È və nə̀yn nə ə ke Fèzhə̀.


kûmə̀ nə nâʼà mi tə fo ewâmnè è tɔf eghaʼâzè sê ghàyn, ə wùə tàʼa kyàyn se kɔ̀psè əghɛ nə ghɛ ə ghàyn piə.


Njisə̀s ə pìə sê ghənə nə, “Zhə̀fè fo ghàyn ètyaʼa nə ghànə ke ə̀ghɛ e ndətə efɔ̀yn ekwùtwəynə, pîza ə tàʼa fo atyaʼ nə kɨ̂yn se ghɨ mɔ̀ʼɔ.


Ghàyn kyi se faŋə kə ezaʼlê zɛ ə tè zaʼle ghàyn ətəyn ə zhə̀te. Ə ghàyn nə̀yn nyiəmə, ə ghàyn faŋ sə afɨa àmɔ̀ʼ ghâyn ghə̀ Vayn, è Pɨ̀a.


kə ghàyn ə tsɨ̂yntə̀ tɔfə kwəynə̂ ghâynghə̀ ghɨə Fezhə̀ mɔ̀ʼɔ sə̂ ke nə kɔ̂ŋ ə Klâys zə zhamə kə luʼte kɨ̂m.


Ə wùə nyi yî Klâys, è ve nyi wùə e fe, mə ndamə vəyn ze mɨ zə tsɛ̀, ze fe ze ze pə̂yn.


Pîza ə̀ nəyn Fezhə̀ nə ghàyn ə nyi sə eghɛ èmɔ̀ʼ ghâyn ghə̀ Klâys Njisə̀s, ə nə̀ nə è və nyi ètɔf eghaʼâ ə ghasènìze, ə nə̀ nə ghâsènì ə tyəm chichi ə Zhə̀fè əshi tɔynə̂ ə Klâys, ə fɨnə tɔynə̂ kəpi ə Klâys ə nə̀ nə ghâsènì ə nyi è ŋwâʼzè, ə zhɔnə àtu ə ghasènìke.


Pɨ̀a Vɨ̂m ve èchùŋ vɛ ə ò nyi chichi! Mbi ke va Gho, pîza M ke Ghò, ghənə è ke nə ə̀ tom Ghô Mi.


Njisə̀s ə pìə sê ghənə nə, “Ə Zhə̀fè tè lote nyi Pɨ̀a vâyn, mə ghàyn kɔ̂ŋɔ̀ ndò Mi kûmə̀ nə M ndo pə̂yn se Zhə̀fè nyi zôyn fàyn. M tè paʼà pə̀yn chi sə Mì ə ngɨŋ pîza È tè tom ndô Mi.


Ə̂ kwiynse pîndè Vayn, ə nyi mə è və kwiynsê kepî Pɨ̀a. Pîza ə̂ pomə pîndè Vayn, ə nyi mə è və pomə kepî Pɨ̀a.


Ə̀ nyiə kàʼa ə̀ tɨm zhi ndè mbi ə? Ə̀ nyì ke vɛ ə è pomə nə Njisə̀s nyi Va Fèzhə̀.


Kə ghâsènì se ke nə è zɨə ndò ghâsènì, nâʼàpî èghɛ èkè zɛ ə pfɨf, ə ke kepî nə è nə̀ fo ndò sê ghâsènì.


Ghâsènì ke ndô nə ghɔ Fezhə̀ vayn kàʼa ə nə̂ ndùə kə pi, kûmə̀ nə Va Fèzhə̀ tɔ̀ʼnə̀ ndò è ghənə, mə wùə èpi vayn kàʼa è nəyn ghɛ epi zhîze sê ghənə.


Swiv nou:

Piblisite


Piblisite